Tag: زیادتی کا نشانہ

اسلام آباد : وفاقی دارلحکومت میں یونیورسٹی طالبہ کو زیادتی کا نشانہ بنایا گیا اور لڑکی کو ویڈیو بنا کر6ماہ تک بلیک میل کیا جاتا رہا۔

تفصیلات کے مطابق وفاقی دارلحکومت اسلام آباد میں یونیورسٹی طالبہ کو زیادتی کا نشانہ بنانے کا واقعہ پیش آیا، تھانہ شہزاد ٹاؤن پولیس نےمقدمہ درج کر لیا ہے۔

ملزمان میں عدنان، بلال زمان، ولید اورشیخ عدیل شامل ہیں ، ایف آئی آر کے متن میں کہا گیا کہ لڑکی کوویڈیو بنا کر6ماہ تک بلیک میل کیا جاتا رہا اور لڑکی سےطلائی زیورات اور کیش بھی لیا گیا۔

یاد رہے چند روز قبل وفاقی دارلحکومت میں تھانہ سنبل کےعلاقے سے 8 سالہ بچی کو اغوا کے بعد قتل کردیا گیا تھا، پولیس نے بتایا تھا کہ بچی کی لاش نسوارچوک کےقریب گلی سے ملی ،بچی گزشتہ روزگھرسےمدرسے جانے کیلئےنکلی گھر واپس نہیں آئی۔

پولیس کا کہنا تھا کہ بچی ایک روزقبل چنیوٹ سے اپنی نانی کےگھر سے آئی تھی، تاہم 8سالہ بچی کے قتل کی تحقیقات میں 80 افراد کو شامل تفتیش کرلیا ہے، تھانہ سنبل پولیس نے 5 مشکوک افراد کو تفتیش کیلئےتھانے منتقل کیا۔

اوکاڑہ : ریلوے ملازم کے ہاتھوں زیادتی کا شکار متاثرہ خاتون کا کہنا ہے کہ حسیب نےشادی کا وعدہ کیا اور 10مئی کو زیادتی کانشانہ بنایا۔

تفصیلات کے مطابق ریلوے ملازم کے ہاتھوں زیادتی کا نشانہ بننے والے متاثرہ خاتون نے اپنے بیان میں کہا ہے کہ اوکاڑہ ریلوے اسٹیشن پر میری حسیب اور عابد سے دوستی ہوئی، حسیب نےشادی کا وعدہ کیا اور 10مئی کو زیادتی کا نشانہ بنایا گیا۔

متاثرہ خاتون کا کہنا تھا حسیب نے خیبر میل کا ٹکٹ دلوایا اورمجھے کراچی پہنچنے کا کہا، کراچی میں پولیس اہلکار مجھے ہیلپ سینٹر لے آئے۔

دوسری جانب اوکاڑہ پولیس نے زیادتی کے ملزم کوگرفتارکرلیا ہے، کراچی کینٹ تھانے میں ملزم کے خلاف مقدمہ درج کیا گیاتھا۔

ایس ایس پی شوکت کھٹیان نے بتایا کہ اوکاڑہ سے کراچی پہنچنے پرخاتون نے زیادتی کا بتایا، زیادتی کا واقعہ اوکاڑہ اسٹیشن پر پیش آیاتھا۔

ایس ایس پی کا کہنا تھا کہ خاتون نے کراچی میں شکایت کی تو مقدمہ کراچی کینٹ میں ہوا، مسافرریل کے سفر کے دوران جہاں چاہے مقدمہ درج کراسکتا ہے۔