Tag: زلفی بخاری

اسلام آباد: وزیراعظم کے معاون خصوصی برائے سمندر پار پاکستانی زلفی بخاری نے کہا ہے کہ بچت کو قومی فرض کے طور پر دیکھا جانا چاہئے، بچت اور سادگی اس وقت ملک کے لیے بہت ضروری ہے۔

تفصیلات کے مطابق وزیراعظم کے بچت و سادگی مشن پر معاون خصوصی زلفی بخاری نے ایم ڈی عامر شیخ کی کوششوں کو سراہا، وزارت اوورسیز کے ماتحت او پی ایف نے 12 اضافی گاڑیاں نیلام کردی گئیں۔

بارہ اضافی گاڑیوں کی نیلامی سے او پی ایف کو 71 لاکھ روپے موصول ہوئے، او پی ایف نیلامی کے بعد فیول کی مد میں سالانہ 18.5 لاکھ روپے بچائے گا، گاڑیوں کی مرمت کی مد میں او پی ایف کو ساڑھے 13 لاکھ سالانہ بچت ہوگی۔

زلفی بخاری نے کہا کہ نیلامی کی رقم اوورسیز پاکستانیوں کی فلاح و بہبود پر خرچ ہوگی، وزیراعظم کے وژن کے مطابق سادگی کو فروغ دے رہے ہیں، اداروں میں شفافیت ہمارا عزم ہے۔

مزید پڑھیں: ٹیکنالوجی میں بڑی سرمایہ کاری، مائیکرو سافٹ سے بات چیت چل رہی ہے: زلفی بخاری

انہوں نے کہا کہ بچت اور سادگی اس وقت ملک کے لیے اہمیت کی حامل ہے، بچت کو قومی فریضہ کے طور پر انجام دینا چاہئے۔

واضح رہے کہ رواں ماہ کے اوائل میں زلفی بخاری کا کہنا تھا کہ سرمایہ کاری کے سلسلے میں مائیکرو سافٹ کے ساتھ بات چیت چل رہی ہے، بہت جلد ٹیکنالوجی سیکٹر سے بڑی سرمایہ کاری پاکستان آئے گی۔

ان کا کہنا تھا کہ حکومت میں بہت سے ممالک کے اہم سربراہان نے ملاقاتیں کی ہیں، پاکستان سیاحت کے لحاظ سے مالا مال ملک ہے، یہاں سیاحت کے بہترین مواقع فراہم ہوسکتے ہیں۔

اسلام آباد: وزیراعظم کے معاون خصوصی زلفی بخاری سے پاکستان میں رومانیہ کے سفیر نے ملاقات کی، سفیر نے رومانیہ میں حالیہ پیش رفت سے متعلق معاون خصوصی کو آگاہ کیا۔

تفصیلات کے مطابق وزیراعظم کے معاون خصوصی زلفی بخاری سے رومانیہ کے سفیر نے ملاقات کی، رومانیہ کے سفیر نے کہا کہ رومانیہ 5 لاکھ سے زائد افرادی قوت درآمد کرنے کا خواہش مند ہے۔

[bs-quote quote=”رومانیہ کو کم از کم 40 ہزار ڈرائیوروں کی ضرورت ہے” style=”style-8″ align=”left” author_name=”سفیر رومانیہ”][/bs-quote]

زلفی بخاری نے کہا کہ ہم پاکستانی لیبر کی مہارت پر توجہ دے رہے ہیں، عالمی ڈونر ایجنسیاں تربیتی اداروں میں سرمایہ کے لیے تیار ہیں۔

انہوں نے کہا کہ ہمیں قانونی تقاضوں پر کام کرنے کی ضرورت ہے، پاکستان کے پاس بے انتہا ٹیلنٹ ہے، یقینی بنائیں گے زیادہ لوگوں کو رومانیہ بھیجیں۔

رومانیہ کے سفیر کا کہنا تھا کہ رومانیہ کو 10 لاکھ سے زائد افرادی قوت کی سخت ضرورت ہے، رومانیہ کو کم از کم 40 ہزار ڈرائیوروں کی ضرورت ہے، ڈاکٹرز، انجینئرز، تعمیراتی کارکنوں اور ماہرین کی ضرورت ہوگی۔

رومانیہ کے سفیر نے کہا کہ رومانیہ پاکستان کے لیے بے مثال مواقع پیش کررہا ہے۔

مزید پڑھیں: دبئی میں پاکستانیوں کی مدد کے لیے لیگل ایڈ کمیٹی قائم ہو گئی: زلفی بخاری

واضح رہے کہ گزشتہ ماہ زلفی بخاری کا کہنا تھا کہ دبئی میں پاکستانیوں کی مدد کے لیے لیگل ایڈ کمیٹی قائم کردی گئی ہے۔

ان کا کہنا تھا کہ اوورسیز پاکستانیز کی وزارت کا ہر ادارہ تباہ حال ہے، وزارت کی حالت ٹھیک کرنے کے لیے ہمیں کچھ وقت درکار ہے، ہم ان اداروں کو ٹھیک کر رہے ہیں۔

اسلام آباد: وزیرِ اعظم عمران خان کے معاونِ خصوصی برائے سمندر پار پاکستانی زلفی بخاری نے کہا ہے کہ سرمایہ کاری کے سلسلے میں مائیکرو سافٹ کے ساتھ بات چیت چل رہی ہے۔

تفصیلات کے مطابق ذوالفقار بخاری نے کہا ہے کہ بہت جلد ٹیکنالوجی میں بڑی سرمایہ کاری پاکستان آ رہی ہے، اس سلسلے میں مائیکرو سافٹ کے ساتھ بھی بات چیت چل رہی ہے۔

زلفی بخاری کا کہنا تھا کہ پاکستان ایسی جگہ ہے جہاں بے روزگاری ایک بڑا مسئلہ ہے، سابق دور میں انفرا اسٹرکچر پر توجہ دی گئی لیکن بے روزگاری ختم نہ ہوئی۔

وزیرِ اعظم کے معاونِ خصوصی نے کہا کہ وہ انفرا اسٹرکچر کے خلاف نہیں ہیں تاہم صرف پل بنانے سے بہتر ہے کہ ہیومن ڈویلپمنٹ پر بھرپور توجہ مرکوز کی جائے۔

یہ بھی پڑھیں:  بل گیٹس کا وزیر اعظم کو خط، پاکستان میں سرمایہ کاری کی خواہش کا اظہار

انھوں نے کہا کہ پی ٹی آئی حکومت میں بہت سے ممالک کے اہم سربراہان نے پاکستان کا دورہ کیا ہے، پاکستان سیاحت کے لحاظ سے مالا مال ملک ہے، یہاں سیاحت کے بہترین مواقع فراہم ہو سکتے ہیں۔

زلفی بخاری کا کہنا تھا کہ ایسے ممالک بھی ہیں جو جی ڈی پی کا 10 فی صد سیاحت سے کماتے ہیں، یہ ایک اہم شعبہ ہے، ہم نے بھی سیاحت کو فروغ دینا ہے، ہم سول سروس ریفارم پر بھی کام کر رہے ہیں۔

یاد رہے کہ رواں سال کے شروع میں دنیا کے امیر ترین شخص تصور کیے جانے والے مائیکرو سافٹ کمپنی کے بانی بل گیٹس نے وزیر اعظم پاکستان عمران خان کو خط لکھ کر پاکستان میں سرمایہ کاری کا ارادہ ظاہر کیا تھا۔

اسلام آباد: وزیرِ اعظم عمران خان کے معاونِ خصوصی برائے سمندر پار پاکستانیز زلفی بخاری سے آسٹریلوی ہائی کمشنر مارگریٹ ایڈمسن نے ملاقات کی۔

تفصیلات کے مطابق ذوالفقار بخاری سے آسٹریلوی ہائی کمشنر نے ملاقات کی، انھوں نے نیوزی لینڈ حملوں میں متاثرہ خاندانوں کے ساتھ رابطے میں کردار ادا کرنے پر شکریہ ادا کیا۔

آسٹریلوی ہائی کمشنر مارگریٹ ایڈمسن نے زلفی بخاری کی کوششوں کو سراہا اور کہا کہ پاکستان سے 15 لوگوں کو نیوزی لینڈ بھجوایا گیا ہے۔

زلفی بخاری نے کہا کہ شہیدوں کے اہلِ خانہ کے لیے ٹرانزٹ ویزا دینے پر آسٹریلیا کے شکر گزار ہیں، نیوزی لینڈ کی مساجد پر حملے افسوس ناک ہیں، دکھ کی گھڑی میں پاکستان نیوزی لینڈ کے ساتھ کھڑا ہے۔

معاونِ خصوصی کا کہنا تھا کہ حملہ آور درندہ صفت انسان تھا، تاہم ہمیں نفرت انگیز رویوں کو شکست دینی ہے، وزیر اعظم نیوزی لینڈ کے جذبے کو سلام پیش کرتے ہیں۔

یہ بھی پڑھیں:  وزیر اعظم عمران خان کا نیوزی لینڈ کی ہم منصب سے ٹیلی فونک رابطہ

خیال رہے کہ نیوزی لینڈ کے شہر کرائسٹ چرچ میں دو مساجد پر جمعے کے دن 15 مارچ کو حملہ کرنے والا دہشت گرد آسٹریلوی شہری تھا۔

نسلی نفرت پر مبنی دہشت گردی کے اس افسوس ناک واقعے میں خواتین اور بچوں سمیت 50 افراد جاں بحق اور متعدد زخمی ہوئے تھے۔

آج وزیرِ اعظم عمران خان نے نیوزی لینڈ کی ہم منصب جیسنڈرا ایرڈرن کو ٹیلی فون کر کے مسلمانوں کے لیے ان کا رد عمل قابل تعریف ٹھہرایا۔

اسلام آباد: وزیرِ اعظم عمران خان کے معاون خصوصی ذوالفقار بخاری نے برطانیہ میں پاکستان بناؤ سرٹیفکیٹ کے لیے مہم شروع کر دی۔

تفصیلات کے مطابق پاکستان بناؤ سرٹیفکیٹ کے سلسلے میں زلفی بخاری نے برطانیہ میں مہم کا آغاز کر دیا، اس سلسلے میں بریڈ فورڈ میں وارثی فاؤنڈیشن کی طرف سے فنڈ ریزنگ تقریب منعقد کی گئی۔

[bs-quote quote=”پاکستان بناؤ سرٹیفکیٹ مہم میں برطانوی پاکستانیوں کو اہم کردار ادا کرنا پڑے گا۔” style=”style-7″ align=”left” color=”#dd3333″ author_name=”زلفی بخاری” author_job=”معاون خصوصی برائے وزیر اعظم”][/bs-quote]

تقریب سے خطاب کرتے ہوئے زلفی بخاری نے کہا کہ اوورسیز پاکستانی پاکستان کا سب سے قیمتی اثاثہ ہیں، پی ٹی آئی حکومت پاکستان کو اقتصادی طاقت بنانے کے لیے پُرعزم ہے۔

وزیرِ اعظم کے معاونِ خصوصی کا کہنا تھا کہ پاکستان بناؤ سرٹیفکیٹ مہم میں برطانوی پاکستانیوں کو اہم کردار ادا کرنا پڑے گا، وزیرِ اعظم نے دنیا میں پاکستانی کمیونٹی کو متحرک کرنے کا کہا ہے۔

زلفی بخاری نے مزید کہا کہ پاکستان میں سرمایہ کاری کے لیے پاکستان بناؤ سرٹیفکیٹ اہم ہیں، سمندر پار پاکستانیوں کی مدد سے ملک کی معیشت بہتر ہوگی۔

یہ بھی پڑھیں:  یقین دلاتا ہوں، پاکستان کے سبز پاسپورٹ کی دنیا بھر میں عزت ہوگی: عمران خان

خیال رہے کہ ’پاکستان بناؤ سرٹیفکیٹ‘ کی صورت میں جاری ہونے والے بانڈز کے ذریعے سمندر پار رہنے والے بھی پاکستان میں سرمایہ کاری کر سکیں گے، بانڈز کی مدت تین اور پانچ سال ہوگی، تین سالہ بانڈز پر شرح منافع چھ اعشاریہ دو پانچ فی صد جب کہ پانچ سالہ بانڈز پر شرح منافع چھ اعشاریہ سات پانچ فی صد ہوگی۔

اسلام آباد: وزیرِ اعظم کے معاونِ خصوصی زلفی بخاری سے برطانوی سفارت خانے کے وفد اور برٹش ایئر ویز حکام نے ملاقات کی۔

تفصیلات کے مطابق زلفی بخاری سے برطانوی سفارت خانے کے وفد نے ملاقات کی، برطانوی وفد میں برٹش ایئر ویز کے آفیشلز بھی شامل تھے۔

[bs-quote quote=”برٹش ایئر ویز پاکستان میں سیاحت بڑھانے کے لیے کردار ادا کر سکتا ہے۔” style=”style-7″ align=”left” color=”#dd3333″ author_name=”زلفی بخاری”][/bs-quote]

ملاقات میں باہمی دل چسپی کے امور پر بات چیت ہوئی، برٹش ایئر ویز کے آفیشلز نے معاونِ خصوصی زلفی بخاری کے تعاون کا شکریہ ادا کیا، برطانوی وفد نے اسلام آباد ایئر پورٹ پر سہولتوں کی بھی تعریف کی۔

ملاقات میں برٹش ایئر ویز کے پاکستان میں فلائٹ آپریشن شروع ہونے پر بھی گفتگو کی گئی، معاون خصوصی زلفی بخاری نے برطانوی وفد کو مزید تعاون کی یقین دہانی کرائی۔

زلفی بخاری نے اس موقع پر کہا کہ برٹش ایئر ویز پاکستان کے مثبت امیج کو پھیلانے میں مدد کرے، برٹش ایئر ویز پاکستان میں سیاحت بڑھانے کے لیے کردار ادا کر سکتا ہے۔

یہ بھی پڑھیں:  اسلام آباد سے فضائی آپریشن پر برٹش ہائی کمشنر کا بڑا بیان

خیال رہے کہ برٹش ایئر ویز اپنا فلائٹ آپریشن رواں سال جون میں شروع کر رہا ہے، اسلام آباد سے لندن کے لیے ہفتے میں 3 پروازیں چلائی جائیں گی۔

یاد رہے کہ ایک ہفتے قبل برٹش ہائی کمشنر نے سیکریٹری ایوی ایشن کو خط میں کہا تھا کہ رواں سال جون سے برٹش ایئر ویز اسلام آباد سے اپنا فضائی آپریشن شروع کرے گی۔

اسلام آباد: پی ٹی آئی حکومت کی طرف سے ای او بی آئی پنشنرز کے لیے خوش خبری آ گئی ہے، وفاقی کابینہ نے پنشن میں 24 فی صد اضافے کی سمری منظور کر لی۔

تفصیلات کے مطابق ای اوبی آئی پنشن 5250 روپے سے بڑھا کر 6500 روپے کر دی گئی، وفاقی کابینہ نے پنشن میں 24 فی صد اضافے کی سمری منظور کر لی ہے۔

[bs-quote quote=”ای او بی آئی پنشن کو مزید بڑھانے پر بھی کام ہو رہا ہے۔” style=”style-7″ align=”left” color=”#dd3333″ author_name=”زلفی بخاری”][/bs-quote]

ای او بی آئی پنشن میں اضافہ پچھلے سال نومبر میں تجویز کیا گیا تھا، پنشن میں اضافے کے لیے وزیرِ اعظم کے معاونِ خصوصی زلفی بخاری نے اہم کردار ادا کیا۔

معاون خصوصی زلفی بخاری نے کہا ہے کہ ای او بی آئی میں شفافیت لائی گئی ہے، اصلاحات بھی لائی جا رہی ہیں، ای او بی آئی پنشن کو مزید بڑھانے پر بھی کام ہو رہا ہے۔

یاد رہے کہ 17 نومبر 2018 کو وزیرِ اعظم عمران خان کے معاونِ خصوصی زلفی بخاری نے پنشن میں 1250 روپے اضافے کا اعلان کیا تھا۔

یہ بھی پڑھیں:  وزیرِ اعظم کے معاونِ خصوصی کا پنشن میں 1250 روپے اضافے کا اعلان

معاونِ خصوصی نے کہا تھا کہ ای او بی آئی پنشن 10 ہزار پر لے کر جائیں گے، 5 سال میں قوم کو فلاحی ریاست دینا ہمارا مشن ہے۔

زلفی بخاری نے پچھلی حکومت پر تنقید کرتے ہوئے کہا تھا جس طریقے سے ای او بی آئی کو چلایا گیا، لوگ خوش نصیب ہیں کہ پچھلی حکومت نے ان کے گھر نہیں لیے، کرپشن پر وائٹ پیپر جاری کیا جائے گا۔