Tag: رینجرز

کراچی: شہرقائد کےعلاقے اولڈ سٹی ایریا میں رینجرز نے کارروائی کرتے ہوئے تاجروں سے بھتہ وصول کرنے والے 2 ملزمان کو گرفتار کرلیا۔

تفصیلات کے مطابق کراچی کے علاقے اولڈ سٹی ایریا میں رینجرز نے تاجروں سے بھتہ وصول کرنے والے دو ملزمان کو گرفتار کرلیا۔

ترجمان رینجرزکےمطابق گرفتار افراد میں محمد اسلم اور ریاض حسین شامل ہیں جنہیں پولیس کے حوالے کردیا گیا ہے۔

رینجرزحکام کے مطابق دسمبر2017 کے دوران بھتے کے 4 کیسز رپورٹ ہوئے، بھتے کے3 کیسز میں ملوث ملزمان گرفتار کیا گیا۔

ترجمان رینجرز کے مطابق اولڈسٹی ایریا کے فیصل چٹھانی کوگزشتہ سال 5 اکتوبرکوبھتہ وصولی کا میسج ملا، فیصل چٹھانی کوملنے والے بھتہ وصولی کے میسج کی رپورٹ نہیں کی گئی۔

سندھ رینجرز کے ترجمان کےمطابق بھتہ وصولی میں اولڈ سٹی ایریا مارکیٹ ایسوسی ایشن کے عہدیداران بھی ملوث ہیں اور ایسوسی ایشن کے حصے کے نام پر ایک لاکھ 80 ہزار تک بھتہ وصول کیا جاتا تھا۔

ترجمان رینجرز کا کہنا ہے کہ بھتہ وصولی میں گینگ وار کا ایاز زہری اور وصی اللہ لاکھو گروپ ملوث ہے جو کراچی آپریشن کے بعد بیرون ملک فرار ہیں۔

ملزمان بیرون ملک سے بھتہ وصولی کے لیے ٹیلیفون کرتے ہیں، ملزمان دبئی، افغانستان، ایران کے نمبروں سے کال کر کے بھتہ مانگتے ہیں۔

کراچی میں رینجرز، سی ٹی ڈی کی کارروائیاں‘ 16 دہشت گرد گرفتار

یاد رہے کہ گزشتہ روز کراچی کے مختلف علاقوں میں رینجرز اور سی ٹی ڈی نے کارروائیوں کے دوران 16 دہشت گردوں کو گرفتار کرکے اسلحہ برآمد کرلیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

کراچی: شہرقائد میں رینجرزاورپولیس کی کارروائیوں کے دوران 2 ڈاکو ہلاک جبکہ ایک مشتبہ شخص کو حراست میں لے لیا گیا۔

تفصیلات کے مطابق کراچی کے علاقے لسبیلہ اورپٹیل پاڑہ کے اطراف میں رینجرز نے سرچ آپریشن کے دوران ایک مشتبہ شخص کوحراست میں لے کر نا معلوم مقام پر منتقل کر دیا۔

رینجرز حکام کے مطابق سرچ آپریشن میں رینجرز کی بھاری نفری نے حصہ لیا اورگھر گھر تلاشی لی گئی۔

دوسری جانب کراچی میں عوامی کالونی میں پولیس نے شہریوں سے لوٹ مار کرنے والے دو ڈاکوؤں کو مقابلے میں ہلاک کر دیا، ملزمان کے قبضے سے اسلحہ، موٹرسائیکل اور نقدی برآمد ہوئی۔

ادھر کراچی کے علاقے کورنگی سے پانچ روز قبل اغوا کیا گیا بچہ بازیاب کرا لیا گیا، بچے کو اس کے پڑوسیوں نے اغوا کیا تھا اوراس سے مشقت کراتے تھے۔

کراچی : ڈکیتی کی وارداتوں میں ملوث ملزمہ گرفتار، ساتھی فرار

یاد رہے کہ دو روز قبل شہر قائد کی سڑکوں پر ساتھیوں کے ساتھ لوگوں سے لوٹ مار کرنے والی لڑکی کو پولیس نے گرفتار کرلیا تھا، ملزمہ کے ساتھی اپنے شکار کوبندوق دکھاتے اور یہ خاتون ان کی جیبیں خالی کردیتی تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

کراچی: شہرقائد کے مختلف علاقوں میں رینجرز اور پولیس نے کارروائیوں کے دوران 14 ملزمان کو گرفتار کرکے ان کے قبضے سے اسلحہ برآمد کرلیا۔

تفصیلات کے مطابق کراچی کے علاقے اورنگی ٹاؤن میں پولیس نے کارروائی کرتے ہوئے 4 ملزمان کو گرفتار کے ان کے قبضے اسے اسلحہ، نقدی اور زیورات برآمد کرلیے۔

پولیس حکام کے مطابق گرفتار ملزمان جرائم کی مختلف وارداتوں میں ملوث تھے۔

دوسری جانب ڈاکس پولیس نے کارروائی کرتے ہوئے 2 ملزمان عبدالسلام اور مشتاق صادق سے اسلحہ برآمد کیا ہے جبکہ ملیر میں پولیس نے کارروائی کرتے ہوئے 2 ملزمان کو گرفتار کرکے اسلحہ اور منشیات برآمد کرلی۔

سرگودھا: پولیس کا مبینہ تشدد، نوجوان جاں بحق، خود کشی قرار دے دیا

بریگیڈ پولیس نے کراچی کے علاقے لائنز ایریا میں کارروائی کرتے ہوئے 4 اسٹریٹ کرمنل گرفتارکرلیے، ملزمان میں اصغرعلی ،اسلم ،سہیل ،انوارحسین شامل ہیں۔

پولیس کے مطابق ملزمان کےقبضےسے 4 پستول،گولیاں،2موٹرسائیکلیں برآمد ہوئی ہیں جبکہ گرفتارملزمان پہلے بھی جیل جا چکےہیں۔

ادھر کراچی کےعلاقے ماڈل کالونی میں رینجرز نے کارروائی کرتے ہوئے 2 ملزمان کو گرفتار کرلیا، ملزمان میں شیخ جاوید اورعثمان احمد شامل ہیں۔

ترجمان رینجرز کے مطابق ملزمان ڈکیت گروپوں کو اسلحے کی غیر قانونی ترسیل بھی کرتےتھے، ملزمان منشیات فروشی ، ڈکیتی اوردیگر وارداتوں میں بھی ملوث ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیسبک وال پر شیئر کریں۔