Tag: زلزلہ

منیلا: فلپائن میں تین دن کے اندر دوسرے طاقتور زلزلے نے کئی مکانات تباہ کردیے جس کے باعث پانچ افراد ہلاک ہوگئے۔

تفصیلات کے مطابق آج بھی فلپائن کے جنوبی علاقے زلزلے کے شدید جھٹکوں سے لرز اٹھے جس کے باعث پانچ افراد زندگی کی بازی ہار گئے جبکہ عمارتوں پر گہرا شگاف بھی پڑگیا۔

غیرملکی خبررساں ادارے کے مطابق زلزلے کی شدت چھ اعشاریہ پانچ تھی، زلزلے سے خوف وہراس پھیل گیا اور لوگ عمارتوں سے باہرنکل آئے۔

زلزلے سے متعدد عمارتیں کو نقصان پہنچا اور بہت سی عمارتیں گرگئیں، منہدم عمارتیں رواں ماہ آنے والے زلزلے سے کمزور ہوگئی تھیں۔

ملبے تلے دبے افراد کو نکالنے کے لیے ریسکیو آپریشن جاری ہے، حکام نے زلزلے سے پانچ افراد کی ہلاکت کی تصدیق کی ہے، اموات کی تعداد میں اضافے کا خدشہ ہے۔

فلپائن میں زلزلے سے عمارتیں لرز اٹھیں، 4 افراد ہلاک، درجنوں زخمی

خیال رہے کہ دو روز قبل ہی فلپائن کے جنوبی صوبے کوتاباتو میں طاقتور زلزلے کے باعث 4 افراد ہلاک اور درجنوں زخمی ہوگئے تھے۔

یاد رہے کہ گذشتہ سال 29 دسمبر کو فلپائن کے جنوبی جزیرے منڈاناؤ میں زلزلے کی شدت 6.9 ریکارڈ کی گئی تھی، زلزلے کا مرکز فلپائن سے 84 کلومیٹر جنوب مشرق میں 59 کلو میٹر زیرزمین تھا۔

فلپائن کا علاقہ کراہ ارض میں اُس مقام پر واقع ہیں جہاں دنیا بھر میں آنے والے 90 فیصد زلزلوں کا مرکز پایا جاتا ہے، امریکی سائنسدانوں کے مطابق 1990 سے 2016 آنے والے تمام بڑے زلزلوں کا مرکز یہی بیلٹ تھا۔

منیلا: فلپائن میں طاقتور زلزلے کے باعث 4 افراد ہلاک اور درجنوں زخمی ہوگئے، شہریوں میں شدید خوف وہراس پایا جاتا ہے۔

تفصیلات کے مطابق فلپائن کے جنوبی حصے میں طاقتو زلزلے کے نتیجے میں کم از کم چار افراد ہلاک اور درجنوں زخمی ہوگئے۔

غیرملکی خبررساں ادارے کے مطابق امریکی جیولوجیکل سروے نے بتایا کہ ریکٹر اسکیل پر اس زلزلے کی شدت 6.6 تھی، اس زلزلے کے نتیجے میں متعدد حکومتی اور نجی عمارات کو نقصان پہنچا۔

جنوبی صوبہ کوتاباتو میں اس زلزلے کے بعد اسکول بند کر دیے گئے، سول ڈیفنس حکام کے مطابق کم از کم 30 افراد اس زلزلے کے نتیجے میں زخمی ہوئے ہوئے۔

فلپائن میں 5.9 شدت کا زلزلہ، 8 افراد ہلاک، 60 زخمی

ریسکیو ذرائع کا کہنا ہے کہ حکام کی ہدایت پر آپریشن تیز کردیا ہے، متاثرہ شہریوں کو ہرممکن سہولیات فراہم کرنے کی کوششیں کی جارہی ہیں۔

صوبہ کوتاباتو میں گذشتہ ہفتے بھی زلزے کے شدید جھٹکوں سے کئی مکانات تباہ ہوئے جس کی رد میں آکر 7 شہری مارے گئے تھے۔

یاد رہے کہ گذشتہ سال 29 دسمبر کو فلپائن کے جنوبی جزیرے منڈاناؤ میں زلزلے کی شدت 6.9 ریکارڈ کی گئی تھی، زلزلے کا مرکز فلپائن سے 84 کلومیٹر جنوب مشرق میں 59 کلو میٹر زیرزمین تھا۔

واضح رہے کہ فلپائن کا علاقہ کراہ ارض میں اُس مقام پر واقع ہیں جہاں دنیا بھر میں آنے والے 90 فیصد زلزلوں کا مرکز پایا جاتا ہے، امریکی سائنسدانوں کے مطابق 1990 سے 2016 آنے والے تمام بڑے زلزلوں کا مرکز یہی بیلٹ تھا۔