کراچی :شہرقائد میں رینجرز نے کارروائی کےدوران سات دہشت گرد ہلاک جبکہ بڑی مقداد میں اسلحہ اور دھماکہ خیز مواد برآمدکرلیا۔

تفصیلات کےمطابق کراچی کے علاقےشاہ لطیف ٹاؤن میں دہشت گردوں کی اطلا ع پررینجرزنےچھاپہ مارا توملزمان نےرینجرز کودیکھتے ہی فائرنگ شروع کر د ی ،فائرنگ کےتبادلے میں سات مبینہ دہشت گردموقع پر ہلاک اورایک اہلکار زخمی ہوگیا۔

ترجمان سندھ رینجرز کا کہنا ہے کہ ہلاک ملزمان کا تعلق کالعدم گروپ سے تھا۔ان کے قبضے سےجدید خودکار اسلحہ اور بڑی مقدارمیں گولیوں سمیت دھماکہ خیز مواد بھی برآمد ہوا ہے۔

ترجمان رینجرز کا مزید کہنا تھا کہ دہشت گرد کراچی میں بڑے پیمانے پر دہشت گردی کی منصوبہ بندی کررہے تھے۔

مزید پڑھیں:منگھوپیرمقابلہ ہلاک 11 دشت گردوں‌ میں سے 8 کی شناخت ہوگئی‘رینجرز

یاد رہے کہ دوروز قبل منگھوپیر میں رینجرز سے مقابلے کےدوران 11دہشت گرد ہلاک ہوگئے تھے،جن میں 8 افراد کی شناخت ہوگئی تھی، دہشت گردوں کا تعلق کالعدم تنظیموں سے تھا۔

مزید پڑھیں:سپرہائی وے: رینجرزقافلےپرحملہ‘جوابی کارروائی میں7دہشتگرد ہلاک

واضح رہےکہ تین روز قبل سپرہائی وے کاٹھور پررینجرز کےقافلے پردہشت گردوں نےحملہ کیاتھا،رینجرز کی جوابی کارروائی میں سات دہشت گرد مارے گئے،جبکہ ایک اہلکار زخمی ہوگیاتھا۔

کراچی : سپرہائی وے کاٹھور پررینجرز کےقافلے پردہشت گردوں نےحملہ کیا،رینجرز کی جوابی کارروائی میں سات دہشت گرد مارے گئے،جبکہ ایک اہلکار زخمی ہوگیا۔

تفصیلات کےمطابق گزشتہ شب رینجرزسیہون سےریسکیوکرکےواپس آرہی تھی کہ دہشت گردوں نےسپرہائی وےکاٹھورپرحملہ کردیا،جس کےبعدرینجرزکی بھاری نفری کوطلب کیاگیا۔

ترجمان رینجرز کےمطابق رینجرزاوردہشت گردوں کےدرمیان فائرنگ کاتبادلہ ہوا جس کے نتیجے میں7دہشت گردہلاک جبکہ 1اہلکار زخمی ہوا۔

سندھ رینجرز کےترجمان کاکہناہےکہ سپرہائی وےکاٹھورپرہلاک ہونے والے دہشت گردوں سےجدیداسلحہ اورگولیاں برآمد ہوئی ہیں۔

مزید پڑھیں:خیبرایجنسی میں پاکستانی بارڈرپوسٹ پردہشتگردوں کاحملہ‘2اہلکار زخمی

خیال رہےکہ آج صبح پاکستان کےقبائلی علاقےخیبر ایجنسی میں پاکستانی بارڈرپوسٹ پردہشت گردوں کےحملےمیں دو اہلکارزخمی جبکہ فورسز کی جوابی کارروائی میں متعدد دہشت گرد ہلاک ہوئے ہیں۔

مزید پڑھیں: درگاہ لعل شہباز قلندر پر حملہ، 75 افراد شہید، 150 زخمی

واضح رہےکہ گزشتہ شب درگاہ حضرت لعل شہباز قلندرؒ میں دھمال کے دوران خودکش حملے کے باعث 75 افراد شہید اور 150 کے قریب زخمی ہوگئےتھے،جاں بحق افراد میں 20 بچے،9خواتین،45 مرد اورایک پولیس اہلکار شامل ہیں۔