Tag: رینکنگ

دبئی: آئی سی سی نے ٹی ٹوئنٹی کی نئی رینکنگ جاری کردی، کراچی کنگز کے عماد وسیم دنیا کے چوتھے بہترین بولر بن گئے۔

پاکستان کی ویسٹ انڈیز کے خلاف ٹی ٹونٹی سیریز میں کلین سویپ کے بعد آئی سی سی نے نئی رینکنگ جاری کردی ہے،جس میں ایک سو گیارہ پوائنٹس کے ساتھ پاکستان کی ساتویں پوزیشن برقرارہے۔ شکست کے باعث ویسٹ انڈیز کی تیسری سے چوتھی پوزیشن پر تنزلی ہوگئی۔

ویسٹ انڈیز کے خلاف ٹی ٹوئنٹی سیریز میں کراچی کنگز کے عماد وسیم تباہ کن بولنگ کے باعث آئی سی سی میں لمبی چھلانگ لگانے میں کامیاب ہوگئے، تینتیس درجہ بہتری کیرئیر بیسٹ چوتھے نمبر پر آگئے، عماد وسیم نے تین میچز میں نو شکار کئے اور سیریز کے بہترین کھلاڑی قرار پائے، ویسٹ انڈین سیموئل بدری کی ٹاپ سے تیسری پوزیشن پرتنزلی ہوگئی اورجنوبی افریقہ کے عمران طاہرنمبر ون بولربن گئے۔

بھارت کے جسپریپ بمرا دوسرے نمبر پر آگئے، سہیل تنویر انیس درجے ترقی کے ساتھ چھتیسویں پوزیشن پر پہنچ گئے، سیریز میں ایک سو ایک رنز بنانے پر بابراعظم چھیاسٹھ ویں اورخالد لطیف چورانویں پوزیشن پرآگئےہیں۔

دس درجے ترقی کے ساتھ شعیب ملک پنتالیس ویں سے پینتیس ویں پوزیشن پر آگئے، ٹیم رینکنگ میں نیوزی لینڈ پہلی، بھارت دوسری اور جنوبی افریقہ تیسری پوزیشن پر موجود ہے۔

دبئی: آئی سی سی نے ٹیسٹ پلیئرز کی نئی رینکنگ جاری کردی، شاندار ڈبل سنچری نے کمار سنگاکارا کو ایک بار دنیا کا بہترین بیٹسمین بنادیا۔

پاکستان اور سری لنکا کے درمیان گال ٹیسٹ کے اختتام کے بعد آئی سی سی نے ٹیسٹ پلیئرز کی نئی رینکنگ کا اعلان کردیا۔ ڈبل سنچورین کمار سنگاکارا نے اے بی ڈی ویلیئرز سے پہلی پوزیشن چھینتے ہوئے ایک بار ٹاپ پوزیشن پر قابضہ جمالیا ہے۔ کیرئیر کی چوبیسویں سنچری بنانے والے یونس خان کی ٹاپ ٹین میں واپسی ہوئی ہے۔ مصباح الحق آٹھویں اور یونس خان دسویں نمبر پر براجمان ہیں۔ پاکستانی بیٹنگ لائن کو تباہ کرنے والے اسپنر ہیراتھ چھٹے نمبر پر پہنچ گئے ہے۔ ٹاپ ٹین میں موجود واحد پاکستانی بولر سعید اجمل ہے۔ جس کا نمبر آٹھواں ہیں۔