ARYNews.tv | Urdu – Har Lamha Bakhabar

Tag: زیادتی

  • لاہور: بیٹی سے مبینہ زیادتی کرنے والا باپ گرفتار

    لاہور: بیٹی سے مبینہ زیادتی کرنے والا باپ گرفتار

    لاہور: صوبہ پنجاب کے دارالحکومت لاہور میں 14 سالہ بیٹی سے مبینہ زیادتی کرنے والے باپ کو گرفتار کرلیا گیا، ملزم 2 سال سے بچی کو زیادتی کا نشانہ بنا رہا تھا۔

    تفصیلات کے مطابق لاہور کے علاقے اقبال ٹاؤن میں پولیس نے کارروائی کرتے ہوئے بیٹی سے مبینہ زیادتی کرنے والے باپ کو گرفتار کرلیا۔

    پولیس کا کہنا ہے کہ ملزم عبد الرشید کے خلاف درخواست بچی کی نانی نے دی، درخواست پر مقدمہ درج کر کے ملزم کو گرفتار کیا گیا۔

    درخواست میں کہا گیا ہے کہ متاثرہ بچی کی والدہ نے 4 سال قبل دوسری شادی کر لی تھی، ملزم 5 سالہ بیٹے اور 14 سالہ بیٹی کے ہمراہ گھر میں رہتا تھا۔

    پولیس کے مطابق ملزم 2 سال سے بچی کو زیادتی کا نشانہ بنا رہا تھا۔

    پولیس نے مقدمہ درج کر کے ملزم کو گرفتار کرلیا ہے اور واقعے کی تفتیش جاری ہے۔

  • اوکاڑہ : لڑکی سے اغوا کے بعد کئی روز تک زیادتی ، مقدمہ درج

    اوکاڑہ : لڑکی سے اغوا کے بعد کئی روز تک زیادتی ، مقدمہ درج

    اوکاڑہ : نواحی قصبہ کوہلہ میں مسلح ملزمان نے گھر میں گھس کر لوٹ مار کی اور جاتے ہوئے نوجوان لڑکی کو اغواء کر کے لے گئے، لڑکی کو کئی روز تک زیادتی کا نشانہ بنایا جاتا رہا۔

    تفصیلات کے مطابق پنجاب ‌میں جنسی زیادتی کے واقعات میں تشویشناک حد تک اضافہ ہو رہا ہے ، صوبے میں لڑکی کے اغوا کے بعد زیادتی کا ایک اور افسوسناک واقعہ پیش آیا۔

    شہر اوکاڑہ کے نواحی قصبہ کوہلہ سے لڑکی کو اغوا کے بعد کئی روز تک زیادتی کا نشانہ بنایا گیا ، کار سوار ملزمان علی حسن،عمران اور اس کے ساتھی6 ستمبر کو گھر میں داخل ہوئے ، گھر سے طلائی زیورات، نقدی لوٹنے کے ساتھ لڑکی کو بھی اغوا کرکے لے گئے۔

    مزاحمت پر ملزمان کی طرف سے اہل خانہ کو قتل کی دھمکی دی گئی جبکہ ملزمان نے لڑکی سے زبردستی دستاویزات پر انگوٹھے بھی لگوائے۔

    راوی پولیس نے متاثرہ لڑکی کی مدعیت میں مقدمہ درج کرلیا ہے۔

  • میانوالی میں 13 سالہ بچہ زیادتی اور تشدد کے بعد قتل

    میانوالی میں 13 سالہ بچہ زیادتی اور تشدد کے بعد قتل

    لاہور: صوبہ پنجاب کے شہر میانوالی میں 13 سالہ بچے کی تشدد زدہ لاش برآمد ہوئی ہے، پولیس کا کہنا ہے کہ بچے کو زیادتی کے بعد قتل کیا گیا ہے۔

    تفصیلات کے مطابق میانوالی کے علاقے بالا شریف میں 13 سالہ بچے کی تشدد زدہ لاش ملی ہے۔ پولیس کا کہنا ہے کہ لاش پوسٹ مارٹم کے لیے اسپتال منتقل کردی گئی ہے، بچے کو بظاہر زیادتی کے بعد گلا دبا کر قتل کیا گیا۔

    وزیر اعلیٰ پنجاب سردار عثمان بزدار نے واقعے کا نوٹس لیتے ہوئے آر پی او سرگودھا سے رپورٹ طلب کی ہے اور قتل میں ملوث ملزمان کی فوری گرفتاری کا حکم دیا ہے۔

    وزیر اعلیٰ نے ہدایت دی کہ ملزمان کو گرفتار کر کے کارروائی عمل میں لائی جائے، لواحقین کو ہر صورت انصاف فراہم کیا جائے۔

    انہوں نے غمزدہ خاندان سے دلی ہمدردی و اظہار تعزیت کرتے ہوئے انصاف فراہم کرنے کی یقین دہانی بھی کروائی ہے۔

    آئی جی پنجاب نے بھی واقعے کا نوٹس لیتے ہوئے کہا ہے کہ ملزم کو جلد از جلد گرفتار کر کے سخت قانونی کارروائی کی جائے۔ انہوں نے ہدایت کی کہ لواحقین کو انصاف کی فراہمی ترجیحی بنیاد پر یقینی بنائی جائے۔

  • مظفر گڑھ میں لیڈی سب انسپکٹر کے ساتھ زیادتی

    مظفر گڑھ میں لیڈی سب انسپکٹر کے ساتھ زیادتی

    مظفر گڑھ: صوبہ پنجاب کے شہر مظفر گڑھ میں پولیس کی لیڈی سب انسپکٹر کو اغوا کے بعد زیادتی کا نشانہ بنا دیا گیا، ملزم کی گرفتاری کے لیے چھاپے مارے جا رہے ہیں۔

    تفصیلات کے مطابق صوبہ پنجاب کے شہر مظفر گڑھ میں پولیس کی لیڈی سب انسپکٹر کو مبینہ اغوا کے بعد زیادتی کا نشانہ بنایا گیا، واقعے کا مقدمہ درج کرلیا گیا ہے۔

    پولیس کا کہنا ہے کہ زیادتی کا شکار سب انسپکٹر کو زخمی حالت میں اسپتال منتقل کیا گیا ہے، لیڈی انسپکٹر کو تھانہ صدر کے قریب سے مبینہ طور پر اغوا کیا گیا، سب انسپکٹر کیس کی تفتیش کے لیے رکشے میں تھانے آرہی تھیں۔

    پولیس کے مطابق کاشف نامی مسلح ملزم لیڈی انسپکٹر کو چمن بائی پاس کے قریب باغات میں لے گیا جہاں اس نے انسپکٹر کو زیادتی اور تشدد کا نشانہ بنایا، بعد ازاں ملزم زخمی لیڈی انسپکٹر کو موقع پر چھوڑ کر فرار ہوگیا۔

    پولیس کا کہنا ہے کہ ملزم کی کار برآمد کرلی گئی ہے اور اس کی گرفتاری کے لیے چھاپے مارے جا رہے ہیں۔

    دوسری جانب انسپکٹر جنرل (آئی جی) پنجاب نے واقعے کا نوٹس لیتے ہوئے آر پی او ڈیرہ غازی خان سے واقعے کی رپورٹ طلب کرلی۔ آئی جی پنجاب نے گرفتار ملزم کے خلاف سخت قانونی کارروائی کا حکم دیا ہے۔

  • خالی اسکول کے اندر گیند لینے جانے والا 4 سالہ بچہ زیادتی کا شکار

    خالی اسکول کے اندر گیند لینے جانے والا 4 سالہ بچہ زیادتی کا شکار

    کراچی: صوبہ سندھ کے دارالحکومت کراچی میں 4 سالہ بچے کو زیادتی کا نشانہ بنا دیا گیا، بچہ خالی اسکول کے اندر گیند لینے گیا تھا جہاں چوکیدار کے بیٹے نے اس کے ساتھ زیادتی کی۔

    تفصیلات کے مطابق کراچی کے علاقے ناظم آباد میں 4 سالہ بچے سے زیادتی کا واقعہ پیش آیا ہے، بچہ کھیل کے دوران اسکول میں جانے والی گیند لینے اندر گیا تھا۔ واقعہ نجی اسکول میں پیش آیا۔

    متاثرہ بچے کے والد کی مدعیت میں مقدمہ درج کرلیا گیا ہے، والد کا کہنا ہے کہ وہ اسکول کے قریب کرائے کے گھر میں رہتے ہیں، میرا بیٹا دیگر بچوں کے ساتھ کھیل رہا تھا۔

    والد کے مطابق اسی دوران گیند اسکول کے اندر گئی تو بیٹا لینے اندر چلا گیا جہاں اسکول چوکیدار کے بیٹے نے بچے کو زیادتی کا نشانہ بنایا۔

    پولیس نے بچے سے زیادتی میں ملوث ملزم کو گرفتار کرلیا ہے۔

  • بچوں سے زیادتی کرنے والوں کو سر عام پھانسی دی جائے: فیصل جاوید

    بچوں سے زیادتی کرنے والوں کو سر عام پھانسی دی جائے: فیصل جاوید

    اسلام آباد: پاکستان تحریک انصاف کے سینیٹر فیصل جاوید کا کہنا ہے کہ بچوں سے زیادتی کرنے والوں کو سر عام پھانسی دینے پر اتفاق رائے پیدا کرنا ناگزیر ہے۔

    تفصیلات کے مطابق سینیٹر فیصل جاوید نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ بچوں سے زیادتی کرنے والوں کو سر عام پھانسی دی جائے، اس پر اتفاق رائے پیدا کرنا ناگزیر ہے۔

    فیصل جاوید کا کہنا تھا کہ بچوں اور خواتین سے زیادتی کرنے والے انسان نہیں، وحشی درندے ہیں، ان درندوں کو نشان عبرت بنانا چاہیئے۔

    اپنے ٹویٹ میں فیصل جاوید نے مزید کہا کہ قانون سازی کے ساتھ ساتھ عملدر آمد، استغاثہ اور سزائیں بہت ضروری ہیں۔

  • میانوالی میں 3 بچوں سے زیادتی، مقدمات درج

    میانوالی میں 3 بچوں سے زیادتی، مقدمات درج

    لاہور: صوبہ پنجاب کے شہر میانوالی میں 3 بچوں سے زیادتی کا واقعہ سامنے آگیا، ملزمان نے ویڈیو بنائی بعد ازاں ایک سال تک بلیک میل کرتے رہے۔

    تفصیلات کے مطابق صوبہ پنجاب کے شہر میانوالی میں 3 بچوں سے زیادتی کی ایف آئی آرز سامنے آگئیں، ملزمان زیادتی کی ویڈیوز بھی بناتے رہے۔

    پہلی ایف آئی آر کے مطابق ملزمان سرفراز اور خرم نے گھر لے جا کر زیادتی کی، ملزمان نے ویڈیو بنائی بعد ازاں ایک سال بلیک میل کرتے رہے۔

    دوسری ایف آئی آر میں درخواست گزار کی جانب سے کہا گیا کہ 10 سالہ بیٹے سے ذیشان، حسن اور حمزہ نے زیادتی کی کوشش کی، ملزمان نے بیٹے کو برہنہ کر کے ویڈیو بھی بنائی۔

    تیسری ایف آئی آر میں 9 سالہ لڑکے سے 2 ملزمان پر زیادتی کا الزام لگایا گیا، درخواست گزار کا کہنا تھا کہ ملزمان حسن اور ذیشان نے 9 سالہ بیٹے سے زیادتی کی۔

    پولسی کا کہنا ہے کہ زیادتی کے تینوں واقعات تھانہ موچھ کی حدود میں پیش آئے، 2 واردتوں میں حسن اور ذیشان نامی ملزم نامزد ہیں، مذکورہ دونوں وارداتیں ذیشان اور حسن کی بیٹھک پر ہوئیں۔

  • بھارت: بچے کی گردن پر چھری رکھ کر ماں کے ساتھ اجتماعی زیادتی

    بھارت: بچے کی گردن پر چھری رکھ کر ماں کے ساتھ اجتماعی زیادتی

    نئی دہلی: بھارت میں اجتماعی جنسی زیادتی کا ایک اور ہولناک واقعہ پیش آگیا، ملزمان نے بچے کی گردن پر چھری رکھ کر ماں کو زیادتی کا نشانہ بنا دیا۔

    بھارتی میڈیا کے مطابق ریاست ہریانہ کے علاقے بلدیو نگر میں خاتون نے پولیس کو رپورٹ درج کروائی کہ وہ امتحانات کی تیاری کے لیے بلدیو نگر سے باڑمیر کے لیے اپنے بچے کے ساتھ روانہ ہوئیں۔

    راستے میں 3 افراد نے انہیں لفٹ کی پیشکش کی، اس کے بعد وہ انہیں اور ان کے بچے کو ایک سنسان مکان میں لے گئے۔ متاثرہ خاتون کا کہنا ہے کہ ملزمان نے ان کے بچے کی گردن پر چاقو رکھ دیا اور اس کے بعد انہیں زیادتی کا نشانہ بنایا۔

    پولیس نے مقدمہ درج کر کے خاتون کا میڈیکل ٹیسٹ کروایا ہے، معاملے کی مزید تفتیش کی جارہی ہے اور پولیس ملزمان کی تلاشی کے لیے چھاپے مار رہی ہے۔

    یاد رہے کہ اسی ماہ ریاست راجستھان کی مقامی عدالت نے 5 سال کی بچی کو جنسی زیادتی کا شکار بنانے والے ملزم کو پھانسی کی سزا سنائی ہے۔

    اس سے قبل ہریانہ میں ہی 16 سالہ لڑکی کے ساتھ 7 افراد کی 6 ماہ تک اجتماعی زیادتی کا واقعہ بھی سامنے آیا جس کے ملزمان تاحال پولیس کی گرفت میں نہیں آسکے۔

    بھارت کے نیشنل کرائم ریکارڈ بیورو کے مطابق خواتین سے جنسی زیادتی بھارت کا چوتھا بڑا اور عام جرم بن چکی ہے، سنہ 2019 میں ملک بھر میں زیادتی کے 32 ہزار 33 واقعات رپورٹ کیے گئے، یعنی روزانہ 88 خواتین / بچیوں کو جنسی زیادتی کا نشانہ بنایا گیا۔

    غیر رپورٹ شدہ واقعات کی تعداد اس کے علاوہ ہے جو ریکارڈ پر نہیں آسکے۔

  • ہراسگی، تشدد اور زیادتی کے واقعات، خواتین کے لیے اچھی خبر

    ہراسگی، تشدد اور زیادتی کے واقعات، خواتین کے لیے اچھی خبر

    راولپنڈی: پولیس نے خواتین کو ہراسگی، گھریلو تشدد اور زیادتی سے تحفظ فراہم کرنے کے لیے خصوصی یونٹ قائم کر دیا۔

    تفصیلات کے مطابق راولپنڈی پولیس کی جانب سے قائم کردہ اپنی طرز کے پہلے یونٹ کا نام ہراسمنٹ رپورٹنگ یونٹ ہے، جہاں خواتین جنسی زیادتی، گھریلو تشدد یا کام کی جگہ پر ہراسگی کی شکایات رپورٹ کر سکیں گی۔

    ہراسمنٹ رپورٹنگ یونٹ خواتین کی شکایات پر ان کی دہلیز پر پہنچ کر سہولیات فراہم کرے گا، شکایت رپورٹ ہونے پر یونٹ خاتون افسر کی سربراہی میں شکایت کنندہ خاتون کے گھر پہنچ کر قانونی کاروائی کا آغاز کریں گی۔

    ترجمان پولیس کے مطابق شکایت رپورٹ کرنے والی خاتون کو کسی بھی مرحلے پر تھانے آنے کی ضرورت نہیں ہوگی، خاتون اگر اپنا نام ظاہر نہ کرنا چاہے تو مقدمہ پولیس کی مدعیت میں درج کیا جاۓ گا۔

    شکایات راولپنڈی پولیس کے یونی ورسل ایکسس نمبر 111CPORWP 111276797 پر کسی بھی وقت نوٹ کروائی جا سکیں گی، ہراسمنٹ رپورٹنگ یونٹ کی انچارج خاتون افسر ہوں گی، جب کہ سینئر افسران براہ راست مانیٹرنگ کریں گے۔

    سی پی او محمد احسن یونس کا کہنا تھا کہ خواتین پر تشدد، زیادتی اور ہراسگی کے معاملے میں راولپنڈی پولیس زیرو ٹالرینس پالیسی پر عمل پیرا ہے، ہراسمنٹ رپورٹنگ یونٹ کا قیام اس کا عملی مظاہرہ ہے، یہ یونٹ خواتین کو معاشرے میں اپنے تمام فرائض سرانجام دینے میں مدد دے گا۔

  • وزیر اعظم عمران خان کا زیادتی کے خلاف سخت قانون لانے کا اعلان

    وزیر اعظم عمران خان کا زیادتی کے خلاف سخت قانون لانے کا اعلان

    اسلام آباد: وزیر اعظم عمران خان نے کشمور واقعے میں بہادری دکھانے والے پولیس اہلکار کو فون کیا اور اسے شاباش دی، وزیر اعظم کا کہنا تھا کہ آئندہ ہفتے انسداد زیادتی سے متعلق سخت قانون لا رہے ہیں۔

    تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر اپنے ٹویٹ میں بتایا کہ انہوں نے کشمور واقعے میں بہادری دکھانے والے پولیس اہلکار کو فون کیا اور اس سے گفتگو کی۔

    وزیر اعظم عمران خان نے اے ایس آئی محمد بخش برڑو اور اس کی بیٹی کو شاباش دی اور کہا کہ قوم کو آپ کی بہادری پر فخر ہے۔

    اپنے ٹویٹ میں وزیر اعظم نے مزید کہا کہ محمد بخش نے پولیس کے مثبت کردار کو اجاگر کیا، تمام نقائص دور کرتے ہوئے آئندہ ہفتے زیادتی کے خلاف ایک سخت اور مجموعی قانون لا رہے ہیں۔

    خیال رہے کہ چند روز قبل کراچی سے ایک خاتون کو نوکری کا جھانسہ دے کر کشمور بلایا گیا جہاں اسے اور اس کی 4 سالہ بیٹی کو کئی روز تک اجتماعی زیادتی کا نشانہ بنایا گیا۔

    ملزمان نے ماں کو چھوڑنے کے بعد بچی اپنے پاس رکھ لی تھی اور ماں سے مزید خواتین لانے کا مطالبہ کیا جس کے بعد متاثرہ خاتون پولیس کے پاس پہنچ گئی۔

    بعد ازاں اے ایس آئی نے محمد بخش برڑو نے اپنی بیٹی سے ملزمان کی بات کروا کر انہیں جھانسہ دے کر ہوٹل پر بلوایا اور گرفتار کرلیا، ملزمان کی نشاندہی پر کمسن بچی کو بھی بازیاب کروا لیا جو اسپتال میں زیر علاج ہے۔

    گزشتہ روز پولیس مرکزی ملزم رفیق ملک کو لے کر ایک اور ملزم کی شناخت و گرفتاری کے لیے پہنچی تو پولیس پارٹی پر اندھا دھند فائرنگ کی گئی جس میں ملزم رفیق ملک شدید زخمی ہوا، رفیق بعد ازاں اسپتال منتقلی کے دوران دم توڑ گیا۔