کراچی : انسداد دہشت گردی کی عدالت نے سابق ایم ڈی کے ای ایس سی شاہد حامد قتل کیس میں بانی ایم کیو ایم سمیت رہنماؤں ندیم نصرت، سہیل زیدی اور دیگر کے ریڈ وارنٹ جاری کرنے کی منظوری دے دی ہے۔

تفصیلات کے مطابق کراچی کی انسداد دہشت گردی کی عدالت نے آج بانی ایم کیوایم الطاف حسین، کنوینیر ندیم نصرت اور رہنما سہیل زیدی کے ریڈ وارنٹ جاری کرنے کی منظوری دے دی ہے۔

انسداد دہشت گردی کی عدلات میں محکمہ داخلہ کی جانب سے جمع کرائے گئے شواہد اور ثبوت کی بناء پر اس قتل میں بانی ایم کیوایم، ندیم نصرت اور سہیل زیدی کے ملوث ہونے کے امکان کے پیش نظر طویل عرصے سے بیرون ملک مقیم ان تینوں رہنماوں کو انٹر پول کے ذریعے گرفتار کرنے کی منظوری دی گئی۔

اسی سے متعلق : بانی ایم کیو ایم کے ریڈ وارنٹ جاری کرنے کی منظوری

واضح رہے اس سے قبل بھی وزارت داخلہ کی جانب سے ڈاکٹر عمران فاروق قتل کیس سمیت دیگر سنگین مقدمات میں ملوث ہونے پر بانی ایم کیو ایم کو انٹر پول کے ذریعےگرفتار کرنے کے لیے ریڈ وارنٹ جاری کیے گئے تھے تاہم ناکافی ثبوت کی بناء پر انٹرپول نے معذرت کر لی ہے۔

یہ پڑھیں متحدہ قائد کے ریڈ وارنٹ، انٹر پول نے سوالات اٹھا دیے

یاد رہے ایم ڈی کے ای ایس سی شاہد حامد کو 1997 میں کراچی کے علاقے ڈیفنس میں اس وقت قتل کردیا گیا تھا جب وہ آفس آنے کے لیے گھر سے نکلے تھے کہ تین موٹر سائیکل سوار ملزمان نے گولیاں مار کر قتل کیا اور اس الزام میں ایم کیو ایم کے کارکن صولت مرزا کو 1999 میں پھانسی کی سزا دی گئی تھی۔

یہ بھی پڑھیں : شاہد حامد قتل کیس،صولت مرزا کو پھانسی دیدی گئی

ایم کیو ایم کے کارکن صولت مرزا کے ساتھ اس قتل میں دیگر دو کارکنان بھی شریک تھے جن میں سے ایک منہاج قاضی کو گزشتہ برس گرفتار کیا گیا ہے جب کہ صولت مرزا کو 12 مئی 2015 میں مچھ جیل میں پھانسی دے دی گئی تھی۔