Tag: رینجرز

ڈی جی رینجرز سندھ میجرجنرل بلال اکبر کا این اے 246 کا دورہ

کراچی : ڈی جی رینجرز سندھ میجر جنرل بلال اکبر نے این اے دو سو چھیالیس کے مختلف علاقوں کا دورہ کیا۔

تفصیلات کے مطابق این اے 246 کے ضمنی الیکشن میں سیکیورٹی فول پروف بنانے کےاقدامات کئے جارہے ہیں ۔ ڈی جی رینجرز سندھ میجر جنرل بلال اکبر نےحلقے کے مختلف علاقوں کا دورہ کیا۔

دورے کے دوران ڈی جی رینجرزنےضمنی الیکشن کیلئے کئے گئے حفاظتی انتظامات کاجائزہ لیا۔تاہم اس موقع پر انھوں نے میڈیاسے بات کرنےسے انکار کرتے ہوئے کہا کہ کل الیکشن خیریت سے ہوں گے اس کے بعد میڈٰیا سے بات کروں گا۔

علاوہ ازیں کراچی کےاہم حلقےدوسوچھیالیس میں ضمنی الیکشن کے لئے زبردست انتظامات کئے گئےہیں، ہرپولنگ اسٹیشن کےاندرسی سی ٹی وی کیمرے لگادیئے گئے،شہر میں تین روز کے لئے موٹر سائیکل کی ڈبل سواری پر پابندی لگا دی گئی ہے۔

رینجرز اہلکار پولنگ بوتھ کے اندراور باہر تعینات ہونگے اوران کے پاس مجسٹریٹ کے اختیارات ہونگے۔ ووٹوں کی گنتی بھی رینجرز کی نگرانی میں ہوگی ۔

تمام پولنگ اسٹیشن حساس قرار دے دیئے گئے ہیں۔ ضمنی الیکشن کو صاف و شفاف بنانے کے لئے الیکشن کمیشن سمیت دیگر اداروں نے مکمل تیاری کرلی ۔

کے الیکٹرک نے بھی لوڈشیڈنگ نہ کرنے کی یقین دہانی کرادی۔ تئیس اپریل کو حلقے بھر میں عام تعطل کا بھی اعلان کردیا گیا ہے، موبائل فون پولنگ اسٹیشن میں نہیں جاسکےگا۔ موبائل فون صرف پریزائیڈنگ افسران کے پاس ہوگا۔

اپریل 22, 2015
رینجرز نے آباد کے سابق چیئرمین بابر چغتائی کو رہا کردیا

کراچی : رینجرز نے آباد کے سابق چیئرمین بابر چغتائی کو رہا کردیا، سانحہ بلدیہ کیس کے تین ملزمان کو نوے روز کیلئے جیل بھیج دیا گیا۔

تفصلات کے مطابق زمینوں پر مبینہ قبضے کے الزام میں گرفتار ہونے والے آباد کے سابق چیئرمین بابر چغتائی کو رینجرز نے رہا کردیا۔

۔زمینوں پر مبینہ قبضے کے الزام میں نوے روز کیلئے جیل بھیجا گیا تھا، جس کے بعد رینجرز حکام نے بابر چغتائی کو فورتھ شیڈول کےتحت رہا کردیا۔

علاوہ ازیں انسداد دہشت گردی کی عدالت نے سانحہ بلدیہ میں ملوث تین مبینہ ملزمان کو دہشت گردی ایکٹ کے تحت 90 روز کے لئےجیل بھیج دیا۔

رینجرز نے سخت حفاظتی تحویل میں ملزمان ماجد بیگ ،عبداللہ، اور منصور کو انسداد دہشت گردی کی عدالت میں پیش کیا، ذرائع کے مطابق ملزمان پر سانحہ بلدیہ ٹاؤن میں ملوث ہونے کا الزام ہے۔

رینجرز نے ملزمان کے نوے دن کی نظر بندی کی استدعا کی جسے عدالت نے منظور کرلیا، ملزمان کاتعلق ایم کیو ایم سے ہے جبکہ عدالت نے ٹارگٹ کلرز شکیل الدین اور حاجی یونس کو بھی نوے دن کی نظر بندی پر رینجرز کے حوالے کیا۔

سانحہ بلدیہ میں ملوث ماجداور منصور سمیت تین ملزموں کو رینجرز کے سخت پہرےمیں انسداد دہشت گردی کی عدالت لایا گیا۔ پیشی کے وقت ملزمان کے چہرے کپڑے سے ڈھانپے ہوئے تھے، سانحہ بلدیہ میں دو سو انسٹھ مزدور جھلس کر جاں بحق ہوئے تھے۔

دوسری جانب انسداد دہشت گردی کی عدالت نے اورنگی پائلٹ پراجیکٹ کی ڈائریکٹر پروین رحمان کے قتل میں گرفتار ملزم احمد علی عرف پپو کشمیری کے ریمانڈ میں بھی سات دن کی توسیع کردی۔

اپریل 21, 2015
غیرقانونی اسلحہ دس دن میں جمع کرادیا جائے، رینجرز کی وارننگ

کراچی : رینجرز نے کراچی کے شہریوں کو خبردار کیا ہے کہ دس دن کےاندرغیرقانونی اسلحہ رینجرزکی چوکیوں پرجمع کرادیا جائے،ورنہ کارروائی ہوگی۔

ٹارگٹ کلنگ میں استعمال ہونےوالےہتھیاروں کےلائسنس جعلی نکلے، تیس اپریل تک تمام غیرقانونی اسلحہ،جعلی لائسنس جمع کرایا جائے.

سندھ رینجرزنےاعلان کیا ہے کہ غیر قانونی ہتھیار تیس اپریل تک قریبی رینجرزچوکیوں پر جمع کرادیئے جائیں، تیس اپریل کےبعدجعلی لائسنس اورغیرقانونی اسلحہ رکھنےپرکارروائی ہوگی۔

جعلی اسلحہ لائسنس ثابت ہونے پر چودہ سال تک قید ہوسکتی ہے۔ترجمان رینجرز کی جانب سے جاری پریس ریلیزمیں دعویٰ کیاگیاہے کراچی میں جرائم پیشہ افراداورٹارگٹ کلرز سےبرآمدہونےوالےبیشتر اسلحہ لائنس جعلی ہیں۔

ٹارگٹ کلنگ کیلئےاستعمال اسلحہ کی منتقلی کیلئےجعلی لائسنس بنائےجارہےتھے۔جعلی لائسنس بنانے میں کچھ اسلحہ ڈیلرزملوث ہیں۔

اپریل 21, 2015
نائن زیروسے بر آمد53ہتھیار لائسنس یافتہ نہیں،ترجمان رینجرز

کراچی : ترجمان رینجرز نے کہا ہے کہ ایم کیو ایم کے مرکز نائن زیرو سے ملنے والے ایک سو چوبیس میں سے تریپن ہتھیار بغیرلائسنس کے ہیں۔

رینجرز نے نائن زیرو سے ملنے والے اسلحے اور اسلحہ لائسنسن سے متعلق تفصیلات جاری کردیں، ترجمان رینجرز کے مطابق گیارہ مارچ کو خورشید میموریل ہال میں چھاپے کے دوران ایک سو چوبیس ہتھیار بر آمد ہوئے تھے۔

جن میں ایس ایم جی،ایل ایم جی ،ایم فور،جی تھری،اور دیگ رائفلز شامل ہیں، ترجمان کا کہنا ہے ایک سو سات اسلحہ کے لائنسنز موصول ہوئے تھے جن میں چھتیس لائسنس برآمد ہونے والے ہتھیاروں سے مطابقت نہیں رکھتے۔

ترجمان رینجرز کا کہنا ہے کہ ایک سو چوبیس میں سے ترپن ہتھیا بغیر لائسنس کے ہیں، ان کا کہنا تھا کہمحکمہ داخلہ سے اسلحہ لائسنز کی مزید تصدیق کروائی جارہی ہے۔

اپریل 14, 2015
طاہر پلازہ: چھ افراد کوزندہ جلانے والے تین ملزمان گرفتار

کراچی : رینجرز نے کراچی کے طاہر پلازہ میں وکیل سمیت چھ افراد کوزندہ جلانے کے تین ملزم گرفتار کر لئے۔ ملزمان میں سابق یوسی ناظم بھی شامل ہے۔

تفصیلات کے مطابق طاہر پلازہ میں چھ افراد کو کیمیکل چھڑک کر زندہ جلانے والے تین ملزمان گرفتار کر لئے گئے۔ ترجمان رینجرز کے مطابق شہر کے مختلف علاقوں میں کارروائی کے دوران واردات میں ملوث ملزم ،محمدعلی عرف درندہ،سابق یوسی ناظم لائنز ایریا نعیم اورشمس کو گرفتارکیا گیا.

واضح رہے کہ نو اپریل دو ہزار آٹھ کو سٹی کورٹ کے قریب طاہر پلازہ میں کیمیکل چھڑک کر آگ لگادی گئی تھی۔ جس میں وکیل سمیت چھ افراد جھلس کر جاں بحق ہوئے تھے،.

مذکورہ واقعے میں حملہ آوروں نے سٹی کورٹ کے اطراف کھڑی گاڑیوں کو بھی آگ لگائی اور فائرنگ کی جس سے کئی وکلا زخمی بھی ہوئے تھے۔

اپریل 13, 2015
کراچی پولیس کے افسران کا انڈرورلڈ سےرابطوں کاانکشاف

کراچی: سندھ پولیس کے اہم افسران کے انڈر ورلڈ سے رابطوں کا انکشاف ہوا ہے،پولیس افسران ان مجرموں کے پاس نہ صرف حاضری دیتے تھے بلکہ ان سے پیسے بھی لیتے تھے۔

کراچی پولیس جرائم پیشہ افراد کی سرپرست بن گئی، رینجرز کوملےایسے ثبوت جس نے اہم رازوں سے پردہ اٹھا دیا۔

دو روز پہلے رینجرز سے مقابلے میں مارے جانے اہم انڈر ورلڈ کارندےسلیم ڈالر کے اہم پولیس افسران اور سیکیورٹی اداروں کے ذمہ داران سےرابطوں کا انکشاف ہوا ہے۔

ذرائع کے مطابق پولیس افسران سلیم ڈالر کے پاس باقاعدہ حاضری دینے آتے تھے جنہیں سلیم ڈالر پیسے دیکر خوش رکھتا تھا۔

سلیم ڈالر کی موت کے بعد شہر میں بکیوں کا سیٹ اپ بھی بے نقاب ہوا ہے،رینجرز نے حساس ادارے کی مدد سے انڈر ورلڈ ملزمان سے رابطوں میں رہنےوالےافسران کی فہرست تیار کرلی ہے جن کے خلاف جلدکارروائی متوقع ہے۔

اپریل 8, 2015
پی ٹی آئی نے الیکشن آفس کے اطراف رینجرز تعینات کرنیکی درخواست دیدی

کراچی : تحریک انصاف نے کراچی میں الیکشن آفس کے اطراف رینجرز تعینات کرنے کی درخواست دیدی ہے۔اے آرائی نیوز نے درخواست کی کاپی حاصل کرلی ۔

تفصیلات کے مطابق تحریک انصاف نے حلقہ این اے دوسو چھیالیس کی الیکشن مہم کے دوران کسی بھی ممکنہ تصادم کے پیش نظر الیکشن آفس کے اطراف رینجرز تعینات کرنے کی درخواست دیدی ہے۔

درخواست کی کاپی اے آر وائی نیوز نے حاصل کرلی۔ جس میں پی ٹی آئی نے کہا ہے کہ مخالفین الیکشن کیمپ پر دوبار ہ دھاوا بول سکتے ہیں لہذا انہیں سیکیورٹی فراہم کی جائے۔

درخواست میں الیکش کمیشن سے استدعا کی گئی ہے کہ پولنگ کے دن الیکشن آفس کے اندر اور باہر فوج اور رینجرز کوبھی تعینات کیا جائے۔

ادھر کرایم آباد میں پی ٹی آئی کے الیکشن آفس میں عمران اسماعیل کی آمد سے پہلے بم ڈسپوزل اسکواڈ نے پی ٹی آئی کے کیمپ آفس کی سرچنگ کی۔

اپریل 4, 2015
چار ٹارگٹ کلرز سمیت چھ ملزمان گرفتار، اسلحہ برآمد

کراچی:گینگ وار کے دو کارندے اور چار ٹارگٹ کلر گرفتار،بھاری تعداد میں اسلحہ بر آمد۔

تفصیلات کے مطابق کراچی پولیس نے کارروائی کے دوران چار ٹارگٹ کلرز سمیت چھ ملزمان کو گرفتار کرلیا ہے۔ رینجرز نے ملیر میں کارروائی کے دوران گینگ وار کے دو ملزمان کو گرفتار کر کے اسلحہ برآمد کرلیا۔

اس سلسلے میں ایس ایس پی ایسٹ سیدپیرمحمد شاہ نے پریس کانفرنس کرتےہوئےبتایا کہ ڈسرکٹ ایسٹ سے کارروائی کے دوران سیاسی جماعت سے تعلق رکھنے والے چار ٹارگٹ کلر سمیت چھ ملزمان گرفتارکئے گئے ہیں۔

گرفتارملزمان سےدو کلاشنکوف، ایک رائفل ،پانچ پستول اور سینکڑوں گولیاں برآمد ہوئیں۔ پولیس کےمطابق ملزمان ٹارگٹ کلنگ سمیت دیگرسنگین جرائم میں ملوث تھے۔

ملزمان نےاکتالیس افراد کی ٹارگٹ کلنگ سمیت بھتہ خوری اور دیگر جرائم کئے۔ملزم محمد زرغام دو ہزارچھ میں چوہدری اسلم پرحملے میں بھی ملوث رہا۔گرفتار ٹارگٹ کلر دانش، عمران اورندیم پولیس اہلکاروں کی ٹارگٹ کلنگ میں ملوث ہیں ۔

دوسری جانب رینجرز نےملیر آسو گوٹھ میں کارروائی کے دوران گینگ وار کے دو ملزمان کو گرفتار کرلیا۔ گرفتارملزمان کی نشاندہی پر تین ایس ایم جی، سینکڑوں راؤنڈ دو پستول اوردیگراسلحہ برآمد ہواہے۔

مارچ 31, 2015
غیر قانونی بیریئرز کیخلاف رینجرز کی کارروائیاں جاری

کراچی : سندھ رینجرز کی کراچی میں غیر قانونی رکاوٹوں کیخلاف کارروائی جاری ہے اس سلسلے میں رینجرز نے کارروائی کرکے آئی آئی چندریگر روڈ پر واقع جنگ اور جیو ٹی وی کے باہر لگے غیر قانونی بیرئیرز اور رکاوٹیں ختم کردیں۔

تفصیلات کے مطابق کراچی میں رات گئےرینجرز کی جانب سےغیرقانونی رکاوٹیں اور بیرئیرز ہٹانے کےلئےآئی آئی چندریگر روڈ پرکارروائی کی گئی.

جہاں جنگ اور جیو ٹی وی کے باہر اور اطراف میں لگے غیر قانونی بیرئیرز اور کانکریٹ بلاکس کو ہٹادیا، رینجرز اہلکاروں نے ہیوی مشینری کی مدد سے بیرئیرز کو اکھاڑا گیا۔

جبکہ کانکریٹ بلاکس کی رکاوٹوں کو بھی سڑک سے ہٹا دیا گیا۔آئی آئی چندریگر روڈ پر دیگر مقامات پر بھی غیر قانونی بیرئیرز اور رکاوٹیں ختم کی گئی ہیں۔

مارچ 29, 2015
ایم کیوایم خود سب کا میڈیا ٹرائل کرتی ہے، مبشرلقمان

کراچی: سینئراینکرمبشرلقمان کہتےہیں کھراسچ میں دکھائی گئی نائن زیرو کی ویڈیوکی تردید نہیں کی گئی۔

نائن زیرو پر رینجرز چھاپے کی سی سی ٹی وی فوٹیج دکھانے پر ایم کیو ایم سیخ پاہے،متحدہ قومی مومنٹ کے اراکین سندھ اسمبلی نے اے آر وائی نیوز کیخلاف عدالت جانے کی دھمکی دے دی۔

اے آر وائی نیوز کےسینئر اینکر مبشر لقمان کا کہنا تھا کہ ایم کیو ایم کی جانب سے کھراسچ میں دکھائی گئی نائن زیرو کی فوٹیج کی تردید نہیں کی گئی،ایم کیوایم خود سب کامیڈیا ٹرائل کرتی ہے، ہم نےوہ چیزیں دکھائیں جو سب کےسامنے ہیں۔

مبشر لقمان نے کہا کہ سپریم کورٹ نے کہہ دیاایم کیوایم میں مسلح گروپ موجود ہیں، مبشر لقمان نے سوال اٹھایا کیاقومی اورفوجی اداروں کےخلاف بیان آئین کی خلاف ورزی نہیں ہے ؟ انہوں نے کہا ایم کیوایم عدالت میں آئےہم شواہد کےتحت بات کررہےہیں۔

اس موقع پر اے آر وائی نیوز کے سینئر اینکر کاشف عباسی کا کہنا تھا کہ ایم کیوایم کیخلاف جو ہورہاہےاس پربات کرنا میڈیا ٹرائل نہیں۔

اے آر وائی نیوز کے سینئر اینکر کاشف عباسی نے کہا کہ نائن زیرو پر جو کچھ ہوا وہ میڈیا نے نہیں کرایا، عمیر صدیقی کا بیان میڈیا نے نہیں لیا، صولت مرزا کا بیان میڈیا نے نہیں بنایا، جو آیا اسے پیش کرنا اور اس پر بات کرنا میڈیا ٹرائل نہیں ہوتا۔

مارچ 25, 2015