ARYNews.tv | Urdu – Har Lamha Bakhabar

Tag: زرتاج گل

  • چڑیا گھر میں بندر کو پلاسٹک بیگ سے کھیلتے دیکھ کر فواد چوہدری اور زرتاج گل کا رد عمل

    چڑیا گھر میں بندر کو پلاسٹک بیگ سے کھیلتے دیکھ کر فواد چوہدری اور زرتاج گل کا رد عمل

    اسلام آباد: چڑیا گھر میں بندر کو پلاسٹک بیگ سے کھیلتے دیکھ کر فواد چوہدری اور زرتاج گل کا رد عمل سامنے آ گیا۔

    تفصیلات کے مطابق آج صبح وزیر سائنس اینڈ ٹیکنالوجی فواد چوہدری نے پنجاب چڑیا گھر کی ایک ویڈیو دیکھ کر ٹویٹ کرتے ہوئے کہا کہ صوبائی حکومتیں تو اتوار اور جمعہ بازاروں میں پلاسٹک بیگز پر پابندی لگائیں۔

    قبل ازیں، وزیر مملکت برائے موسمیاتی تبدیلی زرتاج گل نے ایک ٹویٹ کرتے ہوئے پنجاب کے چڑیا گھر کی ایک ویڈیو شیئر کی، بندروں کے پنجرے میں ایک بندر بچہ پلاسٹک کی تھیلی میں پھنسا ہوا تھا اور وہ اس سے نکلنے کے لیے جدوجہد کر رہا تھا۔

    رزتاج گل نے ٹویٹ میں لکھا کہ انھوں نے پولیتھین بیگز پر پورے پنجاب کے چڑیا گھروں میں پابندی لگانے کے لیے متعلقہ وزارت کو لکھ دیا ہے۔ ویڈیو پر انھوں نے کہا کہ یہ پلاسٹک تھیلیوں کے مسئلے کا ایک اور رخ ہے، جو اس ویڈیو میں نظر آ رہا ہے۔ میں نے پنجاب کے تمام چڑیا گھروں میں پلاسٹک تھیلیوں کی مکمل پابندی کے لیے کہہ دیا ہے۔

    انھوں نے عوام سے بھی اپیل کی کہ وہ حکومت کے ساتھ تعاون کریں اور بے زبان جانوروں کا خیال رکھیں۔

    وزیر مملکت کا کہنا تھا کہ حکومت پاکستان نے کلین اینڈ گرین تحریک شروع کر رکھی ہے تاکہ پاکستان کو ماحولیاتی لحاظ سے محفوظ بنایا جا سکے، حال میں ایک بار استعمال ہونے والی پلاسٹک تھیلیوں پر اسلام آباد میں پابندی عائد کی جا چکی ہے، لیکن اس کی اہمیت دیکھتے ہوئے پورے ملک میں اس پر پابندی کی ضرورت ہے۔

    زرتاج گل نے کہا کہ انھیں لوگوں نے پنجاب کے چڑیا گھروں میں پلاسٹک کی تھیلیوں کے سلسلے میں کئی ویڈیوز بھیجی ہیں۔

  • پاکستانی خواتین کو تمباکو نوشی کرتا دیکھ کر افسوس ہوتا ہے، زرتاج گل

    پاکستانی خواتین کو تمباکو نوشی کرتا دیکھ کر افسوس ہوتا ہے، زرتاج گل

    اسلام آباد: وزیرمملکت برائے ماحولیات زرتاج گل نے کہا ہے کہ پاکستانی خواتین کو تمباکو نوشی کرتا دیکھ کر افسوس ہوتا ہے۔

    ریڈیو پاکستان کی رپورٹ کے مطابق زرتاج گل نے میڈیا سے گفتگو کرتے ہوئے کہا کہ نوجوانوں کو تمباکونوشی کے مضراثرات سے آگاہی دینے کی ضرورت ہے، اس بری عادت کی وجہ سے کینسر کا مرض بڑھ رہا ہے۔

    اُن کا کہنا تھا کہ افسوس ہے پاکستان میں خواتین بھی تمباکونوشی کرتی ہیں، جنہیں دیکھ کر افسوس ہوتا ہے کیونکہ اُن کا یہ عمل فرد واحد کے لیے نہیں بلکہ اس کی وجہ سے پورا خاندان متاثر ہوتا ہے۔

    اُن کا کہنا تھا کہ تمباکو نوشی کی وجہ سے جہاں کینسر کا مرض لاحق ہوتا ہے وہی متعدد بیماریاں بھی اس بری عادت کی وجہ سے لگتی ہیں، جلد ہی تمباکو نوشی کے خلاف آگاہی مہم کا آغاز کیا جائے گا۔ زرتاج گل کا کہنا تھا کہ تمباکو نوشی کی روک تھام کے لیے حکومت نے بھاری ٹیکس نافذ کیے۔

    مزید پڑھیں: پاکستان میں تمباکو نوشی سے سالانہ ایک لاکھ 60 ہزار سے زائد اموات

    یاد رہے کہ تین ماہ قبل قومی ادارہ صحت کی جانب سے رپورٹ جاری کی گئی تھی جس میں بتایا گیا تھا کہ پاکستان میں تمباکو نوشی کی وجہ سے سالانہ ایک لاکھ 60 ہزار سے زائد اموات ہوتی ہیں۔

    معاونِ خصوصی برائے صحت ظفر مرزا کا کہنا تھا کہ وزیر اعظم نے سگریٹ پر ٹیکس بڑھانے کی بھر پور حمایت کی، سگریٹ پر ایف ای ڈی میں اضافے سے حاصل رقم شعبہ صحت پر خرچ کی جائے گی۔

  • یہ آزادی مارچ نہیں بلکہ مولانا فضل الرحمان کا ذاتی مفادات مارچ ہے، زرتاج گل

    یہ آزادی مارچ نہیں بلکہ مولانا فضل الرحمان کا ذاتی مفادات مارچ ہے، زرتاج گل

    اسلام آباد : وزیر مملکت برائے ماحولیات زرتاج گل نے کہا ہے کہ یہ آزادی مارچ نہیں بلکہ مولانا فضل الرحمان کا ذاتی مفادات مارچ ہے، لوگوں نے سب سے زیادہ خود کشیاں ن لیگ کے دور حکومت میں کیں۔

    ان خیالات کا اظہار انہوں نے اسلام آباد میں میڈی اسے گفتگو کرتے ہوئے کیا، مولانا فضل الرحمان کے آزادی مارچ سے متعلق گفتگو میں ان کا کہنا تھا کہ پہلی مرتبہ مولانا فضل الرحمان حکومت کا حصہ نہیں ہیں جس کا ان کو شدید غم ہے.

    پارٹی کے قائد کو ہی اپنے حلقے سےعوام نے مسترد کیا، دراصل یہ آزادی مارچ نہیں بلکہ مولانا فضل الرحمان کا ذاتی مفادات مارچ ہے،2018کےالیکشن میں ان کو ووٹ نہیں ملے تو اس میں ہمارا کیا قصور ہے؟

    یہ کیا کہ جہاں سے الیکشن جیتے وہاں ٹھیک لیکن جہاں سے شکست ہوئی وہاں دھاندلی ہوئی، مولانافضل الرحمان کے بیٹے کیا دھاندلی کرکے پارلیمنٹ میں آئے؟

    ایک سوال کے جواب میں ان کا کہنا تھا کہ گزشتہ پانچ سال میں سب سے زیادہ خود کشیاں ن لیگ کے دور حکومت میں کی گئیں اور جنوبی پنجاب میں کوئی ایک منصوبہ بھی نہیں لگایا گیا۔ غریب لوگوں کے بارے میں بات کرتے ہوئے ن لیگی رہنماؤں کو یہ احساس ہونا چاہئے کہ وہ کیا بات کررہے ہیں؟

    وزیر مملکت زرتاج گل نے مزید کہا کہ مال روڈ پر نابینا افراد پر ڈنڈے پی ٹی آئی حکومت میں نہیں چلائے گئے اور کسانوں پر تشدد نہیں کیا گیا۔

    ن لیگ دور میں بہاولپور میں 125بچے ہسپتال میں آکسیجن نہ ملنے کی وجہ سے موت کے منہ میں چلے گئے، لیہ میں 35افراد زہریلی لسی پینے کی وجہ سے مر ے تھے۔

  • ہم جو پانی پی رہے ہیں وہ زہر ہے ، زرتاج گل

    ہم جو پانی پی رہے ہیں وہ زہر ہے ، زرتاج گل

    فیصل آباد : وزیر مملکت زرتاج گل کا کہنا ہے پاکستان میں 70فیصد آبادی کو صاف پانی مہیا نہیں ، ہم جو پانی پی رہے ہیں وہ زہر ہے ، 73 سال کا گند دو منٹ میں صاف نہیں کر سکتے۔

    تفصیلات کے مطابق وزیر مملکت برائے موسمیاتی تبدیلی زرتاج گل نے فیصل آباد چیمبر آف کامرس اینڈ انڈسٹری کا دورہ کیا ۔ اس موقع پر صنعت کاروں اور تاجروں سے خطاب کرتے ہوئے کہا کہ موجودہ حکومت نے ترقیاتی منصوبوں کے لئے کوئی قرض نہیں لیا، سابق حکومت کے لئے گئے قرضے سود سمیت ادا کرنے کے لئے ایسا اقدام کرنا پڑا ۔

    وزیر مملکت برائے موسمیاتی تبدیلی کا کہنا تھا کہ سابق حکمرانوں نے قرضوں کی رقم اپنے گھر لے گئے جس سے انہوں نے مے فیئر فلیٹ اور دبئی ٹاور بنایا ۔

    زرتاج گل نے کہا وزیراعظم عمران خان کے اثاثوں میں ایک سال میں ایک روپے کا اضافہ نہیں ہوا اور نہ ہی انہوں نے کوئی فیکٹری لگائی ہے، سابق حکمران تو پینے کا پانی اور خوراک بھی بیرون ملک سے منگواتے تھے۔

    ان کا کہنا تھا کہ پاکستان میں 70فیصد آبادی کو صاف پانی مہیا نہیں ، ہم جو پانی پی رہے ہیں وہ زہر ہے ، وفاق کے بعد پنجاب میں بھی پلاسٹک بیگ پر پابندی لگا دی جائے گی اور کپڑے کے بیگ متعارف کروائے جائیں گے۔

    وزیر مملکت نے کہا وزیراعظم عمران خان نے ملکی تاریخ میں پہلی بار مسئلہ کشمیر کو عالمی سطح پر اجاگر کیا جبکہ مولانا فضل الرحمان تو کشمیر کمیٹی کے نام پر چودہ لاکھ روپے کی لسی پی گئے، ہم اس ایشو پر آخری گولی اور آخری میدان تک لڑیں گے ۔

    زرتاج گل کا کہنا تھا کہ آئندہ جہاں انڈسٹریل اسٹیٹ بنے گی وہاں رہائشی کالونی کا این او سی نہیں دیا جائے گا ، گلوبل وارمنگ میں پاکستان دنیا میں ساتویں نمبر پر ہے جبکہ کراچی اور فیصل آباد آلودہ ترین شہر بن چکے ہیں، ویسٹ ٹریٹمنٹ پلانٹ نہ لگانے والے صنعت کاروں کے خلاف ایکشن لینا ہو گا۔

  • پاکستان کو پلاسٹک بیگ فری بنانے کا خواب پورا کریں گے ، زرتاج گل

    پاکستان کو پلاسٹک بیگ فری بنانے کا خواب پورا کریں گے ، زرتاج گل

    اسلام آباد : وزیرمملکت ماحولیات زرتاج گل کاکہناہے کہ پاکستان کوپلاسٹک بیگ فری بنانےکاخواب پوراکریں گے، کسی کاکاروبارختم نہیں کرنےکا ارادہ نہیں ماحول ٹھیک کرناہے۔

    تفصیلات کے مطابق وزیرمملکت ماحولیات زرتاج گل نے اپنے بیان میں کہا 14اگست سے اسلام آبادمیں پلاسٹک بیگزپرپابندی لگادی گئی، پلاسٹک بیگز کیخلاف مہم میں میڈیاسمیت اداروں نےکرداراداکیا، پنجاب میں بھی پلاسٹک بیگزپرجلدپابندی لگائی جارہی ہے۔

    ،زرتاج گل کا کہنا تھا کہ پابندی پرعملدرآمدیقینی بنانےکیلئےسب کوکرداراداکرناہوگا، پلاسٹک بیگزپابندی مہم میں سول سوسائٹی کوشامل کیاگیاہے، پاکستان کوپلاسٹک بیگزفری ملک بناکردکھائیں گے۔

    کراچی میں سیوریج سسٹم بندہونےکی وجہ پلاسٹک بیگزہیں

    وزیرمملکت ماحولیات کراچی میں سیوریج سسٹم بندہونےکی وجہ پلاسٹک بیگزہیں، ملک میں سالانہ5ارب پلاسٹک بیگزاستعمال ہوتےہیں، افسران قانون پرعمل درآمد یقینی بنانےکےلئےکام کررہے۔

    انھوں نے واضح کیا کہ  کوئی قانون کوچیلنچ کرنےکی کوشش نہ کرےحکومت قانون پرعمل درآمد کرواناجانتی ہے، عوام سمیت سب کا ساتھ چاہیے۔

    یاد رہے وزیر مملکت کا کہنا تھا کہ اسلام آباد میں کپڑے کے بیگ متعارف کرا رہے ہیں، جلد اسے پنجاب میں بھی لے کر آئیں گے، ہاتھ سے بنے بیگز کے استعمال سے کاٹیج انڈسٹری پروان چڑھے گی، 14 اگست سے اسلام آباد میں پلاسٹک بیگز کا استعمال بند کر دیا جائے گا، خلاف ورزی کرنے پر 5 ہزار سے 5 لاکھ روپے تک جرمانہ ہو گا۔

  • اپوزیشن حکومت ہٹانے چلی تھی پہلے کراچی کو تو بچالیں، زرتاج گل

    اپوزیشن حکومت ہٹانے چلی تھی پہلے کراچی کو تو بچالیں، زرتاج گل

    اسلام آباد: وزیر مملکت برائے ماحولیاتی تحفظ زرتاج گل نے کہا ہے کہ اپوزیشن حکومت ہٹانے چلی تھی پہلے کراچی کو بچالیں، صادق سنجرانی کے خلاف تحریک عدم اعتماد پر اپوزیشن کو معافی مانگنی چاہیئے۔

    تفصیلات کے مطابق لاہور میں میڈیا سے گفتگو کرتے ہوئے وزیر مملکت برائے ماحولیاتی تحفظ زرتاج گل نے کہا کہ وزیر اعظم عمران خان کے ویژن کے مطابق ان سیکٹرز پر کام کر رہے ہیں جو پہلے نظر انداز تھے، ماضی میں بجٹ پلوں اور سڑکوں پر لگتا تھا ہم لوگوں پر سرمایہ کاری کر رہے ہیں۔

    چیئرمین سینیٹ کے خلاف عدم اعتماد تحریک کی کانامی پر زرتاج گل کا کہنا تھا کہ شکرہے صادق سنجرانی صاحب سیٹ پربراجمان ہیں ، وفاق کی علامت صادق سنجرانی کے خلاف تحریک عدم اعتماد پر اپوزیشن کو معافی مانگنی چاہیئے۔

    تحریک عدم اعتماد پر اپوزیشن کو معافی مانگنی چاہیئے

    وزیر مملکت برائے ماحولیاتی تحفظ نے کہا عمران خان نےخصوصی طور پر روٹی کی قیمت پرنوٹس لیا اور کابینہ اجلاس میں وزیراعظم نے آٹے اور روٹی کی قیمتیں نہ بٍڑھانے کی ہدایت کی ہے، مہنگائی اس لئے آئی کہ 31 ہزار ارب روپے کا قرضہ ماضی کی حکومتوں نے لیا۔

    وزیر مملکت نے کہا کہ حمزہ شہباز کی سیاست مریم نواز نے دفن کر دی ہے، اپوزیشن حکومت ہٹانےچلی تھی پہلے کراچی کو بچا لیں۔

    حمزہ شہباز کی سیاست مریم نواز نے دفن کر دی ہے

    پیٹرول کی قمیتوں میں اضافے پر ان کا کہنا تھا کہ بین الاقوامی سطح پر پٹرول کی قیمتیں زیادہ ہوئیں، جس کی وجہ سے پیٹرول مہنگا ہوا ہے، 22 کروڑ میں ایک فیصد پاکستان کے ٹیکس کابوجھ نہیں اٹھاسکتے۔

    زرتاج گل نے کہا کہ حاصل بزنجو کو چاہیئے کہ اسٹیٹ کے اداروں پر الزام کے بجائے مولانا فضل الرحمان سے پوچھیں، کیا پتہ زرداری نے ہاتھ کر دیا ہو۔

    14 اگست سے اسلام آباد میں پلاسٹک بیگز کا استعمال بند کر دیا جائے گا

    وزیر مملکت کا کہنا تھا کہ اسلام آباد میں کپڑے کے بیگ متعارف کرا رہے ہیں، جلد اسے پنجاب میں بھی لے کر آئیں گے، ہاتھ سے بنے بیگز کے استعمال سے کاٹیج انڈسٹری پروان چڑھے گی، 14 اگست سے اسلام آباد میں پلاسٹک بیگز کا استعمال بند کر دیا جائے گا، خلاف ورزی کرنے پر 5 ہزار سے 5 لاکھ روپے تک جرمانہ ہو گا۔

  • اسلام آباد میں پلاسٹک بیگز پر پابندی کے بعد متبادل بیگز کے سیمپل تیار

    اسلام آباد میں پلاسٹک بیگز پر پابندی کے بعد متبادل بیگز کے سیمپل تیار

    اسلام آباد : وفاقی حکومت نے اسلام آباد میں پلاسٹک بیگز پر پابندی کے بعد متبادل بیگز کے سیمپل تیار کر لیے، وزارت موسمیاتی تبدیلی کا کہنا ہے کہ 14 اگست کے بعد پلاسٹک بیگز استعمال کرنے والوں پر بھاری جرمانہ عائد کیا جائے گا۔

    تفصیلات کے مطابق وفاقی حکومت نے اسلام آباد میں پلاسٹک پر پابندی کے بعد متبادل بیگز کے سیمپل تیار کر لیے گئے، وزارت موسمیاتی تبدیلی نے شہریوں کو کپڑے اور پیپر ماشی بیگز استعمال کرنے کی تجویز دے دی ہیں۔

    ذرائع کے مطابق وزارت موسمیاتی تبدیلی نے چار مختلف اقسام کے بیگز بطور سیمپل تیار کر لئے، وزارت کا کہنا ہے کہ شہری ماحول دوست بائیو ڈی گریڈیبل شاپرز کا استعمال کریں۔

    وزارت موسمیاتی تبدیلی کے مطابق 14 اگست کے بعد پلاسٹک بیگز استعمال کرنے والوں پر بھاری جرمانہ عائد کیا جائےگا۔

    دوسری جانب پلاسٹک بیگ سے آزادی سے متعلق آگاہی مہم کا آغاز کر دیا گیا، اس سلسلے میں ایک تقریب منعقد ہوئی، جس میں وزیر مملکت موسمیاتی تبدیلی زرتاج گل اور این ایچ اے حکام شریک ہوئے پلاسٹک بیگ سے آزادی مہم، وزارت مواصلات اور وزارت موسمیاتی تبدیلی کا مشترکہ اقدام ہے۔

    وزیرمملکت موسمیاتی تبدیلی زرتاج گل نے کہاکہ وزارت مواصلات اور این ایچ اے کی بہت شکر گزار ہوں،اپنی شاہراہ سے متعلق این ایچ اے کے ساتھ کام کر  رہے ہیں، شاہراہوں کے دونوں اطراف درخت لگانے کی مہم چلا رہے ہیں، ملتان اور ساہیوال موٹروے کے دونوں اطراف پر اپنی شاہراہ کے تحت درخت لگائے جا رہے ہیں۔

    ان کا کہنا تھا کہ پلاسٹک بیگ آلودگی کا بہت بڑا ذریعہ بن رہے ہیں ، لوگ اپنے علاقے چھوڑ کر شہری علاقوں کا رخ تیزی سے کر رہے ہیں، شہری علاقے پلاننگ نا ہونے کی وجہ سے بہت زیادہ متاثر ہو رہے ہیں،شہر میں سیلابی صورتحال اس پلاسٹک بیگ کی وجہ سے پیدا ہوتی ہے۔

  • ذرائع بلاغ پر قدغن نہیں، حکومت آزاد میڈیا کی سب سے بڑی سپورٹر ہے، زرتاج گل

    ذرائع بلاغ پر قدغن نہیں، حکومت آزاد میڈیا کی سب سے بڑی سپورٹر ہے، زرتاج گل

    اسلام آباد : وزیر مملکت برائے ماحولیات زرتاج گل نے کہا ہے کہ حکومت آزاد میڈیا کی سب سے بڑی سپورٹر ہے، کسی کی پریس کانفرنس روکنے کا نہیں کہا۔

     

    یہ بات انہوں نے میڈیا سے گفتگو کرتے ہوئے کہی، انہوں نے کہا کہ حکومت ذرائع بلاغ پر قدغن نہیں لگا رہی اور نہ ہی اپوزیشن جماعتوں کے جلسوں اور ریلیوں پر کوئی پابندی عائد کی گئی ہے۔

    اپوزیشن جماعتوں کو کس نے جلسے کرنے سے روکا ہے ؟ یہ لوگ انتظامیہ کے پاس جائیں اگر انہیں اجازت مل جاتی ہے تو جلسے کریں اور ریلیاں بھی نکالیں۔

    زرتاج گل کا مزید کہنا تھا کہ اپوزیشن جماعتیں25 جولائی کو اس لیے یوم سیاہ منا رہی ہیں کہ اس روز عوام نے ان کو رد کر دیا تھا،25 جولائی کو بھی عوام ان کی کسی بات کو اہمیت نہیں دیں گے اور ایک بار پھر ان کے بیانئے کو مسترد کر دیں گے۔

    زرتاج گل کا کہنا تھا کہ اپوزیشن نے چیئرمین سینیٹ کے عہدے کو متنازعہ بنا دیا ہے، ہم کسی پر دباؤ نہیں ڈالیں گے کیوں کہ یہ ایک جمہوری عمل ہے۔

    وزیراعظم عمران خان کے دورہ امریکہ سے متعلق ایک سوال کے جواب میں وزیر مملکت کا کہنا تھا کہ وزیر اعظم کا دورہ امریکہ مجموعی طور پر کامیاب رہا۔ اس دورے کے مستقبل میں بہتر نتائج برآمد ہوں گے۔

  • بدعنوان عناصر کا بلاتفریق احتساب کیا جائے گا، زرتاج گل

    بدعنوان عناصر کا بلاتفریق احتساب کیا جائے گا، زرتاج گل

    اسلام آباد: وزیر مملکت برائے موسمیاتی تبدیلی زرتاج گل کا کہنا ہے کہ پاکستان تحریک انصاف کی حکومت قانون کی حکمرانی اور آئین کی بالادستی پر یقین رکھتی ہے۔

    تفصیلات کے مطابق وزیر مملکت برائے موسمیاتی تبدیلی زرتاج گل نے کہا کہ بدعنوان عناصر اور لوٹ مار کرنے والوں کا بلا تفریق احتساب کیا جائے گا۔

    زر تاج گل نے کہا کہ بدعنوانی کے الزامات میں جیلوں میں قید افراد اپنہ صحت کے مسائل پر واویلا کرتے ہوئے دعوی کرتے ہیں کہ ان کا علاج صرف بیرون ملک ممکن ہے۔

    وزیر مملکت برائے موسمیاتی تبدیلی نے مزید کہا کہ پاکستان تحریک انصاف کی حکومت قانون کی حکمرانی اور آئین کی بالادستی پر یقین رکھتی ہے۔

    سابق حکومتوں کے ادوار میں ریکارڈ کرپشن ہوئی، وزیراعلیٰ پنجاب

    یاد رہے کہ دو روز قبل وزیراعلیٰ پنجاب عثمان بزدار کا کہنا تھا کہ سابق حکومتوں کے ادوار میں ریکارڈ کرپشن ہوئی، ماضی میں پاکستان کرپشن کی دلدل میں دھنسا ہوا تھا۔

    وزیراعلیٰ پنجاب سردار عثمان بزدار کا کہنا تھا کہ لوٹ مارکا دور نئے پاکستان میں نہیں چل سکتا، نیا پاکستان شفافیت کی طرف گامزن ہے، کرپشن پر پہلی بار بڑے بڑے لوگ کٹہرے میں کھڑے ہو رہے ہیں۔

  • زرتاج گل کی اسمبلی رکنیت خطرے میں پڑ گئی

    زرتاج گل کی اسمبلی رکنیت خطرے میں پڑ گئی

    اسلام آباد : مسلم لیگ (ن )ایم پی حنا پرویز بٹ نے زرتاج گل کے خلاف اسپیکر کو ریفرنس دائر کردیا، جس میں زرتاج گل کی اسمبلی رکنیت ختم کرنے کا مطالبہ کیا گیا ہے۔

    تفصیلات کے مطابق پاکستان مسلم لیگ (ن )ایم پی حنا پرویز بٹ نے وزیر مملکت زرتاج گل کے خلاف اسپیکر کو ریفرنس دائر کردیا، حنا بٹ نے ریفرنس دستاویزات قومی اسمبلی سیکرٹریٹ میں جمع کروائی۔

    ریفرنس میں حنا بٹ نے زرتاج گل کی اسمبلی رکنیت ختم کرنے کا مطالبہ کرتے ہوئے کہا گیا زرتاج گل نے اپنے منصب کا غلط استعمال کیا۔

    میڈیا سے با ت چیت کرتے ہوئے حنا بٹ نے کہاکہ زرتاج گل نے اپنے حلف کی خلاف ورزی کی ہے، شبنم گل کو نوکری دلوانے کے لئے زرتاج گل سے سفارش کی ، انھوں نے اتھارٹی کا غلط استعمال کیا۔

    ن لیگی رہنما کا کہنا تھا کہ نعیم الحق نے اس لیٹر کو واپس لینے کا اعتراف کیا ، پی ٹی ائی والے اقربا پروری کے خلاف تھی ایسا کیوں نہیں ہے، زرتاج گل نے تاحال پی ایچ ڈی مکمل نہیں ہے، الیکشن کمیشن نے یہ ریفرنس اسپیکر کو جمع کروانے کا کہا تھا،اسپیکر قومی اسمبلی سے کہا ہے کہ زرتاج گل کے خلاف کارروائی کی جائے۔

    مزید پڑھیں : بہن کی نیکٹا میں تعیناتی : زرتاج گل کی نااہلی کیلئے درخواست دائر

    یاد رہے اس سے قبل مسلم لیگ ن نے وزیر مملکت برائے موسمیاتی تبدیلی زرتاج گل کی نااہلی کیلئے الیکشن کمیشن میں درخواست دائر کی تھی ، درخواست میں موقف اختیار کیاگیا تھا کہ وفاقی وزیر نے عہدے کا غلط استعمال کرکے حلف کی خلاف ورزی کی، زرتاج گل نے اپنی بہن کو نیکٹا میں تعینات کرنے کیلئے اثررسوخ استعمال کیا اور جھوٹ بولا کہ انکی بہن میرٹ پر پورا اترتی ہیں۔

    الیکشن کمیشن کے باہرمیڈیا سےگفتگو کرتے ہوئے حنا پرویزبٹ کاکہناتھا کہ زرتاج گل کے خلاف درخواست کسی ایک شخص کے خلاف نہیں ، بلکہ ایک دغا باض گروہ کے خلاف ہے یہ اپنی حرکتوں سے خود بے نقاب ہو رہے ہیں۔

    ن لیگی رہنما نے کہا تھا زرتاج گل نے اپنے اختیارات کا غلط استعمال کیا ، حلف کی خلاف ورزی کی، وہ ایم این اے اور وزیر بننے کے قابل نہیں زرتاج گل کو نااہل قرار دیا جائے ، عمران خان میرٹ کے نعرے لگاتے رہے ہیں ایک پروفیسر کیسے نیکٹا کی ڈائریکٹر بن سکتی ہے۔

    واضح رہے زرتاج گل وزیر کی اسسٹنٹ پروفیسر بہن شبنم گل کو ڈائریکٹر نیکٹا تعینات کرنے متعلق خبریں منظر عام پر آئی تھیں۔

    بعد ازاں وزیراعظم عمران خان نے وفاقی وزیر زرتاج گل کی بہن کی بطور ڈائریکٹر نیکٹا تعیناتی کا سختی سے نوٹس لیتے ہوئے ادارے کو لکھے گئے خط سے وفاقی وزیر کو دستبردار ہونے کی ہدایت کی تھی۔

    وزیراعظم کے نوٹس کے بعد زرتاج گل نے تقرری کے لئے لکھا گیا خط واپس لے لیا تھا۔