کراچی کے علاقے سرجانی میں زمین کے تنازع پر فائرنگ سے ایک شخص جاں بحق اور ایک زخمی ہوگیا۔
پولیس حکام کے مطابق واقعہ لیاری چھتیس بس اسٹاپ کے قریب پیش آیا ہے، لاش کو ضابطہ کارروائی کیلئے اسپتال منتقل کر دیا گیا ہے۔
پولیس کا کہنا ہے کہ ابتدائی تفتیش کے مطابق فائرنگ کا واقعہ زمینی تنازعے کے باعث پیش آیا ہے، اسامہ نامی ملزم فائرنگ کرکےموقع سے فرار ہوگیا۔
پولیس نے واقعے کی رپورٹ درج کر کے تفتیش شروع کر دی ہے، پولیس کا کہنا ہے کہ جلد ہی ملزم کو گرفتار کرلیا جائے گا۔
گزشتہ روز ڈیرہ اسماعیل خان میں تین بہنوں کے قتل کے لرزہ خیز قتل کے واقعے نے سب کے دل دہلا دیے جس سے علاقے میں خوف و ہراس پھیل گیا۔
پولیس کے مطابق چند ماہ پہلے ہارون نامی شخص کی بہن کو 3 بہنوں نے چھریوں کے وار سے قتل کیا تھا جس پر ہارون نے مقتولہ خواتین کے بھائیوں سے کہا تھا راضی نامہ تب ہو گا جب وہ اپنی بہنوں کو قتل کرے۔
https://urdu.arynews.tv/bahawalnagar-uncle-shoots-and-kills-nephew/
