ARYNews.tv | Urdu – Har Lamha Bakhabar

Tag: ریٹائرمنٹ

  • مچل اسٹارک کا ریٹائرمنٹ کا اعلان

    مچل اسٹارک کا ریٹائرمنٹ کا اعلان

    آسٹریلیا کے مایہ ناز فاسٹ بولر مچل اسٹارک نے بھی ٹی ٹوئنٹی انٹرنیشنل سے ریٹائرمنٹ کا اعلان کر دیا۔

    کرکٹ آسٹریلیا کا کہنا ہے کہ فاسٹ بولر مچل اسٹارک نے ٹیسٹ اور ون ڈے پر فوکس کے لیے ریٹائرمنٹ کا فیصلہ کیا ہے۔ انہوں نے 65 ٹی ٹوئنٹی انٹرنیشنل میں 79 کھلاڑیوں کو پویلین کی راہ دکھائی۔

    مچل اسٹارک کا اس حوالے سے کہنا ہے کہ ٹیسٹ کرکٹ میری ہمیشہ سب سے زیادہ ترجیح رہی ہے، ٹی ٹوئنٹی کرکٹ میں بھی بہت زیادہ لطف اندوز ہوا ہوں۔

    عالمی شہرت یافتہ فاسٹ بولر نے کہا کہ انڈیا ٹیسٹ ٹور، ایشیز اور ون ڈے ورلڈ کپ 2027 میں تازہ دم اور فٹ رہ کر بہترین کارکردگی دکھانے کا منتظر ہوں۔

    آصف علی نے انٹرنیشنل کرکٹ سے ریٹائرمنٹ کا اعلان کردیا

    کرکٹ آسٹریلیا کی جانب سے اسٹارک کی غیر موجودگی میں نیوزی لینڈ کے خلاف ٹی ٹوئنٹی سیریز کے لیے اسکواڈ کا اعلان کر دیا ہے۔ مینجمنٹ پلان کے تحت پیٹ کمنز سیریز کا حصہ نہیں ہیں۔

    آسٹریلیا کے مطابق پیٹ کمنز کو کمر کے نچلے حصے میں تکلیف ہے جس کی تشخیص جاری ہے، پیٹ کمنز کو بھارت کے خلاف محدود اوورز کی سیریز میں بھی زیر غور نہیں لایا جائے گا۔

  • کیا محمد شامی ریٹائرمنٹ لے رہے ہیں؟

    کیا محمد شامی ریٹائرمنٹ لے رہے ہیں؟

    بھارتی کرکٹ ٹیم کے فاسٹ بولر محمد شامی نے پہلی بار اپنی ریٹائرمنٹ سے متعلق اپنے چاہنے والوں کو آگاہ کردیا۔

    بھارتی میڈیا رپورٹس کے مطابق بھارتی فاسٹ بولر محمد شامی کا ایک انٹرویو میں کہنا تھا کہ جب کوئی کھلاڑی میدان میں اترتا ہے تو اس کے ذہن میں صرف ٹیم کو جتوانے اور وکٹ لینے کی سوچ ہوتی ہے، نہ کہ یہ کہ سوشل میڈیا پر کون کیا کہہ رہا ہے۔

    شامی نے کہا کہ میں کوئی مشین نہیں ہوں، سال بھر محنت کرتا ہوں۔ کبھی کامیابی ملے گی، کبھی ناکامی لیکن یہ لوگوں پر ہے کہ وہ اسے کیسے لیتے ہیں۔

    اُن کا کہنا تھا کہ دوران کھیل سوشل میڈیا سے دور رہنا کھلاڑی کے لیے بہتر ہوتا ہے تاکہ مثبت اور منفی دونوں طرح کے تبصرے انہیں متاثر نہ کریں۔

    شامی نے کہا کہ سچے فین کبھی نفرت انگیز باتیں نہیں کرتے، اگر کسی کو اعتراض ہے تو وہ عزت سے اپنی رائے دے۔ ٹرولز کو تو صرف دو جملے لکھنے ہوتے ہیں لیکن کھلاڑی کامیابی کے لیے دن رات محنت کرتے ہیں۔ اگر آپ سمجھتے ہیں کہ بہتر کر سکتے ہیں تو میدان میں آئیے اور کوشش کیجیے۔

    شامی نے ریٹائرمنٹ کی خبروں پر لب کشائی کرتے ہوئے کہا کہ وہ ابھی کھیل سے بیزار نہیں ہوئے۔ انہوں نے کہا کہ اگر انہیں بین الاقوامی کرکٹ کے لیے منتخب نہ کیا جائے تو وہ گھریلو سطح پر کھیلتے رہیں گے، کیونکہ ان کا مقصد مسلسل محنت کرتے رہنا ہے۔

    بھارتی فاسٹ بولر نے کہا کہ کیا میرے ریٹائر ہونے سے کسی کی زندگی بہتر ہو جائے گی؟ اگر ہاں، تو بتائیے۔ میں کس کی زندگی کا بوجھ بن گیا ہوں؟

    محمد رضوان اور شاہین آفریدی کی ون ڈے رینکنگ میں بہتری

    بھارتی فاسٹ بولر کا مزید کہنا تھا کہ کھلاڑی کو ریٹائرمنٹ کا فیصلہ اس وقت لینا چاہیے جب وہ کھیل سے بور ہونے لگے۔ ابھی وہ وقت نہیں آیا ہے۔ جب بور ہو جاؤں گا تو خود ہی کھیل چھوڑ دوں گا۔

  • معروف بھارتی کھلاڑی کا کرکٹ سے ریٹائرمنٹ کا اعلان

    معروف بھارتی کھلاڑی کا کرکٹ سے ریٹائرمنٹ کا اعلان

    نئی دہلی(24 اگست 2025): بھارت کرکٹ ٹیم کے معروف کھلاڑی چتیشور پجارا نے کرکٹ سے ریٹائرمنٹ کا اعلان کردیا۔

    37 سالہ بھارتی کرکٹر چتیشور پجارا نے سوشل میڈیا پر ایک پوسٹ شیئر کی ہے جس میں انہوں نے تمام طرز کی کرکٹ سے ریٹائرمنٹ کا اعلان کر دیا۔

    بھارتی کرکٹر نے آخری بار ورلڈ ٹیسٹ چیمپئن شپ کا فائنل 2023 میں اوول میں آسٹریلیا کے خلاف کھیلا تھا جس کے بعد انہیں کبھی ٹیم میں جگہ نہیں ملی اور آخر کار انہوں نے ریٹائرمنٹ کا فیصلہ کر لیا۔

    چیتیشور پجارا نے ایک جذباتی پیغام میں لکھا کہ بھارتی جرسی پہننا، قومی ترانہ گانا اور ہر بار میدان میں اپنی بہترین کارکردگی کا مظاہرہ کرنا ایک ایسا تجربہ تھا جسے الفاظ میں بیان نہیں کیا جا سکتا۔

    اپنے مداحوں کی مسلسل محبت اور حمایت کا شکریہ ادا کرتے ہوئے پجارا نے کہا کہ وہ اس باب کو بند کرتے ہوئے بھارتی کرکٹ کی تمام فارمیٹ سے ریٹائرمنٹ لینے کا فیصلہ کیا ہے۔

    واضح رہے کہ پجارا نے 103 ٹیسٹ میچز میں 19 سنچریز اور 35 نصف سنچریز اور اسکور کیں اور 43.60 کی اوسط سے 7195 رنز بنائے۔ ٹیسٹ ٹیم کے اہم اور مستقل رکن صرف پانچ ون ڈے انٹرنیشنل میں بھارت کی نمائندگی کرسکے۔

  • کوہلی نے ٹیسٹ کرکٹ سے ریٹائرمنٹ کی وجہ بتادی

    کوہلی نے ٹیسٹ کرکٹ سے ریٹائرمنٹ کی وجہ بتادی

    بھارت کے عالمی شہرت یافتہ بلے باز سابق کپتان ویرات کوہلی نے ٹیسٹ کرکٹ سے ریٹائرمنٹ پر لب کشائی کی ہے۔

    بھارتی میڈیا رپورٹس کے مطابق بھارتی ٹیم کے سابق کپتان ویرات کوہلی نے ٹیسٹ کرکٹ سے ریٹائرمنٹ پر پہلی بار لب دل کی بات بتائی، سابق کپتان نے اپنے خیالات کا اظہار یووراج سنگھ کی فلاحی تنظیم کے لیے لندن میں منعقدہ فنڈ ریزنگ ڈنر تقریب میں کیا جہاں دنیا بھر سے موجودہ اور سابق کرکٹ اسٹارز ایک چھت تلے جمع ہوئے۔

    جب میزبان نے کوہلی سے تقریب کے دوران کہا کہ سب لوگ انہیں میدان میں یاد کر رہے ہیں، تو ویرات نے مسکراتے ہوئے کہا کہ میں نے دو دن پہلے اپنی داڑھی کو رنگ لگایا تھا اور جب ہر چار دن میں داڑھی رنگنی پڑے تو سمجھ لیں کہ وقت آ چکا ہے۔

    بھارتی ٹیم کے سابق کپتان کوہلی نے اپنے سابق کوچ روی شاستری کے ساتھ اپنے تعلقات پر روشنی ڈالتے ہوئے کہا کہ اگر میں روی بھائی کے ساتھ نہ ہوتا تو جو کچھ میں نے ٹیسٹ کرکٹ میں حاصل کیا وہ میں حاصل نہیں کرپاتا۔

    اُنہوں نے کہا کہ ہم دونوں کے درمیان جو کلیئرٹی اور اعتماد تھا وہ کسی نعمت سے کم نہیں، انہوں نے ہمیشہ میرا دفاع کیا، یہاں تک کہ میڈیا میں بھی میرے لیے فرنٹ لائن پر کھڑے ہوئے، میں ہمیشہ ان کی عزت کروں گا۔

    کوہلی نے یووراج سنگھ کے ساتھ اپنی پرانی یادیں تازہ کرتے ہوئے کہا کہ ہماری دوستی صرف میدان تک محدود نہیں تھی، میں نے ان سے بہت کچھ سیکھا، وہ مجھے ٹیم میں لے کر چلے، اعتماد دیا اور زندگی کے کئی پہلوؤں سے روشناس کرایا، یہ سب لمحے میرے دل کے بہت قریب ہیں۔

    ویرات کوہلی کا ایڈن مارکرم سے متعلق پرانا ٹوئٹ وائرل

    کوہلی کا دلچسپ انداز میں ریٹائرمنٹ پر تبصرہ اور اپنے پرانے ساتھیوں کے ساتھ محبت بھرا لہجہ مداحوں کے دلوں کو بھا گیا۔

    واضح رہے کہ کوہلی نے 12 مئی کو انسٹاگرام پر ایک طویل پوسٹ میں ٹیسٹ کرکٹ سے ریٹائرمنٹ کا اعلان کیا تھا۔

  • ریٹائرمنٹ کی عمر سے متعلق اہم فیصلہ

    ریٹائرمنٹ کی عمر سے متعلق اہم فیصلہ

    ڈنمارک میں 2040 تک ریٹائرمنٹ کی عمر کو بتدریج بڑھاتے ہوئے 70 سال تک کرنے کا فیصلہ کرلیا گیا ہے۔

    غیر ملکی ذرائع ابلاغ کے مطابق ڈنمارک کی پارلیمان نے سرکاری اداروں میں مدت ملازمت سے متعلق ایک نیا قانون سے منظور کر لیا جس کے حق میں 81 جب کہ مخالفت میں صرف 21 ووٹ ڈالے گئے۔

    رپورٹس کے مطابق پارلیمان سے منظور کیے گئے اس نئے قانون کے تحت ملک میں ریٹائرہونے کی عمر کو بتدریج بڑھا یا جائے گا جو 2040 تک 70 تک سال ہوجائے گی۔

    ڈنمارک میں اس وقت ریٹائرمنٹ عمر 67 سال ہے جو 2030 میں 68 اور 2035 میں 69 سال ہو جائے گی۔ اگر اس فیصلے پر عمل درآمد کرلیا جاتا ہے تو ڈنمارک یورپی ممالک میں ریٹائرمنٹ کی سب سے زیادہ عمر والا ملک بن جائے گا۔

    واضح رہے کہ ریٹائرمنٹ کی عمر میں تبدیلی کا یہ قانون ان افراد پر لاگو ہوگا جو 31 دسمبر 1970 کے بعد پیدا ہوئے ہیں۔

    متعدد ممالک نے اوسط عمر میں اضافے اور بجٹ خسارے سے نمٹنے کے لیے حالیہ برسوں میں ریٹائرہونے کی عمر بڑھانے پر غور شروع کردیا ہے۔

    برطانوی عوام کیلیے خوشخبری، گیس اور بجلی کی قیمتوں میں بڑی کمی

    رپورٹس کے مطابق زیادہ تر یورپی ممالک میں اس وقت ریٹائرہونے کی عمر 63 سے 67 کے درمیان کردی گئی ہے۔روایتی طور پر ریٹائرمنٹ کی عمر 60 سال رہی ہے تاہم اب اس میں تبدیلی کے حوالے سے بڑے فیصلے لئے جارہے ہیں۔

  • ویرات کوہلی کا اچانک ریٹائرمنٹ کا اعلان

    ویرات کوہلی کا اچانک ریٹائرمنٹ کا اعلان

    بھارتی کرکٹ ٹیم کے 36 سالہ سابق کپتان ویرات کوہلی نے ٹیسٹ کرکٹ سے اچانک ریٹائرمنٹ کا اعلان کیا ہے۔

    کرکٹ ویب سائٹ کرک انفو کے مطابق بھارتی کرکٹ ٹیم کے سابق کپتان ویرات کوہلی کا ٹیسٹ کرکٹ کا 14 سالہ کرئیر اپنے اختتام کو پہنچ گیا، کرکٹر نے ٹیسٹ کرکٹ سے ریٹائرمنٹ کا اعلان کردیا۔

    بھارتی کھلاڑی نے جاری کردہ جذباتی پیغام میں کہا کہ یہ 14 سال پہلے کی بات ہے جب میں نے پہلی بار ٹیسٹ کرکٹ میں بھارت کے لیے سفید لباس پہنا، میں نے کبھی نہیں سوچا تھا کہ یہ فارمیٹ مجھے کس سفر پر لے جائے گا۔

     

    View this post on Instagram

     

    A post shared by Virat Kohli (@virat.kohli)

    ویرات کوہلی نے کہا کہ اس نے مجھے آزمایا، نکھارا اور ایسی زندگی کی سچائیاں سکھائیں جو ہمیشہ میرے ساتھ رہیں گی، میں اس فارمیٹ سے رخصت ہو رہا ہوں، یہ آسان نہیں، لیکن مجھے یہ صحیح محسوس ہو رہا ہے۔ میں نے ٹیسٹ کرکٹ کو اپنی تمام تر توانائیاں دیں اور بدلے میں اس کھیل نے مجھے بہت کچھ دیا ہے۔

    روہت شرما کی ریٹائرمنٹ کے بعد بھارت کا اگلا ٹیسٹ کپتان کون؟

    ویرات کوہلی نے ٹی 20 کرکٹ میں منفرد ریکارڈ بنا دیا

    روہت شرما نے ریٹائرمنٹ کا اعلان کردیا

    واضح رہے کہ کوہلی نے 111 ٹیسٹ میچز میں 9230 رنز بنائے، جس میں ان کی اوسط 46.8 رہی،  وہ بھارت کے لیے سب سے زیادہ رنز بنانے والے کھلاڑیوں کی فہرست میں چوتھے نمبر پر ہیں، ان سے آگے صرف سچن ٹنڈولکر (15921)، راہول ڈریوڈ (13265) اور سنیل گواسکر (10122) ہیں۔

    یاد رہے کہ چند گزشتہ دنوں بھارتی کپتان روہت شرما نے بھی ٹیسٹ کرکٹ سے ریٹائرمنٹ کا اعلان کیا تھا جس کے بعد کوہلی کے فیصلے نے بھارتی ٹیم کی ٹیسٹ لائن اپ کے لیے مشکلات کھڑی کردی ہے۔

    جبکہ 36 سالہ کوہلی نے یہ فیصلہ ایسے وقت میں کیا ہے جب بھارت کا انگلینڈ کا دورہ محض ایک ماہ کی دوری پر ہے۔

  • دھونی تمام طرز کی کرکٹ سے کب ریٹائر ہورہے ہیں؟ سابق کپتان نے بتادیا

    دھونی تمام طرز کی کرکٹ سے کب ریٹائر ہورہے ہیں؟ سابق کپتان نے بتادیا

    بھارت کے لیجنڈ کپتان مہندر سنگھ دھونی آئی پی ایل سمیت تمام طرز کی کرکٹ سے کب ریٹائر ہورہے ہیں، انھوں نے اس سلسلے میں اظہار خیال کیا ہے۔

    چنئی سپرکنگز کے سابق کپتان اور موجودہ وکٹ کیپر بیٹر مہندر سنگھ دھونی نے اپنی ریٹائرمنٹ کے حوالے سے سامنے آنے والی افوایوں پر اظہار خیال کیا ہے، دہلی کیپٹلز کے خلاف میچ کے بعد سے سوشل میڈیا پر دھونی کی تمام طرز کی کرکٹ سے ریٹائرمنٹ کو لے کر افوائیں گرم تھیں۔

    حال ہی میں دھونی نے بھارت کے معروف یوٹیوبر کے پوڈ کاسٹ میں شرکت کی، اس دوران یوٹیوبر نے ان کی فرنچائز کرکٹ سے ریٹائرمنٹ کے حوالے سے بھی سوال کیا، اس کے جواب میں مہندر سنگھ دھونے کہا کہ "نہیں، ابھی نہیں، میں اب بھی آئی پی ایل کھیل رہا ہوں۔

    https://youtu.be/owTLxFD2-_g?si=HxZUvLNdpulaiI_F

    دھونی نے مزید کہا کہ میں نے اسے بہت آسان رکھا ہے، میں ایک وقت میں ایک سال کےلیے سوچتا ہوں، میں 43 سال کا ہوں، جب تک آئی پی ایل 2025 ختم ہوگا میں 44 سال کا ہو جاؤں گا، اس کے بعد میرے پاس یہ فیصلہ کرنے کے لیے 10 ماہ ہیں کہ میں کھیلوں یا نہیں۔

    5 اپریل کو دہلی کے خلاف میچ میں دھونی کافی جدوجہد کا شکار نظر آئے تھے، اس میچ میں ان کی بیوی ساکشی اور والدین بھی موجود تھے جس کی وجہ سے افواہوں نے زور پکڑا تھا کہ یہ آئی پی ایل میں ان کا آخری میچ ہوسکتا ہے۔

    یہ بات بھی قابل ذکر ہے کہ دھونی نے یہ انٹرویو چنائی سپر کنگز اور دہلی کیپٹل کے درمیان ہونے والے میچ سے قبل دیا تھا جبکہ اس پوڈ کاسٹ کو میچ کے فوری بعد ریلیز کیا گیا۔

  • روہت شرما ریٹائرمنٹ لے رہے ہیں؟ بھارتی کپتان نے اگلا منصوبہ بتا دیا

    روہت شرما ریٹائرمنٹ لے رہے ہیں؟ بھارتی کپتان نے اگلا منصوبہ بتا دیا

    چیمپئنز ٹرافی کے بعد بھارتی کپتان روہت شرما کی ریٹائرمنٹ کی خبریں گرم ہیں میگا ایونٹ کے بعد انہوں نے اپنا اگلا منصوبہ بتا دیا۔

    روہت شرما نے اپنی قیادت میں 8 ماہ میں بھارت کو دوسری آئی سی سی ٹرافی جتوا دی ہے۔ چیمپئن کپتان کے چیمپئنز ٹرافی کے بعد کرکٹ سے ریٹائرمنٹ کی افواہیں پھیلی ہوئی تھیں۔ میگا ایونٹ کے اختتام کے بعد روہت شرما نے اس حوالے سے لب کشائی کرتے ہوئے اپنی آئندہ کی منصوبہ بندی بتا دی ہے۔

    دبئی کرکٹ اسٹیڈیم میں آئی سی سی چیمپئنز ٹرافی کا چیمپئن کپتان بننے کے بعد پریس کانفرنس کرتے ہوئے روہت شرما سے ان کے کرکٹ سے ریٹائرمنٹ سے متعلق افواہوں پر سوال کیا گیا جس پر بھارتی کپتان نے واضح طور پر ان قیاس آرائیوں کی تردید کرتے ہوئے کہا کہ ان کا ابھی ون ڈے کرکٹ سے ریٹائرمنٹ کا کوئی ارادہ نہیں ہیں اور اس حوالے سے چلنے والی خبریں صرف افواہیں ہیں۔

    بھارتی کپتان نے کہا نے کہا کہ ملک کے لیے کھیلنا ایک اعزاز ہے۔ میں بھارت کی نمائندگی جاری رکھوں گا اور ہر پوزیشن پر اپنے وطن کے لیے کھیلنے کو تیار ہوں۔

    روہت شرما نے کہا کہ میں بھارت کی نمائندگی جاری رکھوں گا اور ہر پوزیشن پر اپنے ملک کیلیے کھیلنے کو بھی تیار ہوں۔

    واضح رہے کہ چیمپئنز ٹرافی سے قبل یہ قیاس آرائیاں کی جا رہی تھیں کہ چیمپئنز ٹرافی کا فائنل روہت شرما کا آخری میچ ہو سکتا ہے لیکن بھارتی کپتان نے اس حوالے سے خاموشی اختیار کی ہوئی تھی۔

    بھارتی میڈیا نے یہ رپورٹ بھی کیا تھا کہ میگا ایونٹ کے بعد چیف سلیکٹر اجیت اگرکر روہت شرما سے ان کے مستقبل کے حوالے سے بات کریں گے۔

    https://urdu.arynews.tv/champions-trophy-2025-is-virat-kohli-and-rohit-last-match/

  • محمد عامر نے وقت سے پہلے ریٹائرمنٹ کیوں لی؟ اصل وجہ سامنے آگئی

    محمد عامر نے وقت سے پہلے ریٹائرمنٹ کیوں لی؟ اصل وجہ سامنے آگئی

    پاکستان کے سابق لیفٹ آرم پیسر محمد عامر نے وقت سے پہلے ہی کیوں ریٹائرمنٹ لے لی، سابق کرکٹر نے اس حوالے خود بڑا انکشاف کردیا۔

    چیمپئنز ٹرافی کے حوالے نجی ٹی وی کے پروگرام میں شریک محمد عامر نے اظہار خیال کرتے ہوئے ماضی کے حوالے سے بتایا کہ ان کے ساتھ کس طرح ناانصافیاں ہوئیں، انھوں نے بتایا کہ پاکستان ٹیم نے نیوزی لینڈ جانا تھا، کوویڈ کا وقت تھا، 40 لڑکے گئے تھے میرا نام نہیں آیا تھا۔

    محمد عامر نے بتایا کہ پی ایس ایل ابھی اسٹارٹ ہونی تھی ٹیم کا انھوں نے پہلے ہی اعلان کردیا تھا کہ کہیں عامر اور ملک وغیرہ پرفارم نہ کردیں اور انھیں لے کر نہ جانا پڑے۔

    سابق کرکٹر محمد عامر نے نام لیے سابق ہیڈ کوچ وقار یونس کو من مانیاں کرنے پر تنقید کا نشانہ بنایا، ان کا یہ بھی ماننا تھا کہ 90 کی دہائی کے سابق کرکٹر نے انکا کیرئیر تباہ کرنے کی بھرپور کوشش کی۔

    محمد عامر نے ٹی 20 کے لیے نئے کپتان کا نام دے دیا

    لیفٹ آرم پیسر نے کہا کہ اس سال میں نے کراچی کنگز کےلیے سپر اوور کیا اور کراچی کی ٹیم فائنل میں بھی پہنچ گئی۔

    محمد عامر نے کہا کہ کوچنگ اسٹاف میں سے ایک کا تعلق بھی 90 کی دہائی سے تھا، ہر کوئی اِن صاحب سے پوچھ رہا تھا کہ آپ عامر کو نیوزی لینڈ نہیں لے جارہے، وہ 40 رکنی اسکواڈ میں نہیں ہے، وہ پرفارم کر رہا ہے۔

    سابق کوچ نے ٹالنے کے لیے کہا کہ وہ ہمارے پلان میں ہے لیکن اسے ابھی تھوڑا ٹائٹ رکھنا ہے، اسے بعد میں دیکھیں گے۔

    https://urdu.arynews.tv/mohammad-amir-pakistan-fast-bowlers/

  • ‘جنوبی افریقی کپتان ریٹائرمنٹ لے لیں، وہ آج بالکل پاکستانی کپتان لگے’

    ‘جنوبی افریقی کپتان ریٹائرمنٹ لے لیں، وہ آج بالکل پاکستانی کپتان لگے’

    سیمی فائنل میں جنوبی افریقہ کی شکست پر باسط علی نے کہا ہے کہ جنوبی افریقی کپتان کو ریٹائرمنٹ لے لینی چاہیے، وہ آج بالکل پاکستانی کپتان لگے۔

    اے آر وائی کے پروگرام ہر لمحہ پرجوش میں ماہرانہ تجزیہ کرتے ہوئے سابق کرکٹر باسط علی کا کہنا تھا کہ جنوبی افریقہ نے ثابت کردیا وہ چوکر ہیں، جنوبی افریقی کپتان نے ٹاس کے وقت دوموونٹ کیے جس پر ہنسی آئی، نیوزی لینڈ جس طرح میچ جیتا ہے اس نے بتادیا وہ بیسٹ ٹیم ہے۔

    باسط علی نے کہا کہ نیوزی لینڈ کی ٹیم نے بتادیا وہ بھارت کا سامنا کرسکتی ہے، ملر نے 100 رنز بنائے، سنچری بنانے کا کیا فائدہ جو ٹیم کے کام نہ آئے۔

    انھوں نے کہا کہ نیوزی لینڈ کی ٹیم بھارت کو بھرپور ٹکر دے گی، نیوزی لینڈ کی ٹیم نے فائنل کی تیاری کی تو ان کی سوچ کا پتہ چل گیا۔

    باسط علی نے کہا کہ جیسن گلیسپی پہلے اپنے گریبان میں تو جھانکیں، بنگلادیش سے وائٹ واش کرایا آپ کو پچ بنانا نہیں آتی تھی، آپ خود بنگلادیش کی ٹیم سے ہارے، بنگلادیش کے بعد اگلا ٹیسٹ انگلینڈ سے ہوا اس میں بھی ہارے۔

    سابق کرکٹر نے کہا کہ اگر گیری کرسٹن کا نام لے رہے ہیں انھوں نے امریکا سے ہروایا، امریکا پہلی بار کرکٹ میں آیا اس نے پاکستان کو ہرادیا۔

    انھوں نے کہا کہ جیسن گلیسپی اپنے گریبان میں جھانک نہیں رہے دوسروں پر تنقید کررہے ہیں، سب سے بڑے جوکر تو جیسن ہیں انھیں پچ بنانا نہیں آتی ٹیم بنانا نہیں آتی۔

    اس شو میں موجود کامران اکمل نے کہا کہ پی سی بی مبارکباد کی مستحق ہے کہ چیمپئنز ٹرافی پاکستان میں خیریت سے ہوگئی، چیمپئنز ٹرافی کو کامیاب بنانے کیلئے سیکیورٹی اداروں نے دن رات محنت کی۔