ARYNews.tv | Urdu – Har Lamha Bakhabar

Tag: زخمی

  • بھارت میں‌ چیتے نے 6 افراد کو زخمی کردیا، ویڈیو سوشل میڈیا پر وائرل

    بھارت میں‌ چیتے نے 6 افراد کو زخمی کردیا، ویڈیو سوشل میڈیا پر وائرل

    نئی دہلی : بھارت کے شمالی صوبے جھلندر میں خوانخوار چیتے نے حملہ کرکے 6 شہریوں کو شدید زخمی کردیا۔

    تفصیلات کے مطابق بھارت سے تعلق رکھنے والے صارف نے سماجی رابطے کی ویب سائٹ پر ایک ویڈیو شیئر کی جس میں ایک چیتا کو بھارتی ریاست جھلندر کے گاؤں میں مکینوں پر حملہ کرتے دیکھا جاسکتا ہے۔

    اطلاعات کے مطابق گاؤں کے ایک رہائشی پرم جیت کور نے چیتے کو اپنے گھر کے صحن میں دیکھتے ہی پولیس کو اطلاع کی تھی جس کے بعد پولیس ٹیم اور وائلڈ لائف ڈپارٹمنٹ کے 12 افراد چیتے کو پکڑنے آئے۔

    ذرائع کا کہنا ہے کہ لوگوں کو جب اس بات کی اطلاع ملی تو وہ اس کی تصاویر بنانے کے لیے پہنچ گئے۔

    بھارتی میڈیا کا کہنا ہے کہ وائلڈ لائف ڈپارٹمنٹ کی ٹیم نے جنگلی جانور کو پکڑنے کی کوشش کی تو اس نے شہریوں گھبرا کر شہریوں پر حملہ کردیا جس کے نتیجے 6 افراد شدید زخمی ہوگئے۔

    مزید پڑھیں : آزاد کشمیر: تین افراد کو زخمی کرنے والی چیتا نما جنگلی بلی

    مزید پڑھیں : سرکس کا چیتا بھپر گیا، 2 بچے زخمی

    مقامی میڈیا کا کہنا ہے کہ وائلڈ لائف ڈپارٹمنٹ کے عملے اور چیتے کے درمیان مسلسل کئی گھنٹے تک چوہے بلی کا کھیل جاری رہا اور 11 گھنٹے بعد وائلڈ لائف عملہ چیتے کو پکڑنے میں کامیاب ہوا۔

    بھارتی خبر رساں ادارے کا کہنا ہے کہ وائلڈ لائف عملے نے خوانخوار چیتے کو پکڑنے کے بعد چہت بیر چڑیا گھر میں منتقل کردیا۔

  • اٹلی میں برقی سیڑھیاں بے قابو، 20 سے زائد افراد زخمی

    اٹلی میں برقی سیڑھیاں بے قابو، 20 سے زائد افراد زخمی

    روم : اٹلی کے دارالحکومت کے وسط میں واقع میٹرو اسٹیشن پر برقی سیڑھیاں بے قابو ہونے کے باعث خوفناک حادثہ پیش آیا جس کے نتیجے میں 20 سے زائد افراد زخمی ہوئے ہیں جن میں بعض کی حالت تشویش ناک ہے۔

    تفصیلات کے مطابق اٹلی کے میٹرو اسٹیشن میں برقی سیڑھیاں بے قابو ہونے کے باعث زخمی ہونے والے افراد میں اکثریت روسی فٹبال ٹیم کے مداحوں کی ہے جو کھیل دیکھنے اٹلی پہنچے تھے۔

    غیر ملکی خبر رساں ادارے کا کہنا تھا کہ سوشل میڈیا پر جاری ویڈیو میں دکھا جاسکتا ہے کہ برقی سیڑھیوں کا نیچلا حصّہ توٹا تھا جس کے بعد سیڑھیوں کی رفتار بے قابو ہوگئی۔

    اطالوی خبر رساں اداروں کا کہنا تھا کہ ہنگامی خدمات انجام دینے والی ٹیمیں جائے ھادثہ پر پہنچ گئی تھی جس کے بعد میٹرو اسٹیشن کو بند کردیا گیا ہے۔

    اطالوی خبر رساں ادارے کا کہنا تھا کہ حادثے میں 20 سے زائد افراد زخمی ہوئے ہیں، زخمیوں کو ٹانگوں میں چوٹیں آئی ہیں جبکہ فٹبال ٹیم کے مداح زیادہ ہیں۔

    واقعے کے عینی شاہدین کا کہنا ہے کہ حادثے سے قبل روسی فٹبال ٹیم کے مداحوں کا ایک گروپ گانا گاتے اور جمپ کرتے ہوئے برقی سیڑھیوں پر سوار ہوا تھا۔

    اٹلی میں موجود روسی سفارت خانے کا کہنا تھا کہ فٹبال کے کم از کم 30 مداح زخمی ہوئے ہیں جو سی ایس کے اے ماسکو کا میچ دیکھنے روم گئے تھے۔

  • اسرائیلی فورسز کی فائرنگ سے 150 سے زائد فلسطینی شہری زخمی

    اسرائیلی فورسز کی فائرنگ سے 150 سے زائد فلسطینی شہری زخمی

    یروشلم : اسرائیلی فورسز کی جانب سے تحریک حق واپسی کے تحت اسرائیلی سرحد پر احتجاج کرنے والے نہتے فلسطینیوں پر اندھا دھند فائرنگ کے نتیجے میں 150 سے زائد افراد زخمی ہوگئے۔

    تفصیلات کے مطابق مقبوضہ فلسطین پر غاصب صیہونی ریاست اسرائیل کے درندہ صفت فورسز کا فلسطین کے شہریوں ظلم و تشدد تھمنے کا نام ہی نہیں لے رہا، طاقت کے نشے میں چور اسرائیلی فورسز کے اہلکاروں نے غزہ کی سرحد پر احتجاج کرنے والے مظاہرین پر بے دریغ گولیاں برسا دیں۔

    غیر ملکی خبر رساں ادارے کا کہنا تھا کہ صیہونی افواج نے جمعے کے روز تحریک حق واپسی کے تحت اسرائیل اور غزہ کہ سرحد پر مظاہرہ کرنے والے ہزاروں فلسطینیی شہریوں طاقت کا وحشیانہ استعمال کیا ہے۔

    فلسطینی خبر رساں ادارے کا کہنا تھا کہ غزہ کی پٹی پر اسرائیل قبضے کے خلاف گذشتہ کئی ماہ ہر جمعے احتجاج کرنے والے مظاہرین پر اسرائیلی فوجیوں کی فائرنگ کے نتیجے میں 130 سے زائد فلسطینی شہری زخمی ہوئے ہیں۔

    مقامی میڈیا کا کہنا ہے کہ اسرایئلی ڈیفنس فورسز کی فائرنگ سے زخمی ہونے والوں میں 25 بچے جبکہ 4 طبی امداد فراہم کرنے والا عملہ اور ایک خاتون صحافی بھی شامل ہیں۔

    غیر ملکی خبر رساں ادارے کا کہنا تھا کہ ہلال احمر کے اعداد و شمار کے مطابق جمعے کے روز نہتے فلسطینیوں پر اسرائیلی فوجیوں کی بے دریغ فائرنگ کے نتیجے میں 200 سے زائد شہری زخمی ہوئے ہیں، جنہیں طبی امداد فراہم کی جارہی ہے۔

    فلسطینی خبر رساں ادارے کا کہنا تھا کہ مقبوضہ فلسطین کے علاقے خان یونس میں صیہونی فورسز کی جانب سے نہتے شہریوں کو ڈرون طیاروں کے ذریعے ہدف بنایا گیا جس کے باعث متعدد افراد زخمی ہوئے جن میں بیشتر کی حالت تشویش ناک بتائی جارہی ہے۔

    دوسری جانب سے دہشت گرد اسرائیلی حکام نے بیان جاری کیا ہے کہ فورسز نے صرف ان لوگوں پر ڈرون طیاروں سے بمباری کی ہے جو آتش گیر غبارے اور پتنگ اسرائیلی حدود میں پھینک رہے تھے۔

    فلسطین کی وزارت صحت کے ترجمان کا کہنا ہے کہ اسرائیلی فوجیوں نے سرحدی علاقے میں ہونے والے مظاہروں پر فائرنگ 30 مارچ سے اب تک 200 سے زائد فلسطینی نوجوانوں کو شہید جبکہ 22 ہزار سے زائد شہریوں کو زخمی کیا گیا ہے۔

  • برطانیہ میں چاقو زنی کی واردات، 4 پولیس اہلکار زخمی

    برطانیہ میں چاقو زنی کی واردات، 4 پولیس اہلکار زخمی

    لندن : برطانوی دارالحکومت کے شمال میں ڈیوٹی پر موجود پولیس اہلکاروں پر چاقو سے حملہ کرکے شدید کردیا، چاقو زنی کی واردات میں زخمی ہونے والے چاروں اہلکار کو اسپتال منتقل کردیا گیا ہے۔

    تفصیلات کے مطابق برطانیہ کے دارالحکومت لندن کے شمالی علاقے آئیلنگٹن میں نامعلوم چاقو بردار شخص نے پولیس اہلکاروں پر حملہ کردیا جس کے نتیجے میں ڈیوٹی پر موجود چار اہلکار زخمی ہوگئے۔

    برطانوی خبر رساں ادارے کا کہنا تھا کہ سیکیورٹی اداروں نے ملزمان کے خلاف فوری کارروائی کرتے ہوئے کہ اقدام قتل اور ہنگامہ آرائی میں ملوث ہونے کے شبے میں دو 19 سالہ نوجوانوں کو حراست میں لیا ہے۔

    مقامی میڈیا کا کہنا ہے کہ پولیس اہلکاروں کو شمالی لندن میں ہنگامہ آرائی کی شکایات موصول ہوئی تھی تاہم پولیس اہلکار جائے وقوعہ پر پہنچے تو مشتعل شخص نے خنجر سے پولیس پارٹی پر ہی حملہ کردیا۔

    خبر رساں ادارے کا کہنا تھا کہ چاقو زنی کی واردات میں دو مرد اہلکاروں پر خنجر سے وار کیے گئے جبکہ ایک خاتون کے سر پر چوٹ لگی اور ایک خاتون کے ہاتھ کی ہڈی ٹوٹ گئی۔

    پولیس کا کہنا ہے کہ زخمی اہلکاروں کو فوری طور پر طبی امداد کےلیے مقامی اسپتال منتقل کردیا گیا تھا جہاں تین اہلکاروں کو طبی امداد کے بعد روانہ کرگیا تھا جبکہ ایک اہلکار کو شدید زخمی ہونے کے باعث اسپتال میں داخل کرلیا تھا۔

    برطانوی میڈیا کا کہنا تھا کہ جھگڑے کے باعث چاقو بردار شخص بھی معمولی زخمی ہوا تھا جسے طبی امداد فراہم کرنے کے بعد شمالی لندن کے پولیس اسٹیشن منتقل کردیا گیا۔

    پولیس کا کہنا ہے کہ جائے وقوعہ سے حملے میں استعمال ہونے والا خنجر برآمد ہوا ہے، پولیس اہلکار واقعے کی مزید تفتیش کررہے ہیں۔

  • ایران میں زلزلے سے 2 افراد ہلاک، 200 سے زائد زخمی

    ایران میں زلزلے سے 2 افراد ہلاک، 200 سے زائد زخمی

    تہران : ایران میں 6.0 شدت کے زلزلے نے تباہی مچا دی، زلزلے کے نتیجے میں  2 ہلاک اور  200 سے زائد شہریوں کے زخمی ہونے کی اطلاعات موصول ہوئیں ہیں۔

    تفصیلات کے مطابق ایران کے صوبے کرمنشاہ کے نزدیک آج صبح زلزلے کے شدید جھٹکے محسوس کیے گئے تھے جس کے نتیجے میں کئی مکانات و عمارتیں متاثر ہوئی ہیں اور 2 افراد ہلاک جبکہ 200 سے زائد افراد زخمی ہوئے ہیں۔

    حکام کی جانب سے جاری کردہ بیان میں کہا گیا ہے کہ شہر جوانرود کے قریب آنے والے اس زلزلے کی شدت ریکٹر اسکیل پر 6.0 ریکارڈ کی گئی۔

    حکام کے مطابق اس زلزلے کے باعث ابھی تک 241 افراد کے زخمی ہونے کی اطلاعات ہیں، جبکہ انتظامیہ لوگوں کو ہر ممکن سہولیات فراہم کرنے کے لیے بھرپور اقدامات کر رہی ہے۔

    غیر ملکی خبر رساں ادارے کا کہنا تھا کہ کرمنشاہ کے شمال مغرب میں واقع شہر تازہ آباد میں بھی زلزلے کے دو جھٹکے محسوس کیے گئے تھے جس کی شدت 3.0 ریکارڈ کی گئی تھی جبکہ زلزلوں کے نتیجے میں متعدد افراد زخمی ہوئے ہیں۔

    مزید پڑھیں : ایران کےدارالحکومت تہران میں زلزلےکےجھٹکے

    خیال رہے کہ گذشتہ برس دسمبر میں ایران کا درالحکومت تہران 2۔5 شدت کے زلزلے سے لرز گیا تھا جبکہ اطراف کے صوبوں البرز، قم، قزوین میں بھی زلزلے کے جھٹکے محسوس کیے گئے تھے تاہم زلزلے کے نتیجے میں کوئی جانی نقصان نہیں ہوا تھا۔

    مزید پڑھیں : ایران زلزلہ: جاں بحق افراد کی تعداد 530 تک جا پہنچی، 8ہزارافراد زخمی

    یاد رہے کہ گزشتہ ماہ 14 نومبرکو ایران اورعراق کے سرحدی علاقوں میں 7.4 شدت کے زلزلے نے تباہی مچا دی تھی، زلزلے کے نتیجے میں530 سے زائد افراد جاں بحق جبکہ آٹھ ہزار سے زائد افراد زخمی ہوگئے تھے۔

  • لندن: 3 سالہ بچے پر تیزاب ڈالنے کے الزام میں 3 نوجوان گرفتار

    لندن: 3 سالہ بچے پر تیزاب ڈالنے کے الزام میں 3 نوجوان گرفتار

    لندن : برطانوی پولیس نے کم سن بچے پر تیزاب پھیکنے کے الزام میں تین نوجوانوں کو گرفتار کرلیا ہے، تیزاب گردی کے نتیجے میں بچے کا چہرہ اور بازو بری طرح جھلس گیا تھا۔

    تفصیلات کے مطابق برطانیہ کے دارالحکومت لندن میں 3 مشتبہ افراد نے ایک روز قبل 3 سالہ کم سن بچے کو تیزاب گردی کا نشانہ بنایا تھا، پولیس نے واقعے کا نوٹس لیتے ہوئے تین نوجوانوں کو تیزاب گردی کرنے کے الزام میں گرفتار کیا ہے۔

    برطانوی پولیس کا کہنا تھا کہ گرفتار ملزمان کی عمر 22، 25 اور 26 برس ہے۔ جنہیں لندن کے علاقے والٹ ہیسٹو سے گرفتار کیا گیا تھا۔

    پولیس کا کہنا ہے کہ تیزاب گردی کے واقعے میں متاثرہ بچے کا چہرہ اور بازو بری طرح جھلس گیا تھا، جسے اسپتال میں طبی امداد دینے کے بعد ڈسچارج کردیا گیا ہے۔

    پولیس ترجمان نے میڈیا کو بتایا کہ مذکورہ حملے کی وجوہات کیا تھی اس بارے میں کچھ معلوم نہیں ہوسکا ہے، تاہم بچے کے چہرے اور بازو پر آنے والے زخموں کے اثرات کب تک باقی رہتے ہیں اس کے بارے میں کچھ نہیں کہا جاسکتا۔

    پولیس ترجمان کا کہنا تھا کہ متاثرہ بچہ ہفتے کے روز اپنے والدین کے ہمراہ گھر کے قریب واقع پارک میں موجود تھا کہ اچانک ملزمان نے بچے پر تیزاب پھینک دیا۔

    برطانیہ کے ایم پی رابن والکر کا نے واقعے کو المناک قرار دیتے ہوئے کہا تھا کہ ’مجھے بہت حیرت ہوئی کہ دنیا میں ایسے افراد بھی موجود ہیں ججو ایک چھوٹے بچے پر حملہ کریں‘۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • چمن میں نامعلوم ملزمان کی فائرنگ، سابق سینیٹر داؤد خان زخمی

    چمن میں نامعلوم ملزمان کی فائرنگ، سابق سینیٹر داؤد خان زخمی

    چمن : عوامی نیشنل پارٹی کے رہنما و سابق سینیٹر داؤد خان اچکزئی نامعلوم ملزمان کی فائرنگ میں زخمی ہوگئے، جنہیں طبی امداد کے لیے کوئٹہ اسپتال منتقل کردیا گیا۔

    تفصیلات کے مطابق بلوچستان کے شہر چمن کے علاقے قلعہ عبداللہ میں نامعلوم ملزمان کی جانب سے فائرنگ کی گئی ہے جس کے نتیجے میں عوامی نیشنل پارٹی کے مرکزی نائب صدر و سابق سینیٹر داؤد خان زخمی ہوگئے ہیں۔

    لیویز ذرائع کا کہنا ہے کہ سابق سینیٹر داؤد اچکزئی کے محافظوں کی جوابی فائرنگ سے حملہ آور موقع سے فرار ہوگئے، جبکہ داؤد خان اچکزئی کو طبی امداد کے لئے کوئٹہ منتقل کردیا گیا۔

    لیویز ذرائع کا کہنا ہے کہ فائرنگ کا واقعہ علاقہ توت اڈا میں علی الصبح پیش آیا تھا جہاں حملہ آوروں نے اے این پی دفتر میں گھس کر فائرنگ کی تھی، نامعلوم مسلح ملزمان دیوار پھلانگ کر باچا خان مرکز میں داخل ہوئے۔

    داؤد خان پر حملہ آوروں کی فائرنگ کے جواب میں محافظوں کی فائرنگ کے تبادلے میں دفتر کے اندر موجود گاڑیاں جو بھی نقصان پہنچا ہے۔

    عوامی نیشنل پارٹی کے رہنما زمرک خان اچکزئی کا کہنا ہے کہ حملہ آور کی فائرنگ کے نتیجے میں داؤد خان اچکزئی کو بازو میں 2 گولیاں لگی ہیں, جنہیں کوئٹہ اسپتال منتقل کردیا گیا ہے۔

    سانحہ مستونگ کے مزید زخمی دم توڑ گئے‘ شہداء کی تعداد 149 ہوگئی

    یاد رہے کہ چند روز قبل صوبہ بلوچستان کے ضلع مستونگ میں بلوچستان عوامی پارٹی کی کارنر مٹینگ میں دھماکا ہوا جس کے نتیجے میں پی بی 35 سے صوبائی اسمبلی کے امیدوار سراج ریئسانی سمیت 150 کے قریب افراد شہید ہوئے تھے، جبکہ 122 سے زخمی ہیں جن میں سے متعدد کی حالت تشویشناک ہے۔

    بنوں: ایم ایم اے امیدوار اکرم درانی کے قافلے پر حملہ، 4 افراد جاں بحق

    خیال رہے کہ رواں سال انتخابات کے دوران انتخابی امیدواروں پر کیا جانے والا یہ چوتھا حملہ ہے۔ بنوں میں بھی چند روز متحدہ مجلس عمل کے امیدوار اکرم درانی کے قافلے پر بم حملہ کیا گیا تھا، جس کے نتیجے میں 4 افراد جاں بحق اور 35 زخمی ہوئے جبکہ اکرم درانی محفوظ رہے۔

    پشاور: اے این پی کی کارنر میٹنگ میں خودکش دھماکا، ہارون بلور سمیت 13 شہید

    واضح رہے کہ اس سے قبل 10 جولائی کو پشاور کے علاقہ یکہ توت میں عوامی نیشنل پارٹی کی انتخابی مہم کے دوران خودکش دھماکہ ہوا تھا جس میں اے این پی کے امیدوار ہارون بلور شہید ہوگئے تھے۔ دھماکے میں مزید 21 افراد بھی شہید ہوئے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • لندن: نعیم بخاری کے ساتھ حادثہ، زخمی ہوکر اسپتال منتقل

    لندن: نعیم بخاری کے ساتھ حادثہ، زخمی ہوکر اسپتال منتقل

    لندن: تحریک انصاف کے رہنما  اور سینئر قانون دان برطانوی دارالحکومت میں زیر زمین اسٹیشن کے پلیٹ فارم پر گرنے سے زخمی ہوگئے جس کے بعد انہیں اسپتال منتقل کیا گیا۔

    تفصیلات کے مطابق پی ٹی آئی رہنما نعیم بخاری نمل کالج کی چندہ مہم کے سلسلے میں لندن میں موجود ہیں وہ ایک مقام سے دوسرے مقام کی طرف جانے کے لیے زیر زمین ریلوے اسٹیشن پہنچے تو گرنے سے زخمی ہوگئے۔

    نعیم بخاری کے زخمی ہونے کے بعد انہیں لندن کے سینٹ میریز اسپتال منتقل کیا گیا جہاں ڈاکٹرز نے اُن کی حالت خطرے سے باہر بتاتے ہوئے انتہائی نگہداشت وارڈ میں داخل کرلیا۔ اسپتال انتظامیہ کے مطابق پی ٹی آئی رہنما کے سر اور پسلیوں میں چوٹیں آئیں۔

    دوسری جانب تحریک انصاف کے چیئرمین عمران خان نے نعیم بخاری کے ساتھ پیش آنے والے حادثے پر افسوس کا اظہار کرتے ہوئے جلد اور مکمل صحت یابی کے لیے دعا کی۔

     سماجی رابطے کی ویب سائٹ پر عمران خان کا کہنا تھا کہ ’نعیم بخاری کی جلد صحت یابی کے لیے میری اور بہت سارے لوگوں کی دعائیں ہیں‘۔

    تحریک انصاف کی رہنما شیری مزاری نے بھی نعیم بخاری کی جلد صحت یابی کے لیے دعا کی۔

    تحریک انصاف کے ترجمان فواد چوہدری نے نعیم بخاری کے ساتھ پیش آنے والے حادثے پر افسوس کا اظہار کرتے ہوئے جلد صحت یابی کی دعا کی اور لوگوں سے بھی اپیل کی کہ وہ پی ٹی آئی رہنما کو اپنی خصوصی دعاؤں میں یاد رکھیں۔

    واضح رہے کہ نعیم بخاری نے 18 جون 2016 کو تحریک انصاف میں شمولیت اختیار کی تھی جس کے بعد انہوں نے پی ٹی آئی کے وکیل کی حیثیت سے عدالتوں میں زیر سماعت کئی مقدمات بھی لڑے۔

    مزید پڑھیں: قانون دان نعیم بخاری تحریک انصاف میں شامل

    خیال رہے کہ سینئر قانون دان نے 16 فروری 2007 کو اُس وقت کے چیف جسٹس افتخار محمد چوہدری کے نام کھلا خط تحریر کیا تھا جس میں انہوں نے الزام عائد کیا تھا کہ منصفِ اعلیٰ نے اپنے عہدے کا ناجائز فائدہ اٹھایا اور صاحبزادے ارسلان چوہدری کو ضابطے کے برخلاف محکمہ پولیس میں سرکاری ملازمت دلائی۔

    نعیم بخاری نے اپنے خط میں اُس وقت کے وزیر داخلہ آفتاب احمد شیرپاؤ پر بھی الزام عائد کیا تھا کہ انہوں نے افتخار محمد چوہدری کے بیٹے کو خصوصی سہولتیں اور پروٹوکول فراہم کرنے کے لیے محکمہ پولیس کو ہدایتی مراسلہ جاری کیا۔

    یہ بھی پڑھیں: نواز شریف کچھ بھی کرلیں ان کو سزا ہونے والی ہے، نعیم بخاری

    یاد رہے کہ نعیم بخاری کے چوہدری افتخار کو لکھے گئے خط کو پرویز مشرف نے بنیاد بناتے ہوئے چوہدری افتخار کو اُن کے عہدے سے برطرف کر دیا تھا، جس کے بعد 9 مارچ 2016 کو پنجاب بار کونسل نے نعیم بخاری کی رکنیت معطل کردی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • قوم شہداء کی قربانیوں کے اعتراف میں یوم آزادی بھرپورطریقےسے منائے، آرمی چیف

    قوم شہداء کی قربانیوں کے اعتراف میں یوم آزادی بھرپورطریقےسے منائے، آرمی چیف

    کوئٹہ : آرمی چیف جنرل قمرجاوید باجوہ نے کہا ہے کہ پاک فوج کے جوانوں اور پاکستان کے شہریوں نے پُرامن اور مستحکم پاکستان کے لیے جانوں کے نذرانے دیئے ہیں اس لیے قوم شہداء کی قربانیوں کے اعتراف میں یوم آزادی بھرپور انداز میں منائے۔

    آئی ایس پی آر کے مطابق آرمی چیف قمر جاوید باجوہ نے کوئٹہ میں ہونے والے خودکش حملے کے شہید ہونے والے جوانوں کی نمازجنازہ میں شرکت کی اس موقع پر گورنر بلوچستان، وزیراعلیٰ بلوچستان، وزیرداخلہ بلوچستان، کورکمانڈرکوئٹہ سمیت اعلیٰ سول و فوجی حکام کے علاوہ لوگوں کی بڑی تعداد میں موجود تھے۔

    بعد ازاں آرمی چیر قمر جاوید باجوہ نے اعلیٰ حکام کے ہمراہ سی ایم ایچ کوئٹہ کا دورہ کیا اور زخمیوں کی عیادت کی اور جوانوں کے حوصلے کی تعریف کی اور اسپتال انتظامیہ کو زخمیوں کو تمام تر طبی سہولیات مہیا کرنے کی ہدایت کی۔

    قبل ازیں آرمی چیف کوسدرن کمانڈہیڈ کوارٹرزمیں بریفنگ دی گئی اور دہشت گردی کے واقعے پر تفصیلات سے آگاہ کیا گیا اور دہشت گردوں کے خلاف کی گئی اب تک کی کارروائی سے حوالے سے رپورٹ بھی پیش کی گئی۔

    اس موقع پر آرمی چیف کہنا تھا کہ دہشت گردی کے خاتمے تک دہشت گردی کے خلاف جنگ جاری رہے گی جس کے لیے ریاستی اداروں کومؤثر تعاون اور مربوط منظم بندی کرنے کی ضرورت ہے تاکہ بچے کچے دہشت گردوں کے عزائم کو ملیا مٹ کیا جا سکے

    آرمی چیف قمرجاوید باجوہ نے کہا کہ دہشت گردی کے خاتمے کے لیے اداروں کے اقدامات پرمتحد ہو کرعمل کرنے کی ضرورت ہے دہشت گردوں کے یوم آزادی کے جشن کو سبوتاژ کرنے کی کوشش کی ہے۔

    انہوں نے کہا کہ پاکستان مین جشن آزادی پورے جوش و خراوش سے منایا جائے اور شہداء کی قربانیوں پر خراج تحسین پیش کیا جائے کہ انہوں نے ملک کے استحکام اور امن کے لیے جانیں قربان کیں۔

    خیال رہے کہ گزشتہ رات کوئٹہ میں خود کش حملے کے نتیجے میں 15 افراد شہید اور 25 سے زائد زخمی ہوگئےتھے، شہداء میں 8 فوجی اور 7 سویلین شامل تھے۔

    کوئٹہ میں خودکش دھماکا، 8 سیکیورٹی اہلکار اور7 شہری شہید

    یاد رہےکہ گزشتہ شب آرمی چیف جنرل قمر جاوید باجوہ نے کوئٹہ دھماکے کی مذمت کرتے ہوئے اسے جشن آزادی کی تقریبات کو متاثر کرنے کی کوشش قرار دیا تھا۔

    آرمی چیف کا کہنا تھا کہ ایسی کوششوں سے دہشت گردی اور شدت پسندی کے خلاف کارروائیاں متاثر نہیں ہوں گی، یہ کارروائیاں جاری رہیں گی۔

    واضح رہے کہ کوئٹہ میں گزشتہ رات ہونے والے خودکش حملےکی تحقیقات جاری ہے تاہم اب تک خودکش دھماکے کا مقدمہ درج نہ ہوسکا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • مقدونیہ میں مظاہرین کا پارلیمنٹ پرحملہ

    مقدونیہ میں مظاہرین کا پارلیمنٹ پرحملہ

     

    اسکوپیہ: مقدونیہ کے دارالحکومت اسکوپیہ میں البانوی اسپیکر کےانتخاب کےبعد مظاہرین نے پارلیمان پر حملہ کردیا جس میں کم از کم دس افراد زخمی ہوگئے۔

    تفصیلات کےمطابق مقدونیہ کی پارلیمان پر مظاہرین کے حملے میں سوشل ڈیموکریٹ رہنما زوران زئیف سمیت دس افراد زخمی ہوگئے۔

    زوران زئیف نے البانوی نسل سے تعلق رکھنے والی جماعتوں کے ساتھ اتحاد قائم کیا تھا تاہم ان کی حکومت بنانے کی کوششوں کا راستہ صدر کی جانب سے روکا گیا ہے۔

    مقدونیہ کی پارلیمنٹ میں حملے میں سابق وزیراعظم نکولا گروسکی کی سیاسی جماعت وی ایم آر او کےحامی ملوث ہیں اور وہ نئے انتخابات کا مطالبہ کررہےہیں۔

    پارلیمان پرجنہوں نےدھاوا بولا وہ اتحادی جماعتوں کی جانب سے تلت شفیری کو اسپییکر منتخب کیےجانے پرنالاں تھے۔ان کو خدشہ ہےکہ البانویوں کو بہتردرجہ دینے سےمقدونبیہ کی یکجہتی کو خطرہ ہے۔

    خیال رہےکہ پارلیمنٹ پردھاوا بولنےوالوں میں200 کے قریب نقاب پوش مظاہرین شامل تھے۔اس موقع پر پولیس نے مظاہرین کو منتشر کرنے کے لیے بے ہوش کرنے والی بندوق سے فائر کیے اور سیاست دانوں کو پالیمان کی عمارت سے نکالا۔

    مقدونیہ میں قائم امریکی سفارت خانے نے اس واقعے پر ٹویٹر پر اپنے ردعمل کا اظہار کرتے ہوئے کہا کہ ہم شدید ترین الفاظ میں تشدد کی مذمت کرتے ہیں۔

    نیٹو کے سیکریٹری جنرل جینس اسٹولن برگ نے بھی اپنے ردعمل میں کہا ہے کہ وہ اس حملے پر حیرت زدہ ہیں۔

    یورپی یونین کےکمشنر جوہانس ہاہن نے ٹویٹ کیا کہ پارلیمان میں تشدد کی کوئی جگہ نہیں ہے،جمہوریت قائم رہنی چاہیے۔

    مقدونیہ کےانتخابات

    واضح رہےکہ مقدونیہ کے سیاسی حالات دسمبر میں ہونے والے متنازع انتخابات کے بعد سے بحران کا شکار ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں