Tag: رینجرز

کراچی: شہر قائد کے مخلتف علاقوں میں پولیس اور رینجرز کی جانب سے کی گئی کارروائیوں میں گینگ وار کے دو ملزمان ہلاک جبکہ 6ملزمان کو گرفتار کرلیاگیا۔

تفصیلات کےمطابق کراچی کےعلاقے لیاری افشانی گلی میں پولیس اوررینجرزکےمشترکہ آپریشن میں گینگ وار کا کارندہ ہلاک جبکہ دو ساتھی فرارہوگئے۔

ادھر رانگی واڑہ میں پولیس اور رینجرزکی مشترکہ کارروائی میں گینگ وار عزیربلوچ گروپ کاکارندہ ماراگیا،جبکہ ساتھی فرارہوگیا۔ملزم کے قبضے سے اسلحہ اوردستی بم برآمد کرلیاگیا۔

بغداد ی میں پولیس نے مقابلے کے بعد گینگ وار بابالاڈلاگروپ کے کارندے کوپکڑ کراسلحہ اوردستی بم برآمد کرلیا۔

دوسری جانب فیروزآبادپولیس نے چار اسٹریٹ کرمنلزکوپکڑ کردو ٹی ٹی پستول اورچھینی گئی موٹر سائیکل برآمد کرلی۔پولیس کےمطابق ملزمان متعدد وارداتوں میں مطلوب تھے۔

یاد رہے کہ 1998میں ڈی ایس پی شمیم کےقتل میں ملوث ٹارگٹ کلرکوشارع فیصل سےگرفتارکرلیاگیا۔ملزم کےقبضےسےمسروقہ موٹرسائیکل بھی برآمد ہوئی۔

مزیدپڑھیں:کراچی میں رینجرز کی کارروائی‘3دہشتگرد ہلاک

واضح رہے کہ گزشتہ روزشہر قائد کے علاقے بلدیہ یوسف گوٹھ میں رینجرز کی کارروائی میں 3دہشت گرد ہلاک جبکہ 2اہلکار زخمی ہوگئےتھے۔

کراچی: شہر قائد میں پولیس اور رینجرز نے کراچی کے مختلف علاقوں میں کاررووائیوں کے دوران چار ملزمان کو گرفتار کرکے ان کےقبضے سے اسلحہ برآمد کرلیا ہے۔

تفصیلات کےمطابق کراچی کے علاقےلسبیلہ چوک کے نزدیک شہریوں نے ڈکیتی کی کوشش ناکام بناکر ایک ڈاکو کوپکڑلیاجبکہ ڈاکو کا ایک ساتھی فائرنگ کرتا ہوا فرار ہونے میں کامیاب ہوگیا۔

مشتعل شہریوں نے ڈاکو کو تشدد کا نشانہ بنانے کے بعد سولجر بازار پولیس کے حوالے کردیاجبکہ ملزم کے قبضے سے برآمد شدہ اسلحہ پولیس نے تحویل میں لے کر مقدمہ درج کرلیا۔

مزید پڑھیں:کراچی: اسٹریٹ کرائم میں کالعدم تنظیم کے کارندے ملوث

دوسری جانب کراچی کے علاقے صدربوہری بازار کے علاقے میں رینجرز نے مخصوص مقامات پر ٹارگٹڈ کارروائی کے دوران دو مشتبہ افراد کو حراست میں لے کر تفتیش کےلیے نامعلوم مقام پر منقتل کردیا ہے۔

ادھرشہرقائدکےعلاقے پاک کالونی میں پولیس نے بھی اسنیپ چیکنگ کے دوران اسلم خان نامی ڈکیت کو گرفتار کرکے ملزم کےقبضے سے اسلحہ برآمد کرلیا ہے۔

کراچی: رینجرز نے کراچی کے علاقے گڈاپ میں کارروائی کرکے اسلحے کا بڑا ذخیرہ برآمد لیا۔اسلحہ دہشت گردوں کی جانب سے تخریب کاری میں استعمال کیا جاناتھا۔

تفصیلات کےمطابق رینجرز نے کراچی کے علاقے گڈاپ میں خفیہ اطلاع پر کارروائی کرکے سرگرم عسکری ونگ کے زیر استعمال اسلحے کا بڑا ذخیرہ برآمد کرلیا۔

ترجمان رینجرز کے مطابق ذخیرہ مکان کے خفیہ خانوں میں چھپایا گیا تھا۔اسلحے میں ایک ایل ایم جی،ایک سیون ایم ایم،ایس ایم جیز ،نائن ایم ایم ،تیس بور کی تین بے بی ایس جیز،تین بارہ بور ریپیٹر،تین ٹی ٹی پسٹل اور ایک بتیس بورکاریوالور اور ہزاروں گولیاں شامل ہیں۔

خیال رہے کہ پریڈی تھانے سےگرفتار کالعدم القاعدہ برصغیر کے تین ملزمان نے تفتیش میں انکشاف کیاتھاکہ وہ مستقبل میں مختلف تھانوں پر حملے کرنا چاہتے تھے۔

دوسری جانب حیدری پولیس نے کارروائی کرکے مفرور ملزم اشرف عرف ٹوپا کوگرفتار کرلیا۔ملزم پولیس مقابلوں اقدام قتل سمیت دیگر مقدمات میں مطلوب تھا۔

مزید پڑھیں:کراچی میں کالعدم تنظیم کے سہولت کاروں سمیت 10 دہشت گرد گرفتار

واضح رہے کہ گزشتہ روز قانون نافذ کرنے والے اداروں نے کراچی کے مختلف علاقوں سے3مبینہ دہشت گردوں سمیت 10 ملزمان گرفتار کیے تھے۔گرفتار ملزمان میں کالعدم تنظیم کے سہولت کار بھی شامل تھے۔

کراچی : شہرقائد کےعلاقے ماڑی پور میں مبینہ پولیس مقابلےمیں لیاری گینگ وار سے تعلق رکھنے والا ملزم ہلاک جبکہ مختلف علاقوں میں آپریشن کے دوران درجنوں افراد کو گرفتار کرلیاگیا۔

تفصیلات کےمطابق کراچی کے علاقے ماڑی پور روڈ پر مبینہ پولیس مقابلے میں لیاری گینگ وار کاملزم مارا گیا۔پولیس حکام کے مطابق ہلاک ملزم سے اسلحہ اور دستی بم برآمد ہوا۔

پولیس حکام کا کہناہے کہ پولیس مقابلے میں مارے جانے والے ملزم اصغر کا تعلق منشیات فروش اشوک گروپ سے ہے۔

دوسری جانب کراچی کے علاقے خیرآباد میں پولیس نے کومبنگ آپریشن کے دوران علاقےکےداخلی اورخارجی راستےسیل کر کے گھرگھر تلاشی لی۔اس دوران پولیس نے 12سے زائد مشتبہ افراد کو گرفتار کرلیا۔

ادھرحسن اسکوائر کے قریب ایک اپارٹمنٹ میں رینجرز نے مشتبہ افراد کی موجودگی پر سرچ آپریشن کے دوران رہائشی عمارت سے 7افراد کو حراست میں لےلیا۔

واضح رہے کہ شاہ فیصل کالونی میں رینجرز نے دو مقامات پر ٹارگٹڈ کارروائیاں کیں اورسیاسی جماعت سے تعلق رکھنے والے دو افراد کو حراست میں لے لیا۔

کراچی: شہر قائد میں سندھ رینجزر کی کارروائی کے دوران لیاری گینگ وار کے دوکارندے ہلاک جبکہ دو اہلکاربھی زخمی ہوئے۔

تفصیلات کےمطابق کراچی میں امن وامان قائم کرنے کےلیے گزشتہ شب مشرف کالونی میں سندھ رینجرز نےکارروائی کی جس میں لیاری گینگ وار کے دو کارندے مارے گئے۔

ترجمان سندھ رینجرز کے مطابق فائرنگ کے تبادلے میں رینجرز کے دواہلکار بھی زخمی ہوئے اور ہلاک دونوں دہشت گردوں کے قبضے سے اسلحہ اور دستی بم برآمد کرلیے۔

دوسری جانب کراچی کے علاقے نارتھ ناظم آباد میں بھی مبینہ پولیس مقابلے میں دوملزمان سمیت تین افراد کو گرفتار کر کے اسلحہ برآمد کیا گیا۔پولیس حکام کے مطابق گرفتارتینوں ملزمان اسٹریٹ کرائم کی وارداتوں میں ملوث ہیں۔

ادھر سپر مارکیٹ پولیس نے کارروائی کے دوران مطلوب ملزم ندیم عرف چٹاکو گرفتار کرلیا۔ملزم دہشت گردی سمیت جرائم کی سنگین وارداتوں میں مطلوب تھا۔

پولیس حکام کے مطابق ملزم سے دو آوان بم، پستول،ایک خودکارمشین گن اور گولیوں کےمیگزین برآمد ہوئےہیں۔

واضح رہے کہ کراچی کے علاقے کلفٹن بلاک آٹھ میں مبینہ پولیس مقابلے میں ملزم زخمی حالت میں گرفتار کر کے اسلحہ برآمد کرلیا گیا۔

کراچی : شہرقائد کے علاقے منگھو پیر میں رینجرز سے فائرنگ کے تبادلے میں تین دہشت گرد ہلاک ہوگئے۔

تفصیلات کےمطابق سندھ رینجرز کے ترجمان کا کہناہے کہ رینجرز نے خفیہ اطلاع پر کراچی کے مضافاتی علاقے منگھوپیر میں دہشت گردوں کے ٹھکانے پر ٹارگٹڈ آپریشن کیا۔

ترجمان رینجرزکا کہنا تھا کہ فورسز کو علاقے میں داخل ہوتا دیکھ کر دہشت گردوں نے ان پر فائرنگ کردی،رینجرز کی جوابی کارروائی میں 3 دہشت گردمارے گئے جبکہ فائرنگ کے تبادلے میں ایک رینجرز اہلکار زخمی بھی ہوا۔

سندھ رینجرز کے ترجمان کےمطابق ہلاک ہونے والے دہشت گردوں کے قبضے سے بڑی مقدار میں اسلحہ اور گولہ بارود برآمد ہوا۔

رینجرز کی جانب سے ٹارگٹد کارروائی کے بعد پولیس کی بھاری نفری کو علاقے میں طلب کرکے لاشیں اور اسلحہ کو ان کی تحویل میں دے دیا گیا۔پولیس نے لاشوں کواسپتال منتقل کرکے تفتیش کا آغاز کردیا۔

مزید پڑھیں:آرمی چیف کراچی پہنچ گئے،فوجی مشقوں کا معائنہ

یاد رہے کہ گزشتہ روزکراچی میں امن و امان کی بہتر صورت حال کےلیے سیکیورٹی اداروں اور انٹیلی جنس ایجنسیز کے کردار کو سرہاتے ہوئے آرمی چیف جنرل راحیل نے ہدایات دیں تھی کہ کراچی کے عام شہریوں کےلیے امن کی بحالی کے آپریشنز پر توجہ مرکوز رکھی جائے۔

آرمی چیف جنرل راحیل شریف نے زور دیا تھا کہ اس حوالے سے صوبائی حکومت اور دیگر قانون نافذ کرنے والے اداروں کے ساتھ مل کر کام کیا جائے۔

واضح رہے کہ 21 نومبر 2015 کو نادرن بائی پاس خیر آباد کے علاقے میں رینجرز نے کارروائی کرتے ہوئے 4’دہشت گردوں‘ کو ہلاک کردیا تھا۔