Tag: زلفی بخاری

اسلام آباد: وزیراعظم کے معاون خصوصی زلفی بخاری سے جنوبی کوریا کے سفیر نے ملاقات کی جس میں باہمی مفادات کے معاملات پر تبادلہ خیال کیا گیا۔

تفصیلات کے مطابق جنوبی کوریا کے سفیر نے وزیراعظم کے معاون خصوصی  زلفی بخاری سے ملاقات کی، جس میں جنوبی کوریا میں پاکستانی ورکرز کے کوٹے میں اضافے پر اتفاق کیا گیا۔

[bs-quote quote=”جنوبی کوریا کا پاکستان ریلوے میں سرمایہ کاری میں دلچسپی کا اظہار” style=”style-7″ align=”left”][/bs-quote]

زلفی بخاری نے کہا کہ گزشتہ سال صرف 700 پاکستانی ورکرز جنوبی کوریا گئے، اس سال یہ تعداد بڑھانے پر کام ہورہا ہے، پاکستانیوں کے لیے بیرون ممالک کام کے زیادہ مواقع پیدا کریں گے۔

انہوں نے کہا کہ پچھلے ادوار میں افرادی قوت کے لیے کوٹہ بڑھانے پر کام نہیں ہوا، جنوبی کوریا نے پاکستان ریلوے میں سرمایہ کاری میں دلچسپی کا اظہار کیا ہے۔

زلفی بخاری کے مطابق جنوبی کوریا کے سفیر نے سیاحت کے شعبے میں اعتماد کا اظہار کیا ہے، سیاحت بڑھانے کے لیے وزیراعظم کی ٹاسک فورس کام کررہی ہے، سڑکوں کے نیٹ ورک کو بہتر بنایا جارہا ہے۔

مزید پڑھیں: قطر اور سعودی عرب سے قیدیوں کی واپسی پر بات ہو رہی ہے: زلفی بخاری

واضح رہے کہ رواں ماہ زلفی بخاری کا کہنا تھا کہ دیگر ملکوں میں قید پاکستانیوں کا معاملہ دفتر خارجہ کے ساتھ مل کر حل کرنے کی کوشش کررہے ہیں۔

ان کا کہنا تھا کہ بیرون ملک قید پاکستانیوں کی رہائی اولین ترجیح ہے، معمولی جرائم کی وجہ سے قید پاکستانیوں کی جلد رہائی کے لیے کوششیں کی جارہی ہیں۔

زلفی بخاری کا کہنا تھا کہ قطر اور سعودی عرب سے قیدیوں کی واپسی پر بات ہو رہی ہے، بحرین کا 12 پاکستانی قیدیوں کو آزاد کرنے کا فیصلہ خوش آئند ہے۔

اسلام آباد: وزیرِ اعظم عمران خان کے معاون خصوصی ذوالفقار بخاری نے کہا ہے کہ سرکاری زمین پر قبضہ برداشت نہیں کریں گے۔

تفصیلات کے مطابق اسلام آباد میں اوورسیز پاکستانی فاؤنڈیشن کی 102 کنال اراضی وا گزار کرا لی گئی ہے، معاونِ خصوصی زلفی بخاری نے ڈی سی کے ہم راہ او پی ایف ویلی زون فائیو کا دورہ کیا۔

[bs-quote quote=”پولیس پکٹس بننے کے بعد کسی بھی غیر متعلقہ شخص کو اندر آنے کی اجازت نہیں ہوگی۔” style=”style-7″ align=”left” color=”#dd3333″ author_name=”ڈی سی اسلام آباد”][/bs-quote]

او پی ایف کی 102 کنال زمین لینڈ مافیا کے قبضے میں تھی، زلفی بخاری نے اس موقع پر کہا ’سرکاری زمین پر قبضہ برداشت نہیں کیا جائے گا۔‘

زلفی بخاری کا کہنا تھا کہ اس زمین پر اوورسیز پاکستانیوں کا حق ہے، او پی ایف اسکیم پر کام شروع ہو گیا ہے، الحمد للہ حکومت کی رِٹ قائم کر دی گئی۔

ڈی سی اسلام آباد نے کہا کہ زون کے پاس پولیس پکٹس بنا دی گئی ہیں، او پی ایف زون فائیو کی باؤنڈری وال اسلام آباد ایڈمنسٹریشن کی نگرانی میں بنائی جا رہی ہے، کسی بھی غیر متعلقہ شخص کو اندر آنے کی اجازت نہیں ہوگی۔

یہ بھی پڑھیں:  قطر اور سعودی عرب سے قیدیوں کی واپسی پر بات ہو رہی ہے: زلفی بخاری

چھ دن قبل وزیرِ اعظم کے معاونِ خصوصی زلفی بخاری نے کہا تھا کہ دیگر ملکوں میں قید پاکستانیوں کا معاملہ دفترِ خارجہ کے ساتھ مل کر حل کرنے کی کوشش کی جا رہی ہے، معاون خصوصی سے دیگر ملکوں میں قید پاکستانیوں کے ورثا نے ملاقات بھی کی، زلفی بخاری نے قیدیوں کے ورثا کو رہائی کے لیے کوششوں کی یقین دہانی کرائی۔

اسلام آباد: وزیرِ اعظم کے معاونِ خصوصی زلفی بخاری نے کہا ہے کہ دیگر ملکوں میں قید پاکستانیوں کا معاملہ دفترِ خارجہ کے ساتھ مل کر حل کرنے کی کوشش کر رہے ہیں۔

تفصیلات کے مطابق وزیرِ اعظم کے معاون خصوصی سے دیگر ملکوں میں قید پاکستانیوں کے ورثا نے ملاقات کی، زلفی بخاری نے قیدیوں کے ورثا کو رہائی کے لیے کوششوں کی یقین دہانی کرا دی۔

[bs-quote quote=”معمولی جرائم کی وجہ سے قید پاکستانیوں کی جلد رہائی کے لیے کوششیں کی جا رہی ہیں۔” style=”style-7″ align=”left” color=”#dd3333″ author_name=”معاونِ خصوصی وزیرِ اعظم”][/bs-quote]

زلفی بخاری نے کہا کہ قیدیوں کا معاملہ دفترِ خارجہ سے مل کر حل کرنے کی کوشش کر رہے ہیں، بیرون ملک قید پاکستانیوں کی رہائی اوّلین ترجیح ہے۔

معاونِ خصوصی زلفی بخاری نے کہا کہ معمولی جرائم کی وجہ سے قید پاکستانیوں کی جلد رہائی کے لیے کوششیں کی جا رہی ہیں۔

ان کا کہنا تھا کہ قطر اور سعودی عرب سے قیدیوں کی واپسی پر بات ہو رہی ہے، بحرین کا 12 پاکستانی قیدیوں کو آزاد کرنے کا فیصلہ خوش آئند ہے۔

یاد رہے کہ گزشتہ ماہ وفاقی وزیرِ خارجہ شاہ محمود قریشی نے پڑوسی ملک افغانستان کے رویے کی شکایت کرتے ہوئے کہا تھا کہ وہ بار بار درخواست پر بھی پاکستانی قیدیوں کی تفصیلات نہیں دے رہا ہے۔

یہ بھی پڑھیں:  افغانستان بار بار درخواست پر بھی قیدیوں کی تفصیلات نہیں دے رہا: وزیرِ خارجہ

وزیرِ خارجہ نے قومی اسمبلی کو بتایا کہ افغانستان میں قید پاکستانیوں پر الزامات سے بھی آگاہ نہیں کیا جاتا، ہمارے سفارت خانے کو قیدیوں تک کونسلر رسائی بھی نہیں دی جاتی۔

انھوں نے مزید بتایا کہ افغانستان میں قید پاکستانیوں پر زیادہ تر دہشت گردی کے الزامات ہیں، حکومتِ پاکستان افغان سفارت خانے کو مکمل تعاون فراہم کرتی ہے لیکن وہاں سے تعاون نہیں کیا جا رہا ہے۔

اسلام آباد: وزیرِ اعظم عمران خان کے معاونِ خصوصی زلفی بخاری نے نا اہلی کیس میں اپنا جواب سپریم کورٹ میں جمع کرا دیا۔

تفصیلات کے مطابق زلفی بخاری نے اپنا جواب سپریم کورٹ میں جمع کراتے ہوئے استدعا کی ہے کہ ان کی نا اہلی کے لیے دائر کی جانے والی درخواست خارج کی جائے۔

[bs-quote quote=”رکن پارلیمنٹ نہیں ہوں، آرٹیکل 62 اور 63 کا اطلاق نہیں ہو سکتا۔” style=”style-7″ align=”left” color=”#dd3333″ author_name=”جواب”][/bs-quote]

زلفی بخاری کے جواب میں کہا گیا ہے کہ وہ برطانیہ میں پیدا ہوئے، شہریت بعد میں حاصل نہیں کی، انھوں نے برطانوی شہری ہوتے ہوئے بھی پاکستانی شہریت حاصل کی۔

پی ٹی آئی رہنما نے بتایا کہ 13 سے 18 سال کی عمر تک انھوں نے اسلام آباد کے اسکول سے تعلیم حاصل کی، جب کہ اعلیٰ تعلیم برطانوی یونی ورسٹی برونیل سے حاصل کی۔

جواب میں مزید کہا گیا ہے کہ زلفی بخاری کے خاندان کا تعلق پنجاب کے ضلع اٹک سے ہے، وہ رکن پارلیمنٹ نہیں، آرٹیکل 62 اور 63 کا اطلاق ان پر نہیں ہو سکتا۔

زلفی بخاری نے اپنے جواب میں کہا ہے کہ وزیرِ اعظم کو معاونِ خصوصی تعینات کرنے کا مکمل اختیار ہے، سمندر پار پاکستانیوں کو ووٹ کا حق خود عدالت نے دیا ہے۔

یہ بھی پڑھیں:  سپریم کورٹ کا زلفی بخاری کی تعیناتی سے متعلق فائل پیش کرنے کا حکم

انھوں نے جواب میں مزید کہا ہے کہ ووٹ کا حق دے کر قومی ترقی میں انھیں شامل نہ کرنا ایک سوالیہ نشان ہے، اور یہ کہ وہ سمندر پار پاکستانیوں کے مسائل حل کرنے میں وزیرِ اعظم کی معاونت کرتے ہیں۔

واضح رہے کہ 16 نومبر کو سپریم کورٹ آف پاکستان نے وزیرِ اعظم کے معاونِ خصوصی زلفی بخاری کی تعلیم، تجربہ اور اہلیت سے متعلق تفصیلات طلب کی تھیں، چیف جسٹس میاں ثاقب نثار نے ریمارکس دیے تھے کہ وزیرِ اعظم آئین اور قانون کے تابع ہیں، قومی معاملات اور مفادات میں یاری دوستیاں نہیں چلتیں۔