Tag: ریڈ زون

کراچی : کراچی ایئرپورٹ کو ریڈ زون قرار دے کر آنے والے راستے محدود کر دیے گئے اور مسافروں کے لیے اہم ہدایات جاری کردی گئیں۔

تفصیلات کے مطابق کراچی ایئرپورٹ کو ریڈ زون قرار دے دیا گیا ، پولیس حکام نے بتایا کہ ایئرپورٹ آنے والے راستےمحدود کر دیے گئے اور غیر متعلقہ افراد کو ریڈ زون میں داخلے کی اجازت نہیں ہوگی۔

حکام کا کہنا تھا کہ ایئرپورٹ آنے، جانے یا وہاں اپنے فرائض انجام دینے والوں کو جانے کی اجازت ہوگی تاہم ایئرپورٹ آنیوالے افراد ریڈ زون میں داخلے کیلئے پرواز کی ٹکٹ اور شناختی کارڈ ساتھ رکھیں۔

پولیس نے کہا کہ کراچی ایئرپورٹ کے اطراف 5 نئی پولیس چیک پوسٹیں بنادی گئیں،چیک پوسٹوں پر 24 گھنٹے پولیس نفری تعینات رہے گی، چیک پوسٹوں پرپولیس اہلکار مشکوک شخص ،گاڑی کی چیکنگ کریں گے۔

حکام نے مزید بتایا کہ چیکنگ کا مقصد کسی بھی غیر معمولی سرگرمی کو روکنا ہے، اپیل ہے مسافر اپنی پرواز کے وقت سےقبل ایئرپورٹ پہنچیں۔

پشاور: سینٹرل پولیس آفس میں ریڈ زون کمانڈ سیکیورٹی روم پلان ون تیار ہوگیا ، جو پاکستان میں اپنی نوعیت کا منفرد جدید ٹکنالوجی سسٹم سے منسلک ہے۔

تفصیلات کے مطابق پشاور میں ریڈ زون کمانڈ سیکیورٹی روم پلان ون تیار ہوگیا، سینٹرل پولیس آفس میں ریڈ زون سیکیورٹی کمانڈ روم کی فوٹیج اےآر وائی نیوز کو موصول ہوگئی۔

سی پی او میں پاکستان میں اپنی نوعیت کا منفرد جدید ٹکنالوجی سسٹم سے منسلک کمانڈ روم تیار کیا گیا ہے ، جس میں ریڈ زون میں داخلے ہونے والے افراد کا ڈیٹا فیڈنگ سسٹم میں آٹو میٹک لوڈ ہوگا۔

ریڈ زون میں داخل ہونے والےہر شخص کی شناخت،گاڑی کا نمبر سسٹم میں اپلوڈ ہوتا رہے گا اور کمانڈ روم میں کرمنل افرد کاڈیٹا فیڈ کیا جائے گا، جس سے ریڈ زون میں داخل ہونے پر سسٹم آٹومیٹک بزر دے گا۔

سی پی او کمانڈ روم پشاور پولیس لائن کے داخلی راستے کو بھی مانیٹرکرے گا جبکہ ریڈ زون کمانڈ سیکیورٹی سسٹم پشاور پولیس لائن اور سپریم کمانڈر روم سمیت سینٹرل پولیس آفس کےآپریشن روم کے ساتھ منسلک رہے گا۔

ریڈ زون فیز ون میں سی پی او، سول سیکرٹریٹ وزیر اعلیٰ ہاؤس ،گورنر ہاؤس پولیس لائن اوراطراف کےدفاتر شامل ہیں جبکہ ریڈ زون سیکیورٹی فیز ٹو میں اسپیشل سیکیورٹی دستوں کی تعیناتی کی گئی ہے۔