کراچی: پاکستان فلم و ڈرامہ انڈسٹری کی معروف اداکارہ مایا علی نے کہا ہے کہ زندگی ایک بار ملتی ہے، اسے بھرپور طریقے سے جینا چاہئے.
تفصیلات کے مطابق اداکارہ مایا علی نے سماجی رابطے کی ویب سائٹ انسٹاگرام پر اپنی ایک تصویر شیئر کرتے ہوئے لکھا کہ گزشتہ ماہ ان کی زندگی میں بہت کچھ حیرت انگیز اور بالکل غیر اتفاقی طور پر ہوا.
مایا علی نے لکھا کہ اس عرصے میں زندگی نے انہیں بہت کچھ سکھایا اور بہت سے چیلنجز کا مقابلہ کرنے اور انہیں قبول کرنے کا حوصلہ ملا.
اداکارہ نے کہا کہ میں ان تمام لوگوں کی شکر گزار ہوں جو میرے ساتھ اس مشکل وقت میں کھڑے رہے اور جنہوں نے مجھے دعاوں میں یاد رکھا.
مایا علی نے کہا کہ خاص طور پر میں گھر والوں اور مداحوں کی شکر گزار ہوں جو میرے چہرے پر دوبارہ مسکراہٹ لے کر آئے.
اداکارہ نے مداحوں سے محبت کا اظہار کرتے ہوئے انہیں مشورہ دیا اور نصیحت کی کہ زندگی ایک بار ملتی ہے جسے بھرپور طریقے سے جینا چاہئے.