Tag: زینب قتل

اسلام آباد : پاکستان تحریک انصاف عمران خان نے زینب کے قتل کوانتہائی افسوسناک واقعہ قراردیتے ہوئے اپنے وڈیو پیغام میں کہامعصوم بچی کاقتل ہرپاکستانی کادکھ ہے، مظاہرین پر فائرنگ کی مذمت کرتے ہوئے کہا کہ سانحہ ماڈل ٹاؤن کے ذمہ داروں کو سزا ملتی تو یہ واقعہ نہ ہوتا۔

تفصیلات کے مطابق چیئرمین پی ٹی آئی عمران خان نے معصوم بچی زینب قتل واقعے پر ویڈیو پیغام میں کہا کہ معصوم زینب کے قتل پرساری قوم صدمے میں ہے، یہ دکھ صرف والدین کا نہیں ہرپاکستانی کاہے، مجھےیہی خوف ہے ہمارامعاشرہ کہاں جارہاہے۔

عمران خان کا کہنا تھا کہ قصورمیں یہ پہلاواقعہ نہیں، پہلے بھی واقعات ہوتے رہے ہیں، پولیس نے نہتے لوگوں پر گولیاں چلائیں، پولیس لوگوں کی محافظ ہے یا قاتل، پنجاب کی پولیس کبھی ٹھیک نہیں ہوگی۔

My message on the horrific Kasur tragedy and the police brutality that ensued. #JusticeForZainab pic.twitter.com/3c7WMmLF0f

— Imran Khan (@ImranKhanPTI) January 10, 2018

انھوں نے کہا کہ پولیس میں سیاسی اثرورسوخ ختم ہونےتک کچھ ٹھیک نہیں ہوگا، جب تک رائیونڈسےحکم جاری ہونگےماڈل ٹاون، قصورجیسے واقعات ہونگے، کے پی کے پولیس غیرسیاسی ہےاس لئےوہاں ایسےواقعات نہیں ہوتے۔

چیئرمین پی ٹی آئی کا کہنا تھا کہ شریفوں نےملک کی پولیس کوتباہ کردیاہے، پنجاب کےلوگ مطالبہ کریں انہیں پروفیشنل پولیس دی جائے، ماڈل ٹاؤن سانحےمیں ملوث اہلکاروں کو سزا ہوتی تویہ نہ ہوتا۔

مزید پڑھیں :  ایک بار پھر ظاہرہوگیا معاشرے میں بچے کتنے غیرمحفوظ ہیں،عمران خان

یاد رہے کہ اس سے قبل بھی عمران خان نے سماجی رابطے کی ویب سائٹ ٹویٹر پر قصور میں بچی سے زیادتی اور قتل کے واقعے کی مذمت کرتے ہوئے کہا کہ ایک بار پھر ظاہرہوگیا معاشرے میں بچے کتنے غیرمحفوظ ہیں، یہ پہلا واقعہ نہیں ، ملزمان کو فوری کیفر کردار تک پہنچانا ہوگا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔