ساؤتھ انڈین فلم انڈسٹری کی دلکش اداکارہ شری لیلا اور بالی ووڈ اداکار کارتک آریان کی ایک کلپ سوشل میڈیا پر خوب وائرل ہورہی ہے۔
ساؤتھ انڈین فلم انڈسٹری کی دلکش اداکارہ شری لیلا ان دنوں بالی وڈ اداکار کارتک آریان کے ساتھ اپنی بالی وڈ ڈیبیو کی شوٹنگ میں مصروف ہیں۔
View this post on Instagram
بھارتی میڈیا کے مطابق اداکار کارتک اور شری لیلا نے اپنی فلم کے لیے ہندوستان کے شیڈول کی شوٹنگ مکمل کرچکے ہیں، اب ایک کلپ سوشل میڈیا پر وائرل ہے جس میں دونوں اداکاروں کو ایک بڑے ہجوم کے درمیان چلتے ہوئے دیکھا گیا ہے۔
ویڈیو میں دیکھا جاسکتا ہے کہ اسی دوران کارتک کی فلم کی ہیروئن شری لیلا کے ساتھ ایک عجیب واقعہ پیش آتا ہے جس سے کارتک بھی بے خبر نظر آئے۔
ہوا کچھ یوں کہ جب کارتک اور شری لیلا ایک ساتھ چلتے ہوئے آرہے تھے تو ایک جنونی فین نے اداکارہ شری لیلا کو زبردستی پیچھے گھسیٹتا ہے جبکہ ساتھ چلنے والے آریان اس واقعے سے بے خبر ہوکر آگے نکل جاتے ہیں۔
یہ کلپ جیسے ہی سوشل میڈیا پر وائرل ہوئی تو صارفین دیکھ کر آگ بگولہ ہوگئے اور تنقید کا رخ کارتک آریان کی طرف کردیا جبکہ کچھ اداکار کے دفاع میں بولنے لگے۔
