Tag: زویا ناصر

ماضی کے نامور فلم لکھاری ناصر ادیب کا کہنا ہے کہ ریما خان کی بات پر بیٹی زویا ناصر نے میرا ساتھ نہ دیا تو خوشی ہوئی۔

اے آر وائی ڈیجیٹل کے پروگرام ‘شانِ سحور‘ میں فلم لکھاری ناصر ادیب نے بیٹی و اداکارہ زویا ناصر کے ساتھ شرکت کی اور مختلف موضوعات پر اظہار خیال کیا۔

انہوں نے کہا کہ جب میں نے ریما خان کے حوالے سے بات کی تو بیٹی زویا نے میرا ساتھ دینے کے بجائے اداکارہ کی حمایت کی تھی۔

ندا یاسر نے زویا ناصر سے پوچھا کہ جب والد نے پروگرام میں غلطی کی تھی کیا انہوں نے انہیں سمجھایا تھا؟

زویا ناصر نے بتای اکہ پوڈ کاسٹ کی ویڈیو کلپ وائرل ہونے کے بعد والد کو سمجھایا تھا اسی دوران ناصر ادیب نے کہا کہ میری جانب سے کہی گئی بات پر زویا نے میرا ساتھ نہیں دیا بلکہ ریما خان کی حمایت کی۔

انہوں نے کہا کہ مجھے اس بات کی بہت خوشی ہوئی کہ بیٹی نے ان کا ساتھ دینے کے بجائے حق کا ساتھ دیا ہے۔

فلم لکھاری نے کہا کہ باپ بھی انسان ہوتا ہے وہ فرشتہ نہیں، وہ بھی غلطی کرسکتا ہے لیکن انہیں یہ دیکھ کر خوشی ہوئی کہ ان کی بیٹی نے غلط کا ساتھ دینے کے بجائے حق کا ساتھ دیا۔

ناصر ادیب کا کہنا تھا کہ انہوں نے اپنے پروگرام پر معافی بھی مانگی تھی اور ساتھ ہی تسلیم کیا کہ انہیں ایسی بات نہیں کہنی چاہیے تھی۔

ناصر ادیب نے مزید کہا کہ انہیں ٹی وی پروگرامات اور پوڈکاسٹس میں شرکت کے بعد پتا چلا کہ بعض سچ ایسے ہوتے ہیں، جنہیں سامنے نہیں لانا چاہیے انہیں دفن ہی رہنے دیا جائے تو اچھا ہے۔

انہوں نے کہا کہ اب وہ سمجھ چکے ہیں کہ بعض سچ فساد کی جڑ ہوتے ہیں لیکن ان کی عادت رہی ہے کہ وہ ہر بات سرعام کہتے ہیں، وہ سچ کے سوا کچھ نہیں کہتے۔

خیال رہے کہ ناصر ادیب نے دسمبر 2024 میں ایک پوڈکاسٹ میں بتایا تھا کہ وہ اور ہدایت کار یونس ملک کسی فلم کے لیے ہیروئن دیکھنے لاہور کی ہیرا منڈی گئے تھے، جہاں انہیں ریما خان کو بھی دکھایا گیا۔

پاکستان ڈرامہ انڈسٹری کی اداکارہ زویا ناصر نے انکشاف کیا ہے کہ انھوں نے کراچی میں اپنے ساتھ واردات کے دوران کار سے چھلانگ لگا دی تھی۔

نجی ٹی وی کے پروگرا میں گفتگو کرتے ہوئے زویا ناصر نے بتایا کہ میرے ایک ڈرامے کی شوٹنگ تھی اور وہ کراچی میں تین تلوار کے پاس تھی شوٹنگ، اس وقت رات کے 10 بج رہے تھے، سڑک پر اچھا خاصہ رش بھی تھا۔

انھوں نے بتایا کہ اس دوران سگنل پر ہماری کار رکی جبکہ اچھی خاصی ٹریفک بھی، اچانک سے کسی نے ہماری کار کا دروازہ کھولا کیوں کہ دروازے کا لاک نہیں تھا۔

اداکارہ کا کہنا تھا کہ ڈرامے میں جو میری ماں کا کردار ادا کررہی تھیں وہ اداکارہ بھی میرے ساتھ تھیں، اتنے میں ایک بائیک آئی اور اس میں بیٹھے شخص نے بائیک روک کر کہا کہ اپنا سامان چپ چاپ مجھے دے دو نہیں تو میں گولی مار دوں گا۔

ساتھی اداکارہ نے اپنا پرس الٹا کیا اور اس میں جو کچھ تھا سب دے دیا، اس نے ان کی جیولری بھی اتروائی، سگنل پر سب لوگ تھے اور اسے کوئی کچھ نہیں کہہ رہا تھا۔

زویا ناصر نے بتایا کہ میرے پاس سلامی کے پیسے پڑے تھے، میرے پرس میں جیولری تھی، میری انگوٹھیاں تھیں، میرے پاس ایک نیا فون تھا اور ایک اپنا فون تھا، میں نے اسے سارا کچھ پکڑا دیا۔

انھوں نے کہا کہ جب میں انگوٹھی اتار رہی تھی تو وہ انگوٹھی نہیں اتررہی تھی، میں اپنا فون دینا نہیں چاہتی تھی، اس نے یہ سن کر کہا کہ ڈرامے مت کرو جو کچھ ہے دے دو، میں نے یہ سن کر کار سے باہر چھلانگ مار دی۔

زویا نے بتایا کہ میں نے دروازہ کھولا اور کار سے باہر کود گئی، میں نے کہا مجھے مت مارو اور میں نے کار کے نیچے چھپنے کی کوشش کی، اس کے بعد ایک ویویو کار تھی اس نے گاڑی موڑ کر اس بائیک والے پر چڑھا دی۔

ان کا کہنا تھا کہ پھر ڈرائیو نے بتایا کہ ویویو والے نے ہمیں بچایا ہے، اس کے بعد موٹرسائیکل والا اٹھا اور بڑی مشکلوں سے وہاں سے نکلنے میں کامیاب ہوا۔

ماڈل و اداکارہ زویا ناصر نے بتایا کہ پہلی شادی انتہائی کم عمری میں کردی گئی تھی جو مختلف وجوہات کی بنا پر طلاق پر ختم ہوئی تھی۔

حال ہی میں ایک انٹرویو میں پاکستان کی معروف اداکار زویا ناصر نے پہلی بار اپنی زندگی کے سب سے بڑے راز سے پردہ اٹھایا ساتھ ہی انڈسٹری، اور اپنے موجودہ زندگی کے بارے میں بات کی۔

ماڈل و اداکارہ نے کہا کہ شوبز انڈسٹری میں اقربا پروری اور من پسند افراد کو نوازا جاتا ہے ہماری انڈسٹری میں اپنوں کو نوازنے کا رواج عام ہے۔

زویا ناصر نے کہا کہ یوٹیوبر بننا سب سے مشکل کام ہے، میں کچھ دوستوں کے مشورے پر یوٹیوبر بنی تھیں مگر مجھے اندازہ ہوگیا کہ یہ کام مجھ سے نہیں ہوپائے گا۔

زویا ناصر نے پہلی بار کھل کر اپنی ذاتی زندگی پر بھی بات کی اور اعتراف کیا کہ میری شادی کم عمر میں ہوگئی تھی جو طلاق پر ختم ہوئی، میں نے مذہب اسلام اور والدین کے مطابق اپنی شادی کو بچانے کی بھرپور کوشش کی مگر جب چیزیں ہاتھ سے نکل گئیں تو انہیں طلاق لینی پڑی۔

زویا ناصر نے کہا کہ 19 برس میں میری طلاق ہوگئی تھی میں شادی کے بعد اسی بات سے ڈرتی تھی کہ میری طلاق نہ ہوجائے مگر وہی ہوا جس کا مجھے ڈر تھا۔

زویا ناصر نے طلاق کے حوالے سے مزید کہا کہ کم عمری میں شادی کرنے کی وجہ سے شروع میں مجھے لگتا تھا کہ شاید مجھ سے غلطی ہوگئی مگر ایسا نہیں تھا۔

انہوں نے کہا کہ طلاق کی تکلیف اپنی جگہ مگر طلاق کے بعد لوگوں کے طعنوں نے نے میری زندگی مزید مشکل بنادی تھی۔

پاکستانی اداکارہ زویا ناصر نے یوٹیوبرز کو اداکاروں سے بہتر قرار دے دیا تھا۔

زویا ناصر نے شاہ ویر جعفری کی پوڈ کاسٹ میں شوبز انڈسٹری میں کام کرنے کے اپنے تجربے کے بارے میں بات کرتے ہوئے کہا تھا کہ اداکاروں سے یوٹیوبرز کہیں زیادہ بہتر ہیں۔

تاہم اب انہوں نے اے آر وائی ڈیجیٹل کے شو’ دی فورتھ امپائر‘ میں اس کی وضاحت کردی، زویا ناصر نے کہا کہ یہ غلط بیانی تھی میں نے ایسا کچھ نہیں کہا تھا۔

اداکارہ نے کہا کہ میں نے ایسا کچھ نہیں کہا لیکن اس طرح خبر پھیلائی گئی تھی، میرا مطلب تھا کہ پاکستان میں یوٹیوبرز کی کمیونٹی چھوٹی سی ہے اور ان میں اتحاد ہے۔

انہوں نے کہا کہ میرا ہرگز یہ وہ مطلب نہیں تھا جس طرح اس بات کو پھیلائی گئی تھی۔

واضح رہے کہ زویا ناصر نے پوڈ کاسٹ مزید کہا کہ تھا کہ یوٹیوبرز کے درمیان بہت اچھی دوستیاں ہیں جبکہ انڈسٹری میں سب کو ایک دوسرے سے تحفظات ہیں، بہت سیاست کی جاتی ہے اور مختلف گروپس بنے ہوئے ہیں۔

خیال رہے کہ اداکارہ زویا ناصر معروف ادیب، فلم کہانی و مکالمہ نویس، نغمہ نگار ناصر ادیب کی بیٹی ہیں۔

پاکستانی ٹی وی اداکارہ زویا ناصر کے سابقہ منگیتر نو مسلم جرمن ولاگر کرسچن بیزمن نے دعویٰ کیا ہے کہ انھوں نے خود زویا کو چھوڑا۔

تفصیلات کے مطابق کرسچن بیزمن نے یوٹیوب چینل پر اپنی ایک ویڈیو پر ایک مداح کی جانب سے کیے گئے کمنٹ پر جواب دیتے ہوئے کہا ہے کہ انھوں نے خود زویا کو چھوڑا، اور اس کے پیچھے ایک الگ کہانی ہے۔

مداح نے لکھا تھا کہ ہم جانتے ہیں کہ آپ بہت دکھی ہیں کیوں کہ آپ کی منگیتر اور آپ کے دوستوں نے آپ کو تنہا چھوڑ دیا ہے، جب کہ ہزاروں لوگ بھی آپ پر شدید تنقید کر رہے ہیں، پریشان نہیں ہوں، وقت بڑا مرہم ہوتا ہے۔

دوسری طرف شدید تنقید کے بعد کرسچن بیزمن نے سوشل میڈیا چھوڑنے کا فیصلہ کر لیا ہے، انھوں نے کہا کہ میں اب سوشل میڈیا سے دوری اختیار کررہا ہوں لیکن اگر میرے ناقدین مزید نفرت پھیلانا چاہتے ہیں تو وہ مجھے اَن فالو کر سکتے ہیں۔

زویا ناصر نے منگنی توڑ دی

جرمن ولاگر نے منگنی ٹوٹنے کے بعد سوشل میڈیا پر وضاحتی بیان میں جاری کیا، انھوں نے کہا حیرت کی بات ہے کہ لوگ کس طرح چیزوں کو توڑ مروڑ دیتے ہیں، پاکستان نے کُھلے دل سے میرا استقبال کیا ہے، میں اس کے لیے ہمیشہ شکرگزار رہوں گا، میں ان سب سے پیار کرتا ہوں جو گزشتہ ایک سال سے میری کامیابی میں میرا ساتھ دے رہے ہیں۔

انھوں نے کہا کہ مجھے اس ملک کی ثقافت کو اپنانا پڑا اور آپ نے مجھے قبول بھی کیا، جب کہ انفرا اسٹرکچر کے لحاظ سے یہ تیسری دنیا کا ملک ہے اور اسے آلودگی کی وجہ سے بھی بہت زیادہ نقصان ہوتا ہے۔

کرسچن نے مزید کہا یہ اس ملک کے حقائق ہیں، اس کا مطلب یہ نہیں ہے کہ میں ملک سے یا اس کے عوام سے نفرت کرتا ہوں، یہ جھوٹ ہے، میں نے جو بیان دیے وہ صرف اس لیے کہا کہ میں پاکستان کی پروا کرتا ہوں اور واقعی میں مثبت تبدیلی دیکھنا چاہتا ہوں۔

یاد رہے کہ دو دن قبل ٹی وی اداکارہ اور بیوٹیشن زویا ناصر نے انسٹاگرام پر اپنے جرمن منگیتر کرسچن بیزمن سے منگنی توڑنے کا اعلان کیا تھا، انھوں نے لکھا تھا کہ میں انتہائی بوجھل دل کے ساتھ یہ اعلان کر رہی ہوں کہ کرسچن بیزمن اور میرے درمیان رشتہ ختم ہو گیا ہے۔

انھوں نے لکھا تھا کہ میری ثقافت، میرے ملک، میرے عوام کے بارے میں اس کے مؤقف میں اچانک تبدیلی اور میرے مذہب کے بارے میں اس کی بے حسی نے مجھے یہ مشکل اور اٹل فیصلہ لینے پر مجبور کیا ہے۔

انھون نے مزید لکھا کہ کچھ ایسی مذہبی اور معاشرتی حدود ہیں جن سے کسی بھی طور تجاوز نہیں کیا جا سکتا، لہٰذا راستے جدا کرنے کا فیصلہ کیا گیا ہے، رواداری، ایک دوسرے کا احترام وہ خوبیاں ہیں جن کا ہمیں ہمیشہ پابند رہنا چاہیے۔

خیال رہے کہ جرمن یوٹیوبر کرسچن بیزمن نے حال ہی میں اسلام قبول کیا تھا جس کے بعد زویا ناصر نے اُن سے منگنی کر لی تھی، ان کی شادی کی تیاریاں بھی مکمل تھیں۔