Tag: زلزلہ

پشاور:صوبہ خیبرپختونخواہ کے شہر مالاکنڈ، شانگلہ، سوات اور گردونواح میں زلزلے کے جھٹکے محسوس کیے گئے جس سے لوگوں میں خوف و ہراس پھیل گیا۔

تفصیلات کے مطابق خیبرپختوانخوا کے شہر شانگلہ، مالاکنڈ، مردان، سوات اور گردونواح میں زلزلے کے جھٹکے محسوس کیے گئے، لوگ کلمہ طیبہ کا ورد کرتے ہوئے گھروں سے باہرنکل آئے۔

زلزلہ پیما مرکز کے مطابق زلزلے کے جھٹکوں کی شدت 5.2 ریکارڈ کی گئی جبکہ زلزے کی گہرائی 186 کلو میٹر ریکارڈ کی گئی۔ زلزلہ پیما مرکز کا کہنا ہے کہ افغانستان کے قریب ہندوکش ریجن میں تھا۔

اس سے قبل گزشتہ ماہ 11 مارچ کو سوات اور گردو نواح کے علاقوں میں زلزلے کے جھٹکے محسوس کیے گئے، زلزلہ پیما مرکز کے مطابق ریکٹر اسکیل پر زلزلہ کی شدت 4.4 ریکارڈ کی گئی تھی جبکہ زیر زمین گہرائی 110 کلومیٹر تھی، زلزلے کا مرکز پاک افغان تاجسکتان کا پہاڑی سلسلہ تھا۔

میرپور: پاکستان کے مختلف شہروں میں زلزلے کے جھٹکوں کے باعث شہری خوف و ہراس میں مبتلا ہوگئے۔

تفصیلات کے مطابق آزاد کشمیر اور پنجاب کے مختلف شہروں میں زلزلے کے جھٹکے محسوس کیے گئے، ریکٹر اسکیل پر زلزلے کی شدت 5 ریکارڈ کی گئی۔

زلزلہ پیما مرکز کے مطابق آزاد کشمیر کے میں میرپور اور ملحقہ حصوں میں زلزلے کے جھٹکے محسوس کیے گئے جب کہ پنجاب میں نارووال، ظفرووال اور اطراف کے علاقے بھی زلزلے کے جھٹکوں سے لرز اٹھے۔

زلزلے کی شدت 5 تھی اور گہرائی 10کلو میٹر تھی، زلزلے کے جھٹکوں کے باعث لوگوں میں خوف و ہراس پھیل گیا اور کھلے مقامات پر آگئے۔

متاثرہ علاقوں میں لوگ کلمہ طیبہ کا ورد کرتے رہے اور اپنے پیاروں سے رابطہ قائم کر کے خیریت سے آگاہ کرتے رہے، فوری طور پر زلزلے سے کسی تباہی یا جانی و مالی نقصان کی اطلاع نہیں ملی۔

اسلام آباد: وفاقی دارالحکومت اسلام آباد سمیت ملک کے مختلف شہروں میں زلزلے کے شدید جھٹکے محسوس کیے گئے جبکہ ریکٹر اسکیل پر شدت 6.4 ریکارڈ کی گئی۔

تفصیلات کے مطابق اسلام آباد اور لاہور سمیت ملک کے مختلف شہروں میں زلزلے کے شدید جھٹکے محسوس کیے گئے، جس سے لوگوں میں خوف وہراس پھیل گیا۔

زلزلہ پیما مرکز کے مطابق ریکٹر اسکیل پر زلزلے کی شدت 6.4 ریکارڈ کی گئی۔ زلزلے کی زیر زمین گہرائی 200 کلو میٹر اور مرکز ہندوکش ریجن افغانستان تھا، زلزلے کے باعث کسی جانی ومالی نقصان کی اطلاع موصول نہیں ہوئی۔

زلزلے کے بعد لوگوں میں خوف وہراس پھیل گیا اور بڑی تعداد میں مرد، خواتین اور بچے گھروں سے باہر آگئے اور کلمہ طیبہ کا ورد شروع کردیا۔

زلزلے کے جھٹکے اسلام آباد، لاہور، مانسہرہ، ایبٹ آباد، دیربالا، حضر، ژوب، باجوڑ، اٹک، چکوال، ماموں کانجن، چنیوٹ، لالیاں، پھلروان، سمندری، تاندلیانوالہ، سوات، پشاور، بٹگرام، ہری پور، کوٹ مومن، کوٹلی آزاد کشمیر، شانگلہ، میرپورآزاد کشمیر، عارف والا، لوئردیر، پنڈ دادن خان، راولپنڈی، وانا، گلگت، مالاکنڈ، ساہیوال، سرگودھا، شاہ کوٹ، چارسدہ، پسرور، ڈسکہ، ننکانہ، گجرات، شیخوپورہ، مظفرآباد، دیپالپور، ظفروال، جھنگ، نارووال اور منڈی بہاؤالدین میں ریکارڈ کیے گئے۔

خیبرپختونخواہ کے مختلف علاقوں میں زلزلے کے جھٹکے

یاد رہے کہ دو روز قبل کوہاٹ، صوابی اور سوات میں 4.2 شدت کا زلزلہ ریکارڈ کیا گیا تھا جبکہ زلزلے کی زمین میں گہرائی 38 کلومیٹر تھی۔