لاہور : انسداد دہشت گردی عدالت میں زین قتل کیس کے مزید تین گواہان منحرف ہوگئے، انسداد دہشت گردی عدالت میں زین قتل کیس کی سماعت ہوئی۔
مقدمےکی مزید تین گواہوں نےمصطفی کانجوسمیت دیگر ملزمان کو پہچاننے سے انکارکر دیا، منحرف ہونے والے گواہان ارشد، اشرف اور سخاوت کا کہناتھا کہ مصطفیٰ کانجو سمیت کسی ملزم کو پہچانتے ہیں نہ ہی کسی کو زین پر فائرنگ کرتے دیکھا۔
یاد رہے کہ اس سے قبل بھی مقدمے کے مدعی سہیل سمیت چھ گواہان بیانات سے منحرف ہوچکے ہیں۔ عدالت نے کیس کی سماعت بارہ اکتوبر تک ملتوی کردی ہے۔
گذشتہ سماعت میں ملزمان کی فائرنگ سےزخمی شخص حسن نےاپنےبیان میں کہا تھا کہ اس پر فائرنگ ضرور ہوئی تھی تاہم فائرنگ کس نے کی، وہ نہیں جانتا جبکہ دوسرے گواہ نے بھی ملزم مصطفی کانجو پہچاننے سے انکارکردیاتھا۔
واضح رہے کہ زین نامی نوجوان کے قتل کا مقدمہ مصطفی کانجو سمیت پانچ ملزمان کے خلاف درج کیا گیا تھا۔
