ARYNews.tv | Urdu – Har Lamha Bakhabar

Tag: زلزلہ

  • امدادی ٹیمیں جلد ترکی پہنچیں گی: شہباز شریف کا طیب اردگان کو ٹیلی فون

    امدادی ٹیمیں جلد ترکی پہنچیں گی: شہباز شریف کا طیب اردگان کو ٹیلی فون

    اسلام آباد: وزیر اعظم شہباز شریف نے ترک صدر رجب طیب اردگان سے زلزلے میں جانی نقصان پر اظہار افسوس کرتے ہوئے کہا ہے کہ پاکستان سے جلد امدادی ٹیمیں ترکی پہنچیں گی۔

    تفصیلات کے مطابق وزیر اعظم شہباز شریف نے ترک صدر رجب طیب اردگان کو ٹیلی فون کیا، شہباز شریف نے ترک صدر سے زلزلے میں جانی نقصان پر اظہار افسوس کیا۔

    شہباز شریف کا کہنا تھا کہ پاکستان سے جلد امدادی ٹیمیں ترکی پہنچیں گی۔

    خیال رہے کہ آج صبح 4 بجے ترکیہ کے جنوبی حصوں میں ہولناک ترین زلزلے نے قیامت ڈھا دی جس کی شدت 7.8 ریکارڈ کی گئی۔

    زلزلہ شام میں بھی آیا جبکہ یونان، مصر، قبرص، اردن، لبنان، عراق، جارجیا اور آرمینیا میں بھی زلزلے کے جھٹکے محسوس کیے گئے۔

    ترکیہ میں زلزلے سے سینکڑوں عمارتیں زمین بوس ہوگئیں اور اب تک 900 سے زائد ہلاکتوں کی تصدیق ہوئی ہے۔

    شام میں بھی زلزلے سے اب تک 400 افراد جاں بحق اور 600 سے زائد افراد زخمی ہوئے ہیں۔

    ترک صدر طیب اردوان نے تاریخ کی سب سے بڑی ایمرجنسی نافذ کرتے ہوئے اقوام عالم سے مدد کی اپیل کی ہے۔

  • شامی بچے کو ملبے سے زندہ نکال لیا گیا، ویڈیو وائرل

    شامی بچے کو ملبے سے زندہ نکال لیا گیا، ویڈیو وائرل

    ترکی اور شام اس وقت بدترین زلزلے سے نمٹ رہے ہیں، جس کے نتیجے میں‌ ہونے والی ہلاکتوں‌ کی تعداد ہزار سے بڑھ گئی ہے، اور صرف ترکی میں اب تک 912 ہلاکتیں‌ نوٹ کی گئی ہیں۔

    شام اور ترکی میں زلزلے کے باعث سیکڑوں عمارتیں بھی منہدم ہو چکی ہیں، جن کے ملبے تلے تاحال بہت سارے لوگ دبے ہوئے ہیں، جنھیں ریسکیو اہل کار بچانے کی سر توڑ کوششیں کر رہے ہیں۔

    ایسے میں کئی منہدم عمارتوں سے بچوں کو ریسکیو اہل کار زندہ نکالنے میں کامیاب ہوئے ہیں، جس کی ویڈیوز سوشل میڈیا پر وائرل ہو رہی ہیں۔

    شام میں عمارت کے ملبے میں پھنسی ایک بچی بھی معجزانہ طور پر بچ گئی، یہ بچی سوئی تو بستر پر تھی لیکن نکلی ملبے سے۔

    شامی شہر اعزاز میں ریسکیو ورکرز نے بچی کو زندہ نکال لیا، ویڈیو میں دیکھا جا سکتا ہے کہ زخمی بچی کے کپڑے خون آلود ہیں، ریسکیو ورکرز کا کہنا تھا کہ بچے کے اہل خانہ کو بھی نکالنے کی کوشش جاری ہے۔

    ایک ویڈیو میں وہ لمحہ دکھایا گیا ہے جب شمالی شام میں امدادی ٹیموں نے 7.8 شدت کے زلزلے کے بعد منہدم ہونے والی عمارت کے ملبے کے نیچے سے ایک بچے کو زندہ نکالا، ترکی میں بھی ایک بچے کو مہندم عمارت کے ملبے سے زندہ نکالا گیا ہے۔

    طاقت ور زلزلے کے بعد کے گھنٹوں میں مرنے والوں کی تعداد میں تیزی سے اضافہ ہو رہا ہے، خدشہ ہے کہ اس میں اضافہ جاری رہے گا۔

  • اسلام آباد اور راولپنڈی میں زلزلے کے شدید جھٹکے

    اسلام آباد: جڑواں شہروں اور گرد و نواح میں زلزلے کے شدید جھٹکے محسوس کیے گئے ہیں۔

    تفصیلات کے مطابق اسلام آباد، راولپنڈی اور گرد و نواح میں زلزلہ آ گیا ہے، جڑواں شہروں میں زلزلے کے جھٹکے چند سیکنڈ تک محسوس کیے گئے۔

    زلزلہ پیما مرکز کے مطابق زلزلے کی شدت 6.3 ریکارڈ کی گئی ہے، زلزلے کی گہرائی 150 کلو میٹر ریکارڈ کی گئی، جب کہ زلزلے کا مرکز افغانستان تاجکستان کا سرحدی علاقہ تھا۔

    مری، ہری پور اور مضافات میں بھی زلزلے کے جھٹکے محسوس کیے گئے ہیں۔ جھٹکے اتنے شدید تھے کہ لوگ خوف زدہ ہو کر گھروں سے باہر نکل آئے اور کلمہ طیبہ کا ورد کرنے لگے۔

  • بلوچستان کے ضلع خاران میں 3.7 شدت کا زلزلہ

    بلوچستان کے ضلع خاران میں 3.7 شدت کا زلزلہ

    کوئٹہ : بلوچستان کےضلع خاران میں 3.7 شدت کا زلزلہ آیا، جس سے شہریوں میں خوف و ہراس پھیل گیا تاہم کسی قسم کا جانی یا مالی نقصان نہیں ہوا۔

    تفصیلات کے مطابنق بلوچستان کےضلع خاران میں زلزلے کے جھٹکے محسوس کئے گئے، جس کے باعث لوگوں میں خوف و ہراس پھیل گیا۔

    اس کے علاوہ ہرنائی اورگردونواح میں بھی زلزلے کے جھٹکے محسوس کیے گئے۔

    زلزلہ پیمامرکز کے مطابق ریکٹراسکیل پرشدت 3.7 اور گہرائی20کلومیٹر ریکارڈ کی گئی جبکہ زلزلے کا مرکزخاران کے جنوب میں28کلومیٹردورپہاڑی سلسلہ تھا۔

    ابتدائی طور پر کسی قسم کے جانی یا مالی نقصان کی اطلاع موصول نہیں ہوئی۔

    گذشتہ ہفتے خیبرپختونخوا میں سوات اور اس کے گردونواح میں زلزلے کے جھٹکے محسوس کئے گئے تھے۔

    زلزلہ پیما مرکز کے مطابق ریکٹر سکیل پر زلزلے کی شدت 4 ریکارڈ کی گئی جبکہ اس کا مرکز پاک افغانستان تاجکستان کا سرحدی علاقہ اور گہرائی 182 کلومیٹر تھی۔

    زلزلے کے باعث لوگوں میں خوف پھیل گیا اور وہ کلمہ طیبہ کا ورد کرتے ہوئے گھروں اور دفاتر سے باہر نکل آئے تھے۔

  • انڈونیشیا میں 7 شدت کا زلزلہ، سونامی وارننگ جاری

    جکارتا: انڈونیشیا کے شمالی صوبے مالوکو جزیرے میں 7.0 شدت کے زلزلے سے زمین لرز اٹھی، جبکہ سونامی وارننگ جاری کردی گئی۔

    خبر ایجنسی کے مطابق آنے والے زلزلے کی شدت 7.0 ریکارڈ کی گئی ہے، پیسیفک سونامی وارننگ سینٹر نے زلزلے کے بعد سونامی وارننگ جاری کی ہے جس میں کہا کہ زلزلے کے مرکز کے 300 کلومیٹر کے اندر واقع ساحلوں پر خطرناک سونامی کی لہریں آسکتی ہیں۔

    غیر ملکی میڈیا کا کہنا ہے کہ انڈونیشیا میں آنے والے زلزلے کے جھٹکے ملائیشیا میں بھی محسوس کیے گئے ہیں تاہم اب تک زلزلے کے نتیجے میں کوئی جانی یا مالی نقصان رپورٹ نہیں ہوا ہے۔

    واضح رہے کہ 21 نومبر کو انڈونیشیا کے مرکزی جزیرے جاوا کے مغربی ج صوبے میں 5.6 شدت کے زلزلے سے 602 افراد ہلاک ہوئے تھے۔

    26 دسمبر 2004 کو اسماٹرا کے قریب ایک بڑے زلزلے نے بحر ہند میں سونامی کو جنم دیا جس میں سری لنکا، بھارت اور تھائی لینڈ تک 230,000 سے زیادہ افراد ہلاک ہوئے تھے۔

  • انڈونیشیا کے جزیرے سماٹرا میں خوفناک زلزلہ

    انڈونیشیا کے جزیرے سماٹرا میں خوفناک زلزلہ

    جکارتہ : انڈونیشیا کے جزیرے سماٹرا میں 6.2 شدت کا زلزلہ ریکارڈ کیا گیا ہے، پیر کی صبح آنے والے زلزلے کے بعد لوگ خوفزدہ ہوکر گھروں سے باہر نکل آئے۔

    تفصیلات کے مطابق انڈونیشیا کے جزیرہ سماٹرا کے شمال میں واقع صوبہ آچے کے کھلے سمندر میں 6.2 کی شدت کا زلزلہ آیا ہے۔

    ریکٹر سکیل پرزلزلے کی شدت 6.2 ریکارڈ کی گئی ہے، زلزلے کا مرکز صوبے آچے کے شہر سنگکل میں 48کلو میٹر گہرائی میں تھا۔

    فرانسیسی خبررساں ادارے نے امریکی جیولوجیکل سروے کے حوالے سے بتایا کہ انڈونیشیا کے جزیرے سماٹرا میں پیر کی صبح 6 بج کر 30منٹ پر زلزلے کے جھٹکے محسوس کیے گئے۔

    امریکن جیولوجیکل سروے سینٹر کے اعلان کے مطابق زلزلے کا مرکز آچے سے 40 کلومیٹر جنوب مشرق میں زیر زمین 37 کلومیٹر کی گہرائی میں تھا۔

    رپورٹ کے مطابق انڈونیشیائی محکمہ موسمیات نے بھی مذکورہ زلزلے کے بعد سونامی کی وارننگ جاری نہیں کی ہے۔

    اس کے علاوہ زلزلے سے تاحال کسی جانی و مالی نقصان کی اطلاع موصول نہیں ہوئی ہے، واضح رہے کہ 21نومبر کو انڈونیشیا کے صوبے جاوا میں 5.6شدت کے زلزلے سے 602 افراد ہلاک ہوگئے تھے۔

    یاد رہے کہ سماٹرا جزیرے کے مہلک ترین زلزلوں میں سے ایک 26 دسمبر 2004 کو آیا جس نے بحرہند میں سونامی کو جنم دیا جس میں 230,000 سے زیادہ افراد ہلاک ہوئے جن میں سری لنکا، ہندوستان اور تھائی لینڈ تک متاثرین شامل تھے۔

  • سوات اور گرد و نواح میں زلزلے کے جھٹکے

    سوات اور گرد و نواح میں زلزلے کے جھٹکے

    پشاور: صوبہ خیبر پختونخواہ کے ضلع سوات اور اس کے گرد و نواح میں زلزلے کے جھٹکے محسوس کیے گئے، زلزلے کی شدت 5.2 ریکارڈ کی گئی۔

    تفصیلات کے مطابق ضلع سوات اور اس کے گرد و نواح میں زلزلے کے جھٹکے محسوس کیے گئے۔

    زلزلہ پیما مرکز کا کہنا ہے کہ زلزلے کی شدت 5.2 جبکہ گہرائی 179 کلو میٹر ریکارڈ کی گئی، زلزلے کا مرکز کوہ ہندو کش کا پہاڑی سلسلہ تھا۔

    زلزلے کی وجہ سے خوفزدہ ہو کر لوگ گھروں اور دکانوں سے باہر نکل آئے اور کلمہ طیبہ کا ورد کرتے رہے۔

    خیال رہے کہ 3 ماہ قبل گلگت بلتستان کے شہر اسکردو کے علاقے روندو میں زلزلے کے جھٹکے محسوس کیے گئے تھے جس میں 5 افراد زخمی ہوگئے تھے۔

    ریکٹر اسکیل پر زلزلے کی شدت 4.6 ریکارڈ کی گئی تاہم اس کی گہرائی صرف 10 کلومیٹر تھی۔

    زلزلے کے باعث جگلوٹ اسکردو روڈ کئی مقامات پر بند ہوگئی، ملوپہ کے مقام پر پہاڑی تودہ گرنے سے شاہراہ بند ہوگئی جبکہ سڑکوں کی بندش کے باعث مسافر بھی پھنس گئے تھے۔

  • چترال اور دیر سمیت خیبر پختون خوا کے مختلف حصوں میں زلزلہ

    چترال اور دیر سمیت خیبر پختون خوا کے مختلف حصوں میں زلزلہ

    پشاور: ملک کے بالائی علاقوں چترال اور دیر سمیت خیبر پختون خوا کے مختلف حصوں میں زلزلے کے جھٹکے محسوس کیے گئے۔

    تفصیلات کے مطابق چترال اور دیر سمیت خیبر پختون خوا کے مختلف حصوں میں صبح 6 بجکر 22 منٹ پر زلزلے کے جھٹکے محسوس کیے گئے۔

    زلزلہ پیما مرکز کے مطابق زلزلے کی شدت ریکٹر اسکیل پر 4.5 ریکارڈ کی گئی۔

    زلزلہ پیما مرکز کا کہنا ہے کہ زلزلے کی گہرائی 101 کلو میٹر ریکارڈ کی گئی، زلزلے کا مرکز چترال سے 73 کلو میٹر جنوب مغرب میں تھا، زلزلے کے جھٹکے صبح چھ بجکر بائیس منٹ پر محسوس کیے گئے۔

  • انڈونیشیا میں خوفناک زلزلہ، درجنوں ہلاکتیں

    انڈونیشیا میں خوفناک زلزلہ، درجنوں ہلاکتیں

    جکارتہ: جنوب مشرقی ملک انڈونیشیا میں خوفناک زلزلے نے تباہی مچادی جس میں اب تک 50 کے قریب افراد ہلاک ہونے کی اطلاعات ہیں۔

    مقامی میڈیا کے مطابق زلزلہ صوبہ ویسٹ جاوا میں آیا اور اس کے جھٹکے دارالحکومت جکارتہ میں بھی محسوس کیے گئے۔

    زلزلے کی شدت ریکٹر اسکیل پر 5.6 ریکارڈ کی گئی اور اس کی گہرائی 10 کلو میٹر تھی۔

    حکام کے مطابق زلزلے کے باعث کم از کم 46 افراد ہلاک اور سینکڑوں زخمی ہوئے، زلزلے سے ممکنہ طور پر ہزاروں گھروں کو نقصان پہنچا ہے اور امدادی کام جاری ہے۔

    حکام کی جانب سے کہا گیا کہ زلزلے کے مرکز کے قریب افراد کو محتاط رہنا چاہیئے کیونکہ آفٹر شاکس کا خطرہ موجود ہے۔

    زلزلے کے جھٹکوں سے جکارتہ میں بھی متعدد عمارات 3 منٹ تک لرزتی رہیں جبکہ کچھ کو خالی بھی کروایا گیا۔

    خیال رہے کہ انڈونیشیا رنگ آف فائر یعنی مسلسل زلزلے اور آتش فشاں کے دھماکوں والے علاقے میں آباد ہے، فروری 2022 میں 6.2 شدت کے زلزلے سے مغربی سماٹرا میں 25 افراد ہلاک اور 460 زخمی ہوگئے تھے۔

    اس سے قبل جنوری 2021 میں صوبے مغربی سولوویسی میں 6.2 شدت کے زلزلے سے 100 سے زیادہ افراد ہلاک اور ساڑھے 6 ہزار کے قریب زخمی ہوئے تھے۔

    انڈونیشیا میں 2004 میں آنے والی تباہ کن سونامی کے نتیجے میں ایک لاکھ 20 ہزار افراد ہلاک ہو گئے تھے۔

  • نیپال اور بھارت میں زلزلے کے شدید جھٹکے، متعدد افراد ہلاک

    نیپال اور بھارت میں زلزلے کے شدید جھٹکے، متعدد افراد ہلاک

    کھٹمنڈو / نئی دہلی: جنوبی ایشیائی ملک نیپال میں 6.6 شدت کے زلزلے کے جھٹکے محسوس کیے گئے جس میں اب تک 6 افراد کی ہلاکت کی اطلاعات ہیں، بھارت کے کئی شہروں میں بھی زلزلے کے جھٹکے محسوس کیے گئے۔

    مقامی میڈیا رپورٹ کے مطابق بدھ کے روز علیٰ الصبح نیپال کے متعدد علاقوں میں زلزلے کے شدید جھٹکے محسوس کیے گئے، نیپالی سسمولوجیکل سینٹر کے مطابق زلزلے کی شت 6.6 تھی۔

    زلزلے کے جھٹکے بھارتی دارالحکومت نئی دہلی سمیت متعدد بھارتی شہروں میں بھی محسوس کیے گئے، پچھلے 24 گھنٹے میں زلزلے کے تین جھٹکے محسوس کیے گئے۔

    زلزلے کا مرکزبھارتی ریاست اتر پردیش کے شہر پیلی بھیت سے 158 کلومیٹر دور اور نیپال کے دارالحکومت کٹھمنڈو سے 340 کلو میٹر دور دیپایل کا قصبہ تھا۔

    زلزلے کے بعد نیپال میں اب تک کم از کم 6 افراد کی ہلاکت کی تصدیق ہوچکی ہے جبکہ متعدد افراد زخمی ہوئے ہیں، درجنوں مکانات منہدم ہونے کی بھی اطلاعات ہیں۔

    مقامی حکام کا کہنا ہے کہ وہ جانی اور مالی نقصانات کا اندازہ لگانے کی کوشش کر رہے ہیں۔

    نیپال کے وزیر اعظم شیر بہادر دیوبا نے متاثرین کے ساتھ دلی ہمدری کا اظہار کیا ہے، اپنے ایک ٹویٹ میں انہوں نے کہا کہ میں نے متعلقہ ایجنسیوں کو حکم دیا ہے کہ وہ زخمیوں اور دیگر متاثرین کے فوری اور مناسب علاج کے لیے تمام ضروری اقدامات کریں۔

    نیپالی آرمی کے ایک ترجمان نارائن سیلوال کا کہنا ہے کہ راحت اور بچاؤ ٹیمیں متاثرہ علاقوں میں پہنچ گئی ہیں اور 2 ہیلی کاپٹروں کو بھی تیار رکھا گیا ہے۔

    خیال رہے کہ نیپال میں اپریل 2015 میں 7.8 شدت کا زلزلہ آیا تھا جس میں تقریباً 9 ہزار افراد ہلاک اور 5 لاکھ سے زائد مکانات منہدم ہو گئے تھے۔

    اس زلزلے نے کئی قصبوں اور صدیوں پرانے مندروں کو صفحہ ہستی سے مٹا دیا تھا، نیپالی معیشت کو اس زلزلے کی وجہ سے 6 ارب ڈالر سے زائد کا نقصان ہوا تھا۔