دبئی : ریڈ بل کی جانب سے دبئی میں میوزیکل کنسرٹ کا اہتمام کیا گیا جس میں پاکستانی اور بھارتی گلوکاروں نے پرفارمنس کا مظاہرہ کیا۔ کنسرٹ میں شریک لوگوں کی بڑی تعداد نے دونوں ممالک کے موسیقاروں کو دل کھول کر داد دی۔
دبئی جو بھارتی اور پاکستانی شہریوں کے لیے دوسرا ہوم گراؤنڈ سمجھا جاتا ہے اورجہاں دونوں روایتی حریفوں کے درمیان کرکٹ کے متعدد مقابلے بھی منعقد ہوچکے ہیں مگر اس بار نہ تو دونوں ممالک کے سیاستدان یہاں تھے اور نہ ہی یہاں روایتی حریفوں میں کرکٹ کا مقابلہ ۔
بلکہ اس بار یہاں اسٹیج سجا، دونوں ممالک کے گلوکاروں کی پرفارمنس کے لیےجس میں پاکستان کی جانب سے متعدد ایوارڈز جیتنے والے بینڈ اسٹرنگز اور بھارتی بینڈ ایفوریا نے پرفارمنس دی اور شائقین موسیقی کے دل موہ لیے۔
اس موقع پر دونوں ممالک کے گلوکاروں کی پرفرمنس پر شائقین نے خوب ہلہ گلہ کیا اور انھیں دل کھول کر داد دی کنسرٹ میں لوگوں نے بڑی تعداد میں شرکت کی۔
