Tag: زلزلہ

جاپان 12 جولائی 2025: جنوب مغربی جاپان کے کاگوشیما پریفیکچر میں توکارا جزائر کے نزدیکی علاقوں میں حکام کی جانب سے مزید زلزلوں کی وارننگ جاری کی گئی ہے، اس خطے میں حالیہ ہفتوں کے دوران 1800 سے زائد زلزلہ آچکا ہے۔

غیر ملکی ذرائع ابلاغ کے مطابق موسمیاتی ایجنسی کی جانب سے لوگوں پر زور دیا گیا ہے کہ وہ فی الحال اُن جھٹکوں کے حوالے سے محتاط رہیں جن کی شدت صفر سے سات تک کے جاپانی زلزلہ پیما پر زیریں 6 تک کے لگ بھگ ہو سکتی ہے۔

رپورٹس کے مطابق توشیما گاؤں کے حکام کی جانب سے اس بات پر غور کیا جارہا ہے کہ ’آکُو سے کی جیما‘ اور ’کوداکارا جمیا‘ جزائر سے انخلا کرنے والے افراد کب اپنے گھروں کو لوٹ سکتے ہیں۔

اگر مسلسل پانچ دنوں تک 4 یا اس سے زیادہ شدت کا زلزلہ نہ آیا تو وہ 17 جولائی تک فیصلہ کرنے کا ارادہ رکھتے ہیں۔ حکام کی جانب سے دونوں جزائر میں رہ جانے والوں کی امداد کے لیے نرسوں کو روانہ کیا گیا ہے۔

واضح رہے کہ آکُو سے کی جیما میں تین جولائی کو ایک طاقتور زلزلہ آیا تھا جس کی شدت جاپانی زلزلہ پیما پر 6 ریکارڈ کی گئی تھی۔ یہ 21 جون سے شروع ہونے والے زلزلوں کے سلسلے کا سب سے بڑا زلزلہ تھا۔

مذکورہ علاقے میں 2021 اور 2023 کے درمیان متعدد بار زلزلہ آچکا ہے، تاہم حالیہ سلسلے کے زلزلوں کی تعداد اس سے کہیں زیادہ ہے۔

دوسری جانب جاپان نے ممکنہ ’میگا زلزلے‘ کیلئے ابھی سے تیاری کرلی ہے، امکان ظاہر کیا گیا ہے کہ اس زلزلے میں کم ازکم ہلاکتیں بھی 3لاکھ کے قریب ہوسکتی ہیں۔

میانمار زلزلے کے بعد ناسا سائنسدانوں کا ہولناک انکشاف

جیسے جیسے جاپان مین تباہ کن‘میگا زلزلے’کے امکانات کے حوالے سے تشویش بڑھ رہی ہے، جاپانی حکومت نے اپنے زلزلے کی تیاری کے منصوبے کو اپ ڈیٹ کرنے کا اعلان کیا ہے، اس کی وجہ یہ ہے کہ نانکائی ٹروف میں ایک طاقتور زلزلے کے بڑھتے ہوئے خطرے سے خبردار کیا گیا ہے۔

حکومتی پینل کے مطابق، اب اگلے 30 سالوں میں نانکائی ٹروف میں 7 ریکٹر اسکیل یا اس سے زیادہ کی شدت کے زلزلے کے 82 فیصد امکانات ہیں اور خطرناک بات یہ ہے کہ یہ پچھلے تخمینہ 75 فیصد سے زیادہ ہے۔