رینالہ خورد: 14 سالہ لڑکی سے زیادتی کی کوشش کرنے پر ملزم کو سزا سنادی گئی، ایڈیشنل سیشن جج نے 7 سال قید کا حکم سنایا ہے۔
تفصیلات کے مطابق ایڈیشنل سیشن جج نے 14 سال کی لڑکی سے زیادتی کی کوشش کیس کا فیصلہ سنادیا، عدالت نے مجرم حسنین ستار عرف مانی کو 7 سال قید کا حکم دیا ہے جبکہ عدالت نے گھناؤنی حرکت کرنے کی کوشش پر مجرم کو جرمانے کی بھی سزا سنائی۔
یہ بھی پڑھیں: خاتون کو بہانے سے ہوٹل لے جا کر زیادتی اور نازیبا ویڈیو بنانے والا ملزم گرفتار
کیس سے متعلق پولیس حکام نے بتایا کہ مجرم پر ایک لاکھ روپے جرمانہ بھی عائد کیا گیا، جرمانے کی عدم ادائیگی پر مزید 6 ماہ قید بھگتنا ہوگی۔
پولیس حکام نے مزید بتایا کہ 2024 میں تھانہ ستگھرہ پولیس نے ملزم کو گرفتار کیا تھا، ڈی پی او راشد ہدایت نے ایس ایس آئی او یو اور لیگل ٹیم کو شاباش دی ہے۔
https://urdu.arynews.tv/jamshoro-mamu-arrested-for-rapng-niece-30-august-2025/
