Tag: رینجرز

کراچی سے دہشت گردوں کے خاتمے میں بھی رینجرز نے کردار ادا کیا، گورنر سندھ

لاہور: گورنر سندھ عمران اسماعیل نے کہا کہ کراچی سے دہشت گردوں کے خاتمے میں بھی رینجرز نے کردار ادا کیا، رینجرز کی کاوشیں صوبے بھرمیں بحالی امن کی صورت نظرآتی ہیں۔

تفصیلات کے مطابق کراچی میں رینجرز کی پاسنگ آؤٹ پریڈ کی تقریب سے خطاب کرتے ہوئے گورنر سندھ عمران اسماعیل نے کہا کہ پاس آؤٹ ہونے والے جوانوں کو مبارکباد پیش کرتا ہوں، جوان یاد رکھیں ایک قابل فخرادارے کا حصہ بن رہے ہیں۔

گورنر سندھ نے کہا کہ کراچی سے دہشت گردوں کے خاتمے میں بھی رینجرز نے کردار ادا کیا، رینجرز کی کاوشیں صوبے بھرمیں بحالی امن کی صورت نظرآتی ہیں۔

عمران اسماعیل نے کہا کہ ففتھ جنریشن وار کا سہارا لینے والوں کا بھی رینجرز نے ڈٹ کر مقابلہ کیا، شہرمیں امن کی بحالی کے 6 برس میں رینجرز نے اہم کامیابیاں حاصل کیں۔

انہوں نے کہا کہ 19000سے زائد آپریشن کر کے 14 ہزارسے زائد گینگسٹرکو رینجرز نے پکڑا، رینجرز نے ہی کراچی کو معاشی و تجارتی استحکام بخشنے میں کردار ادا کیا۔

گورنر سندھ عمران اسماعیل نے کہا کہ رینجرزکے شہدا کی قربانیوں کو ہمیشہ یاد رکھا جائے گا اور جن عناصرکی وجہ سے امن تباہ ہوا امید ہے انہیں پنپنے کا موقع نہیں ملے گا۔

نومبر 2, 2019
کراچی : رینجرز کے مختلف مقامات پر چھاپے: 19 ملزمان گرفتار، اسلحہ برآمد

کراچی : رینجرز اہلکاروں نے جرائم پیشہ افراد کی گرفتاری کیلئے کراچی کے مختلف علاقوں میں چھاپے مار کر 19افراد کو گرفتار کرلیا جبکہ مشکوک افراد اور گھروں کی تلاشی کا عمل بھی جاری ہے، صدر موبائل مارکیٹ میں چور لاکھوں روپے مالیت کا سامان لے کر فرار ہوگئے۔

تفصیلات کے مطابق قانون نافذ کرنے والے ادارے نے شہر قائد کے مختلف علاقوں میں کارروائیاں کرتے ہوئے جرائم میں ملوث 19 ملزمان کو گرفتار کرلیا۔

ملزمان کے قبضے سے اسلحہ اور مسروقہ سامان برآمد کرلیا گیا، سندھ رینجرز کے ترجمان کی جانب سے جاری ہونے والے اعلامیے کے مطابق حالیہ کارروائیاں میمن گوٹھ، گلستان جوہر، کورنگی انڈسٹریل ایریا، عوامی کالونی، اتحادٹاؤن، بلدیہ اور سعیدآباد کے مختلف علاقوں میں کی گئیں۔

گرفتار ملزمان منشیات فروشی، ڈکیتی اوراسٹریٹ کرائم کی درجنوں وارداتوں میں ملوث ہیں، اس کے علاوہ رینجرز اہلکاروں نے شہر کے مختلف علاقوں میں سرچ آپریشن کیا۔

اس حوالے سے ذرائع کا کہنا ہے کہ مشکوک افراد اور گھروں کی تلاشی کا عمل جاری ہے، آپریشن کے دوران بائیو میٹرک مشین کے ذریعے مشکوک افراد کو چیک کیا جارہا ہے۔

ذرائع کے مطابق یہ آپریشن چہلم امام حسین اور امن وامان کے حوالے سے کیا جارہا ہے، سرچ آپریشن لائنزایریا، اےبی سینالائن، شارع فیصل کےاطراف جاری ہے، جس میں بارہ سے زائد گاڑیاں، موٹرسائیکلیں، النسافورس کی اہلکار بھی شامل ہیں۔

دوسری جانب صدر موبائل مارکیٹ میں چوری کی واردات ہوئی ہے، واردات کی سی سی ٹی وی فوٹیج اے آر وائی نیوز کو حاصل ہوگئی۔ فوٹیج میں پانچ ملزمان کو واردات کرتے دیکھا جاسکتا ہے، ملزمان دکان سے سات لاکھ روپے مالیت کا سامان لوٹ کر فرار ہونے میں کامیاب ہوگئے۔

اکتوبر 17, 2019
کراچی میں رینجرز ان ایکشن، 22 ملزمان گرفتار

کراچی: قانون نافذ کرنے والے ادارے نے شہر قائد کے مختلف علاقوں میں کارروائیاں کرتے ہوئے جرائم میں ملوث 22 ملزمان کو گرفتار کرلیا۔

سندھ رینجرز کے ترجمان کی جانب سے جاری ہونے والے اعلامیے کے مطابق حالیہ کارروائیاں ماڈل کالونی، کورنگی، گلشنِ معمار، بریگیڈ اور پی آئی بی کالونی میں کی گئیں۔

رینجرز کے ہاتھوں گرفتار ہونے والے ملزمان کی شناخت محمد فاروق، راشد عرف موٹا، عرفان عرف چِٹّا، محمد کاشف عرف انّا، بسم اللہ عرف وقار، رمیز، محمد عمار، مجیب الرحمان، مبشر احمد، اکمل، محمد نبی، بابر عرف بھورا، عرفان عرف کوئی، مححمد اکرم عرف خارشی اور بلال کے ناموں سے ہوئی۔

اعلامیے کے مطابق گرفتار ملزمان لوٹ مار، ڈکیتی اوراسٹریٹ کرائم کی متعدد وارداتوں میں ملوث ہیں۔ اسی طرح رینجرز نے ماڈل کالونی، پاپوش نگر،گلشنِ معمار,گارڈن اور بریگیڈ کے علاقوں سے 7 منشیات فروشوں کو گرفتار کیا جن کی شناخت میر عبدالحئی عرف لطیف،زبیر مصطفٰی،ثنااللہ عرف سانو، جمیل خان عرف باندی، کامران عرف کامو، زیت اللہ خان اور نوروز کے ناموں سے ہوئی۔

مزید پڑھیں: گٹکا اور مین پوری کھانے والوں کے خلاف رینجرز کارروائی کرے، سندھ ہائی کورٹ

رینجرز کے مطابق گرفتار ملزمان کے قبضے سے اسلحہ،مسروقہ سامان اور منشیات بھی بر آمد ہوئی۔ تمام افراد کو مزید قانونی چارہ جوئی کے لیے پولیس کے حوالے کردیا گیا۔

قبل ازیں سندھ ہائی کورٹ نے کراچی میں گٹکے، ماوے اور مین پوری کی خریدوفروخت کے حوالے سے رینجرز کو کریک ڈاؤن کرنے کی ہدایت کی ۔عدالت نے ریمارکس میں کہا کہ پولیس اور اسمبلی میں بیٹھے لوگوں کے ملوث ہوئے بغیر کراچی میں گٹکا فروخت نہیں ہوسکتا۔

سندھ ہائی کورٹ کے جج جسٹس صلاح الدین نے ریمارکس دیئے کہ پولیس کو معلوم ہوتا ہے کہ گٹکا کون اور کہاں بنارہا ہے، آئی جی کو حصہ نہیں ملتا تو کارروائی کیوں نہیں کرتے؟ عدالت کو بتایا گیا کہ جناح اسپتال میں منہ کے کینسر میں مبتلا ایک ہزار سے زیادہ مریض لآئے گئے۔

اکتوبر 10, 2019
کراچی میں رینجرزکی مختلف علاقوں میں کارروائی،7ملزمان گرفتار، اسلحہ اور منشیات برآمد

کراچی : رینجرز نے مختلف علاقوں میں کارروائی کرکے07ملزمان کو گرفتار کرلیا، ملزمان سے اسلحہ اور منشیات برآمد کرکے پولیس کے حوالے کردیا گیا۔

تفصیلات کے مطابق رینجرز کی ٹیم نے کراچی کے مختلف علاقوں میں کارروائی کرکے07ملزمان کو گرفتار کیا۔

اس حوالے سے ترجمان رینجرز کا کہنا ہے کہ مذکورہ کارروائی گلستان جوہر،مبینہ ٹاؤن،کورنگی،لیاری میں کی گئی، گرفتار ملزمان بھتہ خوری، ڈکیتی، اسٹریٹ کرائم اور منشیات فروشی میں ملوث ہیں،

ترجمان نے مزید بتایا کہ ملزمان سے اسلحہ،ایمونیشن، مسروقہ سامان اور منشیات بھی برآمد ہوئی ہے، ملزمان کو قانونی کارروائی کیلئے متعلقہ تھانے کی پولیس کے حوالے کردیا گیا ہے۔

ستمبر 20, 2019
محرم الحرام : رینجرز کی جانب سے عوام کے تحفظ کیلئے سیکیورٹی کے سخت انتظامات

کراچی : قانون نافذ کرنے والے اداروں کی جانب سے محرم الحرام کے موقع پر صوبے بھر میں سیکورٹی کے سخت انتظامات کئے گئے ہیں، رینجرز حکام نے جلوسوں کے تحفظ کیلئے اقدامات کرلیے۔

تفصیلات کے مطابق رینجرز نے سندھ بھر میں محرم الحرام کی مجالس اور جلوسوں میں کسی بھی دہشت گردی کے خطرے سے نمٹنے کے لئے فول پروف اقدامات کئے ہیں۔

اس حوالے سے ترجمان رینجرز کا کہنا ہے کہ رینجرز کی جانب سے کراچی میں عوام کے تحفظ کو یقینی بنانے کیلئے انتظامات کیے گئے ہیں، شہر بھر کی مساجد،امام بارگاہوں اور دیگر عبادت گاہوں کے اطراف چیکنگ اور گشت میں اضافہ کردیا گیا ہے۔

ترجمان کے مطابق رینجرز کی بھاری نفری کراچی اوراندرون سندھ مرکزی جلوسوں کی نگرانی کرے گی، کراچی میں جلوس کی سیکیورٹی پر رینجرز کے ساڑھے5 ہزار اہلکار تعینات ہوں گے جبکہ اندرون سندھ 5 ہزار رینجرز اہلکار سیکیورٹی کے فرائض سر انجام دیں گے۔

علاوہ ازیں کراچی میں نو اور دس محرم کے جلوسوں کی نگرانی سی سی ٹی وی کیمروں کی مدد سے کی جائے گی۔ شہر قائد میں ڈبل سواری پر پابندی ہے اور کچھ حساس مقامات پر موبائل فون جیمرز بھی لگائے جائیں گے۔

اس کے علاوہ ایم اے جناح روڈ اور صدر میں محرم الحرام کے جلوس کی گزرگاہوں سے ملحقہ سڑکوں کو کنٹینر لگا کر بند کرگیا ہے۔

ستمبر 9, 2019
کراچی، رینجرز کی مختلف علاقوں میں کارروائی، 19 ملزمان گرفتار

کراچی: شہر قائد کے مختلف علاقوں میں رینجرز نے کارروائی کرتے ہوئے 19 ملزمان کو گرفتار کرلیا۔

تفصیلات کے مطابق کراچی کے مختلف علاقوں میں رینجرز نے کامیاب کارروائی کے بعد 19 ملزمان کو گرفتار کرلیا، کارروائیاں ماڈل کالونی، گذری اور شارع فیصل، موچکو، محمودآباد، ماڑی پور کے علاقوں میں کی گئیں۔

ترجمان رینجرز کے مطابق ماڈل کالونی، گذری اور شارع فیصل سے 4 ملزمان کو گرفتار کیا گیا، ملزمان ڈکیتی اور اسٹریٹ کرائمز میں ملوث ہیں۔

ادھر زمان ٹاؤن، لانڈھی اور کورنگی کے علاقوں میں پولیس کے ساتھ کارروائی میں 4 ملزمان کو گرفتار کرلیا گیا۔

ترجمان رینجرز کے مطابق شارع فیصل، موچکو، محمود آباد اور ماڑی پور سے 11 منشیات فروشوں کو گرفتار کرلیا گیا، ملزمان سے اسلحہ، گولیاں، مسروقہ سامان اور منشیات برآمد کرلی گئی۔

رینجرز کا کہنا ہے کہ تمام ملزمان کو قانونی کارروائی کے لیے پولیس کے حوالے کردیا گیا ہے۔

یاد رہے کہ شہر میں‌ امن و امان برقرار رکھنے کے لیے رینجرز کی کارروائیاں‌ جاری ہیں‌، چند روز قبل بھی رینجرز نے کارروائی کرتے ہوئے ایم کیو ایم لندن کے تین ٹارگٹ کلرز کو گرفتار کیا تھا.

ستمبر 1, 2019
رینجرز نے قتل کے ملزم کو گرفتار کرلیا، ناظم آباد میں چوروں نے17 دکانیں لوٹ لیں

کراچی : رینجرز نے کورنگی میں کامیاب کارروائی کرکے قتل کی واردات میں ملوث ملزم کو گرفتار کرلیا، ناظم آباد اردو بازار میں نامعلوم افراد17سے زائد دکانوں کے تالے کاٹ کر صفایا کرگئے۔

تفصیلات کے مطابق کورنگی اللہ والا ٹاؤن میں رینجرز نے کارروائی کرکے ملزم کو گرفتار کرکے اسلحہ برآمد کرلیا، ملزم لینڈ مافیا کے سرغنہ غلام شبیر عرف ابرہیم کالا کے قتل میں ملوث ہے۔

ترجمان رینجرز کا کہنا ہے کہ گرفتار ملزم طارق عزیز کا لینڈ مافیا سرغنہ سے زمین کا تنازعہ تھا، ملزم کو قانونی کارروائی کیلئے پولیس کے حوالے کر دیا گیا۔

ترجمان رینجرز نے اپنے اعلامیہ میں کہا ہے کہ عوام ایسےعناصرکی اطلاع قریبی چیک پوسٹ یا 1101 پردیں، علاوہ ازیں رینجرز مددگار کے نئے واٹس ایپ نمبر کا اجراء کردیا گیا ہے۔

ترجمان کے مطابق آج رات 12بجے کے بعد رینجرز مددگار کے نئے واٹس ایپ نمبر کا اجراء کیا جارہا ہے، عوام رابطے کیلئے واٹس ایپ نمبر 03479001111 کااستعمال کریں۔

شہری کسی بھی جرم، واردات یا مشکوک سرگرمیوں کی اطلاع اس نمبر پر دیں اور اس قسم کی اطلاعات بذریعہ تصویر، ویڈیو اور دستاویزات واٹس ایپ نمبر پر شیئرکریں۔

دوسری جانب ناظم آباد اردو بازار میں نقب زنی کی واردات ہوئی ہے، نامعلوم افراد17سے زائد دکانوں کے تالے کاٹ کر صفایا کرگئے۔

دکانداروں کا کہنا ہے کہ ملزمان نے واردات کے دوران کچھ دکانوں میں لگے سی سی ٹی وی کیمروں کی تاریں بھی کاٹیں۔ علاقہ پولیس کے مطابق ملزمان دکان کے لاکرسے2 لاکھ روپے لوٹ کر فرار ہوئے۔

پولیس کو شبہ ہے کہ ممکنہ طور پر کوئی ملازم یا قریبی شخص چوری کی واردات میں ملوث ہوسکتا ہے۔

ستمبر 1, 2019
کراچی: رینجرز کی کورنگی میں کارروائی، 2 ملزمان گرفتار

کراچی: شہر قائد کے علاقے کورنگی میں رینجرز نے کارروائی کرتے ہوئے 2 ملزمان کو گرفتار کرلیا۔ ملزمان نے زعیم نامی شخص کو گھر بلا کر قتل کیا تھا۔

تفصیلات کے مطابق کراچی کے علاقے کورنگی میں رینجرز نے کارروائی کرتے ہوئے قتل زعیم نامی شخص کے قتل میں ملوث 2 ملزمان کو گرفتار کرلیا۔

ترجمان رینجرز نے بتایا کہ کارروائی لاپتہ زعیم کے سراغ کے لیے تیکنیکی مانیٹرنگ اور شواہد پرکی گئی، گرفتار ملزمان میں شاہد اور زاہد شامل ہیں۔

ترجمان کے مطابق دونوں ملزمان بھائی ہیں اور انہوں نے زعیم سے کاروباری شراکت داری کا اعتراف بھی کرلیا۔

سندھ رینجرز کے ترجمان کا کہنا ہے کہ زعیم نے کاروبار کے لیے دونوں کو 36 لاکھ روپے دیے تھے، معاہدے کے تحت منافع زعیم کو نہیں دے رہے تھے۔

ترجمان کا کہنا ہے کہ زعیم کے بار بارمطالبے پر ملزمان نے اسے گھر بلایا اور قتل کر دیا، ملزمان کی نشاندہی پرلاش کے ٹکڑے برآمد کر لیے گئے۔

ترجمان رینجرز کے مطابق دونوں ملزمان کو قانونی کارروائی کے لیے پولیس کے حوالے کر دیا گیا۔

کراچی، رینجرز کی کارروائیاں، 9 ملزمان گرفتار

یاد رہے کہ رواں ماہ 10 اگست کو شہر قائد میں رینجرز نے کارروائیاں کرتے ہوئے 9 ملزمان کو گرفتار کیا جو اسٹریٹ کرائمز اور ڈکیتی سمیت دیگر جرائم میں ملوث تھے۔

اگست 31, 2019
کراچی : رینجرز کی کارروائی، گینگ وار کے ٹارگٹ کلر سمیت سات ملزمان گرفتار، اسلحہ برآمد

کراچی / حیدرآباد : رینجرز نے کراچی میں چھاپہ مار کر ٹارگٹ کلر سمیت سات ملزمان کو گرفتار کیا جبکہ اےاین ایف نے حیدرآباد کے فتح چوک سے دو ملزمان کو حراست میں لے لیا۔

تفصیلات کے مطابق کراچی میں رینجرز نے کارروائیاں کرتے ہوئے سات ملزمان کو گرفتار کیا جو سنگین جرائم میں ملوث ہیں۔

اس حوالے سے رینجرز ترجمان نے حالیہ کارروائیوں سے متعلق اعلامیہ جاری کیا ہے جس میں بتایا گیا ہے کہ حراست میں لیے گئے ملزمان اسٹریٹ کرائم اور ڈکیتیوں سمیت دیگر جرائم میں ملوث تھے۔

رینجرز ترجمان کے مطابق ملزمان کے قبضے سے اسلحہ، ایمونیشن اور چھینا ہوا مسروقہ سامان بھی برآمد کیا گیا ہے۔ اعلامیہ کے مطابق کلاکوٹ سے لیاری گینگ وار کے ملزم نوشاد عرف نانو گرفتار کیا ہے۔

مذکورہ ملزم ٹارگٹ کلنگ کی متعدد وارداتوں میں ملوث ہے جبکہ گلشن اقبال سے چار ملزمان گرفتار کیے گئے جو لوٹ مار، ڈکیتی اوربھتہ خوری میں ملوث ہیں۔

ترجمان رینجرز کا مزید کہنا ہے کہ میمن گوٹھ سے دو ملزمان کو گرفتار کیا،یہ ملزمان شہر میں ڈکیتی اور اسٹریٹ کرائم کی متعدد وارداتوں میں ملوث ہیں، ملزمان کے قبضے سے غیرقانونی اسلحہ اورمسروقہ سامان برآمد ہوا ہے۔

علاوہ ازیں اینٹی نارکوٹکس فورس (اے این ایف ) نے حیدرآباد کے فتح چوک میں کامیاب کارروائی کرکے، دو ملزمان کو گرفتار کیا۔

اےاین ایف حکام کے مطابق ملزمان کے قبضےسے دو کلو حشیش اورڈیڑھ کلو سے زائد افیون برآمد ہوئی، اس کے علاوہ ملزمان سے موٹرسائیکل اور رکشہ بھی برآمد ہوا ہے۔

اگست 23, 2019
کراچی: کورنگی نمبر 6 میں رینجرز کی کارروائی، 2 ملزمان گرفتار

کراچی: شہر قائد کے علاقے کورنگی نمبر 6 میں رینجرز نے کارروائی کرتے ہوئے 2 ملزمان کو گرفتار کرکے اسلحہ برآمد کرلیا۔

تفصیلات کے مطابق کراچی کے علاقے کورنگی نمبر 6 میں رینجرز نے کارروائی کرتے ہوئے 2 ملزمان کو گرفتار کرلیا۔ ملزمان ڈکیتی کی 400 سے زائد وارداتوں میں ملوث ہیں۔

ترجمان رینجرز کے مطابق عبدالستار اور سلطان کوسی سی ٹی وی فوٹیج کی مدد سے گرفتار کیا گیا، ملزمان گلیوں اورسڑکوں پرلوٹ مار اورسنگین جرائم میں ملوث ہیں۔

ترجمان نے مزید کہا کہ ملزمان بینک سے نقدی نکلوانے والوں کو لوٹا کرتے تھے۔ ملزمان سے اسلحہ، چھینی گئی موٹرسائیکل اور مسروقہ سامان برآمد کیا گیا ہے۔

رینجرز کی کراچی کے مختلف علاقوں میں کارروائیاں، 6 ملزمان گرفتار، اسلحہ برآمد

یاد رہے کہ 2 اگست کو رینجرز نے انٹیلی جنس معلومات کی بنیاد پر ملیر سٹی اورشارع فیصل کے علاقوں میں کارروائیاں کرتے ہوئے 6 ملزمان کو گرفتار کرکے اسلحہ برآمد کیا تھا۔

ترجمان سندھ رینجرز کا کہنا تھا کہ محمد عظیم، سید توقیر عباس حسین عرف دانیال،احمد حسین عرف کالا، فیضان بشیر، ذیشان عرف بونا اور محمد عامر عرف لمبا کو گرفتار کیا جو ڈکیتی اور اسٹریٹ کرائم کی متعدد وارداتوں میں ملوث ہیں۔

اگست 8, 2019