پشاور : تحریک انصاف نے خیبرپختونخوا میں ریٹرننگ افسران پر نتائج تبدیل کرنے کاالزام لگاتے ہوئے عدالت کا دروازہ کھٹکھٹانے کااعلان کردیا۔
تفصیلات کے مطابق خیبرپختونخوا میں پاکستان تحریک انصاف کے رہنماؤں نے پریس کانفرنس کرتے ہوئے ریٹرننگ افسران پر نتائج تبدیل کرنے کاالزام لگا دیا۔
تیمور جھگڑا نے کہا کہ پی ٹی آئی نے پختونخوامیں کلین سوئپ کیاہے، پی ٹی آئی نےقومی اسمبلی کی 160 سے 170سیٹیں جیتی ہیں۔
رہنما پی ٹی آئی نے بتایا کہ پشاور کی 8 سیٹوں کے رزلٹ تبدیل کیےگئے، ہمارے پاس فارم45موجودہیں، محمودجان کی سیٹ کارزلٹ تبدیل کیاگیا، علی زمان کی سیٹ کارزلٹ بھی تبدیل کیاگیا، علی زمان کےمدمقابل جےیوآئی کےعبدالحسیب تھے، ارباب جہانداد چوتھےنمبرپرتھےانہیں جتوادیاگیا۔
ان کا کہنا تھا کہ ہم کسی کوجمہوریت ڈی ریل کرنےنہیں دیں گے، ہم نےکہاتھاکسی آراوزکوتبدیل کرنےنہ دیاجائے، چیف جسٹس صاحب سوموٹو نوٹس لیں۔
تیمورجھگڑا نے مزید کہا کہ اس قوم نےبانی پی ٹی آئی کوووٹ دیاہے، پشاورکےعوام کےمینڈیٹ پرڈاکاڈالاگیاہے، 25ہزارکو 12ہزار اور 2ہزار کو 16ہزار ووٹ کردیاگیا، یہ کام پنجاب میں ہوا اور کےپی کی ایک یا 2سیٹوں پر ہوا ہے۔
رہنما کامران بنگش کا بھی کہنا تھا کہ میرے حلقے میں جس امیدوارکو جتوایا گیا وہ چھٹے یا ساتویں نمبرپرتھے، ملک اعوان کو اپنے محلے میں صرف 38 ووٹ اور مجھے 200سے زائد ووٹ ملے، میرے حلقے میں بھی میں نے زیادہ ووٹ لئے ہیں۔
انھوں نے کہا کہ جن امیدواروں کو جتوایا گیا ان کے کیمپس ہی نہیں تھے، ہم جمہوری لوگ ہیں پرامن احتجاج جاری رکھیں گے۔
