Tag: زلفی بخاری

اسلام آباد: معاون خصوصی زلفی بخاری نے کہا ہے کہ پی ٹی ڈی سی بند نہیں ہوا بلکہ ایک فائدہ مند ادارہ بننے جا رہا ہے۔

تفصیلات کے مطابق وزیراعظم کے معاون خصوصی زلفی بخاری نے میڈیا سے گفتگو کرتے ہوئے کہا کہ دنیا میں 10 فیصد جی ڈی پی ٹورازم پر ہے لیکن پاکستان کی جی ڈی پی میں سیاحت کا حصہ 3 فیصد بھی نہیں،اسے بڑھانے پر اربوں روپے کی آمدن حاصل ہوگی۔

زلفی بخاری کا کہنا تھا کہ این ٹی بی سی 2020 سے 2030 کی پالیسی تشکیل دے دی ہے اور اس میں 5 سال کے لیے ایکشن پلان تیار کر دیا ہے۔انہوں نے بتایا کہ ایک انڈومنٹ فنڈ تشکیل دیا گیا ہے جس میں سیاحت کی مارکیٹنگ وغیرہ شامل ہے۔

معاون خصوصی کے مطابق پاکستان کا برینڈ بھی تشکیل دے دیا ہے جسے 18 اپریل کو لانچ کرنا تھا لیکن کرونا کی وجہ سے تاخیر کا شکار ہوگیا، اب سے سال کے آخر میں لانچ کیا جائے گا۔

زلفی بخاری نے بتایا کہ ترکی، ایران،قطر سمیت آٹھ ملکوں کے وزرائے سیاحت پاکستان آئیں گے،پاکستان ڈی ایٹ ملکوں کی سیاحتی کانفرنس کی میزبانی کرےگا۔

انہوں نے کہا کہ ہوٹلز کے معیارات بھی ترتیب دیے گئے، ساتھ ہی نیشنل ٹورازم ای پورٹل بنایا گیا ہے جہاں سیاحت کے حوالے سے تمام تفصیلات موجود ہوں گی۔

معاون خصوصی زلفی بخاری نے بتایا کہ وزیراعظم عمران خان اور میری روز ویلٹ ہوٹل بیچنے پر کبھی بات نہیں ہوئی، روز ویلٹ ہوٹل نہیں بیچ رہے۔

اسلام آباد: برطانوی اخبارات نے دعویٰ کیا ہے کہ برطانیہ میں آدھے سے زیادہ کیسز پاکستان سے آئے ہیں، معاون خصوصی زلفی بخاری نے اس پر ردِ عمل دیتے ہوئے جھوٹ کا پول کھول دیا۔

اے آر وائی نیوز کے مطابق برطانوی اخباروں نے کرونا وائرس کے پھیلاؤ سے متعلق پاکستان سے جھوٹی خبریں منسوب کرنا شروع کر دیا ہے، جس پر وزیر اعظم کے معاون خصوصی برائے اوورسیز پاکستانیز زلفی بخاری نے سخت ردِ عمل ظاہر کیا ہے۔

زلفی بخاری نے ٹیلی گراف، ڈیلی میل اور دی سن میں شائع خبریں بے بنیاد اور گمراہ کن قرار دے دیں، انھوں نے کہا کرونا کیسز سے متعلق پاکستان سے منسوب شرم ناک اور گھٹیا رپورٹنگ کی گئی ہے۔

برطانوی اخبار نے یہ دعویٰ کیا کہ برطانیہ میں آدھے سے زائد کرونا کیسز پاکستان سے آئے، اخباروں نے یہ بھی لکھا کہ برطانیہ میں مقیم 15 لاکھ برٹش پاکستانیوں کی زندگی خطرے میں پڑ گئی ہے۔

جواب میں زلفی بخاری نے آکسفورڈ یونی ورسٹی کی تازہ تحقیق کے اعداد و شمار ٹویٹ کر دیے، انھوں نے کہا آکسفورڈ یونی ورسٹی کی ریسرچ نے برطانوی میڈیا کا جھوٹ بے نقاب کر دیا ہے، برطانیہ میں کرونا کیسز 1300 مختلف مقامات سے پہنچے، زیادہ تر کیسز اسپین، فرانس اور اٹلی سے ایکسپورٹ ہوئے، جس وقت برطانیہ میں کرونا کیسز بڑھے اس وقت پاکستان کی فضائی حدود بند تھیں۔

معاون خصوصی کا کہنا تھا برطانیہ میں کرونا کیسز فروری کے آغاز اور پاکستان میں فروری کے اختتام پر رپورٹ ہوئے، جب برطانیہ میں کرونا کا آغاز ہوا اس وقت پاکستان میں کوئی کیس رپورٹ نہیں ہوا تھا، ایک بھی کیس رپورٹ ہونے سے قبل پاکستان کرونا کیسے ایکسپورٹ کر سکتا تھا؟

زلفی بخاری نے یہ بھی کہا کہ برطانیہ میں 80 فی صد کیسز 28 فروری سے 29 مارچ کے درمیان رپورٹ ہوئے، مارچ میں پاکستان اپنی فضائی حدود بند کر چکا تھا، ٹریول بین کے دوران کسی کو بیرون ملک آنے جانے کی اجازت ہی نہیں تھی۔

اسلام آباد: وزیر اعظم کے معاون خصوصی زلفی بخاری نے کہا ہے کہ 4 ماہ بعد دنیا کو احساس ہوا اسمارٹ لاک ڈاؤن ہی واحد حل ہے۔

تفصیلات کے مطابق سماجی رابطے کی ویب سائٹ ٹویٹر پر معاون خصوصی زلفی بخاری نے کہا ہے کہ 4 ماہ بعد دنیا کو احساس ہوا اسمارٹ لاک ڈاؤن ہی واحد حل ہے، امریکا،یورپی ممالک بھی دیرپا فوائد کے لیے اسمارٹ لاک ڈاؤن پر عمل کر رہے ہیں۔

معاون خصوصی کا کہنا تھا کہ وزیراعظم،این سی اوسی ممبران،اسٹیک ہولڈرز مبارکباد کے مستحق ہیں،اگر کوئی اور حکومت ہوتی تو ہم تباہی کا تصویر کرسکتے تھے۔

4mnths into fighting COVID &world is realising Smart Lockdowns are the ONLY WAY. US/EU already adopting it for its sustainable benefits
Due credit goes to PM &allNCOC stkholders for wise ldrship frm day1.Had it been any other gov today,can’t even imagine disaster it would’ve been pic.twitter.com/JknzMaX2Up

— Sayed Z Bukhari (@sayedzbukhari) June 28, 2020

اس سے قبل وزیراعظم عمران خان کا کہنا تھا کہ کرونا سے ملک میں پیدا ہونے والی بحرانی کیفیت ملک کو درست سمت میں رکھنے کے لیے اسمارٹ لاک ڈاؤن کی تدبیر پر عمل کرنے پر فخر ہے۔

وزیراعظم پاکستان کا کہنا تھا کہ آج سے اگر ہم ایس او پیز کا لحاظ رکھتے ہیں تو بحران کی سنگینی سے بخوبی نجات پالیں گے۔

اٹک: معاون خصوصی زلفی بخاری نے کہا ہے کہ وزیراعظم عمران خان ملک اور بیرون ملک بیٹھے مافیا کا مقابلہ کر رہے ہیں۔

تفصیلات کے مطابق اٹک میں ٹائیگر فورس کی تقریب سے خطاب کرتے ہوئے زلفی بخاری کا کہنا تھا کہ غریب عوام کی آواز اٹھانے والا واحد لیڈر عمران خان ہے۔انہوں نے کہا کہ وزیراعظم ملک اور بیرون ملک بیٹھے مافیا کا مقابلہ کر رہے ہیں۔

احساس پروگرام سے متعلق زلفی بخاری کا کہنا تھا کہ یہ منصوبہ حکومت کا سب سے بڑا منصوبہ ہے، ملک کوترقی وخوشحالی کی طرف گامزن کرنا حکومت کا مشن ہے۔

انہوں نے تقریب سے خطاب کے دوران کہا کہ وزیراعظم عمران خان کو ٹائیگر فورس سے بڑی امیدیں اور توقعات ہیں۔

گیس سے محروم علاقوں کے لیے حکومت کا اہم اعلان

اس سے قبل معاون خصوصی زلفی بخاری نے اٹک کے مختلف مقامات کے دوران کرونا کے پیش نظر عوام کو درپیش مسائل اور حفاظتی اقدامات کا جائزہ لیا تھا۔

اس موقع پر وزیراعظم کے معاون خصوصی زلفی بخاری کا کہنا تھا کہ گیس سے محروم علاقوں میں دسمبر تک فراہمی کا آغاز ہو جائے گا۔

کراچی: وزیراعظم کے معاون خصوصی زلفی بخاری نے کہا کہ گیس سے محروم علاقوں میں دسمبر تک فراہمی کا آغاز ہو جائے گا۔

تفصیلات کے مطابق معاون خصوصی زلفی بخاری نے اٹک کے مختلف مقامات کا دورہ کیا، دورے کے دوران زلفی بخاری نے کرونا کے پیش نظر عوام کو درپیش مسائل اور حفاظتی اقدامات کا جائزہ لیا۔

وزیراعظم کے معاون خصوصی نے ضلعی انتظامیہ سے اسپتالوں کی صورت حال اور احساس پروگرام پر بریفنگ لی، عوام کو درپیش مسائل اور ان کے ممکنہ حل سمیت تجاویز پر بھی مشاورت کی گئی۔

زلفی بخاری نے حلقے میں ترقیاتی مسائل کے فوری حل کی بھی یقین دہانی کروائی۔انہوں نے ایم ڈی سوئی گیس کی موجودگی میں اہل علاقہ کا دیرینہ مسئلہ حل کرا دیا۔

معاون خصوصی نے گیس فراہمی اور میٹرز کی تنصیب کا کام فوری شروع کرنے کی ہدایت کرتے ہوئے کہا کہ بجلی سمیت سڑکوں اور اسپتالوں کے معاملات بھی بہتر کر رہے ہیں۔

زلفی بخاری کا کہنا تھا کہ گیس سے محروم علاقوں میں دسمبر تک فراہمی کا آغاز ہو جائے گا۔انہوں نے بتایا کہ تعلیمی اداروں کی بہتری کے لیے تجاویز پر بھی مشاورت کریں گے۔

اسلام آباد: وزیر اعظم کے معاون خصوصی زلفی بخاری نے بھی ملک میں پیٹرولیم مصنوعات کی قیمتوں میں ریکارڈ اضافے پر ٹویٹ کرتے ہوئے کہا ہے کہ پاکستان میں فیول کی قیمتیں اب بھی سب سے کم ہیں۔

زلفی بخاری نے پیٹرول کی قیمتوں کا موازنہ جنوری کے مہینے کی قیمتوں سے کرتے ہوئے لکھا کہ جنوری کے مقابلے میں پیٹرول 17 اور ڈیزل 26 روپے فی لیٹر سستا ہے، واضح رہے پاکستان سمیت پوری دنیا میں لاک ڈاؤن کے باعث پیٹرول کی کھپت بالکل ہی ختم ہونے کے بعد اس کی قیمتیں بہت زیادہ گر گئی تھیں، پاکستان میں بھی اپریل میں قیمتوں میں بڑی کمی شروع ہوئی۔

زلفی بخاری کا مؤقف ہے کہ ڈیڑھ ماہ میں دنیا میں پیڑول کی قیمتیں 112 فی صد بڑھیں، لیکن ہمارے ملک میں پیٹرول کی قیمتوں میں صرف 23 فی صد اضافہ ہوا۔ ادھر فاقی وزیر برائے توانائی عمر ایوب نے قومی اسمبلی میں خطاب میں کہا کہ پیٹرولیم مصنوعات کی قیمتوں میں اضافہ کرنا ہماری مجبوری ہے، ہمارے پاس پیٹرول کے اپنے وسائل نہیں ہیں۔

پیٹرولیم مصنوعات کی قیمتوں میں‌ ریکارڈ اضافہ

انھوں نے بھی کہا کہ جنوری کے مقابلے میں پاکستان میں پیٹرول 17 روپے فی لیٹر اس وقت بھی کم ہے، پاکستان میں پیٹرولیم مصنوعات کی قیمتیں ایشیا میں سب سے کم ہیں۔

Contrary to misinformation & lies being spread,Pakistan still has region’s lowest fuel prices
Fact1:Today petrol is Rs.17/L cheaper & diesel Rs.26/L cheaper than they were in in January
Fact2:While global petrol prices have gone up 112% in past 1.5 months,ours is only a 23% hike pic.twitter.com/0Ih0apZtD9

— Sayed Z Bukhari (@sayedzbukhari) June 27, 2020

دوسری طرف آج ذرایع نے انکشاف کیا ہے کہ حکومت نے پیٹرولیم مصنوعات کی قیمتوں میں اضافے کے لیے ٹیکسز کی بھرمار کر دی ہے، پیٹرول اور ڈیزل پر لیوی کی انتہائی حد 30 روپے مقرر کی گئی ہے۔

ذرایع کا کہنا ہے کہ پیٹرول پر سیلز ٹیکس کی شرح 17 فی صد مقرر کی گئی ہے، ہائی اسپیڈ ڈیزل پر زیادہ سے زیادہ 30 روپے فی لیٹر پیٹرولیم لیوی کی وصولی کی جا رہی ہے، جب کہ ہائی اسپیڈ ڈیزل پر سیلز ٹیکس کی شرح 17 فی صد مقرر کی گئی ہے۔