پاکستان شوبز انڈسٹری کی معروف اداکارہ نعیمہ بٹ اور اداکار عماد عرفانی کے ری یونین نے مداحوں کو حیران کردیا جس کی تصاویر وائرل ہوگئی۔
آر وائی ڈیجیٹل کے ڈرامہ سیریل کبھی میں کبھی تم پاکستان کا مقبول ترین ڈرامے میں سے ایک تھی جس نے زبردست کامیابی حاصل کیے جسے مداحوں کی جانب سے خوب پسند کیا گیا۔
فرحت اشتیاق کی لکھی ہوئی دلچسپ کہانی شائقین کو بہت پسند آئی، بگ بینگ انٹرٹینمنٹ پروڈکشن کے بینر تلے بننے والے اس ڈرامے کی ہدایات بدر محمود نے دی تھیں، فنکاروں میں ہانیہ عامر، فہد مصطفیٰ، بشریٰ انصاری، جاوید شیخ، نعیمہ بٹ، عریض چوہدری، مایا خان، عماد عرفانی اور دیگر شامل تھے۔
View this post on Instagram
اس ڈرامے کی کہانی کے ساتح کرادار کو بھی خوب پسند کیا گیا، اسی ڈرامے کے کردار عماد عرفانی اور نعیمہ بٹ ہیں جنہوں نے رباب اور عدیل کا کردار ادا کیا تھا۔
حال ہی میں ان دونوں کو فنڈ ریزرز کے لیے برطانیہ میں دوبارہ اکٹھے دیکھا گیا، اس تقریب میں عماد عرفانی کی اہلیہ بھی ان کے ہمراہ تھیں۔
اس کے علاوہ نعیمہ بٹ اور عماد عرفانی نے ایک ساتھ اچھا وقت گزارا، اداکارہ نے ڈرامہ کردار عدیل کے ہمراہ پوز دیتے ہوئے پوسٹ شیئر کی جس میں انہیں سیاہ ساڑھی میں غضب ڈھاتے دیکھا گیا جبکہ عدیل بھی سیاہ لباس کیساتھ کیمل کوٹ میں کیمرے کے سامنے پوز دیتے نظر آرہے ہیں۔
اداکارہ نعیمہ بٹ نے خوبصورت تصاویر شیئر کرتے ہوئے کیپشن میں لکھا کہ’رباب اور عدیل کا یہ سفر جاری ہے۔’
دوسری جانب مداحوں کو نعیمہ بٹ اور عماد عرفانی کی یہ غیر متوقع ملاقات بے حد پسند آرہی ہے ساتھ ہی مداحوں نے نعیمہ کی خوبصورتی کی تعریف کی ہے۔
