خیبر: پشاور میں خوشیوں والا گھر سوگ میں بدل گیا، مبینہ طور پر زہریلی چیز کھانے سے دلہن جاں بحق اور دلہا بے ہوش ہوگیا۔
تفصیلات کے مطابق یہ افسوسناک واقعہ پشاور کے علاقہ سربند میں پیش آیا جہاں مبینہ طور پر زہریلی چیز کھانے سے دلہن جاں بحق اور دلہے کی حالت غیر ہوگئی۔
پولیس کے مطابق دولہے کی حالت بگڑنے پر اسے فوری طور پر مقامی اسپتال منتقل کردیا گیا، نوبیاہتا جوڑے کی شادی گزشہ روز ہوئی تھی۔
پولیس کا مزید کہنا ہے کہ نوبیاہتا جوڑے کا تعلق افغانستان سے ہے جبکہ واقعے کی تفتیش جاری ہے۔
ٹوبہ ٹیک سنگھ میں باپ کی جانب سے چائے میں زہریلی چیز ملا کر بیوی اور 5 بچوں کو قتل کرنے کے معاملے میں اہم پیش رفت ہوئی ہے۔
اے آر وائی نیوز کے مطابق مرنے والوں کی ڈی این اے رپورٹ اے آر وائی نیوز نے حاصل کرلی ہے، جس میں اہم انکشاف ہوا ہے۔
ڈی این اے رپورٹ کے مطابق چائے میں فاسفین کیمیکل کااستعمال کیا گیا ہے، جبکہ پولیس نے مقدمہ درج کرکے ملزم (شوہر) کو حراست میں لے لیا ہے۔
واضح رہے کہ گزشتہ دنوں ٹوبہ ٹیک سنگھ میں ایک افسوسناک واقعہ پیش آیا تھا، جب زہریلی چائے سے متاثرہ پانچ بچے جاں بحق ہوگئے تھے، بیوی نے الزام عائد کیا تھا کہ شوہر نے پر چائے میں زہر ملایا ہے۔
پولیس کا کہنا تھا کہ زہریلی چائے پینے سے اموات کا مقدمہ ماموں کی مدعیت میں درج کیا گیا، جس میں کہا گیا کہ خاتون کا بیٹی کی شادی کے معاملے پر شوہر سے جھگڑا ہوا تھا۔