ARYNews.tv | Urdu – Har Lamha Bakhabar

Tag: زلزلہ

  • فلپائن لوزون میں 5.6 شدت کا زلزلہ

    فلپائن لوزون میں 5.6 شدت کا زلزلہ

    فلپائن میں لوزون میں 5.6 شدت کا زلزلہ ریکارڈ کیا گیا ہے، جس کے باعث عوام میں خوف و ہراس پھیل گیا۔

    بین الاقوامی خبر رساں ادارے کی رپورٹ کے مطابق زلزلہ پیما ایجنسی فیوولکس کا اس حوالے سے کہنا ہے کہ زیر زمین گہرائی 10 کلومیٹر ریکارڈ کی گئی ہے۔

    زلزلہ پیما ایجنسی فیوولکس کے مطابق فلپائن میں زلزلہ صوبہ الوکوس کے شمالی قصبے بنگوئی میں آیا ہے، جبکہ زلزلے سے آفٹر شاکس کا امکان ہے۔

    اس سے قبل گزشتہ ہفتے کیوبا میں بھی 5.9 شدت کا زلزلہ ریکارڈ کیا گیا تھا جس کے سبب عمارتیں لرز گئی تھیں۔

    یورپی میڈیٹیرینیئن سیسمولوجیکل سینٹر (ای ایم ایس سی) کے مطابق زلزلے کے جھٹکے کیوبا میں محسوس کیے گئے تھے۔

    رپورٹس کے مطابق زلزلے کی شدت ریکٹر اسکیل پر 5.9 ریکارڈ کی گئی، لوگ خوف کے مارے گھروں سے باہر نکل آئے۔

    دبئی کی کثیر المنزلہ عمارت میں خوفناک آتشزدگی

    میڈیا رپورٹس کے مطابق کیوبا میں زلزلہ 25 کلومیٹر گہرائی میں آیا، جس نے جزیرے کے باشندوں تشویش میں مبتلا کر دیا، زلزلے سے کسی قسم کے نقصان کی اطلاعات فی الحال موصول نہیں ہوئیں۔

  • سوات: مینگورہ اور گردونواح میں زلزلہ

    سوات: مینگورہ اور گردونواح میں زلزلہ

    سوات: مینگورہ اور گرد ونواح میں زلزلے کے جھٹکے محسوس کئے گئے، جس کے باعث لوگ خوفزدہ ہو کر گھروں اور دکانوں سے باہر نکل آئے اور کلمہ طیبہ کا ورد کرنے لگے۔

    اے آر وائی نیوز کے مطابق زلزلہ پیما مرکز کا کہنا ہے کہ ریکٹر اسکیل پر زلزلے کی شدت 4.2 ریکارڈ کی گئی ہے۔

    پیما مرکز کے مطابق زلزلے کی گہرائی 225 کلومیٹر تھی جبکہ زلزلے کا مرکز پاکستان، افغانستان تاجکستان کا سرحدی علاقہ تھا۔

    یاد رہے کہ گزشتہ ماہ بھی پاکستان کے دارلحکومت اسلام آباد اور پشاور سمیت خیبر پختونخواہ کے مختلف شہروں میں زلزلے کے جھٹکے محسوس کئے گئے تھے۔

    زلزلہ پیما مرکزکے مطابق زلزلے کی شدت پانچ عشاریہ تین ریکارڈ کی گئی، مرکز کوہ ہندوکش تھا اور کی گہرائی 220 کلو میٹر بتائی گئی تھی۔

    خیبرپختونخوا کے مختلف شہروں میں زلزلہ آ گیا

    سوات، صوابی، چارسدہ، ملاکنڈ، مردان، ہنگو اور گردونواح، چترال، بونیر اور گردونواح میں بھی زلزلہ محسوس کیا گیا تھاجبکہ مانسہرہ، خیبر، باڑہ لنڈی کوتل، جمرود، تیراہ میں بھی جھٹکے محسوس ہوئے تھے۔

  • چلی کے دارالحکومت سانٹیاگو میں 6.3 شدت کا زلزلہ

    چلی کے دارالحکومت سانٹیاگو میں 6.3 شدت کا زلزلہ

    چلی کے دارالحکومت سانٹیاگو میں 6.3 شدت کے زلزلے کے جھٹکے محسوس کیے گئے ہیں۔ جبکہ آفٹر شاکس کا سلسلہ جاری ہے۔

    غیر ملکی ذرائع ابلاغ کے مطابق چلی کے دارالحکومت سانٹیاگو میں زلزلے کا مرکز کیوریکو سے52 کلومیٹر دور جنوب مشرق میں تھا، جبکہ زلزلے کی گہرائی 114 کلومیٹر ریکارڈ کی گئی۔

    خبر رساں ایجنسی کے مطابق کسی جانی و مالی نقصان کی طلاع نہیں ملی ہے۔

    اس سے قبل رواں ماہ امریکی ریاست کیلیفورنیا میں 7 کی شدت کے زلزلے کے جھٹکے محسوس کیے گئے تھے۔

    امریکی زلزلہ پیما مرکز کا اپنے بیان میں کہنا تھا کہ زلزلے کی گہرائی 10 کلومیٹر ریکارڈ کی گئی جبکہ اس کا مرکز کیلیفورنیا کے جنوب مغرب میں تھا۔

    زلزلہ پیما مرکز کی جانب سے زلزلے کے ساتھ کیلیفورنیا اور جنوبی اوریگون کے ساحلی علاقوں میں سونامی کی وارننگ جاری کی گئی تھی بعد ازاں کینسل کردی گئی۔

    میڈیا رپورٹس میں کہا جارہا ہے کہ سونامی کی وارننگ کے بعد بڑی تعداد میں لوگوں نے محفوظ مقامات کی جانب منتقلی شروع کردی، جس سے سڑکوں پر بدترین ٹریفک جام کے مناظر دیکھنے کو ملے۔

    پاپوا نیو گنی میں 6.6 شدت کا زلزلہ

    غیر ملکی میڈیا کے مطابق زلزلے کے بعد متاثرہ علاقوں میں بجلی کا نظام جزوی طور پر معطل ہو گیا جس کے باعث 10 ہزار سے زائد افراد متاثر ہوئے۔

  • خیبرپختونخوا کے مختلف شہروں میں زلزلہ آ گیا

    خیبرپختونخوا کے مختلف شہروں میں زلزلہ آ گیا

    پشاور: خیبرپختونخوا کے مختلف شہروں میں زلزلہ آ گیا، جس کا مرکز افغانستان اور تاجکستان کا سرحدی علاقہ تھا۔

    تفصیلات کے مطابق مینگورہ شہر سمیت ضلع سوات اور ملاکنڈ ڈویژن کے نواحی اضلاع میں زلزلے کے شدید جھٹکے محسوس کیے گئے ہیں، جس کی شدت ریکٹر اسکیل پر 5.2 ریکارڈ کی گئی ہے۔

    زلزلے کی گہرائی 212 کلومیٹر تھی جب کہ اس کا مرکز افغانستان اور تاجکستان کا سرحدی علاقہ تھا، زلزلے کے جھٹکوں کا دورانیہ 15 سے 20 سیکنڈ تھا۔

    زلزلے کے جھٹکے سوات، بٹگرام، لوئر دیر، چترال، دیر بالا، ملاکنڈ، شانگلہ، چارسدہ، مانسہرہ اور گرد و نواح میں محسوس کیے گئے۔ لوگ کلمہ طیبہ کا ورد کرتے ہوئے گھروں اور دکانوں سے باہر نکل آئے۔

    واضح رہے کہ گزشتہ رات بھی مینگورہ شہر اور اس کے نواح میں زلزلے کے ہلکے جھٹکے محسوس کیے گئے تھے۔

  • پاپوا نیو گنی میں 6.6 شدت کا زلزلہ

    پاپوا نیو گنی میں 6.6 شدت کا زلزلہ

    بحرالکاہل کے کنارے واقع پاپوا نیو گنی میں 6.6 شدت کا زلزلہ آیا ہے۔ کسی جانی و مالی نقصان کی اطلاع سامنے نہیں آئی۔

    بین الاقوامی خبر رساں ادارے کی رپورٹ کے مطابق امریکن جیولوجیکل سروے کا اس حوالے سے کہنا ہے کہ 6.6 شدت کے زلزلے کا مرکز ملک کے مشرق میں نیو برطانیہ جزیرے پر واقع کوکوپو شہر کے ساحل سے دوری پر بیج سمندر میں تھا۔

    رپورٹس کے مطابق 51 کلومیٹر کی گہرائی میں آنے والے زلزلے کے بعد سونامی کی کوئی وارننگ جاری نہیں کی گئی، ابتدائی اطلاعات کے مطابق زلزلے میں کسی جانی و مالی نقصان کی اطلاع نہیں ملی۔

    پاپوا نیو گنی بحرالکاہل کے ”رنگ آف فائر” پر واقع ہے جہاں اکثر و بیشتر زلزلے آتے ہیں اور آتش فشاں فعال بنتے ہیں۔

    واضح رہے کہ گزشتہ ماہ ترکیے کے مشرقی علاقے 6.1 شدت کے زلزلے کے جھٹکوں سے لرز اُٹھے تھے۔

    ترکیے کی ڈیزاسٹر اینڈ ایمرجنسی اتھارٹی (اے ایف اے ڈی) کا اس حوالے سے کہنا ہے کہ مشرقی صوبے ملاتیا میں 6.1 شدت کا زلزلہ ریکارڈ کیا گیا ہے۔

    زلزلے کے سبب جانی و مالی نقصان کی کوئی اطلاع تاحال موصول نہیں ہوئی ہے۔

    اسرائیلی جنگی طیاروں کے بیروت پر متعدد فضائی حملے

    بحیرہ روم کے زلزلہ پیما مرکز کے مطابق ترکیے کے مشرقی ریجن میں زلزلے کے جھٹکے محسوس کیے گئے، زلزلہ کی گہرائی زیر زمین 9 کلومیٹر تھی جبکہ زلزلے کی شدت ریکٹر اسکیل پر 6.1 ریکارڈ کی گئی ہے۔

  • ترکیہ میں 6.3 شدت کا زلزلہ

    ترکیہ میں 6.3 شدت کا زلزلہ

    ترکیے کے مشرقی علاقے 6.1 شدت کے زلزلے کے جھٹکوں سے لرز اُٹھے۔

    غیر ملکی ذرائع ابلاغ کے مطابق ترکیے کی ڈیزاسٹر اینڈ ایمرجنسی اتھارٹی (اے ایف اے ڈی) کا اس حوالے سے کہنا ہے کہ مشرقی صوبے ملاتیا میں 6.1 شدت کا زلزلہ ریکارڈ کیا گیا ہے۔

    زلزلے کے سبب جانی و مالی نقصان کی کوئی اطلاع تاحال موصول نہیں ہوئی ہے۔

    بحیرہ روم کے زلزلہ پیما مرکز کے مطابق ترکیے کے مشرقی ریجن میں زلزلے کے جھٹکے محسوس کیے گئے، زلزلہ کی گہرائی زیر زمین 9 کلومیٹر تھی جبکہ زلزلے کی شدت ریکٹر اسکیل پر 6.1 ریکارڈ کی گئی ہے۔

    یاد رہے کہ گزشتہ برس کے آغاز میں ترکیے کے جنوب اور شام کے شمال مغربی سرحدی علاقوں میں آنے والے زلزلے نے بڑے پیمانے پر تباہی مچائی تھی۔

    روس کے جزیرہ نما علاقے میں 5.9 شدت کا زلزلہ

    گزشتہ برس کے ترکیے کے جنوب اور شام کے شمال مغربی سرحدی علاقوں میں آنے والے زلزلے کی ریکٹر اسکیل پر شدت 7.8 ریکارڈ کی گئی تھی، جس میں ہزاروں افراد اپنی زندگیوں سے محروم ہوگئے تھے۔

  • روس کے جزیرہ نما علاقے میں 5.9 شدت کا زلزلہ

    روس کے جزیرہ نما علاقے میں 5.9 شدت کا زلزلہ

    روس کے جزیرہ نما علاقے کامچٹکا کے مشرقی ساحل پر 5.9 شدت کے زلزلے کی اطلاعات ہیں۔

    بین الاقوامی خبر رساں ادارے کی رپورٹ کے مطابق (EMSC) کا اس حوالے سے کہنا ہے کہ زلزلہ کامچٹکا کے مشرقی ساحل پر 51 کلومیٹر کی گہرائی میں آیا ہے۔

    مقامی حکام کے مطابق ابھی تک زلزلے سے کسی قسم کے جانی یا مالی نقصان کی اطلاع موصول نہیں ہوئی۔

    واضح رہے کہ اس سے قبل 17 اگست کو بھی روس کے اس علاقے میں 51 کلو میٹر کی گہرائی میں ایک زلزلہ آیا تھا جس کی شدت 7.2 ریکارڈ کی گئی تھی۔جس کے باعث سونامی کے خطرے کا الارم دے دیا گیا تھا۔

    زلزلے کی شدت کا احساس ہوتے ہی لوگ خوف و ہراس کے عالم میں گھروں سے باہر نکل آئے تھے۔

  • پاکستان کے مختلف شہر زلزلے سے لرز اُٹھے

    پاکستان کے مختلف شہر زلزلے سے لرز اُٹھے

    اسلام آباد، راولپنڈی پشاور اور لاہور سمیت ملک کے مختلف شہروں میں زلزلے کے جھٹکے محسوس کئے گئے۔

    اے آر وائی نیوز کے مطابق پاکستان کے وسطی اور شمالی علاقوں میں زلزلے کے باعث عوام دفاتر اور گھروں سے کلمہ طیبہ کا ورد کرتے ہوئے باہر نکل آئے۔

    زلزلہ پیماہ مرکز کے مطابق زلزلے کا مرکز کوہ ہندو کش افغانستان تھا جس کی زیر زمین گہرائی 215 کلو میٹر ریکارڈ کی گئی جبکہ زلزلے کی شدت 5.4 ریکارڈ کی گئی۔

    خیبر پختونخوا کے مختلف شہروں میں بھی زلزلے کے جھٹکے محسوس کیے گئے، ہنگو، مردان، ملاکنڈ، بونیر، پشاور، سوات، شمالی وزیرستان، شانگلہ اور دیر میں بھی زلزلے کے جھٹکوں کو محسوس کیا گیا۔

    کراچی میں آج دوپہر 2 سے رات 8 بجے کے درمیان طوفانی بارش کی پیش گوئی

    اس کے علاوہ پنڈدادن خان، ملکوال، پنڈی بھٹیاں، مانسہرہ، بٹ گرام، تورغر اور کوہستان میں بھی زلزلہ محسوس کیا گیا۔

  • مظفر آباد اور گردو نواح میں زلزلہ

    مظفر آباد اور گردو نواح میں زلزلہ

    مظفرآباد شہر اور گردونواح میں 4 اعشاریہ 6 شدت کے زلزلے کے باعث لوگ خوفزدہ ہوگئے۔

    اے آر وائی نیوز کے مطابق آزاد کشمیر، ہٹیاں بالا، چناری اور چکوٹھی سمیت جہلم ویلی، سوات، اسکردو اور گردونواح میں بھی زلزلے کے جھٹکے محسوس کئے گئے۔

    زلزلے کے باعث لوگ کلمہ طیبہ کا ورد کرتے ہوئے گھروں سے باہر نکل آئے اور اللہ سے رحمت طلب کرنے لگے۔

    ذرائع کے مطابق زلزلہ مرکز سوپور کے قریب تھا، جبکہ اس کی شدت 4.6 ریکارڈ کی گئی اور اس کی زیر زمین گہرائی 11 کلو میٹر تھی۔

    واضح رہے کہ گزشتہ ماہ بھی سوات اور گردونواح میں زلزلے کے شدید جھٹکے محسوس کئے گئے تھے۔

    مشرق وسطیٰ کے مختلف ممالک زلزلے سے لرز اُٹھے

    زلزلہ پیما مرکز کا بتانا تھا کہ زلزلے کی شدت ریکٹر اسکیل پر 5 ریکارڈ کی گئی جبکہ زلزلے کا مرکز ہندوکش ریجن، گہرائی 211 کلو میٹر تھی۔

  • ملک کے مختلف شہروں میں زلزلے کے جھٹکے

    ملک کے مختلف شہروں میں زلزلے کے جھٹکے

    اسلام آباد: ملک کے مختلف شہروں میں زلزلے کے جھٹکے محسوس کئے گئے ہیں، زلزلے کا مرکز تاجکستان افغانستان بارڈر تھا۔

    اے آر وائی نیوز کے مطابق زلزلہ پیما مرکز کا کہنا ہے کہ خیبرپختونخوا کے مختلف علاقوں سمیت اسلام آباد میں بھی زلزلے کے جھٹکے محسوس کئے گئے ہیں، زلزلے کی شدت 4.4، گہرائی 145 کلومیٹر ریکارڈ کی گئی۔

    زلزلے کے باعث لوگ کلمہ طیبہ کا ورد کرتے ہوئے گھروں سے باہر نکل آئے۔

    رپورٹس کے مطابق پشاور، مردان، نوشہرہ اور گردونواح، سوات، ملاکنڈ، لوئر دیر، مانسہرہ اور ہزارہ ڈویژن کے دیگر علاقوں میں زلزلہ محسوس کیا گیا ہے۔

    واضح رہے کہ گزشتہ دنوں پاکستان کے سب سے بڑے شہر کراچی میں بھی زلزلے کے جھٹکے محسوس کئے گئے تھے۔

    زلزلہ پیما مرکز کے مطابق صدر، اولڈسٹی، کلفٹن اور کورنگی سمیت مختلف علاقوں میں زلزلے کے جھٹکے محسوس کیے گئے تھے۔

    سوات اور گرد و نواح میں زلزلے کے جھٹکے

    زلزلے کی شدت 3.2 ریکارڈ کی گئی تھی جب کہ زلزلے کا مرکز کراچی سے 15 کلومیٹر شمال مشرق میں تھا۔ زلزلے کی گہرائی 22 کلومیٹر ریکارڈ کی گئی تھی۔