کوئٹہ: بلوچستان اسمبلی میں قرارداد منظور کی گئی ہے کہ کوئٹہ شہر میں گندے پانی سے کاشت سبزیوں کو تلف کیا جائے۔
تفصیلات کے مطابق آج بلوچستان اسمبلی کے اجلاس میں صوبے کو درپیش مختلف مسائل کے حوالے سے قراردادیں پیش کی گئیں جنھیں متفقہ طور پر منظور کیا گیا۔
[bs-quote quote=”کسی غیر ملکی کمپنی کو زمین کی ملکیت نہیں دے سکتے۔” style=”style-7″ align=”left” color=”#dd3333″ author_name=”ظہور بلیدی” author_job=”وزیرِ اطلاعات بلوچستان”][/bs-quote]
مشترکہ قرارداد اپوزیشن رکن اسمبلی نصراللہ زیرے نے پیش کی، کہا کہ گندے پانی سے سبزیوں کی کاشت سے مختلف بیماریاں پھیل رہی ہیں۔
نصراللہ نے کہا کہ شہر کے مختلف علاقوں میں 15 سو ایکڑ پر کاشت سبزیوں کو تلف کیا جا ئے۔ اختر حسین لانگو نے کہا کہ گندے نالوں کے پانی سے کینسر کی بیماری پھیل رہی ہے، بلوچستان میں کینسر اسپتال کی اشد ضرورت ہے۔
قبل ازیں بلوچستان اسمبلی کا اجلاس ڈپٹی اسپیکر بابر موسیٰ خیل کی زیرِ صدارت شروع ہوا، اسمبلی میں معذور افراد کی فلاح وبہبود کے لیے وزیرِ صحت نصیب اللہ مری نے اعصابی صحت کا مسودہ قانون پیش کیا، بعد ازاں یہ مسودہ قائمہ کمیٹیوں کے سپرد کر دیا گیا۔
صوبائی وزیرِ زمرک اچکزئی نے سعودی ولی عہد کو خوش آمدید کہا، بعد ازاں انھوں نے قرارداد پیش کی کہ بلوچستان میں فنی تربیت کے مراکز کے قیام کو ترجیح دی جائے، صوبے میں ہونے والی ترقی یہاں کے عوام کے مفاد میں کی جائے۔
یہ بھی پڑھیں: بارش کا لطف اٹھانے کے لیے بلوچستان اسمبلی کا اجلاس ملتوی
اسمبلی میں گوادر میں آئل ریفائنری سے متعلق بھی ایک قرارداد اکثریت سے منظور کی گئی، ظہور بلیدی نے کہا کہ وفاق نے بلوچستان کے ساتھ ہر ممکن تعاون کیا ہے، پی ایس ڈی پی میں بلوچستان سے متعلق اہم منصوبے ڈالے جا رہے ہیں، بلوچستان کی سرزمین سے متعلق قانون سازی کی ہے۔
وزیرِ اطلاعات بلوچستان نے کہا کہ غیر ملکی کمپنیوں کو لیز پر زمین دیں گے، کسی غیر ملکی کمپنی کو زمین کی ملکیت نہیں دے سکتے، بلوچستان میں سرمایہ کاری کرنے والی ایک کمپنی کو زمین دینے سے انکار کیا۔
