ARYNews.tv | Urdu – Har Lamha Bakhabar

Tag: زلزلے کے جھٹکے

  • سوات ، چترال ، مالاکنڈ میں زلزلے کے جھٹکے، شدت پانچ ریکارڈ کی گئی

    سوات ، چترال ، مالاکنڈ میں زلزلے کے جھٹکے، شدت پانچ ریکارڈ کی گئی

    سوات /چترال /مالاکنڈ : زمین ایک با ر لرز اٹھی، سوات، چترال، مالاکنڈ شہر اور گردو نواح میں زلزلے کے جھٹکے محسوس کئے گئے ۔ریکٹر اسکیل پر زلزلے کے شدت پانچ ریکارڈ کی گئی۔

    شہری کلمہ طیبہ کا ورد کرتے ہوئے گھروں سے باہر نکل آئے،زلزلہ کے نتیجے میں تاحال کسی جانی و مالی نقصان کی اطلاعات موصول نہیں ہوئی ہیں.

    زلزلہ پیما مرکز کے مطابق زلزلےکےجھٹکوں کی گہرائی بہتر کلو میٹر تھی جبکہ مرکز ہندو کش ریجن افغانستان تھا ۔ ریکٹر اسکیل پر زلزلے کے شدت پانچ ریکارڈ کی گئی۔

    ڈائریکٹرزلزلہ پیما مرکز زاہد رفیع کا کہنا ہے گزشتہ سال کے دوران زلزلے کے جھٹکوں سے زمین کے کھسکنے کے باعث زلزلے کے مزید جھٹکوں کا امکان ہے.

    پچیس اکتو برکے زلزلے کے بعد سوات اور گرد نواح میں زلزلے کے آفٹر شاکس کا سلسلہ جاری ہے جس سے لوگوں خوف و ہراس میں مبتلا ہیں۔

  • انڈونیشیا میں زلزلے کے جھٹکے، ریکٹراسکیل پر شدت7 ریکارڈ

    انڈونیشیا میں زلزلے کے جھٹکے، ریکٹراسکیل پر شدت7 ریکارڈ

    پاپوا: انڈونیشیا میں زلزلے کے شدید جھٹکے محسوس کیے گئے ، ریکٹر اسکیل پر زلزلے کی شدت سات اعشاریہ ریکارڈ کی گئے۔

    انڈونیشیا کے جزائر پاپوا میں زلزلے کے شدید جھٹکوں سے لوگوں میں خوف وہراس پھیل گیا، امریکی جیالوجیکل سروے کے مطابق ریکٹر اسکیل پر زلزلے کی شدت7 تھی، زلزلے کا مرکز جیاپورا سے دوسواکیس کلومیٹر دور اور اس کی گہرائی تینتیس کلومیٹر ریکارڈ کی گئی ہے ۔

    انڈونیشین حکام کے مطابق زلزلے سے کسی بھی طرح کے نقصان کی اطلاع نہیں اور نا ہی سونامی کی وارننگ جاری کی گئی ہے تاہم زلزلے کے جھٹکوں کے بعد لوگوں میں خوف وہراس پھیل گیا اور لوگ گھروں سے باہر نکل آئے۔

  • بنگلادیش میں زلزلے کے جھٹکوں نے قومی کرکٹرز کو ہلا کر رکھ دیا

    بنگلادیش میں زلزلے کے جھٹکوں نے قومی کرکٹرز کو ہلا کر رکھ دیا

    بنگلہ دیش : نیپال میں آنے والے زلزلے کے جھٹکے بنگلہ دیش میں بھی محسوس کئے گئے، زلزلے کے بعد پاکستانی کرکٹرز اپنے کمروں سے باہر نکل آئے۔

    نیپال میں آنے والے زلزے کے جھٹکے بنگلہ دیش میں بھی محسوس کئے گئے، پاکستان کرکٹ ٹیم بنگلہ دیش میں موجود ہے۔

    ذرائع کے مطابق زلزلے کے جھٹکوں نے کھلاڑیوں کو بھی ہلا کر رکھ دیا، زلزلہ آنے کے بعد کھلاڑی اپنے کمروں سے باہر نکل آئےاور ہوٹل کی لابی میں جمع ہوگئے۔

    پی سی بی ذرائع کے مطابق کھلاڑی مکمل طور پر ٹھیک ہیں، وقتی طور پر کھلاڑی خوفزدہ ہوئے تھے، اب سب کچھ نارمل ہے۔

  • اسلام آباد، ہزارہ،سوات اور کشمیر سمیت بالائی علاقوں میں زلزلے کے جھٹکے

    اسلام آباد، ہزارہ،سوات اور کشمیر سمیت بالائی علاقوں میں زلزلے کے جھٹکے

    اسلام آباد: وفاقی دارلحکومت اسلام آباد، راولپنڈی سمیت ملک کے شمالی علاقوں میں زلزلے کے جھٹکے محسوس کیے گئے۔

    رات گئے اسلام آباد اور راولپنڈی سمیت ملک کے شمالی علاقوں میں زلزلے کے جھٹکے محسوس کیے گئے، زلزلے کی شدت ریکٹر اسکیل پر پانچ اعشاریہ آٹھ ریکار ڈ کی گئی جبکہ اس کا دورانیہ تین سے پانچ سیکنڈ تھا۔

    زلزلے کی گہرائی بتیس کلومیٹر ریکارڈ کی گئی جبکہ زلزلے کا مرکز اسلام آباد سے شمال میں بانوے کلومیٹر دور تھا۔

    سوات، مالاکنڈ ، شانگلہ ، بٹگرام اور خیبر پختونخواہ کے مختلف علاقوں میں بھی زلزلے کے جھٹکے محسوس کئے گئے، زلزلے کے خوف سے شہری خوفزدہ ہوکرکلمہ طیبہ کا ورد کرتے ہوئےگھروں سےباہر نکل آئے تاہم زلزلے سے کسی جانی و مالی نقصان کی اطلاعات موصول نہیں ہوئیں۔

    اس سے قبل دوہزار پانچ میں کشمیر اور خیبر پختونخوا کے علاقوں میں آنے والے زلزلے نے شدید تباہی مچائی تھی، جس کے نتیجے میں ستر ہزار سے زائد لوگ لقمہ اجل بن گئے تھے۔

  • نوابشاہ: زلزلے کے جھٹکے، شہری گھروں سے باہرنکل آئے

    نوابشاہ: زلزلے کے جھٹکے، شہری گھروں سے باہرنکل آئے

    نواب شاہ: نواب شاہ شہر اور گردو نواح میں زلزلے کے شدید جھٹکے محسوس کیے گئے، جس کے باعث شہری خوف زدہ ہو کر گھروں سے باہر آگئے اور کلمۂ طیبہ کا ورد کرنے لگے ۔

     زلزلے کے باعث شہریوں میں شدید خوف ہراس پھیل گیا، مساجد میں اذانیں دی جانے لگیں۔

    زلزلے کے جھٹکوں سے کسی بھی جانی یا مالی نقصان کی اطلاع نہیں ملی، ہسپتال میں ذہنی دباؤ کے ایک درجن مریض لائے گئے ہیں، جن میں خواتین اور بچے شامل ہیں۔

    دوسری جانب ڈپٹی کمشنر شہید بینظیر آباد طاہر حسین سانگی کا کہنا ہے کہ کسی بھی ہنگامی صورتحال سے نمٹنے کے لیے پی ایم یو اسپتال نواب شاہ میں ایمرجنسی نافذ کر دی گئی ہے ابھی تک کسی جانی یا مالی نقصان کی اطلاع نہیں ملی ہے۔

    ضلعی انتظامیہ کی جانب سے ایک سیل قائم کیا گیا ہے، جہاں شہری کسی بھی نقصان کی اطلاع دے سکتے ہیں۔

  • خیبر پختونخوا کے مختلف علاقوں میں زلزلے کے جھٹکے

    خیبر پختونخوا کے مختلف علاقوں میں زلزلے کے جھٹکے

    پشاور: شہر اور گردونواح کے علاقوں میں زلزلے کے جھٹکے محسوس کیے گئے جس کی وجہ سے لوگوں میں خوف و ہراس پھیل گیا ہے ۔

    زلزلہ پیما مرکز کے مطابق پشاور سمیت خیبتر پختونخوا کے بالائی علاقوں میں زلزلے کے جھٹکے محسوس کئے گئےہیں۔تاہم کسی جانی یا مالی نقصان کی اطلاع نہیں ملی۔

    زلزلہ پیما مرکز کے مطابق ریکٹر اسکیل پر زلزلے کی شدت چار اعشاریہ چھ محسوس کی گئی جس کا مرکز پاک افغان سرحدی علاقہ تھا۔

  • سوات اور گردونواح میں میں زلزلے کے جھٹکے

    سوات اور گردونواح میں میں زلزلے کے جھٹکے

    سوات : مالاکنڈ ایجنسی اور سوات سمیت خیبر پختونخوا کے بالائی علاقوں میں زلزلے کے جھٹکے محسوس کیے گئے۔

    زلزلے کی شدت 5اعشاریہ ایک رکارڈ کی گئی۔

    زلزلہ پیما مرکز کے مطابق مالاکنڈ ایجنسی، سوات ،چترال، شانگلہ ، اپر اور لوئر دیر سمیت قریبی علاقوں میں زلزلے کے جھٹکے محسوس کیے گئے، لوگ زلزلے کے جھٹکوں سے خوفزدہ ہو کرگھروں سےباہرنکل آئے اور کلمہ طیبہ کا وِرد شروع کردیا ۔

    زلزلےکی شدت 5اعشاریہ 1ریکارڈ کی گئی، زلزلے کا مرکز افغانستان میں ہندوکش کے علاقہ میں 10کلومیٹر زیرِ زمین تھا ۔

  • شانگلہ، لوئر دیر،مانسہرہ اور گرد ونواح میں زلزلے کے جھٹکے

    شانگلہ، لوئر دیر،مانسہرہ اور گرد ونواح میں زلزلے کے جھٹکے

    خیبر پختون خوا : شانگلہ، لوئر دیر، مانسہرہ اور گرد ونواح کے علاقے زلزلے کے جھٹکوں سے لرز اٹھے، لوگ کلمہ طیبہ کا ورد کرتے ہوئے گھروں سے باہر نکل آئے۔

    زلزلے کے جھٹکے شانگلہ، مانسہرہ سمیت خیبر پختون خوا کے مختلف علاقوں میں محسوس کئے گئے، جس کے بعد لوگوں میں خوف و ہراس پھیل گیا اور بڑی تعداد میں لوگ اپنے گھروں سے باہر نکل آئے اور کلمۂ طیبہ کا ورد شروع کردیا۔

    زلزلے کے باعث کوئی جانی و مالی نقصان نہیں ہوا۔

    زلزلے کی شدت پانچ اعشاریہ پانچ اور گہرائی ایک سو پچھتر کلومیٹر ریکارڈ کی گئی جبکہ زلزلے کا مرکز افغانستان کا ہندوکش ریجن تھا۔

  • نوابشاہ میں زلزلےکے جھٹکے، شہریوں میں خوف وہراس

    نوابشاہ میں زلزلےکے جھٹکے، شہریوں میں خوف وہراس

    نوابشاہ : شہر میں زلزلے کے شدید جھٹکوں سے لوگوں میں خوف وہراس پھیل گیا، زلزلے کی شدت ریکٹر اسکیل پر چاراعشاریہ تین ریکارڈ کی گئی ہے۔

    نواب شاہ شہرزلزلے کے شدید جھٹکوں سے لرز اٹھا،  زلزلے کی شدت ریکٹر اسکیل پر چار اعشاریہ تین ریکارڈ کی گئی، زلزلہ پیما مرکز کے مطابق زلزلے کا مرکز نواب شاہ سے ستر کلومیٹر دور مشرقی علاقہ تھا۔

    شہر میں زلزلے کے شدید جھٹکوں کے باعث لوگوں میں خوف وہراس پھیل گیا اورشہری کلمہِ طیبہ کا ورد کرتے ہوئے گھروں سے باہر نکل آئے۔

    ہنگامی صورتحال سے نمٹنے کیلئے اسپتالوں میں ایمرجنسی نافذ کردی گئی تاہم کسی بھی جانی و مالی نقصان کی اطلاع نہیں ملی۔

  • ایران:زلزلے کے جھٹکے، شدت 5.3ریکارڈ کی گئی

    ایران:زلزلے کے جھٹکے، شدت 5.3ریکارڈ کی گئی

    ایران: جنوب میں زلزلے کے جھٹکے محسوس کئے گئے، جس کی شدت ریکٹر اسکیل پر پانچ اعشاریہ تین ریکارڈ کی گئی۔

    امریکی جیولوجیکل سروے کے مطابق زلزلے کا مرکز ایران کی شہر کِش سے پچاس کلومیٹر دور جنوب مغرب میں واقع تھا اور زلزلے کی گہرائی پانچ کلومیٹر زیر زمین تھی۔

    خدشہ ظاہر کیا گیا ہے کہ زلزلے کے آفٹرشاکس بھی آسکتے ہیں، جس سے شہریوں کو خبردار رہنے کی تلقین کی گئی ہے، زلزلے سے اب تک جانی نقصان کی اطلاع نہیں ملی۔