Tag: زلزلہ

کراچی : شہر قائد میں ایک بار پھر زلزلے نے شہریوں کو خوف و ہراس میں مبتلا کردیا ہے۔

تفصیلات کے مطابق کراچی کے مختلف علاقوں میں ایک بار پھر زلزلے کے جھٹکے محسوس کئے گئے۔

قائد آباد،ملیراورشاہ فیصل کالونی میں زلزلے کے جھٹکے محسوس ہوئے، جس سے شہریوں کو خوف و ہراس پھیل گیا۔

زلزلہ پیما مرکز کے مطابق زلزلے کی شدت 3.2 اور گہرائی 35 کلو میٹر تھی جبکہ زلزلے کا مرکزملیر کے 12 کلومیٹر شمال میں تھا۔

زلزلہ پیما مرکز نے بتایا کہ زلزلے کے جھٹکے 9 بجکر 53 منٹ پر محسوس کیے گئے۔

مزید پڑھیں : کراچی میں زلزلوں کی حالیہ لہر، ماہرین نے خبردار کردیا (آڈیو پوڈ کاسٹ)

خیال رہے کراچی مسلسل زلزلوں کی زد میں ہے اور یکم جون سےاب تک شہر میں انتالیس زلزلےریکارڈ کیے جا چکے ہیں۔

یاد رہے 2 روز قبل بھی زلزلے کے جھٹکے رات ایک بجکر 44 منٹ پر محسوس کئے گئے تھے، جس کی شدت ریکٹر اسکیل پر 2.6 ریکارڈ کی گئی۔

زلزلہ پیما مرکز کا کہنا تھا کہ زلزلے کی گہرائی 10 کلو میٹر تھی، زلزلہ ملیر اور اطراف کے ایک کلو میٹر علاقے میں آیا تاہم زلزلے کے باعث کسی بھی قسم کا جانی و مالی نقصان نہیں ہوا۔

واضح رہے ڈائریکٹر زلزلہ پیما مرکز ڈاکٹر نجیب احمد نے بتایا تھا کہ یہ فالٹ لائن معمول پرواپس آرہی ہے، کراچی اور گردونواح میں زلزلہ آنے کا خدشہ ہے تاہم ان کی نوعیت معمولی سے معتدل ہوگی۔

کراچی : شہر قائد ایک بار پھر زلزلے سے لرز اٹھا، چھ روز میں زلزلے کے جھٹکوں کی تعداد 32 ہوگئی۔

تفصیلات کے مطابق کراچی کے مختلف علاقوں میں علی الصبح زلزلے کے جھٹکےمحسوس کیے گئے۔

پیمامرکز نے بتایا کہ 4 بجکر 46 منٹ پر 2.7 شدت کازلزلہ آیا، زلزلے کا مرکز ڈی ایچ اے کے 20 کلومیٹر جنوب میں تھا جبکہ گہرائی 2 کلومیٹر ریکارڈ کی گئی۔

زلزلہ پیما مرکز کا کہنا تھا کہ صبح 7بجکر 58منٹ پربھی 1.8شدت کازلزلہ ریکارڈکیاگیا، جس کا مرکز ملیر سے 7کلومیٹردورشمال مغرب میں تھا اور گہرائی 8 کلو میٹر ریکارڈ کی گئی۔

پیما مرکز نے مزید بتایا کہ مختلف علاقوں میں یکم جون سے اب تک 32 زلزلے آچکے ہیں۔

مزید پڑھیں : ڈائریکٹر زلزلہ پیما مرکز کا اہم بیان آگیا

یاد رہے ڈائریکٹر زلزلہ پیما مرکز ڈاکٹر نجیب احمد نے بتایا تھا کہ یہ فالٹ لائن معمول پرواپس آرہی ہے، کراچی اور گردونواح میں تین سے چار روز تک زلزلہ آنے کا خدشہ ہے تاہم ان کی نوعیت معمولی سے معتدل ہوگی۔

ان کا کہنا تھا کہ شہر میں گزشتہ 4 روز سے زلزلے کے جھٹکے آرہے ہیں، جن کی گہرائی دس کلو میٹر جبکہ مرکز، قائد آباد، گڈاپ اور ڈی ایچ اے تھی۔

کراچی: شہر قائد میں زلزلہ کے جھٹکوں کی تشویش ناک صورت حال کے پیش نظر انتظامیہ کی جانب سے ضلع ملیر کے اسکولوں میں چھٹی کا اعلان کر دیا گیا ہے۔

تفصیلات کے مطابق کراچی میں گزشتہ روز سے زلزلے کے جھٹکے محسوس کیے جا رہے ہیں، جس کے بعد انتظامیہ نے فیصلہ کیا ہے کہ بچوں کی حفاظت کے پیش نظر ملیر میں اسکول بند رکھے جائیں، انتظامیہ کا کہنا ہے کہ احتیاطی تدابیر اختیار کرتے ہوئے چھٹی کا اعلان کیا گیا ہے۔

واضح رہے کہ ملیر اور اطراف میں کل سے اب تک زلزلہ کے کئی جھٹکے محسوس کیے گئے ہیں، کراچی میں 48 گھنٹوں کے دوران زلزلے کے 11 جھٹکے محسوس کیے گئے، لانڈھی میں یکے بعد دیگرے زلزلے کے جھٹکے محسوس کیے جا رہے ہیں۔

ملیر جیل سے سینکڑوں قیدی دیوار توڑ کر فرار، علاقے میں شدید فائرنگ

زلزلے کے جھٹکوں کی وجہ سے لانڈھی میں کئی گھروں کی دیواروں پر دراڑیں پڑ گئی ہیں، اور شہری خوف زدہ ہو کر گھروں سے باہر نکل آئے۔ چیف میٹرولوجسٹ امیر حیدر کا کہنا تھا کہ زلزلہ لانڈھی فالٹ ریجن میں آ رہا ہے، معمول پر آنے میں چند دن لگ سکتے ہیں، ان کا کہنا تھا کہ زلزلے کے جھٹکے آئندہ 2 روز تک محسوس کیے جا سکتے ہیں۔

گزشتہ رات سے زلزلے کے جھٹکے ملیر، قائد آباد، شاہ لطیف، بھینس کالونی اور لانڈھی میں محسوس کیے گئے۔