ARYNews.tv | Urdu – Har Lamha Bakhabar

Tag: زبردستی نکاح

  • سوتیلے باپ نے 12 سالہ بچی کا 70 سالہ شخص سے زبردستی نکاح کروادیا

    سوتیلے باپ نے 12 سالہ بچی کا 70 سالہ شخص سے زبردستی نکاح کروادیا

    پنجاب کے شہر اٹک میں سوتیلے باپ نے 12 سالہ بچی کا 70 سالہ شخص سے زبردستی نکاح کروادیا۔

    تفصیلات کے مطابق پنجاب میں ایک افسوسناک واقعہ پیش آیا ہے، اٹک میں سوتیلے باپ نے 12 سالہ بچی کا 70 سالہ شخص سے زبردستی نکاح کروادیا۔

    بچی سے زبردستی شادی کرانے پر نکاح خواں سمیت 10 افراد  کیخلاف مقدمہ درج کیا گیا ہے، حضرو پولیس نے دلہا نعیم  اسکے 4 بہن بھائیوں سمیت 9 افراد کو گرفتار کر لیا۔

    حضرو پولیس نے 12 سالہ بچی کے 60 سالہ سوتیلے باپ طیب کو بھی گرفتار کرلیا ہے جبکہ نکاح خواں موقعے سے فرار ہوگیا۔

    https://urdu.arynews.tv/karachi-girl-kidnapping-drama/

  • داتا دربار سے اغوا ہونے والی لڑکی پڈعیدن سے بازیاب

    داتا دربار سے اغوا ہونے والی لڑکی پڈعیدن سے بازیاب

    نوشہروفیروز: داتا دربار لاہور سے لاپتہ ہونے والی 14 سالہ لڑکی پڈعیدن سے بازیاب کرالی گئی۔

    تفصیلات کے مطابق لڑکی نے پولیس کو بتایا کہ وہ ماموں سے ناراض ہو کر داتا دربار سے آئی تھی، ایک خاتون بیٹی بنانے کا جھانسہ دے کر پڈعیدن لے آئی۔

    لڑکی کے مطابق خاتون نے زبردستی نکاح کرایا، تشدد بھی کرتی تھی میری والدہ کا انتقال ہوچکا ہے میں ماموں کے پاس لاہور رہتی تھی۔

    پولیس نے کہا کہ لڑکی کے بیان پر تفتیش کی جا رہی ہے، اس کے ماموں سے لاہور میں رابطہ کیا گیا ہے، اسے کل عدالت میں پیش کیا جائے گا۔

  • آٹھویں جماعت کی طالبہ اسما سے زبردستی نکاح کرلیا گیا؟

    آٹھویں جماعت کی طالبہ اسما سے زبردستی نکاح کرلیا گیا؟

    کراچی: عباس ٹاؤن سے لاپتا ہونے والی آٹھویں جماعت کی طالبہ اسما کے رحیم یارخان میں شادی کرنے کے معاملے میں نئی پیش رفت سامنے آئی ہے۔

    تفصیلات کے مطابق اس کیس کے حوالے سے پولیس نے بتایا کہ اسما نے رحیم یار خان میں نکاح نامے میں 19 برس عمر لکھوائی ہے۔ اسما کی والدہ کے مطابق اس کی عمر 14 سے 15 سال کے درمیان ہے۔

    پولیس نے کہا کہ محکمہ داخلہ سے اجازت کے بعد پنجاب جاکر بچی کو بازیاب کرایا جائے گا۔ اسما کے بیان کے بعد معلوم ہوسکے گا کہ پسند کی شادی کی یا زبردستی نکاح کیا گیا۔

    15 برس کی عمر میں لڑکی کا نکاح سندھ میں قانون کے خلاف ہے۔ لڑکی کی والدہ کا کہنا ہے کہ ہمیں ہماری بچی سے نہیں ملوایا جا رہا نہ فون پر بات کرائی جا رہی ہے۔

    پولیس کا دعویٰ ہے کہ رحیم یارخان کی پولیس کے مطابق اسما نامی لڑکی نے مرضی سے نکاح کے متعلق بیان دیا ہے۔

     

    View this post on Instagram

     

    A post shared by ARY News (@arynewstv)