بالی ووڈ کی معروف ماڈل و اداکارہ گوہر خان اور ان کے شوہر زید دربار نے اپنے مداحوں کے ساتھ ایک بڑی خوشخبری شیئر کی ہے۔
فوٹو اینڈ شیئرنگ ایپ انسٹا گرام پر بھارتی اداکارہ و ماڈل گوہر خان اور ان کے شوہر زید دربار نے اپنے یہاں دوسرے ننھے مہمان کی متوقع آمد سے متعلق پوسٹ شیئر کی ہے۔
View this post on Instagram
انسٹا پر جاری مختصر سی ویڈیو میں بھارتی ریئیلیٹی شو بگ باس 7 کی فاتح گوہر خان اپنے شوہر کے ساتھ خوش گوار موڈ میں ڈانس کرتے دیکھا جا سکتا ہے، ویڈیو میں اداکارہ گوہر خان اور زید دربار نے انکشاف کیا ہے کہ ان کے یہاں جَلد دوسری اولاد کی پیدائش متوقع ہے۔
گوہر خان اور بھارتی انفلوئنسر زید دربار نے اپنی اس پوسٹ کے کیپشن میں لکھا ہے کہ بسم اللّٰہ، آپ کی دعاؤں اور محبتوں کی ضرورت ہے، اس اعلان کے بعد نامور شخصیات کی جانب سے مبارکباد دینے کا سلسلہ جاری ہے۔
یاد رہے کہ اداکارہ گوہر خان اور زید دربار نے 2020 میں شادی کی تھی جبکہ ان کے یہاں 2023 کی مئی میں پہلے بیٹے کی پیدائش ہوئی تھی۔
