سوات اور گردونواح میں زلزلے کے شدید جھٹکے محسوس کیے گئے۔
اے آر وائی نیوز کے مطابق سوات، مینگورہ شہر اور گردونواح میں زلزلے کے شدید جھٹکے محسوس کیے گئے لوگ خوف کے عالم میں کلمہ طیبہ کا ورد کرتے ہوئے گھروں سے باہر نکل آئے۔
زلزلہ پیما مرکز کا بتانا ہے کہ زلزلے کی شدت ریکٹر اسکیل پر 4.8 ریکارڈ کی گئی جبکہ زلزلے کا مرکز ہندوکش ریجن کا سرحدی علاقہ تھا، گہرائی 208 کلو میٹر تھی۔
میر پور: آزاد کشمیر کے شہر میرپور اور گردونواح میں زلزلے کے جھٹکے محسوس کئے گئے، جس سے لوگوں میں خوف وہراس پھیل گیا۔
تفصیلات کے مطابق میرپور آزاد کشمیر اور گردونواح میں زلزلے کے شدید جھٹکے محسوس کئے گئے۔
لوگ خوفزدہ ہو کر کلمہ طیبہ کا ورد کرتے ہوئے گھروں، دکانوں اور عمارتوں سے باہر نکل آئے۔
زلزلہ پیما مرکز کاکہنا ہے کہ زلزلہ کی شدت2.9 اور اورگہرائی35کلومیٹر ریکارڈ کی گئی اور زلزلے کا مرکز جنڈ سے 9 کلو میٹر شمال مشرق میں تھا۔
تاحال زلزلے سے کسی جانی ومالی نقصان کی کوئی اطلاع نہیں ملی۔
یاد رہے رواں ماہ کے آغاز میں وفاقی دارلحکومت سمیت ملک کے مختلف شہروں میں 5.4 شدت کے زلزلے کے جھٹکے محسوس کیے گئے تھے۔
زلزلہ پیما مرکز کے مطابق زلزلے کا مرکز کوہ ہندوکش افغانستان میں تھا اور زلزلے کی گہرائی بتیس کلومیٹر ریکارڈ کی گئی تھی۔
حالیہ زلزلے کے جھٹکوں کے بعد میر پور آزاد کشمیر کے مضافاتی علاقوں میں مکانات گرنے کے واقعات سامنے آئے، مکانات گرنے سے مزید 50 افراد زخمی ہوگئے۔
جکارتہ : انڈونیشیا کے جزیرے جاوا اور بالی میں زلزلے کے شدید جھٹکے محسوس کیے گئے، جس کے نتیجے میں جزیرے جاوا میں تین افراد ہلاک ہوگئے۔
تفصیلات کے مطابق گذشتہ ماہ انڈونیشیا میں آنے والے زلزلوں کی تباہ کاریوں کا بوجھ ہلکا نہ ہوا تھا کہ آج پھر انڈونیشیا کے جزیروں بالی اور جاوا میں زلزے کے نتیجے میں کئی مکانات متاثر ہوئے۔
امریکی جیولوجیکل سروے کا کہنا تھا کہ جزیرے بالی اور جاوا میں آنے والے زلزلے کی شدت ریکٹر اسکیل پر 6 ریکارڈ کی گئی ہے۔
غیر ملکی خبر رساں ادارے کا کہنا تھا کہ آج صبح آنے والے زلزلے کے نتیجے میں 3 افراد ہلاک ہوگئے ہیں، زلزلے کا مرکز بالی تھا۔
غیر ملکی خبر رساں اداروں کا کہنا تھا کہ شدید نوعیت کے زلزلے اور آفٹر شاکس کے نتیجے میں انڈونیشیا کے جزیرے جاوا میں 3 افراد ہلاک ہوئے ہیں۔
یاد رہے کہ چند روز قبل آنے والے زلزلے اور سونامی کی وجہ سے اب تک 1763 افراد ہلاک جبکہ 5000 ہزار سے زائد شہری لاپتہ ہوئے ہیں، حکام نے لاپتہ افراد کی ہلاکتوں کا خدشہ ظاہر کیا تھا۔
مزید پڑھیں : انڈونیشیا میں ایک مرتبہ پھر زلزلہ، ہلاکتوں کی تعداد 347 ہوگئی
خیال رہے کہ رواں برس اگست میں انڈونیشیا کے سیاحتی جزیرے لومبوک میں زلزلے کے نتیجے میں جاں بحق ہونے والے افراد کی تعداد 347 ہوگئی ہے جبکہ زلزلے کے نتیجے میں متعدد عمارتوں کو نقصان پہنچا ہے اور سینکڑوں افراد زخمی ہیں۔
مزید پڑھیں : انڈونیشیا میں زلزلے کے شدید جھٹکے ‘ 2 افراد ہلاک
خیال رہے کہ انڈونیشیا بحرالکاہل کے ایک ایسے حصے میں واقعہ ہے جہاں زلزلے آنے اور آتش فشاں پہاڑ پھٹنے کے واقعات عموماً رونما ہوتے رہتے ہیں اور دنیا بھر تقریباً آدھے آتش فشاں اسی حصّے میں پائے جاتے ہیں۔
یاد رہے 8 ماہ قبل بھی انڈونیشیا کے دارالحکومت جکارتہ سمیت گنجان آباد جزیرے جاوا میں زلرلے کے شدید جھٹکے محسوس کیے گئے تھے، جس کے نتیجے میں 2 افراد ہلاک جبکہ کئی عمارتوں کو بھی نقصان پہنچا تھا۔
