عیدالفطر سے قبل گھر جانے والے مسافروں سے زائد کرایہ لینے والے ٹرانسپورٹرز کیخلاف ملک بھر میں کریک ڈاؤن جاری ہے۔
تفصیلات کے مطابق اپنوں میں عید منانے کیلئے جانے والے مسافر حضرات سے زائد کرایہ وصول کرنے پر انتظامیہ حرکت میں آگئی، ترجمان موٹروے پولیس نے کہا کہ زائد کرائے کی مد میں وصول 47لاکھ 27 ہزار روپے عوام کو واپس کروا دیے گئے۔
محکمہ ٹرانسپورٹ نے زائد کرایہ وصول کرنے والے ٹرانسپورٹرز کے خلاف کارروائیاں تیز کر دیں
موٹروے پولیس ترجمان کا مزید کہنا تھا کہ اوورلوڈ گاڑیوں کو 2 کروڑ 33 لاکھ 97 ہزار 750 روپے کا جرمانہ عائد کیا گیا۔
ترجمان موٹروے پولیس نے بتایا کہ عید الفظر بڑی تعداد میں لوگ گھروں کو واپس جاتے ہیں، رش کے پیش نظر موٹروے پولیس کی اضافی نفری تعینات کی گئی ہے۔
https://urdu.arynews.tv/petrol-price-high-transporters-have-increased-fares/