ARYNews.tv | Urdu – Har Lamha Bakhabar

Tag: زندگی کا خاتمہ کرلیا

  • بیٹی کیلیے انسولین خریدنے کے پیسے نہیں! مجبور باپ نے زندگی کا خاتمہ کرلیا

    بیٹی کیلیے انسولین خریدنے کے پیسے نہیں! مجبور باپ نے زندگی کا خاتمہ کرلیا

    بھارتی ریاست اتر پردیش میں ایک انتہائی افسوسناک واقعہ پیش آیا، مجبور باپ نے بیٹی کے علاج کے لیے رقم نہ ہونے پر اپنی زندگی کا خاتمہ کرلیا۔

    بھارتی میڈیا کا اس حوالے سے کہنا ہے کہ یہ افسوسناک واقعہ اترپردیش کے شہر لکھنؤ میں پیش آیا جہاں قرض میں ڈوبے باپ نے فیس بک لائیو آکر بیٹی کے لیے انسولین خریدنے کے لیے مالی مدد مانگی۔

    رپورٹس کے مطابق پولیس کا اس حوالے سے کہنا ہے کہ مذکورہ شخص ریئل اسٹیٹ کا کام کیا کرتا تھا اور کئی لوگوں کا مقروض تھا اور قرض چکانے کے لیے رقم نہ تھی۔

    پولیس کے مطابق مذکورہ شخص کی بیٹی ذیابیطس (شوگر) کی مریضہ تھی اور اس کے پاس بیٹی کے لیے انسولین خریدنے تک کے پیسے نہیں تھے۔

    مذکورہ شخص ویڈیو میں مسلسل روتا رہا۔ اس نے کہا کہ وہ قرض کے بوجھ اور مالی ذمہ داریوں سے ٹوٹ چکا ہے۔

    بھارتی میڈیا کے مطابق مذکورہ شخص کے اہل خانہ نے پولیس سے رابطہ کیا اور خدشہ ظاہر کیا کہ اس ویڈیو بیان کے بعد وہ خودکشی کرسکتے ہیں۔

    بچوں کو قتل کر کے ماں باپ نے بھی زندگی کا خاتمہ کر لیا

    پولیس کے پہنچنے سے قبل ہی مذکورہ شخص نے فیس بک پر مالی مدد کی اپیل کے فوری بعد دفتر میں سیکیورٹی گارڈ کی بندوق سے اپنی زندگی کا خاتمہ کرلیا۔

    بھارتی میڈیا کے مطابق پولیس نے تاحال خودکشی کرنے والے شخص کا نام ظاہر نہیں کیا ہے۔

  • خاتون نے فلائی اوور سے چھلانگ لگا کر زندگی کا خاتمہ کرلیا

    خاتون نے فلائی اوور سے چھلانگ لگا کر زندگی کا خاتمہ کرلیا

    بھارت میں حیدرآباد کے پرانے شہر کے علاقے دبیرپورہ میں آج رات ایک انتہائی دلخراش واقعہ رونما ہوا، خاتون نے فلائی اوور سے چھلانگ لگا کر زندگی کا خاتمہ کرلیا۔

    بین الاقوامی خبر رساں ادارے کی رپورٹ کے مطابق خاتون کی شناخت طحہٰ کے نام سے ہوئی ہے جبکہ ان کا تعلق ناگاباولی علاقہ سے بتایا جارہا ہے۔

    پولیس کا کہنا ہے کہ خاتون نے قریب ساڑھے 9 بجے کے بعد یہ انتہائی اقدام اُٹھایا، خاتون نے ایسا کیوں کیا اس حوالے سے ابھی معلوم نہیں ہوسکا ہے۔

    ذرائع کا کہنا ہے کہ خاتون کی حال ہی میں شادی ہوئی تھی۔ پولیس نے تحقیقات کا آغاز کردیا ہے، نعش کو پوسٹ مارٹم کیلئے اسپتال منتقل کردیا گیا ہے۔

    اس سے قبل بھارت کے سکندر آباد میں ایک انتہائی افسوسناک واقعہ رونما ہوا، ٹرین میں اکیلے سفر کرنے والی لڑکی سے نوجوان نے عصمت ریزی کی کوشش کی۔

    رپورٹ کے مطابق عصمت ریزی سے بچنے کی جدوجہد کے دوران لڑکی نے چلتی ٹرین سے چھلانگ لگادی۔

    پولیس کا اس حوالے سے کہنا ہے کہ 23 سالہ متاثرہ لڑکی کا تعلق اننت پور ضلع سے ہے اور وہ میڈچل میں ایک خانگی کمپنی میں ملازمت کرتی ہے۔ لڑکی اپنا موبائل فون ٹھیک کرانے کے لئے سکندر آباد گئی تھی بعد میں ایم ایم ٹی ایس ٹرین کے ذریعے میڈچل واپس جا رہی تھی۔

    متاثرہ لڑکی ابتداء میں خواتین کے ڈبے میں سوار ہوئی تھی، مگر خواتین جلدی دوسرے اسٹیشن پر اتر گئیں، جس کے بعد وہ ڈبے میں تنہا رہ گئی۔

    25سالہ نوجوان نے موقع غنیمت جانتے ہوئے لڑکی کو زیادتی کا نشانہ بنانے کی کوشش کی، خود کو بچانے کے لیے متاثرہ لڑکی چلتی ٹرین سے کود گئی اور کومپلی کے قریب ایک ریلوے پل کے نیچے گر کر شدید زخمی ہوگئی۔

    بی جے پی رہنما نے بیوی بچوں کو گولی ماردی

    مقامی افراد کی اطلاع پر پولیس موقع پر پہنچی اور زخمی لڑکی کو فوری طور پر گاندھی اسپتال منتقل کیا۔ پولیس نے مقدمہ درج کر کے حملہ آور کی تلاش شروع کر دی ہے۔

  • بیوی کی ہراسانی سے تنگ شوہر کا مرنے سے قبل ویڈیو پیغام میں بڑا انکشاف

    بیوی کی ہراسانی سے تنگ شوہر کا مرنے سے قبل ویڈیو پیغام میں بڑا انکشاف

    بھارت کے اتر پردیش سے تعلق رکھنے والے ایک شخص نے مبینہ طور پر اپنی بیوی کی ہراسانی کا شکار ہوکر زندگی کا خاتمہ کرلیا، ٹاٹا کنسلٹنسی سروسز (TCS) کے ملازم نے مرنے سے قبل ایک ویڈیو بیان بھی جاری کیا۔

    بھارتی میڈیا رپورٹس کے مطابق مرنے سے قبل اپنی بیوی کو مورود الزام ٹھہرانے والے شخص نے ویڈیو پیغام میں انکشاف کیا کہ بیوی اسے ہراساں کررہی تھی۔

    رپورٹس کے مطابق صدر پولیس نے گزشتہ شب واٹس ایپ کے ذریعے موصول ہونے والی شکایت کی بنیاد پر مقدمہ درج کر کے تحقیقات شروع کردی ہیں۔

    بھارتی میڈیا کا کہنا ہے کہ مناؤشرما نے انتہائی قدم اٹھانے سے قبل تقریباً 7 منٹ کی جذباتی ویڈیو ریکارڈ کی تھی، جس میں دیکھا جاسکتا ہے کہ وہ اس دوران رو رہا ہے۔

    آخری ویڈیو پیغام میں بیوی کی ہراسانی کا شکار مناؤشرما نے اپنے انتہائی قدم کے لیے اہلیہ کو مورِد الزام ٹھہراتے ہوئے لوگوں سے التجا کی کہ بھارت میں مردوں کے بارے میں بھی بات کرنے کی ضرورت ہے۔ اس دوران انہوں نے اپنے والدین سے بھی معافی مانگی۔

    بھارتی میڈیا رپورٹس کے مطابق مناؤشرما کا اپنے آخری پیغام میں کہنا تھا کہ یہ حکام کے لیے ہے، حکام جیسا کہ پولیس اور قانون نافذ کرنے والے اداروں میں، قانون کو مردوں کی حفاظت کرنے کی ضرورت ہے، ورنہ ایک وقت آئے گا جب کوئی مرد نہیں بچے گا، کوئی ایسا آدمی نہیں ہو گا جس پر کوئی الزام نہ لگا ہو۔

    لڑکے سے زیادتی اور بلیک میلنگ، 2 ملزمان گرفتار

    ویڈیو پیغام میں مناؤشرمانے کہا کہ مجھے اپنی صورتِ حال بتانے دو، یہ بہت سے دوسرے لوگوں کی طرح ہے، مجھے پتہ چلا ہے کہ میری بیوی مجھے دھوکا دے رہی ہے، اس کے کسی اور کے ساتھ ناجائز تعلقات ہیں۔

    مناؤشرمانے مزید کہا کہ براہِ مہربانی مردوں کے بارے میں سوچیں، مردوں کے بارے میں بات کریں، وہ تنہا زندگی گزار رہے ہیں۔

  • بھارتی گلوکارہ نے اپنی زندگی کا خاتمہ کرلیا

    بھارتی گلوکارہ نے اپنی زندگی کا خاتمہ کرلیا

    بھارت کی گلوکارہ نے اپنی زندگی کا خاتمہ کرلیا، ان کی لاش رہائش گاہ کے کمرے میں پنکھے سے لٹکی ہوئی پائی گئی۔

    گلوکارہ وجئے لکشمی عرف ملیکا راجپوت نے خودکشی کرلی۔ منگل کو 35 سالہ گلوکارہ اتر پردیش میں واقع اپنے مکان میں وہ مردہ حالت میں پائی گئیں۔ ان کی لاش کمرے میں پنکھے سے لٹکی ہوئی تھی۔

    بھارتی میڈیا کے مطابق ملیکا کی والدہ سمترا سنگھ نے بتایا کہ وہ لاعلم ہیں کہ گلوکارہ نے کب یہ اقدام کیا۔ کمرہ کا دروازہ بند تھا مگر لائٹ جل رہی تھی۔ ہم نے تین چکر لگائے لیکن دروازہ نہ کھول سکے۔ کھڑکی سے جھانکا تو وہ کھڑی ہوئی تھی۔

    تاہم دروازہ کھٹکھٹانے پر جب اس نے کوئی جواب نہیں دیا تو دروازہ توڑ دیا، سامنے گلوکارہ کی لاش پنکھے سے لٹک رہی تھی۔

    بھاتی پولیس نے لاش کو پوسٹ مارٹم کے لیے بھیج دیا ہے جبکہ اس واقعے کی تفتیش کا آغاز کردیا گیا ہے۔ کوتوالی پولیس اسٹیشن کے انچارج شری رام پانڈے کا کہنا ہے کہ یہ خودکشی کا معاملہ لگتا ہے۔

    واضح رہے کہ فلم ریوالور رانی میں ملیکا راجپوت کنگنا رناوت کے ساتھ کام کرچکی ہیں۔ سائی کبیر کی ہدایت کاری میں بننے والی فلم میں پیوش مشرا، ذاکر حسین اور پنکج سرسوت کے ساتھ ویر داس بھی شامل تھے۔

    ملیکا شان کی میوزک ویڈیو ‘‘یارا تجھے’’ کا بھی حصہ رہ چکی ہیں۔ وہ تربیت یافتہ کتھک ڈانسر بھی تھیں۔ انھوں نے 2016 میں بھارتیہ جنتا پارٹی میں شمولیت اختیار کی تھی لیکن دو سال کے اندر ہی پارٹی چھوڑ دی تھی۔