Tag: زلمے خلیل زاد

اسلام آباد: وزیر خارجہ شاہ محمود قریشی نے کہا ہے کہ افغان مہاجرین کی باعزت واپسی کے لیے عالمی برادری کو ہاتھ بڑھانا ہوگا۔

تفصیلات کے مطابق وزیرخارجہ شاہ محمود قریشی سے امریکی نمائندہ خصوصی افغان امن عمل زلمے خلیل زاد نے ملاقات کی جس میں خطے کی صورتحال،افغان امن عمل کے حوالے سے خصوصی تبادلہ خیال کیا گیا۔زلمےخلیل زاد نے پی ایس ایکس حملے پر اظہارافسوس اور بروقت کارروائی پر خراج تحسین پیش کیا۔

اس موقع پر شاہ محمود قریشی کا کہنا تھا کہ افغان امن عمل میں ہونیے والی پیشرفت انتہائی حوصلہ افزا ہے، فریقین کی جانب سے بین الافغان مذاکرات پر آمادگی خوش آئند ہے،ان مذاکرات سے افغانستان میں مستقل،دیرپا امن کی راہ ہموار ہوگی۔

وزیر خارجہ کا کہنا تھا کہ افغان امن عمل،اہم مرحلے میں داخل ہوچکا ہے،ان عناصر سے خبردار رہنا ہوگا جو قیام امن کی کاوشوں کو سبوتاژ کرنا چاہتے ہیں۔

انہوں نے کہا کہ پاکستان گزشتہ 40 برس سے افغان مہاجرین کی میزبانی کرتا آ رہا ہے،افغان مہاجرین کی باعزت واپسی کے لیے عالمی برادری کو ہاتھ بڑھانا ہوگا۔

شاہ محمود قریشی کا مزید کہنا تھا کہ پاکستان افغانستان میں قیام امن کے لیے اپنا مصالحانہ کردار ادا کرتا رہے گا،پورے خطے کی تعمیر وترقی کا انحصار افغانستان میں قیام امن سے مشروط ہے۔

راولپنڈی: آرمی چیف جنرل قمر جاوید باجوہ سے امریکی نمائندہ خصوصی برائے افغان مفاہمتی عمل زلمے خلیل زاد نے ملاقات کی۔

امریکی سفارت خانے کے ترجمان کے مطابق پاک فوج کے سربراہ جنرل قمر جاوید باجوہ سے امریکی نمائندہ خصوصی برائے افغان مفاہمتی عمل زلمے خلیل زاد نے جی ایچ کیو میں ملاقات کی۔

ملاقات میں افغانستان میں امریکی ریزولیوٹ سپورٹ مشن کے کمانڈر جنرل آسٹن ملر بھی شریک تھے۔ترجمان امریکی سفارت خانے کا کہنا تھا کہ آرمی چیف سے ملاقات میں امریکی رہنماؤں نےافغانستان میں دیرپا امن پر بات چیت کی۔

امریکی سفارت خانے کے ترجمان کے مطابق پاکستانی فوجی قیادت نے افغان امن عمل، دیرپا امن کے لیے اپنا عزم دہراتے ہوئے افغان مسئلے کے سیاسی حل میں مدد کی یقین دہانی کو دہرایا۔

امریکی نمائندہ خصوصی زلمے خلیل زاد پاکستان پہنچ گئے

اس سے قبل امریکی نمائندہ خصوصی برائے افغانستان زلمے خلیل زاد نور خان ایئر بیس پہنچے جہاں پر متعلقہ حکام نے ان کا استقبال کیا۔بعد ازاں زلمے خلیل زاد سخت سیکیورٹی میں اسلام آباد کے لیے روانہ ہوگئے۔

اسلام آباد : امریکی نمائندہ خصوصی برائے پاکستان و افغانستان زلمے خلیل زاد پاکستان پہنچ گئے، وہ پاکستان میں اہم شخصیات سے ملاقاتیں کریں گے۔

تفصیلات کے مطابق امریکی نمائندہ خصوصی برائے افغانستان زلمے خلیل زاد ایک روزہ دورہ پر براستہ کابل پاکستان آئے ہیں، نور خان ایئر بیس پر متعلقہ حکام نے ان کا استقبال کیا۔

بعد ازاں زلمے خلیل زاد سخت سیکیورٹی میں اسلام آباد کیلئے روانہ ہوگئے۔ اس حوالے سے ذرائع کا کہنا ہے کہ امریکی نمائندہ خصوصی ایک روزہ دورے کے دوران وزیر خارجہ شاہ محمود قریشی اور دیگر اہم شخصیات سے ملاقاتیں کریں گے۔

یاد رہے کہ زلمے خلیل زاد نے گزشتہ روز طالبان اور افغان حکومت کے درمیان قیدیوں کے تبادلے کا خیرمقدم کرتے ہوئے قیدیوں کے تبادلے کو کرونا وبا کے اس دور میں وقت کی اشد ضرورت قرار دیا تھا۔

امریکی نمائندہ خصوصی کا کہنا تھا کہ قیدیوں کی رہائی کا عمل امن اور تشدد کم کرنے میں اہم پیش رفت ہے، فریقین کو امن معاہدے کے نکات پر جلد از جلد عملدرآمد یقینی بنانے کی کوششوں کو تیز کرنا چاہیے۔

واضح رہے کہ افغان طالبان نے دو روز قبل 20 افغان سیکیورٹی اہلکار قیدی رہا کیے تھے، افغان حکومت کی جانب سے بھی پچھلے ہفتے دو سو طالبان قیدی رہا کیے جا چکے ہیں۔