کراچی :‌ رینجرز نے کراچی کے مختلف علاقوں میں ٹارگٹڈ کاروائیاں کرتے ہوئے کالعدم تنظیم کےسات کارندوں سمیت آٹھ ملزمان گرفتارکرکے بھاری مقدار میں اسلحہ برآمد کر لیا ہے،ملزمان سے تفتیش کا عمل جاری ہے۔

ترجمان رینجرز کے مطابق چھاپہ مار کارروائیاں گڈاپ،ناظم آباد،اتحاد ٹاون اور لیاقت آبادکے علاقوں میں کی گئی جس کے دوران سات کارندوں سمیت آٹھ ملزمان کو گرفتار کر لیا گیا ہے۔

ترجمان کا کہنا ہے کہ گرفتار ملزمان کے قبضے سے ایک سیون ایم ایم رائفل،دو ایٹ ایم ایم، ایک نائن ایم ایم پستول ، ایک بارہ بور رائفل اور ایک جی تھری رائفل بھی برآمد ہوئی ہے اس کے علاوہ ملزمان کے قبضے سے آٹھ عدد دستی بم بھی برآمد کیے گئے ہیں۔

قبل ازیں رینجرز نے کیماڑی کے علاقے میں اسنیپ چیکنگ کے دوران تین مشتبہ افراد کو گرفتار کرکے اسلحہ برآمد کرلیا۔

ذرائع کے مطابق گرفتار ملزمان کو نامعلوم مقام پر منتقل کردیا گیا ہے جہاں اُن سے مختلف مقدمات اور اسلحہ کے بارے میں تحقیقات جاری ہیں،تفیش کی روشنی میں مزید گرفتاریوں کا امکان ظاہر کیا جارہا ہے۔

اسی سے متعلق : ناظم آباد میں مجلس پر فائرنگ، 5 افراد جاں بحق متعدد زخمی

واضح رہے چند روز قبل کراچی میں کالعدم جماعت اہل سنت و الجماعت کی جانب سے ایک ریلی نکالی گئی تھی جس میں نفرت آمیز تقاریر کی گئیں تھیں جس کے اگلے روز ہی ناظم آباد کے ایک گھر میں ہونے والی مجلس میں مسلح افراد کی فائرنگ سے 5 افراد جاں بحق ہو گئے تھے۔

کراچی : رینجرز نے ’’اے آر وائی‘‘ کے  پروگرام ’’ذمہ دار کون‘‘ کی ٹیم کے ہمراہ پاک کالونی میں منشیات فروشوں کے خلاف کامیاب آپریشن میں بھری تعداد میں منشیات،اسلحہ اور گولیاں برآمد کرلی ہیں۔

تفصیلات کے مطابق رینجرز کے کمانڈوزکی بھاری نفری نے آپریشن میں حصہ لیا اور پاک کالونی کے علاقے میں لیاری ندی کے اطراف کئی سالوں سے منشیات کے بڑے اڈوں کے خلاف 5 گھنٹوں تک کامیاب آپریشن کیا۔

آپریشن کے دوران پاک کالونی میں قائم منشیات کی فیکٹریوں سے بھاری مقدار میں منشیات، گولیاں اور اسلحہ برآمد کرلیا،آپریشن کی زد میں آنے والے گھر اورمنشیات کی فیکٹریاں خالی تھیں جس کے باعث کسی قسم کی گرفتاری عمل میں نہیں آئی۔

واضح رہے رینجرزنے یہ کارروائی ’’اے آر وائی‘‘ کے پروگرام ’’ذمہ دارکون‘‘ کی ٹیم کی اطلاع پر کیا گیا اور آپریشن کے دوران ’’ذمہ دار کون‘‘ کی ٹیم بھی موجود تھی۔

یاد رہے پاک کالونی کے علاقے میں لیاری ندی کے ساتھ آباد قائم کچی آبادی منشیات اورغیراخلاقی کاموں کی آماجگاہ بن گئی تھی،علاقہ مکینوں کی شکایتوں کا کوئی ازالہ نہیں ہوسکا تھا لیکن ’’اے آر وائی‘‘ کے پروگرام ’’ذمہ دارکون‘‘ کی جانب سے معاملہ اُٹھانے پر رینجرز کی کارروائی پر عوام نے سُکھ کا سانس لیا ہے۔

کراچی : حکومت سندھ کی درخواست پر وفاقی  وزارت داخلہ نے رینجرز کے اختیارات میں نوے دن کی مزید توسیع کردی ہے۔

وفاقی وزارت داخلہ کی جانب سے جاری کیے گئے اعلامیہ کے مطابق رینجرز کے خصوصی اختیارات میں 90 دن کی توسیع کردی گئی ہے،اختیارات میں توسیع انسداد سہشت گردی ایکٹ کے تحت کی گئی ہے جو 18 اکتوبرسے نافذ العمل ہو گی۔

وزارت داخلہ کے ترجمان کا کہنا تھا کہ سندھ حکومت کے ساتھ رینجرز اختیارات میں توسیع کے معاملات خوش اسلوبی سے طے پا گئے ہیں جس کے بعد رینجرز کے خصوصی اختیارات میں توسیع کر دی گئی ہے۔

واضح رہے کہ رینجرز وفاقی ادارہ ہے جسے صوبائی حکومت امن و امان کی بحالی کے لیے رینجرز کی خدمات حاصل کر سکتی ہیں جس کے وفاق کی جانب سے خصوصی اختیارات تفویض کیے جاتے ہیں کچھ عرصے قبل صوبائی حکومت اور وفاقی حکومت کے درمیان اختیارات کی توسیع میں اختلافات طول پکڑ گئے تھے۔

تا ہم صوبہ سندھ میں انتظامی تبدیلیوں کے بعد سے رینجرز کے اختیارات کی توسیع کے معاملے افہام و تفہیم کے ساتھ طے کر لیا گیا ہے جو کہ سیاسی کشیدگی میں کمی کا باعث بنے گا۔

کراچی : کورنگی میں پولیس اہلکاروں پرفائرنگ کرکے فرار ہونےوالے دو ملزموں سے ایک ملزم کو گرفتار کرلیا گیا ہے۔

ترجمان رینجرز کےمطابق مفرورملزم عبدالمالک کوکورنگی کےعلاقےسے گرفتارکیاگیا ہے ملزم کے دوسرے ساتھیوں کی گرفتاری کےلئے چھاپے مارے جا رہے ہیں۔

اسی سے متعلق : ملزمان کا پولیس پر حملہ، گرفتار ساتھی کو چھڑا لیا، ایک اہلکار جاں بحق

ذرائع کے مطابق گرفتار ملزم کو نامعلوم مقام پر منتقل کردیا گیا ہے،گرفتار ملزم سے تحقیقات کا عمل جا ری ہے جس کی روشنی میں مزید گرفتاریوں کی توقع کی جا رہی ہے۔

واضح رہے جمہ کے روزپولیس اہلکارکےقتل میں ملوث دو ملزمان کواُن کے ساتھی پولیس پارٹی پردھاوا بول کرچھڑاکرلے گئے تھے اس واقعے میں ایک پولیس اہلکارشہید ہوا تھا۔

واقعہ کا نوٹس لیتے ہوئے وزیر اعلیٰ سندھ نے آئی جی سندھ کو واقعہ کی تحقیقات کا حکم دیا تھا اور ملزمان کی جلد از جلد گرفتاری کا حکم دیا تھا۔

کراچی : رینجرزنےلاکھوں روپےڈکیتی کی کوشش ناکام بنا تے ہوئے دو ملزمان کوگرفتارکرکے رقم برآمد کر لی۔

تفصیلات کے مطابق آج صبح چارڈاکو کراچی کے علاقے نمائش چورنگی پر واقع فلاحی ادارے میں داخل ہوئے اور ادارے کی تجوری اور23 لاکھ روپے نکال کرفرارہورہے تھے کہ رینجرز جائے وقوعہ پر پہنچ گئی،رینجرز کی گاڑی دیکھتے ہی ملزمان تجوری روڈ پرپھینک کر فرارہونے لگے۔

تا ہم رینجرز نے ملزمان کا تعاقب کرتے ہوئے چار میں سے دو ملزمان کو رنگے ہاتھوں پکڑ لیا جب کہ دو ملزمان فرار ہونے میں کامیاب ہو گئے،رینجرز نے گرفتارملزمان سے لوٹی گئی رقم بھی برآمد کرلی۔

گرفتارملزمان کو تفتیش کے لیے نامعلوم مقام پر منتقل کردیا گیا ہے جہاں اُن سے مفرور ملزمان سے متعلق معلومات حاصل کی جا رہی ہیں جس کی روشنی میں مزید گرفتاریوں کا امکان ہے۔

فلاحی ادارے کی انتظامیہ کا کہنا تھا کہ چارملزمان کی ڈکیتی کی کوشش کوناکام بنانے پر رینجرز حکام کا تہہ دل سے شکرگذارہیں اس قدم سے ہمارے حوصلے بلند ہوئے ہیں،لوگوں کی رقوم ہامرے پاس مستحقین کی امانت ہوتی ہے اللہ کا شکر ہے کہ اُس نے امانت میں خیانت سے محفوظ رکھا۔