ARYNews.tv | Urdu – Har Lamha Bakhabar

Tag: رینجرز

  • کراچی: ٹارگٹ کلنگ اور 170 سے زائد ڈکیتی کی وارداتوں میں ملوث گینگ وار کا کارندہ وقاص منجن گرفتار

    کراچی: ٹارگٹ کلنگ اور 170 سے زائد ڈکیتی کی وارداتوں میں ملوث گینگ وار کا کارندہ وقاص منجن گرفتار

    کراچی: رینجرز نے شہر قائد کے علاقے گارڈن میں کارروائی کرتے ہوئے لیاری گینگ وار کے وقاص عرف منجن نامی ملزم کو گرفتار کرلیا جو ٹارگٹ کلنگ کی متعدد وارداتوں میں ملوث ہے۔

    ترجمان رینجرز کی جانب سے جاری ہونے والے اعلامیے کے مطابق کراچی کے علاقے گارڈن نبی بخش میں رینجرز نے خفیہ اطلاع پر کارروائی کرتے ہوئے ٹارگٹ کلنگ،بھتہ خوری اور ڈکیتیوں کی متعدد وارداتوں میں ملوث ملزم وقاص عرف منجن گرفتار  کرلیا۔

    رینجرز کے مطابق ملزم وقاص عرف منجن کاتعلق لیاری گینگ وار سے ہے جس نے سیاسی جماعت کے کارکنان کو قتل کرنے اور مختلف علاقوں میں ڈکیتی کی 170 سے زائد وارداتوں کا اعتراف کیا۔

    ترجمان رینجرز کے مطابق کارروائی کے دوران ملزم سےغیرقانونی اسلحہ،گولیاں اور دیگر مسروقہ سامان بھی برآمد ہوا۔

    مزید پڑھیں: پی ایس پی ٹاؤن آفس پر حملے میں ملوث ایم کیو ایم لندن کا ٹارگٹ کلر گرفتار

    رینجرز کی جانب سے جاری ہونے والے اعلامیے کے مطابق ابتدائی تفتیش میں ملزم نے سیاسی و مذہبی جماعتوں کے کارکنان کی ٹارگٹ کلنگ اور کراچی کے مختلف علاقوں میں ڈکیتی کی 170 سے زائد وارداتوں میں ملوث ہے جن کی تفصیلات درج ذیل ہیں۔

    کارروائیوں کا اعتراف

    الف : 22فروری 2012کو ملزم نے لیاری گینگ وار کمانڈر علی کے حکم پر MQM کے کارکن علی برہان کو قتل کیا اور دوسرے کارکن  وقاص علی کو زخمی کیا۔

    ب: 22جون 2012 کوملزم نے سنی تحریک یونٹ 26کے یونٹ انچارج عمران کے آرڈر پر جوڑیا بازار میں MQM کے کارکن محمد گلریز آسمانی عرف چمبر کو قتل کیا۔

    ج: 28مارچ 2013 کو ملزم نے لیاری گینگ وار کمانڈر علی بلوچ کے آرڈر پر مرچی گلی جوڑیا بازار میں قذافی عرف پپی کو قتل کیااور اس کے دو ساتھیوں وقاص اور عبدالقادر کو زخمی کیا۔

    د: ملزم  نے انکشاف کیا کہ2016 سے لے کر گرفتاری تک اُس نے کھاردار، ایم جناح روڈ ،صدر اور آئی آئی چندریگر روڈکے علاقوں میں تقریباً 170سے زائد ڈکیتی ، موبائل فون اور نقدی چھیننے کی وارداتوں میں ملوث رہاہے۔

    یہ بھی پڑھیں: ایم کیو ایم لندن کے ملزمان کا سیاسی جماعتوں کے دفاتر پر حملوں کا اعتراف

    یاد رہے کہ شہر میں امن و امان قائم کرنے کے لیے قانون نافذ کرنے والے اداروں نے نیشنل ایکشن پلان کے تحت کراچی میں آپریشن کا آغاز کیا تھا جس کے دوران دہشت گردی، ٹارگٹ کلنگ اور بھتہ خوری سمیت ڈکیتی کی وارداتوں میں نمایاں کمی آئی۔

    رینجرز نے گزشتہ دنوں ایم کیو ایم لندن سے تعلق رکھنے والے 8 ملزمان کو گرفتار کیا تھا جو ایم کیو ایم پاکستان اور پی ایس پی کے دفاتر ، محفل میلاد پر حملوں میں ملوث تھے۔

    رینجرز کے کرنل نے پریس کانفرنس میں انکشاف کیا تھا کہ ملزم ایم کیو ایم لندن کے بیرونِ ملک مقیم سلیم بیلجیئم کی ٹارگٹ کلنگ کی ٹیم کا حصہ ہیں اور تمام ملزمان آپس میں رابطے کے لیے موبائل فون کے بجائے واٹس ایپ کا استعمال کرتے تھے۔

  • رینجرز کی مختلف علاقوں میں کارروائیاں، 12 ملزمان گرفتار

    رینجرز کی مختلف علاقوں میں کارروائیاں، 12 ملزمان گرفتار

    کراچی : رینجرز نے شہر کے مختلف علاقوں میں کارروائیاں کرتے ہوئے اسٹریٹ کرائم سمیت متعدد وارداتوں میں ملوث 12 ملزمان کو گرفتار کرلیا۔

    تفصیلات کے مطابق شہر قائد میں امن و امان کی صورتحال بحال رکھنے کےلیے سندھ رینجرز نے شہر کے مختلف علاقوں میں خفیہ اطلاعات پر کارروائیاں کرکے ایک درجن افراد کو گرفتار کرلیا۔

    ترجمان رینجرز نے بتایا کہ فریئر اور کلری کے علاقوں سے دو ملزمان ریحان احمد اور ماجد کو گرفتار کیا گیاہے جبکہ ناظم آباد اور سرسید کے علاقوں سے 9 ملزمان کو حراست میں لیا گیا ہے۔

    ترجمان رینجرز کا کہنا ہے کہ فریئر اور کلری سے گرفتار ہونے والے ملزمان بھتہ خوری کی وارداتوں میں ملوث تھے جبکہ ناظم آباد اور سرسید سے حراست میں لیے گئے افراد اسٹریٹ کرائم اور لوٹ مار کی وارداتوں میں ملوث ہیں۔

    ترجمان رینجرز کے مطابق اہلکاروں نے کلری کے علاقے میں خفیہ اطلاع پر کارروائی کرتے ہوئے امام بخش نامی ملزم کو گرفتار کیا ہے جو منشیات فروشی کے کاروبار میں ملوث ہے۔

    ترجمان رینجرز کی جانب سے جاری بیان میں بتایا گیا ہے کہ گرفتار ملزمان سے اسلحہ، گولیاں، منشیات اور مسروقہ سامان برآمد کرکے قانونی چارہ جوئی کےلیے پولیس کے حوالے کردیا گیا ہے۔

    مزید پڑھیں : رینجرز کی مختلف علاقوں میں کارروائیاں، 8ملزمان گرفتار، اسلحہ برآمد

    یاد رہے کہ گزشتہ ماہ سندھ رینجرز نے شہر قائد  کے مختلف علاقوں میں کارروائیاں کرتے ہوئے اسٹریٹ کرائم، ڈکیتی اور منشیات فروشی میں ملوث آٹھ ملزمان کو  حراست میں لیا تھا، جن میں سے تین ملزمان کا تعلق متحدہ قومی موؤمنٹ لندن گروپ سے تھا۔

  • کراچی: رینجرز کی کارروائی، ایم کیو ایم لندن کے بھتہ خوروں سمیت 13 ملزمان گرفتار

    کراچی: رینجرز کی کارروائی، ایم کیو ایم لندن کے بھتہ خوروں سمیت 13 ملزمان گرفتار

    کراچی: سندھ رینجرز نے مختلف علاقوں میں کارروائیاں کرتے ہوئے ایم کیو ایم لندن کے دو ملزمان سمیت 13 مزید گرفتار کر لیے۔

    تفصیلات کے مطابق رینجرز نے شہرِ قائد کے مختلف علاقوں سے 13 ملزمان گرفتار کر لیے، عیدگاہ، میٹھادر سے 2 ملزمان ندیم اور فرحان کو گرفتار کیا گیا۔

    [bs-quote quote=”لیاری گینگ وار کے بھی 4 ملزمان گرفتار کیے گئے۔ بھتہ خوری میں ملوث آصف پکوڑا بھی گرفتار۔” style=”style-7″ align=”left” color=”#dd3333″][/bs-quote]

    ترجمان رینجرز نے بتایا کہ ملزمان کا تعلق ایم کیو ایم لندن سے ہے، ملزمان غیر قانونی اسلحہ ذخیرہ کرتے تھے اور بھتہ خوری، اسٹریٹ کرائم کی وارداتوں میں بھی ملوث ہیں۔

    رینجرز کے ترجمان کے مطابق نیپئر، رسالہ، کھارادر، بغدادی سے لیاری گینگ وار کے بھی 4 ملزمان گرفتار کیے گئے ہیں، جو ٹارگٹ کلنگ، بھتہ خوری اور ڈکیتیوں میں ملوث ہیں۔

    چاکیواڑہ سے بھتہ خوری میں ملوث آصف عرف پکوڑا کو بھی گرفتار کر لیا گیا ہے، سعود آباد، ناظم آباد اور گبول کے علاقے سے 6 ملزمان گرفتار کیے گئے۔

    ترجمان رینجرز نے بتایا کہ تمام ملزمان ڈکیتی اور اسٹریٹ کرائم کی متعدد وارداتوں میں ملوث ہیں، گرفتار ملزمان سے اسلحہ، گولیاں اور مسروقہ سامان بھی برآمد کیا گیا ہے۔

    یہ بھی پڑھیں:  کراچی: سابق رکن قومی اسمبلی علی رضا عابدی قاتلانہ حملے میں جاں بحق

    ترجمان سندھ رینجرز کے مطابق گزشتہ روز اندرون سندھ پانی چوروں کے خلاف بھی آپریشن کیا گیا تھا، جس کے دوران بدین اکرم واہ کینال میں پانی چوری کے غیر قانونی کنکشنز ہٹائے گئے۔

    پانی چوروں کے خلاف محکمہ آب پاشی اور پولیس کے ساتھ مشترکہ آپریشن کیا گیا، دوران آپریشن 3 کلو میٹر نہری علاقے میں 2 غیر قانونی کنکشن ہٹائے گئے۔

    خیال رہے کہ گزشتہ روز کراچی کے علاقے ڈیفنس میں سابق رکن قومی اسمبلی علی رضا عابدی کو ان کے گھر کے دروازے پر ٹارگٹ کلرز نے نشانہ بناتے ہوئے قتل کیا۔

  • کراچی کےعلاقے کورنگی میں رینجرز کی کارروائی‘ 3 ملزمان گرفتار

    کراچی کےعلاقے کورنگی میں رینجرز کی کارروائی‘ 3 ملزمان گرفتار

    کراچی : شہر قائد کے علاقے کورنگی میں رینجرز نے کارروائی کرتے ہوئے 3 ملزمان کو گرفتار کرکے اسلحہ برآمد کرلیا۔

    تفصیلات کے مطابق کراچی کے علاقے کورنگی میں خفیہ اطلاع پر رینجرز نے کارروائی کے دوران 3 ملزمان کو گرفتار کرلیا۔

    ترجمان رینجرز کا کہنا ہے کہ گرفتارملزمان ثاقب، طلحہ اورثاقب بھتہ خوری میں ملوث ہیں، ملزمان کے قبضے سے اسلحہ بھی برآمد کیا گیا۔

    سندھ رینجرز کے ترجمان کے مطابق ملزما ن نے کورنگی 6 نمبرمیں تاجرکی گاڑی پرفائرنگ کی اور واردات کے بعد ملزما ن نے تاجرسے 2 کروڑبھتہ طلب کیا تھا۔

    کراچی : رینجرز کی کارروائی‘ موٹرسائیکل لفٹرگروہ کے4 کارندے گرفتار

    یاد رہے کہ دو روز قبل سندھ رینجرز نے کراچی میں کارروائی کرتے ہوئے 4 ملزمان کو گرفتار کیا تھا، ملزمان کا تعلق موٹرسائیکلیں چوری کرنے والے گروہ سے تھا۔

    ترجمان رینجرز کا کہنا تھا کہ ملزمان ملیر، سرجانی، لانڈھی اور کمرشل علاقوں میں وارداتیں کرتے تھے۔

    کراچی: رینجرز کی مختلف علاقوں میں کارروائیاں‘ 12 ملزمان گرفتار

    واضح رہے کہ گزشتہ ہفتے رینجرز نے مختلف علاقوں میں کارروائیاں کرتے ہوئے 12 ملزمان کو گرفتار کیا تھا، ملزمان سے غیر قانونی اسلحہ، گولیاں اور مسروقہ سامان برآمد کیا گیا تھا۔

  • ارشد پپو قتل کیس : رینجرز نے عزیر بلوچ کا حلفیہ اعترافی بیان پیش کردیا

    ارشد پپو قتل کیس : رینجرز نے عزیر بلوچ کا حلفیہ اعترافی بیان پیش کردیا

    کراچی : سندھ ہائی کورٹ میں ارشد پپو قتل کیس کی سماعت ہوئی، عدالت نے تفتیشی افسر کی عدم حاضری پر سماعت ملتوی کردی، رینجرز پراسیکیوٹر نے عزیر بلوچ کا بیان حلفی عدالت میں پیش کردیا۔

    تفصیلات کے مطابق سندھ ہائی کورٹ میں ارشد پپو قتل کیس کی سماعت کے موقع پر ملزمان کی درخواست ضمانت میں اہم پیش رفت ہوئی ہے، تفتیشی افسر عدالت میں پیش نہ ہوسکے۔

    عدالت کا کہنا تھا کہ پولیس کو ایک موقع اور دیتے ہیں ورنہ وارنٹ جاری کرسکتے ہیں، بعدا زاں سندھ ہائی کورٹ نے سماعت 16دسمبر تک ملتوی کردی۔

    علاوہ ازیں رینجرز پراسیکیوٹر نے عزیربلوچ کا حلفیہ اعترافی بیان عدالت میں پیش کردیا، حلفیہ اعترافی بیان میں عذیر بلوچ نے سرکاری سرپرستی میں قتل وغارت گری، بھتہ خوری اور زمینوں پر قبضوں کا اعتراف کیا ہے، عزیر بلوچ کے اعترافی بیان میں کہا گیا ہے کہ انسپکٹر چاند نیازی بھی میرے اشاروں پر کام کرتا تھا۔

    دوسری جانب وکیل کا کہنا تھا کہ کسی گواہ نے ملزمان اور درخواست گزاروں کے خلاف گواہی نہیں دی ہے، پراسیکیوٹررینجرز ساجد محبوب کا کہنا تھا کہ یہ بیانات عزیر بلوچ کی گرفتاری سے پہلے کے ہیں، گرفتاری کے بعد صورتحال تبدیل ہوچکی ہے، عدالت نے سماعت 16دسمبر کیلئے ملتوی کردی۔

    مزید پڑھیں: تمام جرائم کے لیے سیاسی حمایت حاصل تھی: عزیر بلوچ کے سنسنی خیز انکشافات

    واضح رہے کہ انسداد دہشت گردی کی عدالت (اے ٹی سی) ملزمان کی درخواست ضمانت پہلے ہی مسترد کر چکی ہے، ملزمان پر ارشد پپو کو قتل کرنے اور لاش کی بےحرمتی کرنے کا الزام ہے، مذکورہ مقدمے میں پیپلز پارٹی کے ایم این اے شاہ جہان بلوچ، زبیر بلوچ و دیگر بھی نامزد ہیں۔

  • کراچی میں رینجرزکی کارروائی‘ ایم کیوایم لندن کا ٹارگٹ کلر گرفتار

    کراچی میں رینجرزکی کارروائی‘ ایم کیوایم لندن کا ٹارگٹ کلر گرفتار

    کراچی : شہر قائد کے علاقے گلشن اقبال میں رینجرز نے کارروائی کے دوران ایم کیوایم لندن کا ٹارگٹ کلر گرفتار کرلیا۔

    تفصیلات کے مطابق کراچی کے علاقے گلشن اقبال میں ڈسکو بیکری کے قریب رینجرز نے کارروائی کرتے ہوئے ایم کیوایم لندن سے تعلق رکھنے والے ٹارگٹ کلر فاروق کو گرفتارکرلیا۔

    ترجمان رینجرز کا کہنا ہے کہ ملزم2007 میں آگرہ تاج سیکٹرکی ٹارگٹ کلنگ ٹیم کا حصہ بنا، ملزم ایم کیوایم اور لیاری گینگ وارمیں تصادم میں ملوث رہا۔

    ترجمان کے مطابق ملزم نے2013 میں گینگ وارکارندے یوسف گھانچی کو قتل کیا، ملزم 2013 میں قتل کی 8 دیگروارداتوں میں بھی ملوث رہا۔

    ترجمان رینجرز کا کہنا ہے کہ ملزم لیاری میں اسلحے کی ترسیل میں بھی ملوث رہا، 2013 میں آپریشن شروع ہونے پرملزم فاروق روپوش ہوگیا۔

    ترجمان کے مطابق ملزم ایم کیو ایم مرکز نائن زیرو اورجمعہ گوٹھ میں بھی روپوش رہا، ملزم کو قانونی چارہ جوئی کے لیے پولیس کے حوالے کردیا گیا۔

    کراچی میں رینجرز کی کارروائی: ایم کیو ایم لندن کا ٹارگٹ کلر گرفتار

    یاد رہے کہ رواں سال 12 جولائی کو رینجرز نے کراچی کے علاقے سعید آباد میں کارروائی کے دوران ایم کیو ایم لندن کے عسکری وِنگ کے ٹارگٹ کلر ریحان کو گرفتار کیا تھا۔

  • رینجرز اور پولیس کی مشترکہ کارروائی، بھتہ خور گروپ کے 5 کارندے گرفتار

    رینجرز اور پولیس کی مشترکہ کارروائی، بھتہ خور گروپ کے 5 کارندے گرفتار

    کراچی: رینجرز اور پولیس نے مشترکہ کارروائی کرتے ہوئے کروڑوں روپے کی ڈکیتیوں اور بھتہ خوری میں ملوث بھتہ خور گروپ کے 5 کارندے گرفتار کرلیے۔

    تفصیلات کے مطابق رینجرز اور پولیس نے مشترکہ کارروائی کرتے ہوئے بھتہ خور گروپ کے 5 کارندے گرفتار کرلیے۔ گرفتار ہونے والوں میں گروپ کا سرغنہ ریحان الدین، عابد، عامر، جبران ربانی اور سکندر شامل ہیں۔

    ترجمان رینجرز کے مطابق ملزمان نے کراچی کے علاقے اورنگی ٹاؤن کے تاجر سے 5 لاکھ بھتے کا مطالبہ کیا تھا۔ ملزمان نے تاجر کے گھر پر فائرنگ بھی کی تھی۔

    ترجمان کا کہنا ہے کہ ملزمان سے غیر قانونی اسلحہ، موبائلز اور سمز برآمد کرلی گئی ہیں۔ ملزمان نے دوران تحقیقات ڈکیتیوں، بھتہ خوری اور دیگر جرائم کا اعتراف کیا ہے۔

    ترجمان نے مزید بتایا کہ گروپ کے سرغنہ ملزم ریحان نے سنہ 2013 میں آئی آئی چند ریگر روڈ پر واقع دفتر سے 22 کروڑ کی ڈکیتی کی۔

    علاوہ ازیں ملزم ریحان نے دوسرے رکن سکندر کے ساتھ مل کر سنہ 2008 میں ٹاور میں واقع کمپنی سے 18 لاکھ کی ڈکیتی بھی کی تھی۔

  • رینجرز کی کارروائی، جعلی فوجی افسر گرفتار

    رینجرز کی کارروائی، جعلی فوجی افسر گرفتار

    کراچی: سندھ رینجرز نے شہر قائد کے علاقے مبینہ ٹاؤن میں کارروائی کرتے ہوئے جعلی فوجی افسر کو گرفتار کرلیا۔

    ترجمان کی جانب سے جاری اعلامیے کے مطابق رینجرز نے کراچی کے مختلف علاقوں میں کارروائی کرتے ہوئے 6 ملزمان کو گرفتار کیا جو جرائم کی مختلف وارداتوں میں ملوث تھے۔

    رینجرز نے پہلی کارروائی ناظم آباد میں واقع عیدگاہ کے قریب کی جہاں سے دو اسٹریٹ کرمنلز کو گرفتار کیا گیا جن کی شناخت حنیف عرف ماموں اور سعد کے نام سے ہوئی۔

    مزید پڑھیں: کراچی: رینجرز کی مختلف علاقوں میں مزید کارروائیاں، 13 ملزمان گرفتار

    اعلامیے کے مطابق رینجرز نے دوسری کارروائی سکھن کے علاقے میں کی جہاں سے غیر قانونی اسلحہ رکھنے والے ملزمان علی رضا اور اسد کو حراست میں لیا گیا۔

    رینجرز نے سب سے بڑی کارروائی مبینہ ٹاؤن کے علاقے میں کی جہاں سے خود کو جعلی آرمی آفیسر ظاہر کرنے والے عرفان نامی ملزم کو گرفتار کیا گیا۔

    ترجمان رینجرز کے مطابق خود کو جعلی فوجی افسر ظاہر کرنے والا عرفان جرائم کی مختلف وارداتوں میں ملوث ہے۔

    یہ بھی پڑھیں: کراچی کی صورتحال ماضی سے یکسر مختلف ہے: ڈی جی رینجرز

    شہر قائد میں کی جانے والی کارروائیوں میں رینجرز نے ملزمان کے قبضے سے غیر قانونی اسلحہ اور مسروقہ سامان بھی برآمد کیا جبکہ حراست میں لیے جانے والے تمام افراد کو قانونی چارہ جوئی کے لیے پولیس کے حوالے کردیا۔

  • کراچی: رینجرز کی مختلف علاقوں میں مزید کارروائیاں، 13 ملزمان گرفتار

    کراچی: رینجرز کی مختلف علاقوں میں مزید کارروائیاں، 13 ملزمان گرفتار

    کراچی: سندھ رینجرز نے شہرِ قائد کے مختلف علاقوں میں کارروائیاں تیز کرتے ہوئے اسٹریٹ کرمنلز سمیت 13 ملزمان گرفتار کر لیے۔

    تفصیلات کے مطابق سندھ رینجرز نے کراچی کے مختلف علاقوں میں کارروائیاں کرتے ہوئے 13 ملزمان گرفتار کر لیے، جن میں لیاری گینگ وار، ڈکیت اور اسٹریٹ کرمنل شامل ہیں۔

    [bs-quote quote=”ملزمان کو قانونی کارروائی کے لیے پولیس کے حوالے کر دیا گیا” style=”style-7″ align=”left” color=”#dd3333″][/bs-quote]

    ترجمان رینجرز نے بتایا کہ کراچی کے علاقوں تیموریہ اور سعید آباد سے 3 ملزمان کو گرفتار کیا گیا، جن میں ایم کیو ایم لندن کے شہزاد عرف کارا، داؤد اور شاہ نوازعرف عادل شامل ہیں۔

    رینجرز کے ترجمان کے مطابق کلری سے بھی ایک منشیات فروش کو حراست میں لے لیا گیا ہے جس کا نام شعیب عرف چھیپا ہے۔ ترجمان کا کہنا تھا کہ تیموریہ، حیدری، سعید آباد اور مدینہ کالونی سے 9 ملزمان کو گرفتار کیا گیا، گرفتار ملزمان ڈکیتی اور اسٹریٹ کرائم میں ملوث ہیں۔

    یہ بھی پڑھیں:  کراچی : رینجرز کی کارروائیاں‘ 2 ملزمان گرفتار

    رینجرز کے ترجمان نے بتایا کہ گرفتار ہونے والے ملزمان کے قبضے سے اسلحہ، مسروقہ سامان اور منشیات بھی بر آمد کی گئی ہے۔ ترجمان کے مطابق گرفتار ملزمان کو قانونی کارروائی کے لیے پولیس کے حوالے کر دیا گیا ہے۔

    خیال رہے کہ آج صبح بھی شہرِ قائد کے علاقوں موسمیات چورنگی اور یاس آرکیڈ گلشن اقبال میں کارروائیاں کرتے ہوئے رینجرز نے 2 ملزمان کو گرفتار کیا تھا، ملزمان مختلف علاقوں میں 80 سے زائد اسٹریٹ کرائمز اور ڈکیتی میں ملوث تھے۔

    ملزمان کی گرفتاری سی سی ٹی وی فوٹیج کی مدد سے عمل میں آئی، ملزمان نے شریف آباد میں اسپیئر پارٹس کی دکان میں ڈکیتی کی تھی، عبد القادر جاسر کی دوران ڈکیتی واضح طور پر شناخت ہوئی تھی۔

  • کراچی : رینجرز کی کارروائیاں‘ 2 ملزمان گرفتار

    کراچی : رینجرز کی کارروائیاں‘ 2 ملزمان گرفتار

    کراچی : شہرقائد کے مختلف علاقوں میں رینجرز نے کارروائی کرتے ہوئے 2 ملزمان کو گرفتار کرکے اسلحہ برآمد کرلیا۔

    تفصیلات کے مطابق کراچی میں رینجرز نے موسمیات چورنگی اوریاسرآرکیڈ گلشن اقبال میں کارروائی کرتے ہوئے 2 ملزمان کو گرفتار کرلیا۔

    ترجمان رینجرز کا کہنا ہے کہ ملزمان مختلف علاقوں میں 80 سے زائد اسٹریٹ کرائمزاورڈکیتی میں ملوث ہیں، ملزمان کی گرفتاری سی سی ٹی وی فوٹیج کی مدد سے عمل میں آئی۔

    ترجمان کے مطابق ملزمان نے شریف آبادمیں اسپیئرپارٹس کی دکان میں ڈکیتی تھی، عبدالقادرجاسرکی دوران ڈکیتی واضح طورپرشناخت ہوئی تھی۔

    کراچی: رینجرز کی ملیرماڈل کالونی میں کارروائی‘ 2 ملزمان گرفتار

    یاد رہے کہ دو روز قبل کراچی کے علاقے ملیر ماڈل کالونی میں رینجرز نے کارروائی کرتے ہوئے 2 ملزمان کو گرفتار کرکے اسلحہ برآمد کیا تھا۔

    ترجمان رینجرز کے مطابق ملزم جاوید کومارچ 2018 میں سی ٹی ڈی سے برطرف کیا گیا تھا، ملزم پرشہریوں کوغیر قانونی حراست میں لے کر رشوت لینے کا الزام تھا۔

    جرائم میں ملوث سی ٹی ڈی کا برطرف انسپکٹر گرفتار

    واضح رہے کہ گزشتہ ہفتے کراچی میں رینجرز نے سی ٹی ڈی کے ہمراہ مشترکہ کارروائی کرتے ہوئے سی ٹی ڈی کے بر طرف انسپکٹر ظہیراحمد عرف گل کو گرفتار کرلیا تھا، ملزم جرائم کی سنگین وارداتوں میں ملوث تھا۔