اے آر وائی ڈیجیٹل کے ڈرامہ ’مجھے پیار ہوا تھا‘ میں ماہیر نے اریب کو تھپڑ جڑ دیا۔
ڈرامہ سیریل ’مجھے پیار ہوا تھا‘ میں وہاج علی (سعد)، ہانیہ عامر (ماہیر)، زاویار نعمان (اریب)، شہود علوی، سلمیٰ حسن، سبینہ سید، نور الحسن، رابعہ کلثوم، جاوید شیخ، انجلین ملک، وشما فاطمہ، عائشہ مرزا، امبر خان، شاہین خان ودیگر اداکاری کے جوہر دکھا رہے ہیں۔
ڈرامے کی کہانی سدرہ سحر عمران نے لکھی ہے جبکہ اس کی ہدایت کاری کے فرائض بدر محمود نے انجام دیے ہیں۔
’مجھے پیار ہوا تھا‘ کی کہانی سعد، اریب اور ماہیر کے گرد گھومتی ہے، سعد چاچو کی بیٹی ماہیر سے محبت کرتے ہیں لیکن جب انہیں یہ معلوم ہوتا ہے کہ وہ اریب سے محبت کرتی ہیں تو وہ ان سے شادی سے انکار کردیتے ہیں لیکن اریب عین شادی کے وقت بارات لے کر نہیں پہنچتے جس کے بعد ماہیر کی شادی سعد سے ہوجاتی ہے اب اریب کی واپسی کے بعد ان کی زندگی پر پڑنے والے اثرات کو دکھایا جارہا ہے۔‘
گزشتہ قسط میں دکھایا گیا کہ ’اریب ماہیر کے گھر پہنچتے ہیں اور کہتے ہیں کہ خلع کے پیپر پر سائن کرو اور میرے ساتھ چلو۔‘
اریب کہتے ہیں کہ ’میں جانتا ہوں تم اس کے ساتھ خوش نہیں ہو، میں خلع کے پیپر لے کر آیا ہوں، تم چلو میرے ساتھ یہاں پر ایسے کیسے رہ سکتی ہو۔‘
یہ سن کر ماہیر اریب کو تھپڑ مار دیتی ہیں۔ وہ کہتی ہیں کہ ’کیا تماشہ لگایا ہوا ہے یہ مذاق چل رہا ہے، اپنی چھوٹی سی خوشی اور خواہش کے لیے ہم سب کا مذاق بنا کر رکھ دیا ہے۔‘
ماہیر کہتی ہیں کہ ’میرا تماشہ تو بنا ہی چکے ہو اب کیا کرنے آئے ہو، گھر کو آگ لگانی ہے، گھر والوں کو آگ لگانی ہے کیا کرنا ہے، کیسے سوچا کہ میں اس پیپر کی وجہ سے تمہارے ساتھ چلی جاؤں گی، نفرت ہے تم سے گھن آتی ہے تمہارے وجود سے، دفع ہوجاؤ۔‘
26ویں قسط کے پرومو میں دکھایا گیا ہے کہ ’اریب کہہ رہے ہیں کہ ’تم نے صرف میری محبت دیکھی ہے اب نفرت کی بھی حد دیکھو گی۔‘
کیا اریب، سعد اور ماہیر کو کوئی نقصان پہنچائیں گے، یہ جاننے کے لیے مجھے پیار ہوا تھا کی اگلی قسط پیر کی رات 8 بجے دیکھیں۔
