پاکستان شوبز انڈسٹری کی معروف اداکارہ زارا نور عباس اور اداکار اسد صدیقی نے اپنی بیٹی نورِ جہاں کا چہرہ بالآخر ریویل کردیا۔
اداکارہ زارا نور عباس نے فوٹو اینڈ ویڈیو شیئرنگ ایپ انسٹاگرام پر بیٹی کی پہلی سالگرہ پر ایک جذباتی پوسٹ شیئر کیا ساتھ ہی اس میں بیٹی کا چہرہ بھی ریویل کیا ہے۔
گزشتہ روز پاکستان کی اسٹار جوڑی نے بیٹی کی سالگرہ کا باقاعدہ جشن منایا ہے جس میں ننھی نورِ جہاں کا چہرہ بھی سب کو دکھا دیا گیا ہے۔
اس موقع پر زارا نور عباس نے کاسنی رنگ کا جوڑا پہنا اور اپنی ننھی پری کو اپنے ساتھ ٹوئنگ کرتے ہوئے اسی رنگ کے کپڑوں میں تیار کیا۔
View this post on Instagram
نورِ جہاں کے سر پر فلورل بینڈ بھی پہنایا جو انہیں کسی پھولوں کی شہزادی جیسا لُک دیتا نظر آیا جو اپنے بابا اور والدہ کے ساتھ انجوائے کرتی نظر آرہی ہیں۔
واضح رہے کہ زارا نور عباس نے اداکار اسد صدیقی سے دسمبر 2017 میں شادی کی تھی، دونوں کی یہ دوسری شادی ہے۔
شادی کے چند سال بعد اسد صدیقی نے جنوری 2022 میں انکشاف کیا تھا کہ طبی پیچیدگیوں کے باعث ان کی اہلیہ کا ایک حمل ضائع ہوا تھا۔
View this post on Instagram
نومبر 2023 میں زارا نور عباس نے ایک مرتبہ پھر حاملہ ہونے سے متعلق اعلان کیا اور 27 مارچ 2024 میں اسٹار جوڑی نے اپنے ہاں ننھی پری کا استقبال کیا جسکا نام ‘نورِ جہاں’ رکھا۔
