ARYNews.tv | Urdu – Har Lamha Bakhabar

Tag: زیادتی

  • اسلام آباد میں غیر ملکی خاتون سے مبینہ اجتماعی زیادتی

    اسلام آباد میں غیر ملکی خاتون سے مبینہ اجتماعی زیادتی

    اسلام آباد؛ غیر ملکی خاتون سے مبینہ اجتماعی زیادتی کا واقعہ پیش آیا ہے، ملزمان خاتون کے ہاتھ پاؤں باندھ کر پھینک کر فرار ہوگئے۔

    اے آر وائی نیوز کے مطابق وفاقی دارالحکومت اسلام آباد میں غیر ملکی خاتون کو زیادتی کا نشانہ بنانے کے بعد ملزمان جی 6 کے علاقے میں پھینک کر فرار ہوگئے۔

    پولیس ذرائع کا اس حوالے سے کہنا ہے کہ غیر ملکی خاتون کو نامعلوم افراد ہاتھ پاؤں باندھ کر پھینک فرار ہوگئے، جبکہ شہری نے پولیس کو 15پر کال کرکے اطلاع دی۔

    پولیس کے مطابق متاثرہ خاتون نے اپنے ابتدائی بیان میں کہا ہے کہ مجھے 5روز تک جنسی زیادتی کا نشانہ بنایا جاتا رہا۔

    کراچی میں جشن آزادی کے موقع پر ہوائی فائرنگ سے 70 افراد زخمی

    پولیس حکام کے مطابق 28 سالہ غیر ملکی خاتون کا تعلق بیلجیم سے ہے، جنہیں میڈیکل چیک اَپ کے لیے پولی کلینک اسپتال منتقل کیا گیا ہے۔

  • فلموں میں کام دلانے کا جھانسہ دیکر خاتون سے زیادتی

    فلموں میں کام دلانے کا جھانسہ دیکر خاتون سے زیادتی

    حیدرآباد: بھارت میں خواتین کی عصمت ریزی کے واقعات معمول بن گئے، فلموں میں کام دلانے کا جھانسہ دیکر خاتون کو زیادتی کا نشانہ بنادیا گیا۔

    بین الاقوامی خبر رساں ادارے کی رپورٹ کے مطابق بھارتی حیدرآباد میں فلموں کے اسسٹنٹ کو خاتون سافٹ ویر انجینئر کے ساتھ زیادتی کے الزام میں حراست میں لے لیا گیا۔

    پولیس کا کہنا ہے کہ ملزم کی شناخت سدھارتھ ورما کے نام سے ہوئی ہے، اسے حیدرآباد کی گچی باؤلی پولیس نے گرفتار کرکے ریمانڈ پر بھیج دیا۔

    پولیس ذرائع کے مطابق سدھارتھ ورما، جو راگھویندر کالونی، کونڈا پور، گچی باؤلی میں رہائش پذیر ہے، کئی دستاویزی فلموں کے اسسٹنٹ ڈائریکٹر کے طور پر کام کررہا ہے۔

    حال ہی میں اس کی ملاقات سافٹ ویئر کمپنی میں کام کرنے والی خاتون کے ذریعہ متاثرہ خاتون سے ہوئی۔

    ملزم نے خاتون کو فلموں میں کام کرانے کا جھانسہ دے کر اپنے گھر بلایا اور کولڈڈرنگ میں نشہ آور شئے ملا کر متاثرہ خاتون کو پلاکر جنسی زیادتی کا نشانہ بنا ڈالا۔

    شادی کے 15 دن بعد دلہن کا قتل، حقائق سامنے آگئے

    پولیس نے متاثرہ خاتون کی شکایت پر مقدمہ درج کرکے تفتیش شروع کردی ہے اور سدھارتھ ورما کو گرفتار کرکے ریمانڈ پر بھیج دیا۔

  • 4 سالہ معصوم بچی زیادتی کا نشانہ بن گئی، ملزم گرفتار

    4 سالہ معصوم بچی زیادتی کا نشانہ بن گئی، ملزم گرفتار

    بھارت میں خواتین پر جنسی تشدد کے واقعات میں ہر گزرتے دن کے ساتھ اضافہ ہورہا ہے، سماجی اور معاشی طور پر پسماندہ طبقوں کی خواتین، جن میں مذہبی اقلیتیں اور دلت شامل ہیں، جنسی ہراسانی کا سب سے زیادہ نشانہ بنتی ہیں۔

    بین الاقوامی خبر رساں ادارے کی رپورٹ کے مطابق ہندواڑہ کے ایک گاؤں میں پولیس نے ایک ملزم کو 4 سالہ بچی کو جنسی زیادتی کا نشانہ بنانے کے الزام میں حراست میں لیا ہے۔

    پولیس ذرائع کے مطابق نابالغ بچی کو تحقیقات کے لئے اسپتال لے جایا گیا، جہاں ڈاکٹروں نے اس کے ساتھ جنسی زیادتی کی تصدیق کردی ہے۔

    خاتون سے سڑک پر دست درازی کی ویڈیو سامنے آنے پر ملزم گرفتار

    ابتدائی رپورٹس کے مطابق بچی کے ساتھ جنسی زیادتی کی تصدیق ہوگئی ہے، متاثرہ خاندان نے ملزمان کے خلاف سخت کارروائی کا مطالبہ کیا ہے۔

  • نویں جماعت کی طالبہ سے زیادتی کرنے والا اسکول پرنسپل گرفتار

    نویں جماعت کی طالبہ سے زیادتی کرنے والا اسکول پرنسپل گرفتار

    حافظ آباد : نویں جماعت کی طالبہ سے زیادتی کرنے والے نجی اسکول کےپرنسپل کو گرفتار کرلیا گیا۔

    تفصیلات کے مطابق حافظ آباد میں نجی اسکول کے پرنسپل کی نویں جماعت کی طالبہ سے زیادتی کے واقعے میں اہم پیش رفت ہوئی۔

    ڈی ایس پی نے بتایا کہ بچی سے زیادتی کرنے والے ملزم کوگرفتارکر لیا اور والد کی مدعیت میں پرنسپل کے خلاف ایف آئی آر درج کر لی گئی ہے۔

    مزید پڑھیں : نجی اسکول کے پرنسپل کی نویں جماعت کی طالبہ سے زیادتی

    ایف آئی آر میں کہا گیا ہے کہ پرنسپل بچی سے کئی ماہ سے زیادتی کرتا رہا ہے، متاثرہ طالبہ کی طبیعت خراب ہونے پراسپتال لے جایا گیا تو وہ 4 ماہ کی حاملہ نکلی۔

    ایف آئی آر کے مطابق پرنسپل دوسری بچیوں کو بھی زیادتی کانشانہ بناتا ہے۔

    یاد رہے حافظ آباد میں نجی اسکول کے پرنسپل نے بچی کو اپنی ہوس کا نشانہ بنایا تھا۔

  • نوجوان لڑکی کو زیادتی کے بعد چلتی کار سے پھینک دیا گیا

    نوجوان لڑکی کو زیادتی کے بعد چلتی کار سے پھینک دیا گیا

    بھارت میں خواتین کے ساتھ زیادتی کے واقعات میں ہر گزرتے دن کے مزید اضافہ ہورہا ہے، مظفر نگر میں زیادتی کے بعد لڑکی کو چلتی کار سے پھینک دیا گیا۔

    غیر ملکی ذرائع ابلاغ کے مطابق مظفر نگر ضلع میں سڑک پر ایک لڑکی بے ہوشی کی حالت میں ملی، پولیس نے پوچھ گچھ کی تو معلوم ہوا کہ اس کے ساتھ زیادتی ہوئی ہے۔

    رپورٹ کے مطابق متاثرہ لڑکی کے والد نے تھانے میں شکایت درج کرائی جس پر مقدمہ درج کرکے ملزم کو حراست میں لے لیا گیا ہے۔

    پولیس کا کہنا ہے کہ زیادتی کا شکار ہونے والی لڑکی قریبی گاؤں کی رہنے والی ہے، یہ واقعہ اس وقت پیش آیا جب وہ ہفتہ کو اپنے رشتہ دار سے ملنے گئی تھی۔

    یہ اطلاعات بھی سامنے آرہی ہیں کہ لڑکی کی نوجوان سے دوستی تھی۔ جس نے اسے بہانے سے بلایا اور زیادتی کا نشانہ بنانے کے بعد چلتی گاڑی سے پھینک دیا۔ پولیس نے زخمی لڑکی کو اسپتال منتقل کرکے مزید تحقیقات کا آغاز کردیا ہے۔

    اس سے قبل وزیر اعلیٰ کے آبائی ضلع میں کام کی تلاش میں آئی ایک قبائلی خاتون کو اجتماعی زیادتی کا نشانہ بنا دیا گیا۔

    رپورٹ کے مطابق دو ملزمان نے کام دلوانے کے بہانے خاتون کو اجین سے تقریباً 20 کلومیٹر دور تاجپور لے جا کر اجتماعی زیادتی کا نشانہ بنایا۔

    پولیس ذرائع کے مطابق تھانہ حلقہ میں ایک خاتون کے نیم برہنہ حالت میں گھومنے کی اطلاع موصول ہوئی تھی، معلوم ہوا کہ خاتون کے ساتھ کسی نے زیادتی کی ہے۔

    7 سالہ بچی سے مبینہ زیادتی کا ملزم گرفتار

    تحقیقات کی گئی تو یہ خبر درست ثابت ہوئی اور پولیس نے فوری کارروائی کرتے ہوئے ملزمان کو حراست میں لے لیا ہے۔

  • 7 سالہ بچی سے مبینہ زیادتی کا ملزم گرفتار

    7 سالہ بچی سے مبینہ زیادتی کا ملزم گرفتار

    ٹبہ سلطان پور: پولیس نے چک نمبر 88 ڈبلیوبی میں کارروائی کرتے ہوئے 7 سالہ بچی سے مبینہ زیادتی کا ملزم گرفتار کرلیا۔

    اے آر وائی نیوز کے مطابق پولیس نے ملزم کو حراست میں لے کر مقدمہ درج کرلیا ہے، جبکہ مزید قانونی کارروائی کا آغاز کردیا گیا ہے۔

    اس سے قبل لاہور نواب ٹاؤن میں ڈاکٹر نے لڑکی کو مبینہ طور پر جنسی زیادتی کا نشانہ بنادیا، پولیس نے واقعہ کا مقدمہ درج کرلیا ہے۔

    رپورٹ کے مطابق ڈاکٹر عبد الرحمان کیخلاف نواب ٹاؤن تھانے میں مقدمے کا اندراج کرلیا گیا ہے، پولیس نے متاثرہ لڑکی کی مدعیت میں مقدمہ درج کرکے کارروائی شروع کردی ہے۔

    ایف آئی آر کے متن کے مطابق ڈاکٹر عبد الرحمان کا لڑکی سے رابطہ شادی سے متعلق ایک ایپلیکشن ایپ پر ہوا، ڈاکٹر نے لڑکی کو اسپتال کے کیفے میں بلایا، زبردستی نواب ٹاؤن لے گیا اور زیادتی کا نشانہ بنادیا۔

    نوکری کا جھانسہ دیکر خاتون سے اجتماعی زیادتی

    پولیس ذرائع کے مطابق متاثرہ لڑکی کامیڈیکل کرایا جا رہا ہے، ملزم کو بھی جلد گرفتار کرلیا جائے گا۔

  • نوکری کا جھانسہ دیکر خاتون سے اجتماعی زیادتی

    نوکری کا جھانسہ دیکر خاتون سے اجتماعی زیادتی

    بھارت میں خواتین کے ساتھ زیادتی کے واقعات میں ہر گزرتے دن کے مزید اضافہ ہورہا ہے، مدھیہ پردیش میں خاتون کو نوکری کا جھانسہ دیکر اجتماعی زیادتی کا نشانہ بنادیا گیا۔

    بین الاقوامی خبر رساں ادارے کی رپورٹ کے مطابق وزیر اعلیٰ کے آبائی ضلع میں کام کی تلاش میں آئی ایک قبائلی خاتون کو اجتماعی زیادتی کا نشانہ بنا دیا گیا ۔

    رپورٹ کے مطابق دو ملزمان نے کام دلوانے کے بہانے خاتون کو اجین سے تقریباً 20 کلومیٹر دور تاجپور لے جا کر اجتماعی زیادتی کا نشانہ بنایا۔

    پولیس ذرائع کے مطابق تھانہ حلقہ میں ایک خاتون کے نیم برہنہ حالت میں گھومنے کی اطلاع موصول ہوئی تھی، معلوم ہوا کہ خاتون کے ساتھ کسی نے زیادتی کی ہے۔

    تحقیقات کی گئی تو یہ خبر درست ثابت ہوئی اور پولیس نے فوری کارروائی کرتے ہوئے ملزمان کو حراست میں لے لیا ہے۔

    تھانہ انچارج کے مطابق دو عاشق و معشوق گھر سے بھاگ گئے تھے، پہلے انھوں نے شادی کی، اور پھر اندور سے اجین پہنچ گئے۔ یہاں پر دونوں کام کی تلاش میں اندرا نگر میں گھوم رہے تھے۔

    نوکری کیا گئی، بیوی نے بھی ساتھ چھوڑ دیا۔۔ شوہر کا انتہائی اقدام

    اسی دوران ایک روی نام کے لڑکے نے دونوں کو کام دینے کا جھانسہ دے کر اپنی موٹر سائیکل پر بٹھایا اور تاجپور لے گیا۔ جوڑا یہ سمجھا کہ اب ہم ہنسی خوشی زندگی بسر کریں گے، مگر روی نے ان کے ساتھ فریب کیا۔

  • 6 سالہ معصوم بچی زیادتی کے بعد قتل، اغواء کی ویڈیو سامنے آگئی

    6 سالہ معصوم بچی زیادتی کے بعد قتل، اغواء کی ویڈیو سامنے آگئی

    بھارت میں معصوم بچیوں کے ساتھ زیادتی کے بعد قتل کے واقعات تشویشناک حد تک بڑھ گئے، ایک اور افسوسناک واقعے میں 6 سالہ معصوم بچی کو زیادتی کے بعد بے دردی سے قتل کردیا گیا۔

    بین الاقوامی خبر رساں ادارے کی رپورٹ کے مطابق تلنگانہ کے پداپلی ضلع میں ایک 6 سالہ معصوم بچی زیادتی کے بعد قتل کردی گئی۔

    سلطان آباد میں واقع ایک رائس مل میں اپنی ماں کے ساتھ سوئی ہوئی 6 سالہ بچی کو اسی مل میں کام کرنے والا ڈرائیور بالرام اٹھا کر رائس مل کے باہر جھاڑیوں میں لے گیا اور بچی کو عصمت ریزی کے بعد قتل کردیا۔

    ماں جب نیند سے بیدار ہوئی تو بچی کو پاس نہ پا کر ساتھیوں کے ہمراہ اطراف کے علاقے میں بیٹی کو تلاش کیا، اس دوران بچی کی نعش جھاڑیوں سے برآمد ہوئی۔

    پولیس نے رائس مل کے سی سی ٹی وی کیمروں کو چیک کیا تو بلرام کو لڑکی کو اپنے کندھے پر اٹھا کر لے جاتے ہوئے دیکھا گیا۔

    ملز ملازمین ملزم کی شناخت کے بعد اسے تشدد کا نشانہ بنانے کے بعد پولیس کے حوالے کردیا، پولیس نے جائے وقوعہ کا معائنہ کیا اور لڑکی کی نعش کو اسپتال منتقل کرکے مقدمہ درج کرلیا گیا ہے۔

    اس سے قبل بھارتی حیدرآباد میں افسوسناک حادثہ رونما ہوا، آرٹی سی بس نے انٹر میڈیٹ کی طالبہ 15 سالہ مسیرا مہوین کو روند ڈالا، جس کے نتیجے میں 15سالہ طالبہ جاں بحق ہوگئی۔

    طالبہ گزشتہ روز یوسف گوڑہ روڈ پرآر ٹی سی بس سے اترتے ہوئے توازن کھو بیٹھی جس کے نتیجے میں لڑکی بس کے ٹائروں کی نیچے آ کر حادثے کا شکار ہوگئی۔

    ریسکیو حکام کے مطابق بچی کا موقع پر ہی انتقال ہوگیا تھا، جس کی لاش کو اسپتال منتقل کردیا گیا ہے، متوفی خانگی جونیئر کالج یوسف گوڑہ میں فرسٹ ایئر کی طالبہ تھی، پولیس نے واقعے کا مقدمہ درج کرلیا ہے۔

  • آگرہ میں سادھو کی معذور خاتون سے زیادتی

    آگرہ میں سادھو کی معذور خاتون سے زیادتی

    آگرہ: ٹرانس یمنا تھانہ پولیس نے کارروائی کرتے ہوئے ایک معذور خاتون سے جنسی زیادتی اور بلیک میلنگ کے الزام میں مفرور سادھو ماروتی بابا کوحراست میں لے لیا۔

    بین الاقوامی خبر رساں ادارے کی رپورٹ کے مطابق سادھو کو بدھ کی شام دیر گئے ورنداون میں کارروائی کے دوران حراست میں لیا گیا، واضح رہے کہ ماروتی بابا کے نام سے مشہور کتھا واچک معذور خاتون سے جنسی زیادتی کے بعد فرار تھا اور ورنداون میں جاکر چھپ گیا تھا۔

    پولیس کے مطابق اس کیس میں بابا کی ایک شاگرد پر بھی الزام ہے، جس کی گرفتاری کے لئے چھاپے مارے جارہے ہیں، ملزم کو آج عدالت میں پیش کیا جائے گا۔

    رپورٹس کے مطابق ماروتی بابا کی ایک شاگرد کو اس بات کا علم ہے کہ بابا نے اس معذور خاتون کو جنسی زیادتی کا نشانہ بنایا۔ یہی نہیں اس نے اپنے جرم کو چھپانے کے لئے متاثرہ کو دھمکی بھی دی کہ اس بات کو خاموشی سے ختم کر دیا جائے، ورنہ انجام اچھا نہیں ہوگا۔

    متاثرہ خاتون کے مطابق ملزم نے اس سے قبل بھی یہ حرکت انجام دینے کی کوشش کی تھی مگر وہ اس میں کامیاب نہیں ہو پایا تھا۔

    ایک اور واقعے میں بھارتی شہر متھرا کے مہاواں پولیس حکام نے یمنا ایکسپریس وے کے قریب ملزم کو پکڑا، ملزم تنہا خواتین کو لفٹ دینے کے بہانے موٹر سائیکل پر بٹھاتا تھا، خاتون سے زیورات، رقم لوٹنے کے بعد عصمت دری کرتا تھا۔

    پولیس کا کہنا ہے کہ جب ملزم کو اس کی گرفتاری کا پتہ چلا تو وہ بھاگنے لگا اس دوان پولیس نے اس کی دونوں ٹانگوں میں تین گولیاں لگیں جس کے بعد اسے گرفتار کرلیا گیا۔

    ساس کو 95 بار چاقو گھونپنے والی بہو کو سزا ہوگئی

    بھاری پولیس کا اس حوالے سے کہنا تھا کہ مجرم منوج گاؤں شیر گڑھ کا رہنے والا تھا، اس کے پاس سے مسروقہ موٹر سائیکل، پستول وغیرہ بھی برآمد ہوا ہے جبکہ پولیس کافی دنوں سے اس کی تلاش میں تھی۔

  • لاہور میں ڈاکٹر کی لڑکی سے مبینہ زیادتی

    لاہور میں ڈاکٹر کی لڑکی سے مبینہ زیادتی

    لاہور: نواب ٹاؤن میں ڈاکٹر نے لڑکی کو مبینہ طور پر جنسی زیادتی کا نشانہ بنادیا، پولیس نے واقعہ کا مقدمہ درج کرلیا ہے۔

    اے آر وائی نیوز کے مطابق ڈاکٹر عبد الرحمان کیخلاف نواب ٹاؤن تھانے میں مقدمے کا اندراج کرلیا گیا ہے، پولیس نے متاثرہ لڑکی کی مدعیت میں مقدمہ درج کرکے کارروائی شروع کردی ہے۔

    ایف آئی آر کے متن کے مطابق ڈاکٹر عبد الرحمان کا لڑکی سے رابطہ شادی سے متعلق ایک ایپلیکشن ایپ پر ہوا، ڈاکٹر نے لڑکی کو اسپتال کے کیفے میں بلایا، زبردستی نواب ٹاؤن لے گیا اور زیادتی کا نشانہ بنادیا۔

    پولیس ذرائع کے مطابق متاثرہ لڑکی کامیڈیکل کرایا جا رہا ہے، ملزم کو بھی جلد گرفتار کرلیا جائے گا۔

    اس سے قبل قصور کے علاقے الہٰ آباد میں 6 بچوں کی ماں کو 3 ملزمان نے گن پوائٹ پر زیادتی کا نشانہ بنا دیا تھا۔

    اے آر وائی نیوز کے مطابق ایف آئی آر کے متن کے مطابق خاتون کھیتوں میں کام کیلئے گئی تھی جہاں 3 ملزمان نے اسے یرغمال بنالیا۔

    متن کے مطابق ملزمان میں رضوان، سلمان اور منظور نے گن پوائنٹ پر یرغمال بنایا اور زیادتی کی، اس دوران ملزمان موبائل سے ویڈیو بھی بناتے رہے۔

    متاثرہ خاتون کے شوہر نے الزام عائد کرتے ہوئے کہا ہے کہ پولیس نے با اثر ملزمان کو بچانے کے لئے میڈیکل کرایا نہ ہی زیادتی کی دفعہ لگائی۔

    لفٹ دینے کے بہانے خواتین کو زیادتی کا نشانہ بنانے والے کے ساتھ کیا ہوا؟

    شوہر کا کہنا ہے کہ با اثر ملزمان صلح کیلیے دباؤ ڈال رہے ہیں، انکار پر بیوی کو اغوا کرکے لیے گئے، جبکہ صلح نہ کرنے پر بیوی کی لاش ملنے کی دھمکیاں دی جارہی ہیں۔