ARYNews.tv | Urdu – Har Lamha Bakhabar

Tag: رینجرز

  • کراچی : فائرنگ سے پانچ افراد جاں بحق، پانچ ملزمان گرفتار

    کراچی : فائرنگ سے پانچ افراد جاں بحق، پانچ ملزمان گرفتار

    کراچی : شہرکے مختلف علاقوں میں فائرنگ سے دو پولیس اہلکاروں سمیت پانچ افراد جاں بحق، لانڈھی میں رینجرز نے کارروائی کے دوران پانچ افراد کو گرفتار کرلیا۔

    پولیس کے مطابق ناظم آباد نمبر تین کے قریب موٹر سائیکل سوارملزمان نے پولیس اہلکاروں پر فائرنگ کردی جس کے نتیجے میں مسجد کے باہر سیکیورٹی ڈیوٹی دیتے دوپولیس اہلکارجاں بحق ہوگئے ۔

    مقتول پولیس اہلکار ناظم آباد تھانے میں تعینات تھے جن کی شناخت ہیڈ کانسٹبل عبدالغفور اور سپاہی فاروق کے ناموں سے ہوئی ہے ، گلبرگ بلاک بارہ میں کلینک بند کرکے گھر جانے والے ڈاکٹر فاروق احمد شیخ کو نامعلوم موٹر سائیکل سواروں نے فائرنگ کرکے قتل کردی۔

    پولیس کے مطابق مقتول ڈاکٹر فاروق گلبرگ بلاک تیرہ کے رہائشی تھے اور انہیں گھر واپسی پر ٹارگٹ کلنگ کا نشانہ بنایا گیا،پاپوش نگر ریلوے پھاٹک کے قریب نامعلوم افراد نے پینتالیس سالہ ریحان کو فائرنگ کرکے قتل کردیا۔

    گذشتہ روزقائد آباد کے علاقے میں فائرنگ سے زخمی ہونے والے حنیف نے رات گئے زخموں کی تاب نہ لاتے ہوئے دم توڑ دیا، دوسری جانب لانڈھی 89 میں رینجرز نے چھاپہ مار کارروائی کے دوران پانچ افراد کو حراست میں لے لیا۔

    زیر حراست افراد میں سے تین کا تعلق سیاسی جماعت سے ہے، زیر حراست افراد کو تفتیش کے لئے نامعلوم مقام پر منتقل کردیا ہے۔

  • کراچی میں رینجرز کی کارروائی،نوملزمان گرفتار

    کراچی میں رینجرز کی کارروائی،نوملزمان گرفتار

    کراچی: شہر کے مختلف علاقوں میں جرائم پیشہ عناصر کیخلاف قانون نافذ کرنے والے اداروں  نے کاروائیاں تیز کردی ہیں، اس حوالے سے کراچی میں  رینجرز کی ٹارگٹڈ کارروائیوں کے دوران ٹارٖگٹ کلرسمیت نو ملزمان گرفتار کرلئے گئے۔

    تفصیلات کے مطابق ایک طرف شہر قائد میں ٹارگٹ کلنگ کا سلسلہ جاری ہے تو دوسری جانب کراچی کے مختلف علاقوں میں رینجرز کی ٹارگٹڈ کارروائیاں بھی تیزی سے جاری ہیں ۔

    رینجر ترجمان کا کہنا ہے کہ سعیدآباد، فرنٹیئرموڑ ،نارتھ ناظم آباداور گلبرگ میں جھاپے مارے گئے۔ کارروائیوں کے دروان نو ملزمان کو گرفتار کیا گیا ۔

    رینجرز ترجمان کا کہنا ہے کہ گرفتار ملزمان میں ٹارگٹ کلرزبھی شامل ہیں جبکہ ملزمان کے پاس سےایس ایم جیز،آوان بم، جی3 فائفلز، دستی بم اور گولیاں بھی برآمد کی گئی۔گرفتار شدگان کیخلاف مقدمات درج کر کے تفتیش جاری ہے۔

  • غیرقانونی سمزکےحوالے سے رینجرزاقدام کا خیرمقدم کرتے ہیں، افتخار وہرہ

    غیرقانونی سمزکےحوالے سے رینجرزاقدام کا خیرمقدم کرتے ہیں، افتخار وہرہ

    کراچی : کے سی سی آئی  کے صدر افتخار وہرہ نے پاکستان رینجرز سندھ کی جانب سے غیر رجسٹرڈ اور غیر قانونی سموں کی فروخت کے حوالے سے تمام موبائل فون کمپنیوں کو تنبیہ کرنے کا خیرمقدم کیا ہے۔

    کراچی چیمبر آف کامرس کے صدر افتخار وہرہ نے کہا کہ غیرقانونی سمز سے خاتمے کے لئے تمام پری پیڈ سمزکو بند کرنے اور دوبارہ جاری کرتے ہوئے گھروں کے پتے پرارسال کرنے کے احکامات جاری کیے جائیں۔

    انہوں نے پاکستان رینجرز سندھ کی جانب سے موبائل کمپنیوں کو تنبیہ کا حوالہ دیتے ہوئے کہاکہ اگر کوئی غیر قانونی سم دہشت گردی کی کارروائی میں استعمال کی گئی تومتعلقہ موبائل کمپنیوں کے ایگزیکٹیوز کے خلاف قانونی چارہ جوئی کی جائے گی ۔

    انہوں نے کہاکہ موجودہ صورتحال میں موبائل کمپنیوں کو کوئی رعایت نہ دی جائے۔

  • پنجاب رینجرزکا بھارت منہ توڑجواب،5بھارتی فوجی ہلاک

    پنجاب رینجرزکا بھارت منہ توڑجواب،5بھارتی فوجی ہلاک

    شکرگڑھ : ورکنگ باؤنڈری پربھارت کی بلااشتعال فائرنگ پر پنجاب رینجرز کی بھرپور جوابی کارروائی میں بھارتی سیکیورٹی فورسز کے پانچ اہلکار جاں بحق ہوگئے۔

    آئی ایس پی آر کے مطابق چناب رینجرز نے بھارت کی بلااشتعال فائرنگ کا منہ توڑ جواب دیا، پنجاب رینجرز کی بھرپور جوابی کارروائی میں بھارتی سیکیورٹی فورسز کو بھاری نقصان اٹھانا پڑا جس میں بھارتی سیکیورٹی فورسز کے پانچ اہلکار جاں بحق ہوئے۔

    آئی ایس پی آر کے مطابق رواں برس بھارتی فوج نےچھٹی مرتبہ جارحیت کامظاہرہ کیا اور بھاری ہتھیاروں سے سویلین آبادی کونشانہ بنایا، بھارت کی جانب سے ظفروال اور شکرگڑھ کے علاقوں پرمارٹرگولے داغے گئے اور فائرنگ کی گئی۔

    بھارتی فوج نےظفروال سیکٹرمیں شہری آبادی پرگولہ باری کی، بھارتی فائرنگ سے رینجرز کے دو اہلکار زخمی ہوئے، جن کےنام اللہ یاراوراحسان بتائے جاتے ہیں، سکھ مال اور ننگل میں زخمی ہونے والا شخص خورشید احمد اور امجد علی کی بیوی زخموں کی تاب نہ لاتے ہوئے دم توڑ گئے، پاکستانی سیکورٹی فورسز نے بھارتی فائرنگ سے متاثر ہونے والے درجنوں دیہات کو خالی کرالیا گیا۔

  • کراچی ایئرپورٹ پرسخت سیکیورٹی، رینجرز پولیس ہائی الرٹ

    کراچی ایئرپورٹ پرسخت سیکیورٹی، رینجرز پولیس ہائی الرٹ

    کراچی:جناح انٹرنیشنل ایئر پورٹ پر سیکیورٹی ہائی الرٹ، رینجرز اور پولیس تعینات کردی گئی، تفصیلات کے مطابق کراچی میں حساس اداروں کی جانب  سے کی جانے جانے والی پیش گوئی اور دہشت گردی کے خطرات کے پیش نظر کراچی ایئر پورٹ کے ٹرمینل ون پر حفاظتی انتظامات مزید سخت کردیئے گئے ہیں۔

    اے ایس  ایف اہلکاروں کو بھی الررٹ کر دیا گیا ہے،ایئر پورٹ پر آنے والی گاڑیوں کی سخت چیکنگ کی جارہی ہے، پولیس اور رینجرز کے دستے پہلوان گوٹھ سے ایئر پورٹ آنے والے راستے پر گشت کررہے ہیں۔

    جبکہ دوسری جانب سول ایوی ایشن کے ترجمان کے جاری کردہ بیان کے مطابق کسی قسم کی کوئی تھریڈ نہیں ملی ہے اور ڈی جی رینجرز نے سیکورٹی صورتحا ل کے حوالے سے معمول کا دورہ کیا ہے۔

  • بھارتی فائرنگ سے زخمی دو رینجرز اہلکار زخموں کی تاب نہ لاکرشہید

    بھارتی فائرنگ سے زخمی دو رینجرز اہلکار زخموں کی تاب نہ لاکرشہید

    شکر گڑھ : بھارتی فوج کی بلااشتعال فائرنگ سے شکر گڑھ سیکٹر پر شدید زخمی ہونے والے دو رینجرز اہلکار شہید ہوگئے۔

    تفصٓیلات کے مطابق شکر گڑھ ورکنگ باؤنڈری پر بھارتی سکیورٹی فورسز کے سیکٹرکمانڈر کی جانب سے فلیگ میٹنگ کی درخواست کی گئی تھی ۔

    دونوں رینجرز اہلکار لانس نائیک ریاض شاکر اور لانس نائیک محمد صفدر ورکنگ باؤنڈری پر موجود تھے کہ بھارتی سکیورٹی فورسز نے بلااشتعال فائرنگ کا سلسلہ شروع کردیا،جو کئی گھنٹے تک جاری رہا۔

    دونوں زخمی اہلکاروں کو شکر گڑھ سیکٹر سے اٹھانے کی کوشش کی گئی مگر بھارتی فورسز کی جانب سے مسلسل فائرنگ کے باعث دونوں اہلکاروں کو طبی امداد فراہم نہ کی جا سکی  اور زیادہ خون بہہ جانے کی وجہ سے دونوں اہلکار جام شہادت نوش کرگئے۔

  • بھارتی فوج کی ایک بارپھرلائن آف کنٹرول کی خلاف ورزی

    بھارتی فوج کی ایک بارپھرلائن آف کنٹرول کی خلاف ورزی

    شکرگڑھ: بھارتی فوج کی جانب سے ایک بارپھرلائن آف کنٹرول کی خلاف ورزی کی گئی ہے۔

    بھارت کی جانب سے ایک مرتبہ پھر لائن آف کنٹرول کی خلاف ورزی کا واقعہ سامنے آ گیا۔تفصیلات کے مطابق سیالکوٹ کے قریب شکر گڑھ سیکٹر پر بھارت کی جانب سے لائن آف کنٹرول کی خلاف ورزی کرتے ہوئے شدید فائرنگ اور گولہ باری کی ہے۔اس خلاف ورزی کے جواب میں پاکستان کی جانب سے پاک فوج نے بھرپور جوابی کاروائی کی ہے جس کے بعد بھارتی توپیں خاموش ہو گئیں ہیں۔

  • کراچی: سی آئی ڈی اور رینجرز کی کاروائیوں، کالعدم تنظیم کے کارکنوں سمیت سات ہلاک

    کراچی: سی آئی ڈی اور رینجرز کی کاروائیوں، کالعدم تنظیم کے کارکنوں سمیت سات ہلاک

    کراچی: کراچی میں سی آئی ڈی پولیس اور رینجرز کی مختلف کارروائیوں میں کالعدم تحریک طالبان کے پانچ دہشت گردوں سمیت سات ملزمان مارے گئے ہیں۔

    کراچی کے علاقے ماڑی پور میں سی آئی ڈی پولیس نے دہشت گردوں کی اطلاع پرکارروائی کی۔ جس میں دو دہشتگرد مارے گئے۔ پولیس کے مطابق ہلاک دہشت گردوں کا تعلق کالعدم تحریک طالبان کےخان زمان گروپ سےتھا، ملزمان کے قبضے سے اسلحہ اور دیگر سامان برآمد کرلیا گیا ہے، جبکہ ان کے دیگر ساتھی فرار ہونے میں کامیاب ہوگئے۔

    دوسری جانب گھگر پھاٹک کے قریب رینجرز سے مقابلے میں تین ملزمان ہلاک ہوگئے۔ رینجرز ترجمان کےمطابق ملزمان کا تعلق کالعدم تحریک طالبان پاکستان سے تھا ملزمان کے قبضے سے اسلحہ بھی برآمد ہوا۔

    لیاری میں نیازی چوک کے قریب پولیس اور رینجرز کی مشترکہ کارروائی میں گینگ وار کے دو کارندے مارے گئے۔ ملزمان قتل اور بھتہ خوری کی متعدد وارداتوں ملوث تھے۔

  • کراچی: فائرنگ کے واقعات، پولیس اہلکار سمیت 3افراد جاں بحق

    کراچی: فائرنگ کے واقعات، پولیس اہلکار سمیت 3افراد جاں بحق

    کراچی: فائرنگ کے مختلف واقعات میں پولیس اہلکار سمیت تین افراد جاں بحق اور آٹھ افراد زخمی ہوگئے، رینجرز سے بھی شہر کے مختلف علاقوں میں کارروائیوں کے دوران بائیس ملزمان کو گرفتار کرلیا ہے۔

    کراچی میں فائرنگ اور پرتشدد واقعات کا سلسلہ تھم نہ سکا، پولیس حکام کے مطابق اورنگی ٹاون کے علاقے فرید کالونی میں نامعلوم افراد نے فائرنگ کرکے پولیس اہلکار راشد اقبال کو قتل کردیا، مقتول اہلکار شعبہ انویسٹگیشن میں کام کررہا تھا، نیوکراچی پانچ نمبر میں بھی فائرنگ سے شہزاد نامی شخص جان سے گیا۔

    فرنٹئیر کالونی میں رینجرز نے کالعدم تنظیم کے نو ملزمان کو گرفتار کرلیا ہے، ملزمان ٹارگٹ کلنگ اور کریکر حملوں سمیت دیگر سنگین وارداتوں میں ملوث ہیں، چنیسر گوٹھ میں رینجرز سے کارروائی کے دوران پانچ ملزمان کو گرفتار کرلیا، ملزمان کو تعلق منیشات فروش اشوک گروہ سے ہے۔

    رنچھوڑ لائن اور سرجانی میں رینجرز نے کارروائی کے دوران پانچ ملزمان کو گرفتار کرلیا، گرفتار ملزمان میں سیاسی جماعت سے تعلق رکھنے والا ٹارگٹ کلر بھی شامل ہے، ملزمان کے قبضے سے اسلحہ بھی برآمد کیا گیا ہے۔

    خواجہ اجمیر نگری پولیس نے کارروائی کے دوران دو ٹارگٹ کلرز کو گرفتار کرلیا ہے، رینجرز نے بھی لیاقت آباد میں کارروائی کے دوران ٹارگٹ کلر سمیت تین ملزمان کو گرفتار کرلیا ہے۔

  • فائرنگ سے تین افراد جاں بحق،چھاپوں میں 12 سے زائد ملزمان گرفتار

    فائرنگ سے تین افراد جاں بحق،چھاپوں میں 12 سے زائد ملزمان گرفتار

    کراچی : شہرکے مختلف علاقوں میں فائرنگ سے 3افراد جاں بحق اور خاتون سمیت 2افراد زخمی ہوگئے۔رینجرز اور پولیس نے مختلف کارروائیوں میں کالعدم تنظیم کے دہشت گردوں سمیت ایک درجن سے زائد ملزمان کو گرفتار کرکے اسلحہ برآمد کرلیا۔پولیس کے مطابق سخی حسن کے قریب نامعلوم افراد کی فائرنگ سے اہلسنت و الجماعت کا کارکن محمد سعیدجاں بحق اور ایک کارکنان بھی زخمی ہوا۔

    ترجمان اہلسنت و الجماعت کے مطابق جاں بحق ہونے والے سعید ان کے مقامی رہنما تھے فائرنگ سے زخمی ہونے والے ساجد کا تعلق بھی اہلسنت و الجماعت سے تھا، ملیر میمن گوٹھ میں نامعلوم افراد نے فائرنگ کرکے عمیر داد نامی شخص کو قتل کردیا۔شاہ فیصل کے علاقے عظیم پورہ میں بھی مسلح ڈاکووں نے ڈکیتی مذاحمت پر فائرنگ کرکے منیر خان نامی شخص کو شدید زخمی کردیا جس نے زخموں کی تاب نہ لاتے ہوئے دم توڑدیا۔

    ملیر بن قاسم موڑ پر ڈکیتی مزاحمت پر فائرنگ سے خاتون سمیت 2افراد زخمی ہوگئے۔اورنگی ٹاون میں بھتہ نہ دینے پر نامعلوم ملزمان کپڑے کے تاجر کے گھر پر دستی بم سے حملہ کرکے فرار ہوگئے تاہم خوش قسمتی سے واقعے میں کوئی جانی نقصان نہیں ہوا۔اورنگی کی کنواری کالونی میں رینجرز نے چھاپہ مار کر 3دہشت گردوں کر گرفتار کرلیا ۔

    ترجمان رینجرز کے مطابق گرفتار دہشت گردوں کا تعلق کالعدم تنظیم سے ہے ملزمان کے قبضے سے اسلحہ بھی برآمد ہوا ہے۔لانڈھی کے مختلف علاقوں میں پولیس نے سرچ آپریشن کرکے متعدد افراد کو گرفتار کرلیا،پولیس کے مطابق زیرحراست افراد مختلف نوعیت کے جرائم میں ملوث ہیں جن سے پوچھ گچھ جاری ہے۔

    نارتھ ناظم آباد اور حسین آباد میں رینجرز کی ٹارگٹڈ کارروائی،تین ملزمان کوگرفتارکرلیا،ترجمان رینجرزکے مطابق گرفتار ملزمان ٹارگٹ کلنگ اور دیگرسنگین جرائم کی وارداتوں میں ملوث ہیں،ملزمان سے اسلحہ بھی برآمد ہوا ہے۔