اسلام آباد : حکومت نے بجلی بلوں میں ٹی وی فیس کے ساتھ ریڈیوفیس لینےکا فیصلہ کرلیا، 35روپے ٹی وی اور 15 روپے ریڈیو فیس عائد ہوگی۔
تفصیلات کے مطابق حکومت نے عوام پر مزید بوجھ ڈالنے کی تیاری کرلی ، بجلی بلوں میں 15 روپے ریڈیو فیس لینے کا فیصلہ کرلیا گیا۔
وزارت خزانہ حکام نے انکشاف کیا کہ بجلی بلز میں ٹی وی فیس کے ساتھ ریڈیو فیس بھی شامل ہوگی، وزارت اطلاعات نے اس حوالے سے سمری تیار کرلی ہے، 35 روپے ٹی وی اور 15 روپے ریڈیو فیس عائد ہوگی۔
حکام کا کہنا تھا کہ سینیٹ کمیٹی کی سفارش پر یہ اقدام کیا گیا ہے، نقصان میں جانے والوں اداروں کی نجکاری کی سفارش تھی۔
وزارت خزانہ حکام نے کہا کہ اداروں کی نجکاری کا معاملہ پالیسی سے متعلق ہے، وزارت خزانہ کو خزانہ کمیٹی کی55 سفارشات موصول ہوئی تھیں۔