Tag: زیرو

ممبئی: بالی ووڈ کی نئی فلم زیرو دنیا بھر میں ریلیز کردی گئی جس کے بعد شائقین کا ملا جلا ردعمل سامنے آرہا ہے۔

تفصیلات کے مطابق آنند ایل رائے کی ہدایت کاری میں بنائی جانے والی فلم میں شاہ رخ خان (باؤا سنگھ) ، انوشکا شرما (عافیہ) اور کترینہ کیف (حسن جہاں ببیتا) کا کردار ادا کررہی ہیں۔

فلم کے بارے میں دعویٰ کیا گیا تھا کہ یہ ایک منفرد کہانی ہے جسے شائقین پسند کریں گے مگر سینیما گھروں کی زینت بننے کے بعد ’زیرو‘ فلم بینوں کو متاثر کرنے میں ناکام نظر آئی۔

مزید پڑھیں: فلم ’زیرو‘ سے کیا سبق ملتا ہے؟ کنگ خان نے بتادیا

بالی ووڈ ہدایت کارہ اور کوریئو گرافر فرح خان نے زیرو کی ریلیز پر شاہ رخ خان کی اور اپنی ایک تصویر شیئر کرتے ہوئے فلم کے لیے نیک خواہشات کا اظہار کیا۔

بالی ووڈ فلم رئیس کے ڈائریکٹر راہول ڈھولکیا نے شاہ رخ خان اور زیرو کی پوری ٹیم کے لیے نیک خواہشات کا اظہار کیا۔

May the Audience be with you ! @iamsrk Sir !! Best wishes to the Team #Zero @Mdzeeshanayyub @aanandlrai

— rahul dholakia (@rahuldholakia) December 21, 2018

بالی ووڈ اداکار عمران ہاشمی نے سماجی رابطے کی ویب سائٹ پر ٹویٹ کیا کہ ’فلم پر تنقید اور مثبت رائے کا اظہار ہی دراصل شاہ رخ خان اور اُن کی ٹیم کی کامیابی ہے۔

بالی ووڈ فلم ناقد ترن آدرش نے فلم کو ناکام قرار دیتے ہوئے مایوسی کا اظہار کیااور زیرو کو ایک اسٹار دیا۔ علاوہ ازیں سماجی رابطے کی ویب سائٹ پر صارفین بھی اپنا ردعمل ظاہر کررہے ہیں۔

#OneWordReview…#Zero: FIASCO

Rating: ⭐️ ½

Expected so much from this collaboration [SRK and director Aanand L Rai]… Sadly, the flawed writing – especially the second hour – takes the film downhill… EPIC DISAPPOINTMENT… #ZeroReview pic.twitter.com/Hzo1oepata

— taran adarsh (@taran_adarsh) December 21, 2018

مختصر کہانی 

فلم زیرو میں شاہ رخ خان پستہ قد شخص کا کردار ادا کررہے ہیں جو ذہنی معذور لڑکی عافیہ کی محبت میں گرفتار ہوجاتے ہیں، بعد ازاں ان کی ملاقات ڈانسر حسن جہاں ببیتا سے ہوتی ہے۔

مزید پڑھیں: فلم زیرو: مسٹرپرفیکٹ کنگ خان کی اداکاری کے معترف

ایک موقع پر باؤا سنگھ عافیہ کی تصویر دیکھ کر اُسے پانے کی خواہش کرتے ہیں، جیسے ہی وہ محبت کا اظہار کرنے کے لیے ایک اسکول پہنچتے ہیں تو اُن کی آنکھیں کھلی رہ جاتی ہیں کیونکہ عافیہ دولت مند باپ کی بیٹی تو ہے مگر فالج کے باعث وہیل چیئر پر معذوری کی زندگی گزار رہی ہے۔

دوسری جانب ہدایت کار آنند ایل رائے اور فلم کی کاسٹ نے شائقین کے ملے جلے ردعمل پر خوشی کا اظہار کرتے ہوئے کہا کہ ’آج پہلا روز ہے، آئندہ دنوں میں زیرو باکس آفس پر چھا جائے گی کیونکہ یہ منفرد کہانی ہے‘۔

ممبئی: بالی ووڈ اداکار شاہ رخ خان نے اپنی نئی آنے والی فلم ’زیرو‘ بنانے اور اس میں پستہ قد شخص کا کردار ادا کرنے کی وجہ بتا دی۔

بھارتی میڈیا کو انٹرویو دیتے ہوئے کنگ خان کا کہنا تھا کہ ’فلم سے یہ پیغام دینے کی کوشش کی گئی کہ آپ اپنے اردگرد رہنے والے تمام لوگوں کو یکساں ترجیح دیں چاہیے کسی کا قد چھوٹا ہو یا پھر کوئی مفلوج ہی کیوں نہ ہو‘۔

زیرو پر اٹھنے والے سوالات پر کنگ خان کا کہنا تھا کہ  آنند ایل رائے اور ہمانشو نے فلم کی کہانی لکھی اور سب سے پہلے اپنے خیال کے بارے میں مجھے آگاہ کیا کہ وہ کیا چاہتے ہیں؟ اور پستہ قد کے شخص کو ہی فلم میں مرکزی کردار کیوں دیا گیا۔

اُن کا کہنا تھا کہ ’کترینہ کی انرجی کے ساتھ میرے لیے ڈانس کرنا بہت مشکل تھا مگر ہدایت کار نے میرا حوصلہ بڑھایا اور پھر بتایا کہ زیرو میں انوشکا بھی ہے جو ایک مفلوج خاتون کا کردار ادا کررہی ہے‘۔

ویڈیو دیکھیں: زیرو کا دوسرا گانا ریلیز، شاہ رخ اور سلمان کے جلوے

’وہیل چیئر پر رومانوں مناظر عکس بند کروانا میری زندگی کا انوکھا تجربہ تھا اور خدشہ تھا کہ کہیں لوگ اس پر سوالات نہ اٹھائیں مگر آنند ایل رائے کی بات ذہن میں آئی تو میں نے ہامی بھر دی‘۔

شاہ رخ خان کا کہنا تھا کہ ’ایک معذور لڑکی کے بھی جذبات ہوتے ہیں، اگر وہ کسی وجہ سے بیمار ہوگئی تو اس کا ہرگز یہ مقصد نہیں کہ اُس کی زندگی ختم ہوچکی، ہم نے فلم کے ذریعے لوگوں کو یہی پیغام دینے کی کوشش کی کہ وہ اپنے اردگرد رہنے والے تمام لوگوں کو برابری کی بنیاد پر ترجیح دیں اور اُن کے ساتھ معیانہ رویہ اختیار کریں‘۔

کنگ خان کا مزید کہنا تھا کہ ’میرے لیے پستہ شخص کا کردار ادا کرنا بہت ہی زیادہ مشکل تھا مگر ٹیکنالوجی نے اس ضمن میں بہت مدد کی اور ہمیں کچھ ایسی ماہرین کی خدمات بھی حاصل رہیں جن کی وجہ سے یہ سب کچھ ممکن ہوا، فلم کی شوٹنگ کے دوران مجھے کچھ تکنیکی معلومات بھی ملیں‘۔

باؤا سنگھ کے بارے میں گفتگو کرتے ہوئے کنگ خان کا کہنا تھا کہ ’یہ ایک ایسا آدمی ہے جسے سب لوگ کمتر شخص کی حیثیت سے دیکھتے ہیں، یہ ایسا کردار تھا جسے میں زندگی بھر فراموش نہیں کرسکتا مگر افسوس اس بات کا بھی ہے کہ لوگ پوچھتے ہیں یہ چھوٹے قد والا شخص کون ہے؟۔

یہ بھی دیکھیں: فلم ’زیرو‘ ’معذور لڑکی کی سچی محبت کو ٹھکرانے والا پستہ قد شخص‘

شاہ رخ خان کا مزید کہنا تھا کہ مجھے امید ہے شائقین فلم دیکھ کر  سمجھیں گے کہ ہر شخص کے ساتھ ایک جذباتی کیفیت وابستہ ہوتی ہے بے شک وہ  جسمانی یا ذہنی معذور ہی کیوں نہ ہو۔

یاد رہے کہ ریڈ چلی پروڈکشن کے بینر تلے بنائی جانے والی زیرو 21 دسمبر کو ریلیز ہونے جارہی ہے، جس کے ہدایت کار آنند ایل رائے ہیں، اس میں کنگ خان کے ساتھ انوشکا شرما اور کترینہ کیف سمیت دیگر اداکار کردار ادا کرتے نظر آئیں گے۔