کراچی : سانگھڑ میں زخمی اونٹنی کی ٹانگ پاکستان میں ہی تیار ہوگی، ٹانگ بائیونکس پاکستان محکمہ لائیو اسٹاک کے اشتراک سے تیار کرے گی۔
تفصیلات کے مطابق بائیونکس انجینئرنگ کمپنی کے وفد نے ڈاکٹرز کی ٹیم کے ہمراہ اینمل شیلٹر کا دورہ کیا اور بتایا زخمی اونٹنی کی ٹانگ بائیوٹکس انجینئرنگ کمپنی پاکستان میں تیار کرے گی۔
اس حوالے سے ڈاکٹر لحزب اللہ بھٹو نے اے آر وائی سے گفتگو میں کہا کہ بائیونکس پاکستان مختلف انسانی اعضاء بھی تیار کرتی ہے، بائیونکس پاکستان کے نمائندوں نے شیلٹر ہوم کا سروے کیا ہے۔
ڈاکٹر حزب اللہ بھٹو کا کہنا تھا کہ بائیوٹکس پاکستان نے اونٹنی کی ٹانگ کا ڈاکٹرز کی ٹیم کے ہمراہ چیک اپ کیا ہے، نمائندوں نے کہا کہ زخم ٹھیک نہ ہونے تک مصنوعی ٹانگ تیار نہیں ہوسکتی۔
ڈاکٹر نے مزید کہا کہ جیسے اونٹنی زخم ٹھیک ہوگا تو ٹانگ کی تیاری کا مرحلہ شروع ہوگا، اونٹنی کی ٹانگ بائیونکس پاکستان محکمہ لائیو اسٹاک کے اشتراک سے تیار کرے گی۔
